Tag: Devis Cup

نورسلطان: ڈیوس کپ فائنل ٹینس ٹورنامنٹ میں سربیا اور برطانیہ کی ٹیموں نے ناک آؤٹ مرحلے میں جگہ بنالی۔

تفصیلات کے مطابق ڈیوس کپ ٹینس ٹورنامنٹ میں سربیا اور برطانیہ کی ٹیموں نے کوارٹرزفائنل کیلیے کوالیفائی کرلیا، برطانیہ نے مینز ڈبل کیٹگری میں قازقستان کو شکست دی، ناک آؤٹ مرحلے میں برطانیہ کا مقابلہ جرمنی سے ہوگا۔

سربیا اور برطانیہ ٹاپ 8 میں شامل ہوگئے، جوکووچ نے سربین ٹیم کو کواٹرز فائنل میں انٹری دلائی۔

اس میگا ایونٹ میں پاکستان کے سینئرز کھلاڑی حصہ نہیں لے رہے، پاکستان ٹینس فیڈریشن(پی ٹی ایف) نے قازقستان میں ہونے والی پاک بھارت ڈیوس کپ ٹائی میں احتجاجاً جونیئر ٹیم کو بھیجنے کا فیصلہ کیا ہے۔

ٹاپ کھلاڑیوں میں اعصام الحق، عقیل خان اور نان پلیئنگ کپتان مصحف ضیا پہلے ہی ایونٹ سے دست بردار ہوچکے ہیں، انہوں نے ڈیوس کپ پاکستان سے منتقل کرنے پر آئی ٹی ایف کے غیر منصفانہ فیصلے کے خلاف بطور احتجاج ایونٹ کابائیکاٹ کیا۔

Advancing into @DavisCupFinals QFs! 🇬🇧 2-1 🇰🇿 #BackTheBrits pic.twitter.com/KoHOfYfIb2

— Neal Skupski (@nealskupski) November 21, 2019

پاکستان کی اپیل مسترد، ڈیوس کپ ٹائی اب قازقستان میں ہوگی

خیال رہے کہ پاکستان نے ڈیوس کپ ٹائی پاکستان میں ہی کرانے کی اپیل کی تھی جو مسترد ہوگئی، ڈیوس کپ ٹائی میں پاکستان اور بھارت کے درمیان مقابلہ29نومبر سے قازقستان کے دارالحکومت نورسلطان (آستانہ) میں شیڈول کیا گیا ہے، پاکستانی ٹینس اسٹار اعصام الحق سمیت عقیل خان، مزمل مرتضیٰ اور محمدعابد بھی ڈیوس کپ ٹائی سے دستبردار ہوچکے ہیں۔

اعصام الحق کا گزشتہ روز کہنا تھا کہ ڈیوس کپ ٹائی سے دستبرداری کا اعلان اسی وجہ سے کیا تھا، پاکستانیوں کا شکریہ جنہوں نے میرے فیصلے کی قدر کی، کھلاڑیوں کا بھی شکریہ جنھوں نے میرے ساتھ قدم ملایا۔

لاہور: پاکستان کے ٹینس اسٹار اعصام الحق نے کہا ہے کہ عالمی ٹینس فیڈریشن کی جانب سے ڈیوس کپ ٹائی کا وینیو پاکستان سے منتقل کرنا غیرمنصفانہ عمل ہے۔

تفصیلات کے مطابق آئی ٹی ایف نے ڈیوس کپ ٹائی کی میزبانی پاکستان سے واپس لے لی ہے، پاکستان اور بھارت کا مقابلہ رواں ماہ کے اختتام پر 29 اور 30 نومبر کو اسلام آباد میں ہونا تھا۔

عالمی ٹینس فیڈریشن کے اس عمل پر اعصام الحق نے افسوس کا اظہار کرتے ہوئے اسے غیرمنصفانہ قرار دیا ہے، ان کا کہنا تھا کہ یہ خبر افسوس ناک اور حیران کن بھی ہے۔

انہوں نے کہا کہ پاکستان میں سیکیورٹی کے کوئی خدشات نہیں ہیں، اس سے قبل سری لنکن ٹیم سیریز کھیل کرگئی، بنگلادیش کی ویمن ٹیم پاکستان میں ہی موجود ہے۔

ٹینس اسٹار کا مزید کہنا تھا کہ حال ہی میں برطانوی جوڑا پاکستان آیا، اس سے یہ ظاہر ہوتا ہے کہ ہمارا ملک ایک پرامن ملک ہے، اس کے باوجود ایسے فیصلوں کا ہونا خوصلہ شکنی کے مترادف ہے۔

واضح رہے کہ آئی ٹی ایف نے پاکستان ٹینس فیڈریشن سے کہا ہے کہ ڈیوس کپ میں بھارت سے مقابلے کے لیے پانچ روز میں نیوٹرل وینیو کا فیصلہ کرے۔

مولانا کے مارچ سے پاکستان کو بڑا نقصان، بھارت کو موقع مل گیا

مولانا مارچ کا فائدہ اٹھاتے ہوئے بھارتی ٹینس ایسوسی ایشن(اے آئی ٹی اے) نے انٹرنیشنل ٹینس فیڈریشن سے مطالبہ کیا تھا کہ وہ میچ کے لیے متبادل میدان کا انتخاب کریں، ایسے حالات میں کھیلنا ممکن نہیں ہے۔

خیال رہے کہ ڈیوس کپ ٹائی کے میچز 14 اور 15 ستمبر کو اسلام آباد میں ہی کھیلے جانے تھے لیکن پاک بھارت کشیدگی کے باعث ملتوع کردیے گئے تھے، جس کے بعد نئی تاریخ 29 اور 30 نومبر طے کی گئی۔