Tag: DG rangers Bilal Akbar

کراچی : ڈی جی رینجرز میجر جنرل بلال اکبر سے کراچی میں سیاسی جماعتوں کے وفود نے ملاقاتیں کیں۔

ڈی جی رینجرز سے جماعت اسلامی، ایم کیو ایم کے وفود اوروزیرداخلہ سندھ سہیل انور سیال نے علیحدہ علیحدہ ملاقاتیں کی ہیں۔

ترجمان رینجرز کے مطابق ملاقاتوں میں کراچی آپریشن کے معاملات اور بلدیاتی الیکشن کے آنے والے مراحل میں سیکیورٹی انتظامات کے بارے میں تبادلہ خیال کیا گیا۔

ترجمان کے مطابق ملاقات میں کراچی کے امن کو باہمی اشتراک اور یکسوئی کے ساتھ مضبوط کرنے اور آپریشن احسن طریقے سے بڑھانے پر بھی اتفاق کیا گیا۔

کراچی: ڈی جی رینجرز سندھ بلال اکبرنے وزیر داخلہ چوہدری نثار سے رابطہ کیا جس میں کراچی آپریشن کو مزید آگے بڑھانے پر اتفاق کیا گیا۔

تفصیلات کے مطابق ڈی جی رینجرز سندھ کا وزیر داخلہ چوہدری نثار سے رابطہ ہوا ہے جس میں ڈی جی رینجرز نے حالیہ بدیاتی الیکشن میں امن وامان کی صورتحال اور کراچی آپریشن پر بریفنگ دی۔

وزیر داخلہ نے رینجرز کے کردار کو سراہا اور کہا کہ کراچی آپریشن سے امن وامان کی صورتحال میں واضح بہتری آئی ہے،وزیر داخلہ نے ہدایت کی کراچی آپریشن کو مزید آگے بڑھایاجائے اور بلدیاتی انتخابات کے دوران پیدا ہونے والی صورتحال پر قابو پایا جائے۔

چوہدری نثار نے ہدایت دی کہ رینجرز پولیس کے ساتھ ملکر اندورن سندھ میں حالات معمول لانے کے لئے اقدامات کرے۔

کراچی : وزیراعلیٰ سندھ قائم علی شاہ نے ڈی جی رینجرز میجرجنرل بلال اکبر سے ملاقات کی۔

تفصیلات کے مطابق وزیراعلیٰ ہاؤس کے ترجمان کے مطابق وزیراعلیٰ سندھ قائم علی شاہ سے ڈی جی رینجرز میجر جنرل بلال اکبر کی ملاقات ہوئی ہے، ملاقات میں شہر میں ہونے والی ٹارگٹ کلنگ اور امن وامان کی صورتحال پر تبادلہ خیال کیا گیا۔

ذرائع کے مطابق ڈی جی رینجرز نے وزیراعلیٰ سندھ کو کراچی آپریشن میں ہونے والی پیش رفت سے آگاہ کیا اور واضح کیا کہ آپریشن بلاامتیاز جاری ہے۔