ARYNews.tv | Urdu – Har Lamha Bakhabar

Tag: DG ISPR

  • سیاسی چیلنجوں کی وجہ سے قومی ایکشن پلان پرعملدرآمدمیں وقت لگے گا، عاصم سلیم باجوہ

    سیاسی چیلنجوں کی وجہ سے قومی ایکشن پلان پرعملدرآمدمیں وقت لگے گا، عاصم سلیم باجوہ

    راولپنڈی : ڈی جی آئی ایس پی آر میجرجنرل عاصم سلیم باجوہ کا کہنا ہے کہ سیاسی چیلنجوں کی وجہ سے قومی ایکشن پلان پر عملدرآمد میں وقت لگےگا۔

    ڈائریکٹر جنرل آئی ایس پی آر میجر جنرل عاصم سلیم باجوہ کا روسی خبر رساں ادارے کو انٹرویو دیتے ہوئے کہنا تھا کہ نیشنل ایکشن پلان پر تیزی سے عملدرآمد جاری ہے، دہشتگردوں کی مالی اعانت روکنے میں کامیابی ملی ہیں۔

    میجر جنرل عاصم سلیم باجوہ نے انکشاف کیا کہ سیاسی چیلنجز کے باعث ایکشن پلان کے کچھ حصوں پر عملدرآمد میں وقت لگے گا، انکا کہنا تھا کہ  فاٹا میں کامیاب کارروائیاں اور دہشتگردوں کی فنڈنگ بند ہونا نیشنل ایکشن پلان کی کامیابی کے ثبوت ہیں۔

    انہوں نے کہا کہ شدت پسندی سے نجات کے لئے شروع کیے گئے پائلٹ پروگرام کا دائرہ قومی سطح تک بڑھا دیا گیا ہے۔

    میجر جنرل عاصم باجوہ نے پاکستانی وفد کے دورہ ماسکو کو مثبت قرار دیتے ہوئے کہا کہ پاکستان روس سے عسکری ساز وسامان خریدنے کے ایک معاہدے کو حتمی شکل دینا چاہتا ہے۔

  • طالبان قیادت جلد گرفتارہوگی یا ماری جائے گی، عاصم سلیم باجوہ

    طالبان قیادت جلد گرفتارہوگی یا ماری جائے گی، عاصم سلیم باجوہ

    کراچی: ڈی جی آئی ایس پی آرمیجرل سلیم عاصم باجوہ کا کہنا ہے کالعدم تحریک طالبان کی قیادت افغانستان میں ہے گرفتارہوگی یا ماری جائے گی۔

    گزشتہ سال کراچی میں ایئرپورٹ حملے کے بعد تحریک ِ طالبان پاکستان کے خلاف آ پریشن ضربِ عضب 15 جون 2014کو شروع کیا گیا تھا۔

    آج اس آپریشن کو ایک سال مکمل ہورہا ہے اس موقع پرڈی جی آئی ایس پی آرعاصم سلیم باجوہ نے اے آروائی نیوز سے خصوصی گفتگو کرتے ہوئے کہا کہ پوری قوم دہشت گردوں کے خلاف متحد ہے۔

    ان کا کہنا تھا کہ دہشت گردوں پر پاکستان کی زمین روزبروزتنگ ہورہی ہے آپریشن خیبرون مکمل ہوچکا ہے جبکہ شمالی وزیرستان کا بھی 90 فیصد علاقہ واگزارکرایا جاچکا ہے۔

    ڈی جی آئی ایس پی آر کا کہنا تھا کہ گرفتار شدہ دہشت گردوں کی تعداد ہزاروں میں ہے جن میں انتہائی مطلوب دہشت گرد بھی شامل ہیں۔

    انہوں نے کہا کہ دہشت گردوں کا اپنی کمیں گاہوں سے باہر نکلنا دشورا ہوچکا ہے اور ان کے ٹھکانوں کو ختم کرنے کے لئے آپرشین تاحال جاری ہے۔

    انہوں نے کہا کہ کالعدم تحریکِ طالبان کی مرکزی قیادت افغانستان میں قیام پذیرہے جو کہ جلد گرفتار ہوں گے یا مارے جائیں گے۔

    انہوں نے کہا کہ پاکستان کے عوام اب کسی بھی اجنبی شخص کو اپنے محلے میں نہیں رہنے دیتے ۔

