ڈنمارک میں کار اور ٹرین کے درمیان خوفناک حادثے کے باعث ایک شخص ہلاک جبکہ 20 زخمی ہوگئے۔
غیرملکی میڈیا کے مطابق ڈنمارک کے جنوبی قصبے ٹینگلیو میں ایک کار اور ٹرین کے درمیان تصادم سے ایک شخص ہلاک جبکہ 20 زخمی ہوگئے۔
ڈنمارک میں ریل نیٹ ورک انچارج بنڈنمارک نے واقعے کے حوالے سے اپنے بیان میں کہا کہ حادثہ اس وقت ہوا جب ٹرین ریلوے کراسنگ سے گزرتے ہوئے کار سے ٹکرا گئی۔
تفتیشی حکام کا کہنا ہے کہ حادثے کی وجہ ابھی واضح نہیں لیکن بظاہر ایسا محسوس ہوتا ہے جیسے ریل پٹری سے اتری ہو۔
اس سے قبل امریکی ریاست ٹیکساس میں ٹرین حادثے کے باعث مال بردار ٹرین کی پینتیس بوگیاں پٹڑی سے اتر گئیں۔
رپورٹ کے مطابق وائرل وڈیو میں دیکھا جا سکتا ہے کہ پٹڑی کے قریب ریل کی کئی بوگیاں ایک دوسرے کے اوپر پڑی ہیں۔
سعودی عرب: آسمانی بجلی گرنے سے ماں، بیٹی جاں بحق
ایمرجنسی سروسز ڈسٹرکٹ کے مطابق امریکی ریاست ٹیکساس میں پیش آئے واقعے کو ممکنہ طور پر خطرناک مواد سے متعلق خطرے کے طور پر دیکھا جا رہا ہے، تاہم فوری طور پر یہ واضح نہیں ہو سکا کہ ڈبوں میں کیا سامان موجود تھا۔