ARYNews.tv | Urdu – Har Lamha Bakhabar

Tag: development

  • مختلف وزارتوں کو 129 ارب روپے جاری

    مختلف وزارتوں کو 129 ارب روپے جاری

    اسلام آباد: ملک بھر میں جاری ترقیاتی منصوبوں کی تکمیل کے لیے مختلف وزارتوں کو 129 ارب روپے جاری کردی گئے۔

    تفصیلات کے مطابق چوتھی سہ ماہی کے دوران جاری ترقیاتی منصوبوں کے لیے 129 ارب روپے جاری کردیے گئے جن میں فاٹا، آزاد کشمیر اور گلگت بلتستان میں جاری ترقیاتی منصوبوں کے لیے 27 ارب روپے بھی شامل ہیں۔

    ترقیاتی منصوبوں کے لیے وزارت آبی وسائل کو 30 ارب، وزارت مواصلات کو 22 ارب، وزارت ریلوے کو 8 ارب، ہائر ایجوکیشن کمیشن کو 7 ارب، وزارت توانائی کو 5 ارب جبکہ ہاؤسنگ اینڈ ورکس کو 4 ارب روپے جاری کیے گئے ہیں۔

    رواں سال ترقیاتی بجٹ کے لیے گزشتہ سال سے 50 ارب روپے زائد جاری کیے گئے ہیں، آخری سہ ماہی کے لیے جاری 129 ارب روپے کے بعد مجموعی ترقیاتی بجٹ 600 ارب روپے ہوگیا ہے۔

    ذرائع کا کہنا ہے کہ ملک میں جاری معاشی بحران کے باوجود وزارت منصوبہ بندی نے چوتھی سہ ماہی کی ریلیز کو یقینی بنایا، گزشتہ مالی سال کی آخری سہ ماہی میں ترقیاتی منصوبوں کے لیے کوئی ترقیاتی فنڈز جاری نہیں کیے گئے تھے۔

  • الیکشن سے قبل عوام کو رجھانے کے لیے کروڑوں روپے کی اسکیمیں منظور

    الیکشن سے قبل عوام کو رجھانے کے لیے کروڑوں روپے کی اسکیمیں منظور

    اسلام آباد: عام انتخابات سے قبل عوام کو رجھانے کے لیے کروڑوں روپے کی اسکیمیں منظور کرلی گئیں، ہر رکن قومی اسمبلی اپنے حلقے میں کام کروائے گا۔

    تفصیلات کے مطابق انتخابات سے پہلے اراکین قومی اسمبلی پر نوازشات کی بارش کردی گئی، عام انتخابات سے قبل ہر رکن قومی اسمبلی کو خصوصی اسکیمیں دی جائیں گی۔

    ذرائع کا کہنا ہے کہ ہر رکن قومی اسمبلی کے لیے 50 کروڑ کی اسکیمیں منظور ہوں گی، اسکیمیں ایس ڈی جیز پروگرام کے تحت دی جائیں گی۔

    اسکیموں کے لیے ایس ڈی جیز پروگرام کا فنڈز بڑھانے کا فیصلہ کیا گیا ہے، وفاقی حکومت نے فنڈز میں مزید 17 ارب روپے کا اضافہ کردیا۔

    ذرائع کا کہنا ہے کہ بجٹ میں ایس ڈی جیز پروگرام کے لیے 70 ارب روپے مختص کیے گئے تھے جسے بڑھا کر 87 ارب روپے کردیا گیا۔

  • عمران خان کا ذاتی ایجنڈہ نہیں، ملک کی ترقی ان کا مشن ہے، چوہدری سرور

    عمران خان کا ذاتی ایجنڈہ نہیں، ملک کی ترقی ان کا مشن ہے، چوہدری سرور

    لاہور : گورنر پنجاب چوہدری محمد سرور نے کہا ہے کہ عمران خان کا کوئی ذاتی ایجنڈہ نہیں، ملک کی ترقی ان کا مشن ہے، انشااللہ سی پیک پاکستان کی ترقی اور خوشحالی کا ضامن ثابت ہوگا۔

    یہ بات انہوں نے لاہور میں میڈیا سے گفتگو کرتے ہوئے کہی،گورنرپنجاب کا کہنا تھا کہ ملکی تاریخ میں پہلی بار کوئی حکومت بڑے مافیاز کیخلاف ایکشن لے رہی ہے، ہم اداروں کو سیاسی مداخلت سے پاک اور مضبوط بنارہے ہیں.