    ان کا کہنا تھا کہ حکومتی اورسیاسی سطح پربھی کام ہورہا ہے، دہشت گردوں کی فنڈنگ بند کرنے پر بھی کام کیا جارہا ہے۔

    ڈی جی آئی ایس پی آر کا کہان تھا کہ دہشت گردوں کے خلاف جاری آپریشن جلد اپنے منطقی انجام تک پہنچے گا۔

  • فیصلہ کن کارروائی، آپریشن ضربِ عضب کوایک سال مکمل

    فیصلہ کن کارروائی، آپریشن ضربِ عضب کوایک سال مکمل

    راولپنڈی: ترجمان پاک فوج میجر جنرل عاصم سلیم باجوہ نے آپریشن ضرب عضب کی تفصیلات جاری کردیں۔

    دہشتگردوں کے خلاف پاک فوج کے فیصلہ کن آپریشن ضرب عضب کو 15 جون کو ایک سال مکمل ہوگا، ایک سال کے عرصے میں پاک فوج نے قربانیوں کی نئی تاریخ رقم کرتے ہوئے دہشتگردوں کے مذموم عزائم خاک میں ملا دئیے۔

    ڈی جی آئی ایس پی آر میجر جنرل عاصم سلیم باجوہ نے بتایا کہ آپریشن ضرب عضب میں ایک سال کےدوران نوہزار سے زیادہ انٹیلی جینس بیس آپریشن کیے گئے۔

     

    ڈی جی آئی ایس پی آر کے مطابق زمینی وفضائی حملوں میں دوہزار سات سو تریسٹھ دہشتگردوں کو ہلاک کیا گیا، جن میں سے دوسواٹھارہ انتہائی خطرناک تھے۔

    عصم سلیم باجوہ نے کہا کہ مختلف کارروائیوں میں دہشتگردوں کےآٹھ سو سینتیس ٹھکانےتباہ ہوئے، ڈھائی سو ٹن سے زیادہ دھماکا خیز مواد قبضے میں لیاگیا۔

     

    آئی ایس پی آر کے مطابق خاکِ وطن کی حفاظت کرتے ہوئے تین سو سینتالیس جوان اور افسرشہید ہوگئے۔

    ڈی جی آئی ایس پی آر نے اپنے ٹوئٹ میں بتایا کہ  پوری قوم دہشتگردی کے خاتمے کے لئے پاک فوج کے ساتھ  کھڑی ہے جبکہ میڈیا اور سول سوسائٹی نے بھی مثبت انداز میں پاک فوج کی مدد کی ہے۔

    شمالی وزیرستان میں پاکستانی ریاست کئی بار دہشت گردوں کے چھوٹے چھوٹے گروہوں کے ساتھ محدود علاقوں کے لیے امن معاہدے کرتی رہی ہے، لیکن پہلی بار وفاقی حکومت نے براہِ راست تحریکِ طالبان پاکستان کے ساتھ مذاکرات کی پالیسی اپنائی۔ لیکن تمام تر مزکرات کی ناکامی کے بعد دہشتگردوں نے 8 جون 2014 کو کراچی کے جناح انٹرنیشنل ائیرپورٹ پر دہشت گردوں نے حملہ کردیا۔

    آٹھ جون دوہزار چودہ کو کراچی، پاکستان کے جناح انٹرنیشنل پر 10 دہشت گردوں نے حملہ کیا۔ کل 31 افراد بشمول 10 دہشت گرد ہلاک ہوئے، تحریک طالبان پاکستان نے حملے کی ذمہ داری قبول کی ہے اور اسے اپنے سابقہ سربراہ حکیم اللہ محسود کے قتل کا بدلہ قرار دیا ہے جو ایک ڈرون حملے میں نومبر 2013 کو شمالی وزیرستان میں مارا گیا تھا، سیاسی وعسکری قیادت کادہشتگردوں کے خلاف فیصلہ کن کارروائی آپریشن ضرب عضب کا اعلان کیا۔

    جون 15: 2014 کو پاکستانی فوج نے شمالی وزیرستان میں عسکری کاوائی کا فیصلہ کیا۔

    جون 15 : کو رات کو پہلے حملے میں 120 دہشت گرد مارے گئے اور بارود کا ایک بڑا ذخیرہ تباہ کیا گيا۔

