Tag: designates

  • لاہور شہر کے لئے بڑا اعزاز ،  دنیا کے تخلیقی شہروں میں شامل

    لاہور شہر کے لئے بڑا اعزاز ، دنیا کے تخلیقی شہروں میں شامل

    لاہور : زندہ دلان شہر لاہور کو دنیا کے تخلیقی شہروں میں شامل کرلیا گیا ، یونیسکو کے ڈائریکٹرجنرل کا کہنا ہے کہ لاہورمیں ادب کی پھلتی پھولتی روایات اور شہر کی تاریخی عمارتیں اورثقافت کی وجہ سے یہ تخلیقی شہرہے۔

    تفصیلات کے مطابق زندہ دلان شہر لاہور کو بڑا اعزاز مل گیا ، یونیسکو نے لاہور کو دنیا کے تخلیقی شہروں میں شامل کرلیا، عالمی ثقافتی ورثے کی تنظیم یونیسکو نے لاہور کو ادب کے درجے میں شامل کیا۔

    یونیسکوکے ڈائریکٹرجنرل اوڈرے ازولے کے مطابق لاہور میں ادب کی پھلتی پھولتی روایات اورشہر کی تاریخی عمارتیں اورثقافت کی وجہ سے یہ تخلیقی شہر ہے، اس کیٹیگری میں دنیا بھر کے چھیاسٹھ شہر شامل ہیں۔

    آدرے آزولے کا کہنا تھا کہ پوری دنیا میں یہ شہر ثقافت کو اپنی حکمت عملی کا ایک ستون بناتے ہیں اور یہ سیاسی اور معاشرتی جدت کے حق میں ہیں جو نوجوان نسل کے لئے انتہائی اہم ہے۔ ان نئے شہروں کے اعلان کے بعد اب یونیسکو کے تخلیقی شہروں کے نیٹ ورک کی کل تعداد 246 ہوگئی ہے۔

    انھوں نے مزید کہا وہ شہر جو اس نیٹ ورک کا حصہ بنتے ہیں تمام براعظموں اور خطوں سے مختلف آمدنی اور آبادی پر مشتمل ہوتے ہیں۔ وہ مشترکہ مشن کے حصول کیلئے مل کر کام کرتے ہیں تاکہ پائیدار ترقی کے لئے اقوام متحدہ کے 2030 کے ایجنڈے اور اہداف کو حاصل کیا جاسکے۔

    دوسری جانب کمشنر کا کہنا ہے کہ لاہور یونیسکو کریٹیو سٹی نیٹ ورک میں شامل ہوا ، لاہور پہلا شہر ہے جس کو عالمی سطح پر اعزاز ملاہے، رواں سال یونیسکو کریٹیو سٹی میں لاہور سمیت 66 شہروں کو شامل کیا گیا، ہمیں دعوت ملی تھی جس کے بعد ہم نے درخواست دی۔

    یاد رہے رواں سال جولائی میں پاکستان تاریخی شالا مارباغ کو خطرناک عمارتوں میں شامل ہونے سے بچانے میں کام یاب ہو گیا تھا اور عالمی ورثہ کمیٹی نے پاکستان کا مؤقف تسلیم کرلیا تھا۔

    واضح رہے کہ یونیسکو اقوام متحدہ کا ایک ادارہ ہے جو عالمی سطح پر تعلیم، سائنس اور ثقافت سے متعلق معاملات دیکھتا ہے۔

  • امریکہ نے کشمیری رہنماسید صلاح الدین کو عالمی دہشتگرد قرار دے دیا

    امریکہ نے کشمیری رہنماسید صلاح الدین کو عالمی دہشتگرد قرار دے دیا

    واشنگٹن : امریکہ نے آزادی کشمیر کیلئے 28 سال سے جدوجہد کرنے والے رہنما محمد یوسف شاہ عرف سید صلاح الدین کو عالمی دہشت گرد قرار دیدیا۔

    امریکی صدر ٹرمپ نے مودی کی خوشی کیلئے بڑا اعلان کردیا، بھارتی وزیراعظم نریندرمودی ڈونلڈ ٹرمپ سے ملاقات کیلئے وائٹ ہاؤس پہنچے بھی نہیں تھے کہ واشنگٹن نے حزب المجاہدین کے سربراہ کو ایگزیکٹو آرڈر کے تحت عالمی دہشتگرد نامزد کردیا۔

    امریکی محکمہ خارجہ کے مطابق صلاح الدین نے ستمبر2016 میں کشمیر تنازع کے پُرامن حل کی راہ میں رکاوٹ بننے کا عندیہ دینے کے ساتھ کشمیر کو بھارتی فورسز کا قبرستان بنانے کے لیے خودکش بمبار کی تربیت دینے کی بھی دھمکی دی تھی۔

    ایگزیکٹو آرڈر کے سیکشن ون بی کے مطابق خصوصی عالمی دہشتگرد ایسے شخص کو قرار دیا جاتا ہے، جو امریکا اور اس کے شہریوں کی سلامتی کے لیے خطرہ بنے۔

    پابندی کےبعد کسی امریکی کوسید صلاح الدین سے مالی لین دین کی اجازت نہیں ہوگی ۔

    واشنگٹن کے مطابق حزب المجاہدین نے متعدد حملوں کی ذمہ داری بھی قبول کی ہے۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