ARYNews.tv | Urdu – Har Lamha Bakhabar

Tag: DG ISPR

  • سیکیورٹی فورسزکا بنیادی فوکس بلوچستان کی طرف ہے، ڈی جی آئی ایس پی آر

    سیکیورٹی فورسزکا بنیادی فوکس بلوچستان کی طرف ہے، ڈی جی آئی ایس پی آر

    واشنگٹن: ڈی جی آئی ایس پی آر میجر جنرل آصف غفور کا کہنا ہے کہ افواج پاکستان نے سرحدوں کا بہادری سے بھرپور دفاع کیا، پاکستان کی داخلی سلامتی صورت حال پہلے سے بہترہے

    تفصیلات کے مطابق واشنگٹن میں پاکستانی سفارت خانے میں میڈیا سے گفتگو کرتے ہوئے ڈی جی آئی ایس پی آر نے کہا کہ آرمی چیف وزیراعظم عمران خان کے ہمراہ وائٹ ہاؤس ملاقات میں شرکت اور پینٹاگون میں امریکی فوجی قیادت سے ملاقاتیں کریں گے۔

    میجر جنرل آصف غفور نے کہا کہ پاکستان کی داخلی سلامتی صورت حال پہلے سے بہت بہتر ہے، پاکستانی عوام اور سیکیورٹی فورسز کی کوششیں اور قربانیاں رنگ لا رہی ہیں۔

    انہوں نے کہا کہ پاک افغان سرحد پر باڑ لگانے سے سرحدی کنٹرول میں بہتری آ رہی ہے، سرحدی باڑ لگنے سے دہشت گردی کے واقعات بتدریج کم ہوں گے۔

    ڈی جی آئی ایس پی آر نے کہا کہ دہشت گردی سے متاثرہ علاقوں میں سول انتظامیہ کے ساتھ مل کر بحالی کا کام جاری ہے۔

    میجر جنرل آصف غفور نے کہا کہ بلوچستان میں حکومتی ترقیاتی منصوبے فوج کی مدد سے جاری ہیں، سیکیورٹی فورسز کا بنیادی فوکس بلوچستان کی طرف ہے۔

    ڈی جی آئی ایس پی آر نے مزید کہا کہ بیرون ملک پاکستانی میڈیا کا پاکستان کے مثبت امیج کو اجاگر کرنے میں اہم کردار ہے۔

  • آرمی چیف جنرل قمر باجوہ سے انڈونیشیا کے سفیر کی ملاقات

    آرمی چیف جنرل قمر باجوہ سے انڈونیشیا کے سفیر کی ملاقات

    راولپنڈی: آرمی چیف جنرل قمر جاوید باجوہ سے انڈونیشیا کے سفیر نے ملاقات کی، جس میں باہمی دلچسپی کے امور پر تبادلہ خیا ل کیا گیا۔

    پاک فوج کے شعبہ تعلقات عامہ (آئی ایس پی آر) کے مطابق انڈونیشیا کے سفیر نے جی ایچ کیو کا دورہ کیا، اس موقع پر انہوں نے آرمی چیف جنرل قمر جاوید باجوہ سے ملاقات کی۔ جس میں باہمی دلچسپی اور سیکیورٹی کے معاملات پر بات چیت کی گئی۔

    ملاقات میں دونوں ملکوں کے مابین دفاعی تعاون بڑھانے پر بھی گفتگو ہوئی، آئی ایس پی آر سے جاری بیان مطابق آرمی چیف نے کہا کہ پاکستان انڈونیشیا کے ساتھ تعلقات کو خصوصی اہمیت دیتا ہے، پاکستان اور انڈونیشیا میں مضبوط تاریخی اور ثقافتی تعلقات ہیں۔

    مزید پڑھیں: روسی گراؤنڈ فورسز کے سربراہ کی آرمی چیف سے ملاقات، تعاون کے فروغ پر اتفاق

    یاد رہے کہ گزشتہ دنوں روسی گراؤنڈ فورسز کے کمانڈر ان چیف جنرل اولیگ سلیوکوف نے بھی جنرل قمر جاوید باجوہ سے ملاقات کی تھی، جس میں سیکیورٹی اور تربیتی امور پر گفتگو ہوئی، ملاقات میں دونوں افواج میں تعاون، رابطوں کو فروغ دینے پر بھی بات چیت ہوئی۔