    چوہدری سرور نے کہا کہ اپوزیشن جماعتوں کو کورونا وائرس کیخلاف جنگ میں ریاستی اداروں کا ساتھ دینا چاہیے، وزیر اعظم عمران خان کا کوئی ذاتی ایجنڈہ نہیں ملک کی تعمیر و ترقی ان کا مشن ہے۔

    انہوں نے کہا کہ عیدالاضحیٰ اور محرم الحرام کے دوران احتیاطی تدابیر میں لاپرواہی سے کورونا دوبارہ بےقابو ہوسکتا ہے، کورونا سے بچاؤ کیلئے عید سادگی سے منانے کےسوا کوئی آپشن نہیں، کورونا وبا جتنی جلدی ختم ہوگی ملک معاشی طور پر اتنا ہی بہتر اور مظبوط ہوگا۔

    گورنر پنجاب نے ایک سوال کے جواب میں کہا کہ مویشی منڈیوں میں ایس اوپیز پر سختی سے عمل وقت کی ضرورت ہے، کورونا کیخلاف این ڈی ایم اے کا کردار بھی تاریخ کاحصہ رہے گا، انشااللہ سی پیک پاکستان کی ترقی اور خوشحالی کا ضامن ثابت ہوگا۔

  • ایک سال کے دوران ترقیاتی منصوبوں پر 372 ارب روپے خرچ

    ایک سال کے دوران ترقیاتی منصوبوں پر 372 ارب روپے خرچ

    اسلام آباد: حکومت پاکستان نے رواں مالی سال مختلف نوعیت کے منصوبوں پر قومی خزانے سے 372 ارب روپے کی رقم خرچ کی، مزید 200 ارب روپے ترقیاتی منصوبوں پر خرچ کیے جانے ہیں۔

    تفصیلات کے مطابق وفاقی ترقیاتی پروگرام کے ریلیز ہونے والے فنڈز کی تفصیلات جاری کردی گئی، رواں مالی سال کے پہلے ساڑھے 8 ماہ پبلک سیکٹر ڈویلپمنٹ پروگرام (پی ایس ڈی پی) کی مد میں 465 ارب کے فنڈز کا اجرا کیا گیا۔

    حکومت نے وفاقی وزارتوں کے ترقیاتی پروگرام کے لیے 193 ارب کے فنڈز جاری کیے، نیشنل ہائی وے اتھارٹی (این ایچ اے) کے ترقیاتی منصوبوں کے لیے 145 ارب کی رقم جاری کی گئی، سیکیورٹی انتظامات بہتر کرنے کے لیے 38 ارب سے زائد کے فنڈز جاری کیے گئے۔

    دستاویزات کے مطابق صوبہ پختونخواہ میں ضم شدہ اضلاع کے ترقیاتی منصوبوں کے لیے بھی 23 ارب رقم جاری کی گئی، کابینہ ڈویژن کے ترقیاتی منصوبوں کے لیے 30 ارب کے فنڈز جاری کیے گئے۔

    رپورٹ کے مطابق آزاد کشمیر کے لیے 21 ارب، گلگت بلتستان کے ترقیاتی منصوبوں کے لیے 13 ارب اور اعلیٰ تعلیمی کمیشن کے لیے 22 ارب 73 کروڑ روپے سے زائد کی رقم جاری کی گئی۔

    دستاویز میں کہا گیا کہ رواں مالی سال حکومت نے پی ایس ڈی پی کی مد میں 701 ارب مختص کیے ہیں۔

    572 ارب روپے سے زائد منصوبوں کے لیے حکومتی خزانے سے رقم خرچ ہوگی، 128 ارب کی رقم کے منصوبے بیرونی امداد سے مکمل کیے جائیں گے، حکومت نے قومی خزانے سے منصوبوں کے لیے 372 ارب رقم خرچ کی ہے جبکہ بیرونی امداد کے منصوبوں کے لیے اب تک 92 ارب 73 کروڑ کے فنڈز جاری کیے گئے۔

  • پی ٹی آئی حکومت کا جنوبی پنجاب میں پائیدار ترقی کے سفر کا آغاز

    پی ٹی آئی حکومت کا جنوبی پنجاب میں پائیدار ترقی کے سفر کا آغاز

    لاہور: وزیراعلیٰ پنجاب کے سیاسی معاون سید رفاقت علی گیلانی نے کہا ہے کہ حکومت نے پورے پنجاب کے عوام کی قسمت بدلنے کا عزم کیا ہے، پنجاب میں پائےدار ترقی کے سفر کا آغاز ہوچکا ہے ، نئے بجٹ میں جنوبی پنجاب کی ترقی کےلئے 35فیصد فنڈز مختص کررہے ہیں جو ایک ریکارڈ ہے ۔

