Tag: DG Rangers

کراچی: ڈی جی رینجرز کا کراچی آپریشن مزید موثر بنانے کا حکم

کراچی: ڈی جی رینجرز میجر جنرل سعید نے شہر کے مختلف علاقوں کا دورہ کرتے ہوئے شہر میں جاری آپریشن کو مزید موثر اور نتیجہ خیز بنانے کے احکامات جاری کیے۔

تفصیلات کے مطابق ڈی جی رینجرز سندھ میجر جنرل محمد سعید نے کراچی کے مختلف علاقوں لیاری، لیاقت آباد، اورنگی ٹاؤن، عزیز آباد، لانڈھی، کورنگی کا دورہ کیا اور کراچی میں جاری آپریشن کی صورتحال پر اطمینان کا اظہار کیا۔

ترجمان رینجرز کی جانب سے جاری کردہ اعلامیے میں کہا گیا ہے کہ ’’ڈی جی رینجرز نے کراچی میں امن و امان کی صورتحال پر اطمینان کا اظہار کرتے ہوئے افسران اور جوانوں کی کارکردگی کو سراہا‘‘۔

کراچی میں مستقل امن و امان کے قیام کو یقینی بنانے کے لیے ڈی جی رینجرز نے آپریشن کو مزید موثر اور نتیجہ خیز بنانے کے احکامات جاری کرتے ہوئے دہشت گردوں کے خلاف بلاامتیاز کارروائی کی ہدایات بھی کی۔

ڈی جی رینجرز نے گڈاپ ٹاؤن میں افسران اور جوانوں سے ملاقات بھی کی، سیکٹر کمانڈر نے حالیہ آپریشن اور صورتحال پر ڈی جی رینجرز کو بریفنگ دی۔میجر جنرل نے افسران اور جوانوں کی کارکردگی کو سراہتے ہوئے آپریشن کو مزید موثر اور نتیجہ خیز بنانے کے احکامات جاری کیے۔

دسمبر 28, 2016
کراچی میں چھاپے: وزیرداخلہ کی وزیراعظم کو بریفنگ

اسلام آباد : کراچی میں رینجرز کے حالیہ چھاپوں کے بعد وزیر داخلہ نے چوہدری نثار سے ملاقات کی اور چھاپوں کے حوالے سے آگاہ کیا، وزیراعظم نے چھاپوں سے متعلق رپورٹ طلب کرلی۔

تفصیلات کے مطابق وزیر اعظم میاں محمد نواز شریف سے وفاقی وزیر داخلہ چوہدری نثار کی ملاقات ہو ئی ہے۔ ملاقات میں ملک کی مجموعی صورتحال سمیت دیگر امورپرتبادلہ خیال کیا گیا۔

وزیر داخلہ نے وزیراعظم کو کراچی آپریشن سے متعلق بریفنگ بھی دی، ذرائع کے مطابق وزیراعظم ہاؤس میں ہونے والی ملاقات میں ملک کی سیکیورٹی،کراچی کے حالات اور آصف زرداری کی وطن واپسی پر بھی بات چیت کی گئی۔

ملاقات میں ملک کے اہم امور سمیت دیگرایشز بھی زیر غور آئے۔ وزیر اعظم نے چوہدری نثار سے کراچی میں رینجرز کی جانب سے کی جانیوالی کارروائی کی تفصیل طلب کی جس پر وزیر داخلہ نے وزیر اعظم سے کہا کہ ڈی رینجرز سے کاررروائیوں کی رپورٹ طلب کر لی گئی ہے۔

انہوں نے وزیراعظم کو بتایا کہ رینجرز کی جانب سے چھاپے ٹھوس شواہد کی بنیاد پر مارے گئے۔ چودھری نثار علی خان نے کہا کہ کراچی میں آج کے چھاپوں کے کوئی سیاسی عوامل ہرگز نہیں تھے۔ چھاپے رینجرز نے اپنے طور پر ٹھوس شواہد کی بنیاد پر مارے گئے۔