    اس موقع پر آرمی چیف نے کہا کہ پاکستان اور روس میں فوجی تعاون سے خطے کے امن کو فروغ ملے گا، پاک روس تعاون سے خطےمیں اقتصادی استحکام بھی آئے گا۔

  • ڈی جی آئی ایس پی آر کی سانحہ اے پی ایس میں زخمی طالبعلم سے ملاقات

    ڈی جی آئی ایس پی آر کی سانحہ اے پی ایس میں زخمی طالبعلم سے ملاقات

    لندن : ڈی جی آئی ایس پی آرمیجر جنرل آصف غفور نے لندن میں اے پی سی حملہ میں زخمی بچے احمد نواز سے ملاقات میں نیک خواہشات کا اظہار کیا جبکہ احمد نوازنے انہیں نوجوانوں کے حوالے سے کیئے جانےوالےاپنےکام کی تفصیلات سےآگاہ کیا۔

    تفصیلات کے مطانق ڈی جی آئی ایس پی آرمیجر جنرل آصف غفور نے لندن میں اے پی سی حملہ میں زخمی اور لندن میں زیر علاج احمد نواز سے ملاقات کی۔

    میجرجنرل آصف غفورکچھ دیراحمدنواز کے ساتھ رہےاورنیک خواہشات کا اظہار کیا، ملاقات میں احمد نواز نے انہیں نوجوانوں کے حوالے سے کیئے جانےوالےاپنےکام کی تفصیلات سےآگاہ کیا۔

    لندن میں مقیم احمد نواز نوجوانوں کے حوالےسے سماجی کام کررہے ہیں۔

    واضح رہے 5 سال قبل 16 دسمبر 2014 کو پشاور آرمی پبلک اسکول میں خون کی ہولی کھیلی گئی تھی، دہشت گردوں نےعلم کے پروانوں کے بے گناہ لہو سے وحشت و بربریت کی نئی تاریخ رقم کی تھی اور دردناک سانحے اور دہشت گردی کے سفاک حملے میں 147 افراد شہید ہوگئے تھے، جس میں 132 بچے بھی شامل تھے۔

    سانحہ اے پی ایس پشاور میں زخمی ہونے والے طالب علم احمد نواز کو حکومت نے سرکاری خرچ پر 2015 میں علاج کے لیے برطانیہ بھیجا تھا جہاں اُن کا علاج کوئین الزبتھ اسپتال میں ہوا، برطانوی ڈاکٹرز نے احمد نواز کا علاج کیا ، جس کے بعد وہ صحت مند زندگی کی طرف لوٹے اور پھر لندن میں ہی تعلیم کا آغاز کیا۔

    طالب علم احمد نواز نے برطانوی امتحانات میں اعلیٰ کارکردگی دکھاتے ہوئے پوزیشن حاصل کی تھی ، احمد نے جی سی ایس ای امتحان میں 6 مضامین میں اے اسٹار حاصل کئے اور 2مضامین میں اے گریڈ حاصل کیا۔

  • بھارت نہ بھولے ہم وہی ہیں جن سے 27 فروری کو سامنا ہوا تھا، ڈی جی آئی ایس پی آر

    بھارت نہ بھولے ہم وہی ہیں جن سے 27 فروری کو سامنا ہوا تھا، ڈی جی آئی ایس پی آر

    اسلام آباد : ڈی آئی ایس پی آر نے بھارتی میڈیا کو آئینہ دکھاتے ہوئے کہا ہے کہ ’بھارت نہ بھولے ہم وہی ہیں جن سے 27 فروری کو سامنا ہوا تھا‘۔

    تفصیلات کے مطابق فوج کے شعبہ تعلقات عامہ کے ڈائریکٹر جنرل میجر جنرل آصف غفور کا کہنا ہے کہ بجٹ میں کٹوتی کے باوجود کسی صورت دفاعی اور سیکورٹی معاملات متاثر ہونے نہیں دیں گے۔

    میجر جنرل آصف غفور نے کہا کہ بھارتی جعلی میڈیا دفاعی بجٹ پر مرضی کے تجزیے پیش کررہا ہے۔

    ڈی جی آئی ایس پی آر کا کہنا تھا کہ پاک فوج نے اسی بجٹ کے ساتھ 27 فروری کو بھرپور جواب دیا تھا، ہمارے پاس جواب دینے کےلیے صلاحیت اور استعداد ہے۔

    میجر جنرل آصف غفور نے کہا کہ پاکستانی قوم مسلح افواج کے ساتھ کھڑی ہے، بجٹ اہم نہیں عزم اورحوصلہ اہمیت رکھتا ہے۔