    تفصیلات کے مطابق ا ن خیالات کا اظہار انہوں نے پی ٹی آئی ورکرز سے گفتگو کرتے ہوئے کیا ، ان کاکہنا تھا کہ ماضی کی طرح عوام کو دھوکا نہیں دیں گے،کام کریں گے۔تعلیم اور صحت کے شعبے میں تبدیلی کے مثبت اثرات سامنے آرہے ہیں ۔

    انہوں نے کہا کہ ضلع لیہ میں تعلیمی و صحت سے وابستہ سرگرمیوں کو اجاگر کرنے کے لئے بہاؤالدین ذکریا یونیورسٹی بہادر سب کیمپس کو نئے سالانہ ترقیاتی پروگرام میں 352.613ملین روپے کی لاگت سے وسعت دی ، خواتین کی تعلیمی سرگرمیوں میں تیزی لانے کے لیے گورنمنٹ ویمن کالج رانجن شاہ تحصیل کروڑ لعل عیسن کا 120.00ملین روپے ،گورنمنٹ اسپیشل ایجوکیشن سنٹر فتح پور تحصیل کروڑ لعل عیسن کے قیام کے لئے 16.500ملین روپے کی خطیر رقم سے قیام عمل میں لایا جائے گا۔

    صحت مند معاشرے کے قیام کے لیے کھیلوں کی سرگرمیاں انتہائی اہمیت کی حامل ہیں۔ اس سلسلے میں تحصیل کروڑ لعل عیسن میں68.420ملین روپے لاگت سے کرکٹ،ہاکی،فٹبال گراؤنڈ واورا سٹیڈیم اور چار دیواری کی تعمیر عمل میں لائی جائے گی۔

    سابق حکمرانوں نے پنجاب کے پسماندہ علاقوں کو یکسر نظر انداز کیااور ماضی کے حکمرانوں کی غلط ترجیحات کے باعث دوردراز علاقوں کے لوگوں کے مسائل میں اضافہ ہوا ۔

    ان کا کیہ بھی کہنا تھا کہ نمائشی حکمرانوں نے ذاتی نمود و نمائش کے منصوبے شروع کیے اور ان منصوبوں کا عوام کو کوئی فائدہ نہیں پہنچا بلکہ قومی وسائل ضائع کیے گئے۔انہوں نے کہا کہ تحریک انصاف کی حکومت نے نئے پاکستان میں عوام کی بنیادی ضروریات پورا کرنے کو اپنا مشن بنایا ہو ا ہے اورحکومت ہر علاقے کی ایک ساتھ اورمتوازن ترقی کی پالیسی پر عمل پیرا ہے ۔

  • اگلے سال ملک میں معاشی ترقی 6 فیصد سے تجاوز کرجائے گی:مفتاح اسماعیل

    اگلے سال ملک میں معاشی ترقی 6 فیصد سے تجاوز کرجائے گی:مفتاح اسماعیل

    اسلام آباد: وزیر خزانہ مفتاح اسماعیل نے کہا ہے کہ اگلے سال ملک میں معاشی ترقی چھ فیصد سے تجاوز کر جائے گی، پاکستان میں سرمایہ کاری کے لیے بے پناہ مواقع ہیں۔

    ان خیالات کا اظہار انہوں نے سرمایہ کاری پر منعقد ایک تقریب سے خطاب کرتے ہوئے کیا، مفتاح اسماعیل کا کہنا تھا کہ پاکستان میں سرمایہ کاری میں منافع کی شرح دیگر ممالک سے بہتر ہے اور مہنگائی میں اضافے کی شرح سنگل ڈیجٹ تک محدود ہے۔

    انہوں نے کہا کہ پانچ سال میں 10ہزار میگاواٹ سے زائد بجلی سسٹم میں آئی، ایسے موثر اقدامات کیے گئے جس کے ذریعے بجلی سسٹم میں شامل ہوئی، مزید کام کر رہے ہیں جلد دیگر مسائل بھی حل ہوجائیں گے۔

    اپوزیشن کا پروپیگنڈا بے بنیاد ہے، ٹیکس چوروں کو نہیں چھوڑیں گے، مفتاح اسماعیل

    وزیر خزانہ کا مزید کہنا تھا کہ لوڈ شیڈنگ صرف لائن لاسز والے علاقوں میں ہے، ایل این جی درآمد کرکے گیس بحران پر بھی قابو پایا گیا، این ایچ اے کو سڑکوں کے لیے 540 ارب روپے دیئے گئے ہیں۔