مزید پڑھیں: کراچی میں رینجرزکےایک ادارے کے3مختلف دفاترپرچھاپے

واضح رہے کہ کراچی کے علاقے آئی آئی چندریگر روڈ اور ہاکی اسٹیڈیم کے قریب رینجرز کی جانب سے ایک ادارے کے تین دفاتر پر کارروائی کی گئی ۔

کارروائی کے بعد رینجرز کی جانب سے میڈیا کو پریس ریلیز جاری کی گئی جس میں بتایا گیا کہ چھاپہ مار کارروائی غیر قانونی ہتھیاروں کی موجودگی اور مجرموں کو سہولت فراہم کرنے والے افراد کی موجودگی کی اطلاع پر کی گئی۔

دسمبر 23, 2016
سندھ بھرمیں آپریشن جاری رہے گا، ڈی جی رینجرز

کراچی : ڈی جی رینجرز میجرجنرل محمد سعید کا کہنا ہے ٹارگٹڈ آپریشن کراچی سمیت سندھ بھر میں جاری رہے گا، دہشت گردوں اور ان کی پشت پناہی کرنے والوں کو جڑ سے اکھاڑ پھینکیں گے۔ دہشت گردوں ،عسکری ونگ، اغوا۔کاروں اور بھتہ خوروں کا خاتمہ یقینی بنائیں گے۔

تفصیلات کے مطابق نئے ڈی جی رینجرز میجر جنرل محمد سعید سندھ بھر میں آپریشن جاری رکھنے کیلئے پرعزم ڈی جی رینجرز میجرجنرل محمد سعید نے کراچی کے مختلف سیکٹرز کا دورہ کیا۔ افسران اورجوانوں سے ملاقات کی۔

ڈی جی رینجرز نے کراچی میں امن کی بحالی میں سندھ رینجرز کے کردار کو سراہا اور لیفٹیننٹ جنرل بلال اکبر کےاقدامات کوخراج تحسین پیش کیا۔

میجر جنرل محمد سعید نے دہشت گردوں کیخلاف آپریشن جاری رکھنے کے عزم کا اعادہ کرتے ہوئے کہا کہ دہشت گردی میں اندرون وبیرونی طاقتوں کا پورا ادراک ہے جوشرپسند عناصرکو استعمال کرکے قیام امن میں رکاوٹ ڈالنا چاہتے ہیں۔

ڈی جی رینجرز نے کہا کہ عوام کی مدد سے دہشت گردوں اور ان کے سہولت کاروں کے مذموم مقاصد کو جڑ سے اکھاڑ کر کراچی میں پائیدار امن یقینی بنائیں گے۔ انہوں نے کہا کہ مقصد کےحصول کیلئے کسی بھی قربانی سے دریغ نہیں کریں گے۔

دسمبر 22, 2016
نئے ڈی جی رینجرز سندھ اور آئی جی ایف سی بلوچستان کی تعیناتی

راولپنڈی : میجر جنرل محمد سعید کو ڈی جی رینجرز سندھ اور میجر جنرل ندیم انجم کو آئی جی ایف سی بلوچستان تعینات کردیا گیا، اس سے قبل میجر جنرل محمد سعید جی او سی حیدرآباد کے عہدے پر کام کر رہے تھے۔

آئی ایس پی آر کے مطابق پاک فوج میں تقرریوں اور تبادلوں کا سلسلہ جاری ہے، جس کے تحت میجر جنرل محمد سعید کو لیفٹیننٹ جنرل بلال اکبر کی جگہ ڈی جی رینجرزسندھ تعینات کردیا گیا جبکہ لیفٹیننٹ جنرل شیر افگن کی جگہ میجر جنرل ندیم انجم کو آئی جی ایف سی بلوچستان تعینات کردیا گیا ہےْ

ڈی جی رینجرز سندھ بلال اکبر کو جی ایچ کیو میں چیف آف جنرل اسٹاف تعینات کیا گیا ہے اور آئی جی ایف سی بلوچستان لیفٹیننٹ جنرل شیرافگن کورکمانڈر بہاولپور مقرر کیا گیا ہے۔