    جون 16:  کو جٹ طیاروں سے میر شاہ کے علاقے میں گولہ باری سے 12 ازبک دہشت گرد مارے گئے۔

      جون 17: فضائی حملے میں 25 دہشت گرد مارے گئے، اس طرح مارے جانے والے دہشت گردوں کی تعداد 215 ہو گئی۔

    جون 19 : کوبرا ہیلی کاپٹروں نے رات گئے میران شاہ کے مشرق میں واقع زراتا تنگی کی پہاڑیوں پر شدت پسندوں کے مواصلاتی مراکز کو نشانہ بنایا جس میں 15 شدت پسند ہلاک ہو گئے۔

    جون 20: شمالی وزیرستان کے علاقے حسو خیل کے علاقے میں بمباری کی گئی جس میں شدت پسندوں کے تین ٹھکانے تباہ کیے گئے اور 20 عسکریت پسند مارے گئے۔

    خیبر ایجنسی میں افغان سرحد کے قریب جیٹ طیاروں کی بمباری میں شدت پسندوں کے دو ٹھکانے تباہ کیے گئے۔

    شمالی وزیرستان کے علاقے میرانشاہ، میر علی اور دتہ خیل کے عمائدین نے فوجی آپریشن کی مکمل حمایت کا اعلان کیا ہے۔

  • پشاور: پاک فوج کی ٹیموں نے امدادی کام شروع کردیا، آئی ایس پی آر

    پشاور: پاک فوج کی ٹیموں نے امدادی کام شروع کردیا، آئی ایس پی آر

    پشاور:بارش سے متاثرہ علاقوں میں پاک فوج کی ٹیموں نے امدادی کام شروع کردیا ہے، ڈی جی آئی ایس پی آر کا کہنا ہےکہ پاک فوج کی ٹیمیں بحالی کےکاموں میں انتظامیہ کی مدد کریں گی۔

    پشاورمیں بارشوں سے ہونیوالی تباہی پر ٹوئٹر پر پیغام میں پاک فوج کے ترجمان کا کہنا ہے کہ سی ایم ایچ میں ہنگامی حالت نافذ کردی گئی ہے جہاں ڈاکٹرزعلاج کیلئےموجودرہیں گے۔

     بحریہ ٹاؤن کے ترجمان کا کہنا ہے کہ بحریہ ٹاؤن نے متاثرہ افراد کے لئے امدادی ٹیمیں روانہ کردی ہیں، جس میں موبائل اسپتال اور اسٹاف شامل ہے۔

     قائمقام صدر رضا ربانی اور وزیر اعظم نواز شریف نے پشاور میں بارشوں سے ہونیوالے جانی نقصان پر گہرے افسوس کا اظہار کیا ہے،وزیراعظم نےصوبائی حکومت کومشکلات حل کرنے کیلئے فوری اقدامات کی ہدایت کی ہے۔

  • آئی ایس پی آرکی سبین محمود کے بہیمانہ قتل پر مذمت

    آئی ایس پی آرکی سبین محمود کے بہیمانہ قتل پر مذمت

    روالپنڈی: ڈائریکٹر جنرل آئی ایس پی آر میجر جنرل عاصم سلیم باجوہ نے سبین محمود کے بہیمانہ قتل کی شدید الفاظ میں مذمت کرتے ہوئے کہا ہے کہ حساس ادارے اس واقعے کی تحقیقات کے لئے ہرممکن تعاون کریں گے۔

    ٹوئٹر پیغام میں انہوں نے سبین محمود کے اہل خانہ سے اظہار تعزیت کرتے ہوئے اسے ایک افسوس ناک واقعہ قرار دیا ہے۔

     

     انہوں نے کہا ہے کہ عسکری قیادت کی جانب سے انٹیلی جنس ایجنسیوں کو ہدایات جاری کی گئی ہیں کہ سبین محمود کے قتل کی تحقیقات کے لئے تفتیشی اداروں سے بھرپور تعاون کیا جائے تاکہ واقعے کے ذمے داروں کو بے نقاب کرکے گرفتار انصاف کے کٹہرے میں لایا جائے۔