    خیال رہے کہ گذشتہ دنوں ایک تقریب سے خطاب کرتے ہوئے مفتاح اسماعیل نے کہا تھا کہ پاراچنار میں غیرقانونی منی ایکسچینج بن گئےہیں، غیرقانونی منی ایکسچینج سے ڈالرز کی اسمگلنگ ہورہی ہے، ملک میں غیرملکی کرنسی کی نقل وحرکت پر پابندی لگائیں گے۔

    ٹیکس ایمنسٹی اسکیم کا معاملہ چیف جسٹس پاکستان کی صوابدید پر ہے، مفتاح اسماعیل

    انہوں نے یہ بھی کہا تھا کہ دنیا بھر میں پاکستانی بینکوں کو مسائل کا سامنا ہے، فرانس میں نیشنل بینک کو سات لاکھ ڈالر کا جرمانہ ہوا جبکہ امریکا میں حبیب بینک کو  پچیس کروڑ ڈالر کے جرمانے کا سامنا کرنا پڑا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • وزیراعلیٰ بلوچستان کا کوئٹہ کے متعدد علاقوں کا دورہ، مختلف امور کا جائزہ

    وزیراعلیٰ بلوچستان کا کوئٹہ کے متعدد علاقوں کا دورہ، مختلف امور کا جائزہ

    کوئٹہ: وزیر اعلیٰ بلوچستان عبد القدوس بزنجو نے صوبائی دار الحکومت کے مختلف علاقوں کا دورہ کیا اس دوران انہوں نے صفائی ستھرائی کی صورت حال سمیت مختلف امور کا جائزہ لیا۔

    تفصیلات کے مطابق وزیر اعلیٰ بلوچستان نے کوئٹہ کے جن علاقوں کا دورہ کیا ان میں کواری روڈ، شاہرہ اقبال، فقیر محمد روڈ اور میکانگی روڈ شامل ہیں جہاں انہوں نے صفائی ستھرائی کی صورت حال کا جائزہ لیتے ہوئے اطمینان کا اظہار کیا۔

    عبد القدوس بزنجو نے دورے میں کواری روڈ پر فائر اسٹیشن کا معائنہ کیا جبکہ گوالمنڈی چوک پر گوشت کی دکانوں کا بھی جائزہ لیا، اس دوران انہوں نے انتظامیہ کو نجی قصاب خانے بند کرنے اور اس کے خلاف سخت ایکشن لینے کی ہدایت بھی کی۔

    پرویز الہٰی کی عبد القدوس بزنجو سے ملاقات، سیاسی سفر ساتھ جاری رکھنے کا عزم

    اس موقع پر وزیر اعلیٰ بلوچستان عبد القدوس بزنجو نے کہا کہ عوام کی خدمت میری اولین ترجیح ہے، میں خود کو عوامی نمائندہ سمجھتا ہوں اور لوگوں کے درمیان رہ کر مسائل حل کرنے کا قائل ہوں۔

    ان کا مزید کہنا تھا کہ مجھے اپنے پروٹو کول اور سکیورٹی کی کوئی فکر نہیں، عوامی لوگ عوام کے درمیان رہ کر کام کرنا پسند کرتے ہیں، دن رات ایک کر کے صوبے کے مسائل حل کریں گے۔

    حاصل خان بزنجو جمہوریت کے چیمپئن بننے کی کوشش کررہے ہیں، عبدالقدوس بزنجو

    خیال ہے کہ گذشتہ دنوں وزیر اعلیٰ بلوچستان نے میڈیا سے گفتگو کرتے ہوئے کہا تھا کہ امید ہے چیئرمین سینیٹ صادق سنجرانی بلوچستان کے مسائل پر توجہ دیں گے، صوبے کے عوام محرومی کا شکار تھے، بلوچستان کو اس کا حق دلانے کے لیے لڑیں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • بلوچستان کی ترقی پاکستان کی ترقی ہے: آرمی چیف

    بلوچستان کی ترقی پاکستان کی ترقی ہے: آرمی چیف

    کوئٹہ: آرمی چیف جنرل قمر جاوید باجوہ نے کہا ہے کہ بلوچستان میں جاری ترقیاتی منصوبے عوام کی زندگیاں بدل دیں گے، بلوچستان کی ترقی پاکستان کی ترقی ہے۔

    پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے گوادر کا دورہ کیا اور پینے کے صاف پانی کے منصوبے کا سنگ بنیاد رکھا، جن کے ہمرا وزیر اعلیٰ بلوچستان عبدالقدوس بزنجو، سفیر عرب امارات، کمانڈر سدرن کماندڑ، ڈی جی ایف ڈبلیو او، اور عمائدین بھی موجود تھے۔