کورکمانڈر کراچی لیفٹیننٹ جنرل نوید مختار کو ڈی جی آئی ایس آئی تعینات کیا گیا ہے۔

دسمبر 15, 2016
کراچی کے تاجروں کا کورکمانڈراورڈی جی رینجرزکوخراج تحسین

کراچی : کے سی سی آئی نے لیفٹیننٹ جنرل نوید مختار، لیفٹیننٹ جنرل بلال اکبر کو خراج تحسین پیش کرتے ہوئے کہا ہے کہ ان شخصیات کی کوششوں سے کراچی میں امن و سکون کا قیام ممکن ہوا۔

تفصیلات کے مطابق کراچی چیمبر آف کامرس اینڈ انڈسٹری کے عہدے داروں نے لیفٹیننٹ جنرل نوید مختار کو بطور ڈی جی آئی ایس آئی اور لیفٹننٹ جنرل بلال اکبر کو چیف آف جنرل اسٹاف بنائے جانے پر مبارک باد پیش کرتے ہوئے کہا ہے کہ لیفٹیننٹ جنرل نوید مختار اور لیفٹیننٹ جنرل بلال اکبر نے پیشہ ورانہ مہارت کا مظاہرہ کرتے ہوئے اس امر کو یقینی بنایا کہ کراچی کا صنعتی پہیہ محفوظ کاروباری ماحول میں بلارکاوٹ گھومتا رہے۔

انہوں نے کہا کہ کراچی میں امن وامان کی مجموعی صورتحال ویسی تشو یش ناک نہیں جیسی 3 سال پہلے تھی تاہم اب بھی کراچی میں دیرپا امن قائم کرنے کے لیے مزید کام کرنے کی ضرورت ہے۔

کے سی سی آئی کے عہدے داروں نے نئے کور کمانڈر کراچی لیفٹیننٹ جنرل شاہد بیگ مرزا کو بھی اپنے بھرپور تعاون کا یقین دلاتے ہوئے امید ظاہر کی کہ وہ کہ شہر میں دیرپا امن کے قیام کے لیے سخت اقدامات کریں گے۔

دسمبر 14, 2016
ایپکس کمیٹی : کورکمانڈراور ڈی جی رینجرزکی الوداعی شرکت

کراچی : کور کمانڈر کراچی اور ڈی جی رینجرز نے سندھ اپیکس کمیٹی کے اجلاس میں آخری بار شرکت کی۔ دونوں شخصیات کو سندھی ٹوپی اوراجرک کا تحفہ پیش کیا گیا۔ صوبائی مشیر اطلاعات مولا بخش چانڈیو نے کہا کہ ڈی جی رینجرز نے ہمیں دوست بنالیا۔

تفصیلات کے مطابق کراچی آپریشن کے کپتان وزیراعلٰی مراد علی شاہ کی صدارت میں ایپکس کمیٹی کا اجلاس منعقد ہوا۔ کور کمانڈراور ڈی جی رینجرز کا یہ الوداعی اجلاس تھا۔

اجلاس میں کورکمانڈر اورڈی جی رینجرز کی خدمات کو سراہا گیا، وزیراعلیٰ سندھ نے کور کمانڈر نوید مختار اور ڈی جی رینجرز بلال اکبر کو اجرک اور سندھی ٹوپی کا تحفہ دیا۔ اس موقع پر کور کمانڈر نے بھی وزیراعلیٰ سندھ کو تحائف پیش کیے۔

اجلاس میں مشیر اطلاعات مولا بخش چانڈیو نے کہا کہ میجر جنرل بلال اکبر نے اپنے رویے سے ہمیں دوست بنا لیا ہے۔ لیفٹننٹ جنرل نوید مختار پر اجرک اورسندھی ٹوپی اچھی لگتی ہے۔

