ڈیرہ بگٹی: گوپٹ کے مقام پر نامعلوم افراد نے گیس پائپ لائن کو دھماکے سے اڑا دیا ، کسندھ کے کئی علاقوں کو گیس کی فراہمی معطل ہو گئی۔
سوئی کے علاقے گوپٹ کے مقام پر سوئی سے کراچی جانے والی 20انچ قطر گیس پائپ لائن کو دھماکے سے اڑادیا گیا جس کے بعد پائپ لائن میں آگ لگ گئی اور کراچی،حیدرآباد سمیت سندھ کے مختلف علاقوں کو گیس کی فراہمی معطل ہو گئی جبکہ پولیس اور ایف سی اہلکاروں نے جائے وقوعہ کو گھیرے میں لے لیا ہے اور امدادی ٹیمیں آگ پے قابو پانے کے لیے روانی ہو چکی ہیں ۔
کوئٹہ: ڈیرہ بگٹی میں گیس پائپ لائن کو دھماکے سے تباہ کردیا گیا جس سے پلانٹ کو گیس کی فراہمی معطل ہوگئی۔
،مقامی انتظامی ذرائع کے مطابق ڈیرہ بگٹی کے علاقے پیرہ کوہ میں اٹھارہ انچ قطر کی گیس پائپ لائن دھماکے سے اڑادی گئی جس سے پلانٹ کو گیس کی فراہمی معطل ہوگئی۔
لیویز حکام نے بتایا ہے کہ دھماکے میں بڑی مقدار میں بارود استعمال کیا گیا جس سے پائپ لائن کا کافی حصہ متاثر ہوگیا ہے۔
پی پی ایل کے مقامی ذرائع کا کہنا ہے کہ پائپ لائن کی دوبارہ مرمت میں چوبیس سے اڑتالیس گھنٹے کا وقت درکار ہوگا اس دوران بعض علاقوں کو گیس کی فراہمی متاثر ہوسکتی ہے