    خیال رہے کہ پاک فوج نے عید الفطر کے موقع پر قوم کو خوشخبری سناتے ہوئے معیشت کی بہتری کیلئے دفاعی بجٹ میں اضافہ نہ لینے کا فیصلہ کیا ہے۔

    مزید پڑھیں : دفاعی بجٹ میں کٹوتی رضاکارانہ طور پر کی گئی ہے: آئی ایس پی آر

    یہ بات وزیراعظم عمران خان نے اپنے ٹوئٹر پیغام میں بتائی۔ انہوں نے کہا کہ پاک فوج کے اس رضا کارانہ اقدام کو سراہتا ہوں، مذکورہ فیصلہ حقیقی قومی ادارے کی حب الوطنی کا عکاس اور احسن اقدام ہے، پاک فوج نے سیکیورٹی چیلنجز کے باوجود دفاعی اخراجات کے بجٹ میں کٹوتی ملکی معاشی مشکلات کی وجہ سے کی۔

  • بی بی سی کی انسانی حقوق کیخلاف ورزیوں پر خبر جھوٹ کا پلندہ ہے، میجر جنرل آصف غفور

    بی بی سی کی انسانی حقوق کیخلاف ورزیوں پر خبر جھوٹ کا پلندہ ہے، میجر جنرل آصف غفور

    راولپنڈی : ڈی جی آئی ایس پی آر میجر جنرل آصف غفور نے کہا ہے کہ بی بی سی کی انسانی حقوق کیخلاف ورزیوں پر خبر جھوٹ کا پلندہ ہے، آئی ایس پی آر کے تعاون کے باوجود اس نے حکومتی مؤقف پیش نہیں کیا، خبر صحافتی اصولوں کی خلاف ورزی ہے۔

    میجر جنرل آصف غفور نے کہا کہ بی بی سی کی رپورٹ میں پاکستان پر انسانی حقوق کی خلاف ورزیوں کے الزامات بےبنیاد ہیں، صحافتی اقدار کے منافی خبر پر بی بی سی حکام سےرابطہ کیا۔

    خبر پرمؤقف کیلئے آئی ایس پی آر کو سوالنامہ بھیجا گیا تھا، آئی ایس پی آرنے مکمل حقائق جاننے کیلئےملاقات کی پیشکش بھی کی لیکن بی بی سی نے پیشکش کا جواب دینے کےبجائے اندازے سےخبر چھاپ دی۔

    انہوں نے کہا کہ آئی ایس پی آر کے تعاون کے باوجود خبر میں حکومتی مؤقف پیش نہیں کیا گیا، خبر میں بیان کی گئیں باتیں حقائق کے۔برعکس ہیں، ڈی جی آئی ایس پی آر نے مزید کہا کہ بی بی سی نے شمالی وزیرستان واقعے پر بھی سرکاری موقف نظرانداز کیا۔

    22جنوری2014کے مبینہ فضائی حملے کا دعویٰ محض دعویٰ ہی ہے، بی بی سی کی خبر میں مصدقہ ذرائع اور ٹھوس شواہد پیش نہیں کیے گئے۔

    وزیرستان میں دہشت گرد شہریوں کے سروں سے فٹبال کھیلتے رہے، قبائلی علاقوں میں دہشت گردوں نے عام شہریوں کو یرغمال بنائے رکھا، نہتے عوام، اسکولوں اور عبادت گاہوں کو نشانہ بنایا جاتا رہا۔

  • معصوم فرشتہ مہمند کے سفاکانہ قتل کی شدید مذمت کرتے ہیں، آئی ایس پی آر

    معصوم فرشتہ مہمند کے سفاکانہ قتل کی شدید مذمت کرتے ہیں، آئی ایس پی آر

    راولپنڈی : پاک فوج کے ترجمان نے معصوم فرشتہ کے قتل کی مذمت اور واردات میں ملوث ملزمان کی گرفتاری کیلئے ہر قسم کے تعاون کی پیشکش کرتے ہوئے کہا ہے کہ ہمیں مستقبل کی نسل کو بچانے کیلئے مل کر کوشش کرنا ہوگی۔

    تفصیلات کے مطابق پاک فوج کے شعبہ تعلقات عامہ آئی ایس پی آر کے ڈائریکٹر جنرل میجر جنرل آصف غفور نے کہا ہے کہ  اسلام آباد میں زیادتی کے بعد قتل ہونے والی معصوم بچی فرشتہ مہمند کے سفاکانہ قتل کی شدید مذمت کرتے ہیں۔