مزید پڑھیں : سندھ ایپکس کمیٹی کا اہم اجلاس آج وزیراعلیٰ ہاؤس میں ہو رہا ہے

اجلاس کی صورت حال بتاتے ہوئے انہوں نے کہا کہ دہشت گردی کے خاتمے تک کراچی آپریشن جاری رہے گا، ایپکس کمیٹی کےاجلاس کی صدارت گورنرسندھ کی جگہ وزیراعلٰی نے کی۔ یاد رہے کہ گورنر سندھ سعید الزماں صدیقی اپنی تقرری کے بعد سے تاحال زیرعلاج ہیں۔

دسمبر 13, 2016
جلوس کی سیکیورٹی ، ڈی جی رینجرز، وزیراعلیٰ اور آئی جی سندھ نے جائزہ لیا

کراچی : ڈی جی رینجرز سندھ میجرجنرل بلال اکبر اور آئی جی سندھ بھی نومحرم الحرام کے مرکزی جلوس کی سیکیورٹی انتظامات کا جائزہ لینے نمائش چورنگی پہنچے، ڈی جی رینجرز سندھ بلال اکبر نے سیکیورٹی انتظامات پراطمینان کا اظہار کیا۔

اس موقع پرمیجر جنرل بلال اکبر نے کہا کہ سیکیورٹی کےکڑے انتظامات کئے ہیں، جلوسوں میں آنےوالے خود کومحفوظ تصور کریں۔

علاوہ ازیں آئی جی سندھ اے ڈی خواجہ نے بھی نمائش چورنگی کا دورہ کیا اور سیکیورٹی انتظامات کا جائزہ لیا، کراچی میں محرم الحرام کے جلوسوں کےراستوں پر نہ صرف سخت سیکورٹی ہے بلکہ دکانوں کو بھی سیل کردیا گیا ہے۔

میڈیا سے گفتگو میں آئی جی سندھ نےسیکیورٹی پر اطمینان کا اظہار کرتے ہوئے کہا کہ سیکیورٹی کے کڑے اقدامات کئے گئے ہیں۔جلوس کے منتظمین سیکیورٹی انتظامات سے مطمئن ہیں۔امید ہے دن خیریت سے گزرے گا۔

دریں اثناء نو محرم الحرام کو وزیر اعلیٰ سندھ سید مراد علی شاہ نے کمانڈ اینڈ کنٹرول روم کا دورہ کیا وزیراعلیٰ نے وڈیو لنک کےذریعے جلوسوں کی نگرانی کا جائزہ لیا۔

متعلقہ حکام نے سیکیورٹی کے حوالے سے مراد علی شاہ کو بریفنگ دی۔ وزیر اعلی نے سیکیورٹی کومزید بہتربنانےکی ہدایت کی۔

اکتوبر 11, 2016
اسلحہ برآمدگی کیس، جے آئی ٹی تشکیل، متحدہ قیادت سے تفتیش کا امکان

کراچی: عزیز آباد سے برآمد ہونے والے اسلحہ کے معاملے پر ایم کیو ایم پاکستان سے تفتیش کرنے پر غور جاری ہے، برآمد شدہ اسلحے کے معاملے کی تحقیقات کے لیے جے آئی ٹی تشکیل دینے کا فیصلہ بھی کرلیا گیا۔

اے آر وائی نیوز نمائندے نذیر شاہ کے مطابق پولیس ذرائع نے اس بات کی تصدیق کی ہے کہ شہر میں کئی مقامات پر اسلحے کے ذخائر موجود ہیں جن کی تلاش کے لیے اداروں کو متحرک کردیا گیا ہے تاہم سیکیورٹی اداروں نے بھی اسلحے کے ذخائر کی کھوج لگانا شروع کردی ہے۔

پولیس ذرائع نے کہا کہ برآمد کیے گئے اسلحے کی تفتیش کے لیے باقاعدہ جے آئی ٹی تشکیل دے دی گئی ہے اور اس حوالے سے ایم کیو ایم پاکستان کی قیادت سے تحقیقات کرنے پر غور جاری ہے۔