  • پاک سعودی مشترکہ فوجی مشقیں معمول کا حصہ ہیں، آئی ایس پی آر

    پاک سعودی مشترکہ فوجی مشقیں معمول کا حصہ ہیں، آئی ایس پی آر

    راولپنڈی: ترجمان پاک فوج میجر جنرل عاصم باجوہ نے کہا ہے کہ پاکستان اور سعودی عرب کی مشترکہ فوجی مشقیں معمول کا حصہ ہیں۔

    سماجی رابطے کی ویب سائٹ ٹوئٹر پر ترجمان پاک فوج کا کہنا تھا کہ پاکستان اور سعودی عرب کے درمیان طائف میں انیس مارچ سے “صمصام فائیو″ مشقیں جاری ہیں جو معمول کا حصہ ہیں۔

     گزشتہ سال یہ مشترکہ مشقیں جہلم میں ہوئی تھیں۔ میجر جنرل عاصم باجوہ نے کہا کہ مشترکہ فوجی مشقوں میں پاک فوج کے دو سو بانوے افسران اور جوان شریک ہیں ۔

     

  • یوم پاکستان: ایوان صدرمیں منتخب شخصیات میں ایوارڈ تقسیم

    یوم پاکستان: ایوان صدرمیں منتخب شخصیات میں ایوارڈ تقسیم

    اسلام آباد : یوم پاکستان پرایوان صدرمیں تقسیم اعزازات کی تقریب  منعقد ہوئی۔ صدرممنون حسین نے منتخب شخصیات میں ایوارڈ تقسیم کئے۔

    تفصیلات کے مطابق ایوان صدرمیں منعقدہ  تقسیم اعزازات کی تقریب میں صدرممنون حسین نے اپنے شعبہ جات میں اہم خدمات انجام دینے والی  منتخب شخصیات میں ایوارڈ تقسیم کئے۔

    ایوان صدرمیں ہونیوالی تقسیم ایوارڈ کی تقریب میں چیئرمین جوائنٹ چیفس اسٹاف کمیٹی اور ڈی جی آئی ایس پی آر عاصم سلیم باجوہ سمیت پچیس فوجی افسران کو ہلال امتیاز ملٹری سے نوازا گیا۔

    ایئر وائس مارشل سہیل ملک،سمیت دس افسروں کو ہلال امتیاز ملٹری سے نوازا گیا۔ سول ایوارڈ حاصل کرنے والوں میں آرمی پبلک اسکول کے ایک سو بیالیس شہداء بھی شامل ہیں ۔

    نو اوورسیز پاکستانیوں کو بھی ملکی خدمات کے اعتراف میں سول ایوارڈز دیئے گئے، گورنرہاؤس خیبرپختوخوا میں چودہ بلوچستان میں سات،گلگت گورنرہاؤس میں دو پنجاب میں چھتیس اور سندھ میں ستائیس افراد کو ان کی خدمات کے اعتراف میں اعزازات سے نواز گیا۔

  • ضرب عضب،گزشتہ رات کارروائی میں کامیابیاں ملیں، ڈی جی آئی ایس پی آر

    ضرب عضب،گزشتہ رات کارروائی میں کامیابیاں ملیں، ڈی جی آئی ایس پی آر

    راولپنڈی: ڈی جی آئی ایس پی آر میجر جنرل عاصم سلیم باجوہ کا کہنا ہے کہ گزشتہ شب آپریشن ضرب میں اہم کامیابیاں ملی ہیں۔

    سماجی ویب سائٹ پر اپنے بیان میں ڈی جی آئی ایس پی آر کا مزید کہنا تھا کہ آپریشن ضرب عضب میں دہشت گردوں کیخلاف کارروائی کرتے ہوئے ان کا گھیراتنگ کردیاگیا ہے۔

    ڈی جی آئی ایس پی آر عاصم سلیم باجوہ کے مطابق کارروائی میں دہشتگردوں کو بھاری نقصان ہوا ہے اور دہشتگردوں کو خیبر ایجنسی شمالی وزیرستان کے علاقے سوکھ سے بے دخل کردیا گیا ہے ۔

     