    واقعے کے ذمہ داروں کو انصاف کے کٹہرے میں لایا جائے، سماجی رابطے کی ویب سائٹ ٹوئٹر پر اپنے پیغام میں ان کا کہنا تھا کہ پاک فوج معصوم بچی کے قتل میں کسی بھی قسم کے تعاون کیلئے تیار ہے۔

    ہمیں ننھی کلیوں کو مسلنے والے درندوں کیخلاف اٹھ کھڑا ہونا ہوگا اور ہمیں مستقبل کی نسل کو بچانے کیلئے مل کر کوشش کرنا ہوگی۔

    مزید پڑھیں: وزیراعظم نے 10 سالہ بچی فرشتہ کے قتل کا نوٹس لے لیا

    یاد رہے کہ اس اندوہناک واقعے کا وزیر اعظم عمران خان نے بھی سختی سے نوٹس لیا ہے ، انہوں نے  آئی جی اسلام آباد، ڈی آئی جی آپریشنز سے وضاحت طلب کرلی ہے۔

    مزید پڑھیں: فرشتہ زیادتی و قتل کیس ، ایس ایچ اوشہزاد ٹاؤن اور دیگر اہلکاروں کے خلاف مقدمہ درج

    واضح رہے کہ ضلع مہمند سے تعلق رکھنے والی فرشتہ مہمند نامی دس سالہ بچی کو کچھ روز قبل اغوا کرکے مبینہ ذیادتی کے بعد سفاکانہ طریقے سے قتل کردیا گیا تھا۔

    واقعے کا مقدمہ والدین نے درج کروانے کی کوشش کی، والدین نے الزام عائد کیا ہے کہ پولیس نے غفلت کا مظاہرہ کیا اور ہماری بچی کو تلاش نہیں کیا۔

  • ڈی جی آئی ایس پی آرمیجر جنرل آصف غفور آج تین بجے اہم پریس کانفرنس کریں گے

    ڈی جی آئی ایس پی آرمیجر جنرل آصف غفور آج تین بجے اہم پریس کانفرنس کریں گے

    راولپنڈی : پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل آصف غفور آج اہم پریس کانفرنس کریں گے۔

    تفصیلات کے مطابق ڈی جی آئی ایس پی آرمیجر جنرل آصف غفور آج سہ پہر تین بجے میڈیاکو بریفنگ دیں گے، جس میں میجرجنرل آصف غفور پاک بھارت حالیہ کشیدگی، سلامتی صورتحال سے آگاہ کریں گے۔

    یاد رہے چند روز قبل بھارتی وزیر خارجہ کے بیان پر ردعمل دیتے ہوئے میجر جنرل آصف غفور نے سماجی رابطے کی ویب سائٹ پر ٹویٹ میں کہا تھا کہ ’دیر آید درست آید، آخرکار سشماسوراج نےسچ بول ہی دیا، زمینی حقائق نےبھارت کو سچ بولنے پر مجبورکردیا’۔

    مزید پڑھیں : بالا کوٹ حملہ، آصف غفور کا سشما سوراج کے سچ بولنے پر خیر مقدم

    آصف غفور کا کہنا تھا کہ امید ہے بھارت جلد 2016 کی سرجیکل اسٹرائیک اور دو طیارے تباہ ہونے کے ساتھ پاکستان کا ایف سولہ طیارہ گرانے کے معاملے پر بھی سچ بولے گا۔

    بھارتی میڈیا رپورٹس کے مطابق سشما سوراج نے اپنی ہی حکومت کے دعوے کو مسترد کرتے ہوئے اس بات کی تصدیق کی تھی کہ بالاکوٹ حملے میں کوئی پاکستانی فوجی یا شہری جاں بحق نہیں ہوا۔

  • ماضی کے مقابلے کراچی میں صورتحال الحمداللہ آج بہت بہتر ہے، ڈی جی آئی ایس پی آر

    ماضی کے مقابلے کراچی میں صورتحال الحمداللہ آج بہت بہتر ہے، ڈی جی آئی ایس پی آر

    راولپنڈی : ڈی جی آئی ایس پی آر میجر جنرل آصف غفور کا کہنا ہے کراچی میں صورتحال الحمداللہ آج بہت بہترہے اور ورلڈکرائم انڈکس میں آج کراچی70 نمبر پر ہے، اس کامیابی کا سہرا سول انتظامیہ اورسیکیورٹی فورسز کے سر ہے، انشااللہ مستقبل میں مزیداستحکام آئےگا۔