پڑھیں: عزیزآباد،زیرزمین ٹینک سے بھاری مقدارمیں اسلحہ برآمد

تفتیشی ذرائع نے کہاکہ عزیز آباد میں شہر کی تاریخ کا سب سے بڑا ذخیرہ برآمد کیا گیا ہے، جو زیر زمین ٹینک میں چھپایا گیا تھا، 120 گز پر موجود گھر میں تعمیر کیے گئے ٹینک کو محض اسلحہ اور بارود کو چھپانے کے لیے بنایا گیا تھا کیونکہ اس میں پانی کی لائن موجود نہیں تھی۔

ذرائع نے اس بات کا بھی انکشاف کیا کہ مکان میں ٹینک فرنٹ پر تیار کیا گیا تھا جبکہ دیگر گھروں میں یہ پچھلے حصے میں تعمیر کیاجاتاہے اور اس میں ہوا کے گزرنے کا باقاعدہ سسٹم بنایا گیا تھا تاکہ بارود اور اسلحے کی بو کو پھیلنے سے روکا جاسکے۔

مزید پڑھیں: عزیز آباد سے پکڑا جانے والااسلحہ پاک فوج کے سپرد

پولیس کے مطابق حساس ادارے کی خفیہ اطلاع پر مکان میں کارروائی کی گئی جہاں فرش بالکل پکا تھا، تاہم اہلکاروں نے چیک کھوکھلے پن کا اندازہ لگا کر کھدائی کا عمل شروع کیا تو اندر سے اسلحے کا بڑا ذخیرہ موجود تھا۔

یہ بھی پڑھیں: عزیز آباد سے برآمد اسلحہ بڑی لڑائی میں استعمال ہونا تھا، ڈی جی رینجرز

قبل ازیں ڈی آئی جی ویسٹ اور ایس ایس پی سینٹرل کی موجودگی میں عزیزآباد کے خالی مکان میں اسلحے کی موجودگی کے شک پر آج پھر کھدائی کی گئی، بعد ازاں پولیس کی جانب سے متعلقہ گھر کو سیل کردیا گیا۔

دوسری جانب وزیر اعلی سندھ مرار علی شاہ نے عزیز آباد کے مکان اسلحہ کا زخیرہ برآمد کرنے والی پولیس پارٹی کے لئیے پچاس لاکھ روپے انعام کا اعلان کیا ہے۔

اکتوبر 6, 2016
رینجرز کی کارروائیاں، کالعدم تنظیم کے کارندوں سمیت 17 ملزمان گرفتار

کراچی: سندھ رینجرز نے شہر قائد کے مختلف علاقوں میں کارروائیاں کرتے ہوئے کالعدم تنظیم کے کارندوں اور بھتہ خوروں سمیت 17 ملزمان کو گرفتار کر کے اسلحہ برآمد کرلیا۔

ترجمان رینجرز کی جانب سے جاری کردہ اعلامیے میں گیا ہے کہ ’’سندھ رینجرز نے کراچی کے مختلف علاقوں گلشن اقبال، گڈاپ ٹاؤن، بن قاسم ٹاؤن، اورنگی ٹاؤن اور بلدیہ میں کارروائیاں کرتے ہوئے 15 ملزمان کو گرفتار کر کے تفتیش کے لیے نامعلوم مقام پر منتقل کیا‘‘۔

پڑھیں: محرم الحرام کے جلوسوں کی نگرانی کی جائے گی، ترجمان رینجرز سندھ

اعلامیے میں کہا گیا ہے کہ ’’گرفتار میں ملزمان میں کالعدم تنظیم کے6 ، 6 جرائم پیشہ، 2 بھتہ خور اور 1 ڈاکو کو حراست میں لیا جن کے قبضے سے اسلحہ بھی برآمد کیا گیا ہے۔ اعلامیے میں مزید کہا گیا ہے کہ رینجرز کی جانب سے جمشید ٹاؤن میں اسنیپ چیکنگ کے دوران دو مشتبہ افراد کو گرفتار کیا ے جن کے قبضے سے اسلحہ برآمد ہوا ہے، تمام گرفتار ملزمان کو تفتیش کے لیے نامعلوم مقام پر منتقل کردیاگیا ہے۔

مزید پڑھیں: محرم الحرام کی آمد، رینجرز کے تحت بوائز اسکاؤٹس کے تربیتی پروگرام کا انعقاد

