لاہور : ڈپٹی اسپیکر پنجاب اسمبلی واثق قیوم نے کہا ہے کہ ہمارا نمبر پورا ہے تسلی ہے، ہم نے186کا نمبر کراس کرلیا ہے، عدم اعتماد پر ووٹنگ کل کرائیں گے۔
ان خیالات کا اظہار انہوں نے اے آر وائی نیوز کے پروگرام الیونتھ آور میں میزبان وسیم بادامی سے خصوصی گفتگو کرتے ہوئے کہی۔
واثق قیوم نے کہا کہ اعتماد کے ووٹ کیلئے اسے ایجنڈے پر لانا ضروری ہے، کل ہی کہ دیا تھا کہ ہمارے پاس سرپرائز ہے، بس سرپرائزکے لیے ایک موقع چاہیے تھا وہ موقع ہمیں مل گیا ہے۔
انہوں نے کہا کہ ہمارے نمبرز پورے ہیں ہمیں تسلی ہے کہ ہم نے186کا نمبر کراس کرلیا ہے، ہمارا مقصد نمبر پورے کرنا تھا اور ہم نے اسے شو کرادیا ہے، ہم نے پہلے بھی کہا تھا کہ اعتماد کے ووٹ کیلئے تیار ہیں۔
ایک سوال کے جواب میں ڈپٹی اسپیکر پنجاب اسمبلی نے کہا کہ کل اپنی تیاری کے ساتھ عدالت جائیں گے،
ہم نے کہا تھا ہمارے لوگ مائنس نہیں پلس میں جارہے ہیں، سوال کیا جاتا تھا کہ ہماری تعداد پوری نہیں آج اس کا جواب بھی دے دیا۔
انہوں نے کہا کہ ہاؤس کی کارروائی ایجنڈے کے مطابق چلے گی، نمبرز پورے کرکے دکھا دیئے اب اپوزیشن دوسرا راستہ تلاش کرے گی۔
واثق قیوم کا کہنا تھا کہ فواد چوہدری نے نمبرز سے متعلق جو کہا تھا میں بھی تصدیق کرتا ہوں، کل وزیراعلیٰ پنجاب پر اعتماد کے لیے قرارداد بھی پیش کی جاسکتی ہے۔
ان کا مزید کہنا تھا کہ عدم اعتماد پر ہم ووٹنگ کل کرائیں گے، ابھی ایک اور سرپرائز بھی باقی ہے حکمران اس وقت کا انتظارکریں۔
پی ٹی آئی وکیل نے عدالت کو بتایا کہ ایوان میں 370 ارکان تھے، پرویز الہی کو 186 ووٹ، حمزہ شہبازکو 179 ووٹ ملے،آئینی طور پر پرویزالہٰی وزیراعلیٰ کا الیکشن جیت گئے تھے تاہم ڈپٹی اسپیکر نے ان کے10 ووٹ مسترد کردئیے۔