    ڈی جی آئی ایس پی آر کے مطابق پاک افغان سرحد کے قریب فضائی کارروائی کی گئی اور افغان سرحد پر درہ مستول کا کنٹرول بھی سیکیورٹی فورسز نے حاصل کرلیا ہے۔ دہشتگرد مستول کے راستے نقل وحرکت کرتے تھے اور اس ہی راستے سے افغانستان فرار ہوجاتے تھے۔

     ڈی جی آئی ایس پی آر کا کہنا ہے کہ دہشتگردوں کے فرار ہونےکے تمام راستے بند کیے جارہے ہیں اور فوجی جوان دہشتگردوں سے خالی کرائے گئے علاقوں پر قبضے کو مستحکم کررہے ہیں۔

  • ڈی جی آئی ایس آئی لیفٹیننٹ جنرل رضوان اختر امریکا روانہ

    ڈی جی آئی ایس آئی لیفٹیننٹ جنرل رضوان اختر امریکا روانہ

    اسلام آباد: ڈی جی آئی ایس آئی لیفٹیننٹ جنرل رضوان اختر سرکاری دورے پر امریکہ روانہ ہوگئے ہیں۔

    آئی ایس پی آر کے ذرائع کے مطابق ڈائریکٹر جنرل آئی ایس پی آر دورہ امریکہ کے دوران اپنے ہم منصب اور دیگر اعلی حکام سے ملاقاتیں کریں گے اور ان سے پاک امریکا دفاعی تعاون، انٹیلیجنس شیئرنگ سے متعلق امور سمیت خطے کی صورتحال پر تبادلہ خیال کریں گے۔

    لیفٹینٹ جنرل رضوان اختر اعلی امریکی حکام کو شمالی وزیرستان میں جاری آپریشن ضربِ عضب میں پیشرفت سے بھی آگاہ کریں گے۔

    ذرائع کے مطابق انسدادِ دہشت گردی کے حوالے سے پاکستان اور امریکا کے خفیہ اداروں کے درمیان تعاون پر بھی بات چیت ہوگی۔

    ڈی جی آئی ایس آئی کے دورے کے حوالے سے آئی ایس پی آر کا مزید کہنا ہے کہ ملاقاتوں میں افغانستان سمیت انسداد دہشت گردی کے حوالے سے اقدامات اور شدت پسندوں کے خلاف جاری آپریشنز پر تبادلہ خیال کیا جائے گا۔

    یاد رہے کہ پاک فوج کی جانب سے آپریشن ضرب عضب جون میں شروع کیا گیا تھا جبکہ اکتوبر میں آپریشن خیبر ون شروع ہوا تھا۔

    واضح رہے کہ نومبر 2014 میں آرمی چیف نے بھی امریکہ کا دورہ کیا تھا، جس میں اعلی حکام سے ملاقاتوں کے ساتھ ساتھ مختلف معاملات زیر بحث آئے تھے۔

  • سانحہ پشاور کا ایک اوراہم ملزم تاج محمد گرفتار، آئی ایس پی آر

    سانحہ پشاور کا ایک اوراہم ملزم تاج محمد گرفتار، آئی ایس پی آر

    راولپنڈی: آئی ایس پی آر کا کہنا ہے کہ سانحہ پشاور میں ملوث ایک اور اہم مرکزی ملزم کو گرفتار کرلیا گیا ہے۔

    پشاور کے آرمی پبلک اسکول پر حملہ ایک قیامت صغری کا منظرتھا، اس المناک واقعہ میں کا مبینہ اہم ملزم تاج محمد کو گرفتار کرلیا گیا۔

     آئی ایس پی آر کےترجمان  کے مطابق تاج محمد اسکول پر حملہ کرنے والے دوسرے گروپ میں شامل تھا۔

    ملزم کو پشاور کے قریب سے گرفتار کیا گیا، تاج محمد پواکئی نامی گاؤں میں آئی ڈی پیز کیمپ میں آئی ڈی پی کے طور پر مقیم تھا۔

    آئی ایس پی آر کا کہنا ہے کہ اسکول پر حملہ کرنے والے پہلے گروپ کی قیادت عتیق الرحمان کررہا تھا۔

     آئی ایس پی آر کے مطابق تاج محمد نے دوہزار آٹھ میں کالعدم تحریک طالبان سے تعلق کا بھی اعتراف کیا ہے، ملزم شمالی وزیرستان اور پشاور میں کئی کارروائیوں میں بھی ملوث رہا ہے۔