کراچی: ڈی جی رینجرز نے ناظم میں دو افراد کی ٹارگٹ کلنگ کرنے والوں کی اطلاع دینے والے کیلئے دس لاکھ روپے انعام کا اعلان کردیا۔
اتوار کو ناظم آباد کے علاقے میں نامعلوم افراد نے ہوٹل پر فائرنگ کرکے دو افراد کو قتل کرکے فرار ہوگئے تھے ۔
ڈی جی رینجرز میجر جنرل بلال اکبر نے عوام سے اپیل کی ہے کہ شہریوں کے قتل میں ملوث ملزمان کےبارے میں معلومات رینجرز کو فراہم کریں ۔
معلومات دینے والے کا صیغہ راز میں رکھا جائے گا اور دس لاکھ روپے انعام دیا جائے گا ۔
کراچی: قانون نافذ کرنے والے اداروں کے اجلاس میں ڈی جی رینجرز کا کہنا تھا کہ چند مدارس طلبہ کو دہشتگردی کی تربیت دینے میں ملوث ہیں، ثبوت وزارتِ داخلہ کوبھجوا دیئے گئے ہیں۔
کراچی میں امن وامان سے متعلق ہونے والے اجلاس میں شرکا کو بریفنگ دیتے ہوئے ڈی جی رینجرز نے کہا ہے کہ چند مدارس میں طلبہ کو دہشت گردی کی تربیت دی جارہی ہے۔
اُن کا کہنا تھا کہ اسکول ومدارس سے غائب ہونے والے بچوں کو دہشتگردی کیلئے استعمال کیا جاتا ہے، جس کے ثبوت وزارتِ داخلہ کوبھجوادیئے گئے ہیں۔
اُنہوں نے اجلاس کے شرکاء کو بتایا کہ دہشت گردی میں بیرونی ہاتھ بھی ملوث ہیں، اُنہوں نے اسلحے کی ازسرِنو جانچ پڑتال کی تجویز دی۔
اجلاس میں آئی جی سندھ نے بتایا کہ سانحہ صفورا میں دس ملزمان ملوث تھے جبکہ مجموعی طور پر ملزمان کا یہ گروہ ایک سو پچیس افراد پر مشتمل ہے۔