اسلام آباد : وفاقی وزیر اطلاعات فواد چوہدری کا کہنا ہے کہ منحرف ارکان کو سزا دینا اسی طرح اہم ہے، جیسے ملک کے غداروں کو دی جاتی ہے۔
تفصیلات کے مطابق وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر اپنے پیغام میں کہا کہ آرٹیکل 63-A کے تحت ریفرنس موقع دے رہا ہے کہ ملک سے ہارس ٹریڈنگ اور کرپشن کے ڈرامے ہمیشہ کیلئے ختم ہوں، منحرف ارکان نے اپنی جماعت نہیں ملک کی پیٹھ میں خنجر گھونپا ، انھیں سزا دینا اسی طرح اہم ہے، جیسے ملک کےغداروں کو دی جاتی ہے۔
آرٹیکل 63-A کے تحت ریفرینس سپریم کورٹ کو یہ موقعہ دے رہا ہے کہ ملک میں جاری ہارس ٹریڈنگ، موقعہ پرستی اور کرپشن کے ڈرامے ہمیشہ کیلئے ختم ہو سکیں ، PTI سے منحرف ارکان نے اپنی جماعت نہیں ملک کی پیٹھ میں خنجر گھونپا انھیں سزا دینا اسی طرح اہم ہے جیسے ملک کے غداروں کو دی جاتی ہے
— Ch Fawad Hussain (@fawadchaudhry) March 21, 2022
دوسری جانب اس حوالے سے سینیٹر فیصل جاوید نے اے آر وائی نیوز کے پروگرام باخبر سویرا میں جوارکان عمران خان سےناخوش ہے وہ پارٹی سے استعفیٰ دیں، جو ارکان ناخوش ہے وہ کسی دوسری پارٹی میں جاسکتے ہیں۔
فیصل جاوید کا کہنا تھا کہ معافی کی گنجائش موجود ہےغلطی تسلیم کر لے واپس آجائے،غیرقانونی کام کرنےوالوں کیلئے تاحیات نااہلی موجودہے۔
خیال رہےحکومت نےآرٹیکل63 اے کی تشریح کے لیے صدارتی ریفرنس سپریم کورٹ میں دائرکردیا ہے ، ریفرنس میں آرٹیکل 186 کے تحت چار بنیادی سوالات پر رہنمائی مانگی گئی ہے۔