    تفصیلات کے مطابق پاک فوج کے شعبہ تعلقات عامہ کے ڈائریکٹر جنرل میجر جنرل آصف غفور نے سماجی رابطے کی ویب سائٹ ٹوئٹر پر اپنے بیان میں کہا کراچی میں صورتحال الحمداللہ آج بہت بہترہے، 2014 سے پہلے کراچی ورلڈ کرائم انڈیکس میں چھٹے نمبر پر تھا، الحمداللہ ورلڈکرائم انڈیکس میں آج کراچی 70 ویں نمبر پر ہے۔

    ڈی جی آئی ایس پی آر کا کہنا تھا اس کامیابی کاسہراسول انتظامیہ اورسیکیورٹی فورسزکےسرہے، ان کوششوں میں حساس اداروں، پولیس اور سندھ رینجرز نے بھرپور کردار ادا کیا، کراچی کے شہری بھی مبارکباد کے مستحق ہیں، انشااللہ مستقبل میں مزیداستحکام آئےگا۔

    خیال رہے دنیا کے بڑے شہروں میں جرائم کی صورتحال پر نظر رکھنے والے ادارے گلوبل کرائم انڈیکس کی تازہ رپورٹ کے مطابق جرائم کی شرح میں نمایاں کمی کی وجہ سے کراچی کی رینکنگ بہتر ہو کر 70 ہو گئی ہے جبکہ 2014 میں کراچی کا چھٹا نمبر تھا، 2014 میں کراچی میں جرائم کی شرح 81.34 تھی جو 2019 تک بہتر ہو کہ58.43 ہو گئی ہے۔

    اس انڈیکس میں انڈیا کے دارالحکومت دہلی کا 65 واں نمبر ہے اور وہاں حالات کراچی کی نسبت زیادہ خراب ہیں۔

    یاد رہے سال 2018 میں جاری کردہ ایک پولیس رپورٹ کے مطابق، شہر میں قتل و غارت گری اور اغوا برائے تاوان میں کمی آئی لیکن سٹریٹ کرائم ایک چیلنج رہے۔

  • وقت آگیاہے بھارت اپنےجھوٹے دعوؤں پر سچ بولے، ڈی جی آئی ایس پی آر

    وقت آگیاہے بھارت اپنےجھوٹے دعوؤں پر سچ بولے، ڈی جی آئی ایس پی آر

    راولپنڈی : ڈی جی آئی ایس پی آر میجر جنرل آصف غفور کا کہنا ہے کہ اللہ تعالیٰ کےفضل وکرم سےسچ کی فتح ہوئی، وقت آگیاہے بھارت اپنے جھوٹے  دعوؤں پر سچ بولے اورخصوصاًمقبوضہ کشمیرمیں مظالم کاجائزہ لے۔

    پاک فوج کے شعبہ تعلقات عامہ (آئی ایس پی آر) کے ڈایریکٹر جنرل میجر جنرل آصف غفور نے سماجی رابطے کی ویب سائٹ ٹوئٹر امریکی میگزین فارن پالیسی کی رپورٹ کا حوالہ دیتے ہوئے کہا شکر الحمداللہ، جیت سچائی کی ہوتی ہے، اللہ تعالیٰ کےفضل وکرم سےسچ کی فتح ہوئی۔

    ،ڈی جی آئی ایس پی آر کا کہنا تھا کہ وقت آگیاہے بھارت اپنےجھوٹے دعوؤں سمیت گرنےوالےدوسرےطیارے پرسچ بولے اور اپنےنقصانات کی صحیح تصویرسامنےلائے۔

    میجر جنرل آصف غفور نے کہا بھارت زیادتیوں خصوصاً مقبوضہ کشمیر میں مظالم کا جائزہ لے، خطے کو امن، خوشحالی اور ترقی کی ضرورت ہے۔

    یاد رہے امریکی میگزین فارن پالیسی نے پاکستان کے تمام ایف سولہ طیارے گرانے کا بھارتی دعویٰ جھوٹا قرار دیتے ہوئے ایف سولہ طیارہ موجود ہونے کی تصدیق کردی تھی۔