    آرمی چیف کی جانب سے ’خوشحال بلوچستان‘ پیکج کا آغاز

    اس موقع آرمی چیف نے کہا کہ بلوچستان میں امن واستحکام کے لیے حکومت سے بھرپور تعاون کر رہے ہیں، صوبے میں ترقی اور امن کے لیے تمام اقدامات کیے جائیں گے، منصوبے عوام کی زندگیاں بدل دیں گے، خوش حال بلوچستان پروگرام سے صوبے میں خوشحالی آئے گی۔

    پاک فوج کے سپہ سالار کا کہنا تھا کہ بلوچستان معاشی حب تب بنے گا جب مقامی آبادی منصوبوں سے مستفید ہوگی، صوبہ خطے کا معاشی حب بننے کی صلاحیت رکھتا ہے، ترقیاتی منصوبوں سے بلوچ عوام کو بھر پور فائدہ ہوگا۔

    علاقائی امن واستحکام کاراستہ افغانستان سےگزرتا ہے: آرمی چیف

    آئی ایس پی آر کے مطابق گوادر میں پلانٹ متحدہ عرب امارات اور سوئس حکومت کے تعاون سے تعمیر کیا جارہا ہے، پلانٹ سے فراہمی آب کی گنجائش یومیہ 8۔8 ملین گیلن تک بڑھائی جاسکتی ہے، جبکہ منصوبے کی تکمیل 6 سے 8 ماہ میں مکمل ہوجائے گی۔

    آئی ایس پی آر کا کہنا تھا کہ مقامی آبادی کو پانی کے حصول کے لیے دور دراز علاقوں تک جانا نہیں پڑے گا، منصوبے سے مقامی آبادی کا دیرینہ مطالبہ پورا ہوگا اور انہیں ابتدائیہ طور پر یومیہ 4۔4 ملین گیلن پانی فراہم کیا جائے گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فاروق ستار کا اصل امتحان اب شروع ہوا ہے، شیخ رشید احمد

    فاروق ستار کا اصل امتحان اب شروع ہوا ہے، شیخ رشید احمد

    راولپنڈی: عوامی لیگ کے سربراہ شیخ رشید احمد نے کہا ہے کہ ڈاکٹر فاروق ستار بہت سمجھدار آدمی ہیں اب اُن کا اصل امتحان شروع ہوا ہے۔

    ان خیالات کا اظہار انہوں نے اے آر وائی سے خصوصی گفتگو کرتے ہوئے کیا، اُن کا کہنا تھا کہ ’’میری خواہش ہے کہ ایم کیو ایم کو کراچی رابطہ کمیٹی چلائے اور لندن کے ایجنٹوں کو کسی صورت اپنے ساتھ نہ رکھے‘‘۔

    شیخ رشید احمد نے کہا کہ ’’ایک کندھا موجود تھا اب اسٹیبلشمنٹ کو دوسرا کاندھا فاروق ستار کی صورت میں بھی مل گیا ہے، اب وقت ہے کہ مہاجروں کو معاشی استحکام دیا جائے اور عوام کو نجات دلائی جائے‘‘۔

    پڑھیں:  ڈاکٹر عامر لیاقت حسین کا ایم کیو ایم چھوڑنے کا اعلان

    عوامی مسلم لیگ سے سربراہ کا کہنا تھا کہ ’’ایم کیو ایم کی قیادت کو ڈاکٹر عشرت العباد اور بابر غوری کو بھی آن بورڈ لینا چاہیے تاکہ مہاجروں کے مسائل کو حل کیا جائے‘‘۔

    مزید پڑھیں: ڈاکٹرفاروق ستارنے صحافیوں کے ساتھ پاکستان زندہ باد کے نعرے لگائے

    شیخ رشید احمد نے گزشتہ روز میڈیا ہاؤسز پر حملے کی مذمت کرتے ہوئے کہا کہ ’’آج کے دور میں سیاسی پارٹیاں میڈیا کے دم سے ہی زندہ ہیں ورنہ تو کسی بھی جماعت کی حرکتیں ایسی نہیں کہ عوام اُن کو سے بات تک کرنا پسند کریں‘‘۔


    I want Farooq Sattar and Karachi RC to run MQM… by arynews

  • وزارت ِخزانہ کے اجلاس میں باسٹھ ارب کے ترقیاتی منصوبے منظور

    وزارت ِخزانہ کے اجلاس میں باسٹھ ارب کے ترقیاتی منصوبے منظور

    devolpment