    امریکی میگزین فارن پالیسی کے مطابق پاکستان کی دعوت پر امریکی حکام نے پاکستانی ایف سولہ طیاروں کی گنتی کی اور تمام طیارے موجود تھے، کوئی بھی پاکستانی ایف سولہ طیارہ غائب نہیں تھا، بھارتی حکومت نے عالمی برادری کےسامنے غلط بیانی کی۔

    مزید پڑھیں : امریکی جریدے نے پاکستانی ایف 16طیارہ گرانے کا بھارتی دعویٰ جھوٹا قرار دے دیا

    امریکی جریدے کے مطابق امریکی حکام کا کہنا ہے کہ پاکستان پرایف سولہ طیاروں کے استعمال سے متعلق کوئی پابندی نہیں ہے۔

    خیال رہے بھارت مسلسل پاکستان کا ایف سولہ طیارہ گرانے کا دعوی کررہا تھا۔

    واضح رہے کہ بھارت نے 27 فروری کو لائن آف کنٹرول پر پاکستانی ایف سولہ طیارہ مار گرانے کا دعویٰ کیا تھا جبکہ پاکستانی شاہینوں نے دو بھارتی مگ 21 طیارے مار گرائے تھے اور بھارتی پائلٹ کو بھی گرفتار کرلیا تھا، بعد ازاں جذبہ خیر سگالی کے تحت گرفتار پائلٹ کو بھارت کے حوالے کر دیا تھا۔

    ڈی جی آئی ایس پی آر میجرجنرل آصف غفور نے بھی ایف 16طیارہ گرانے کا بھارتی دعویٰ مسترد کرتے ہوئے کہا تھا بھارتی طیارے گرانے کی کارروائی میں جے ایف17 تھنڈراستعمال کیا گیا۔

  • ڈی جی آئی ایس پی آر کا یوم پاکستان پریڈ کے پروموز کے شرکاء سے اظہار تشکر

    ڈی جی آئی ایس پی آر کا یوم پاکستان پریڈ کے پروموز کے شرکاء سے اظہار تشکر

    راولپنڈی : ڈی جی آئی ایس پی آر میجر جنرل آصف غفور نے یوم پاکستان پریڈ کے پروموز کے شرکاء سے اظہار تشکر ہوئے قومی مہم میں تعاون پر میڈیا کا خصوصی طور پر شکریہ ادا کیا۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کے ڈایریکٹر جنرل میجر جنرل آصف غفور نے سماجی رابطے کی ویب سائٹ ٹوئٹر پر یوم پاکستان پریڈکے پروموز کے شرکا سے اظہار تشکر کرتے ہوئے کہا پروموز میں شرکت پر تمام پاکستانیوں کا شکریہ ادا کیا۔

    ڈی جی آئی ایس پی آر کا کہنا تھا کہ قومی مہم میں تعاون پرمیڈیا کا بھی خصوصی طور پر شکریہ ، "ہم سب کی آواز ۔۔ پاکستان زندہ
    باد”۔

    یاد رہے آئی ایس پی آر کی جانب سے یوم پاکستان کی مناسبت سے پروموز جاری کیے گئے ، ان پروموز میں فنکاروں ، کھلاڑیوں اور میڈیا نمائندہ گان ، پاکستانیوں، سیاستدانوں کی جانب سے پاکستان زندہ کے پیغامات شامل کیے گئے تھے۔

    آئی ایس پی آر نے تئیس مارچ کا ترانہ "ہردل کی آواز پاکستان” جاری کیا تھا، جس میں دشمن کو پیغام دیا جارحیت کیخلاف پوری قوم متحد ہے اور تحریک پاکستان کےکارکنوں کوخراج عقیدت پیش کیا گیا تھا۔

    مزید پڑھیں : یوم پاکستان پراسلام آباد میں مسلح افواج کی شاندار پریڈ جاری

    خیال رہے آج یوم پاکستان ملی جوش اور جزبے سے منایا جار ہا ہے، دن کا آغاز وطن عزیز کی سلامتی کیلئے خصوصی دعاوں سے ہواجبکہ وفاقی دارلحکومت اسلام اباد کا کیولری گرائونڈ اکتیس توپوں کی سلامی سے گونج اٹھا۔

    یوم پاکستان کے دن اسلام آباد کے پریڈ گراؤنڈ میں مسلح افواج کی شاندار پریڈ جاری ہے، سعودی عرب اور آذربائیجان کے دستے بھی پریڈ میں شریک ہیں، تقریب کے مہمان خصوصی ملیشیا کے وزیراعظم مہاتیرمحمد ہیں۔