یاد رہے محرم الحرام میں امن و امان کو یقینی بنانے کے لیے رینجرز کی جانب سے خصوصی سیکیورٹی پلان تشکیل دیا گیا ہے، علاوہ ازیں مجالس اور جلسوں میں دہشت گردوں کے ممکنہ خطرات کے پیش نظر رینجرز کی جانب سے اسکواڈ تنظیموں کی خصوصی تربیت کا اہتمام بھی کیاگیا تھا۔ جس کے تحت چار سو سے زائد اسکواڈ بوائز کی ٹریننگ عمل میں لائی گئی۔

اکتوبر 6, 2016
عزیز آباد سے برآمد اسلحہ بڑی لڑائی میں استعمال ہونا تھا، ڈی جی رینجرز

کراچی: ڈی جی رینجرز میجر جنرل بلال اکبرنے کہا ہے کہ سندھ پولیس نے عزیز آباد نائن زیرو کے قریب سے اسلحے کی بڑی کھیپ برآمد کر کے دہشت گردوں کے عزائم خاک میں ملا دیے۔

ان خیالات کا اظہار انہوں نے پولیس کے ہاتھوں عزیز آباد نائن زیرو کے قریب خالی گھر سے بھاری تعداد میں برآمد کیے گئے اسلحے کے معائنے کے موقع پر کیا۔

ڈی جی رینجرز بلال اکبر کا کہنا تھا کہ ’’برآمد کیا جانے والا اسلحہ بڑی لڑائی میں استعمال ہونا تھا جسے پولیس نے بروقت کارروائی کر کے دہشت گردوں کی حکمتِ عملی ناکام بنادی‘‘۔

پڑھیں: عزیزآباد،زیرزمین ٹینک سے بھاری مقدارمیں اسلحہ برآمد

انہوں نے کراچی پولیس کو مبارک بار پیش کرتے ہوئے 3 سالہ آپریشن کی تاریخ میں سب سے بڑی کارروائی قرار دیا، بلال اکبر نے میڈیا سے گفتگو کرتے ہوئے کہا کہ ’’پولیس نے بروقت کارروائی کرتے ہوئے دشمن کے عزائم خاک میں ملا دیے‘‘۔

لندن قیادت نے اسلحہ برآمدگی کو ڈرامہ قرار دے دیا

دوسری جانب ایم کیوایم لندن قیادت کے اراکین واسع جلیل، مصطفٰی عزیزآبادی اوردیگر نے جاری اپنے ایک مشترکہ بیان میں کہا کہ’’ کراچی کےعوام ایسے ڈرامے کئی سال سے دیکھ رہے ہیں وہ ان کے مقاصدکواچھی طرح سمجھتے ہیں‘‘۔

لندن رابطہ کمیٹی نے جاری کردہ اعلامیے میں کہا کہ ’’22 اگست کے بعد متعدد بار قانون نافذ کرنے والے اداروں نے نائن زیرو اور اُس کے اطراف میں واقع گھر گھر تلاشی لے چکے ہیں جبکہ ایک ماہ سے زیادہ سے یہ علاقہ قانون نافذ کرنے والے اداروں کی کڑی نگرانی میں ہے جہاں فورسز کے اہلکار دن بھر گلیوں کا گشت کرتے رہتے ہیں‘‘۔

مزید پڑھیں: ایم کیوایم کے مرکز سے ملک مخالف لٹریچراور اسلحہ برآمد ، نائن زیرو سیل،سیکٹر کمانڈر بریگیڈیئر خرم

لندن قیادت نے مزید کہا کہ ’’نائن زیرو کے اطراف میں رہائش پذیر لوگوں کو اپنے گھروں تک جانے کے لیے متعدد مقامات پر شناختی کارڈ دکھانے کے عمل سے گزرنا پڑتا ہے‘‘۔

مشترکہ بیان میں کہا گیا ہے کہ ’’ایسے علاقے سے اسلحہ برآمد کرنے کا دعویٰ کرکے اُسے ایم کیو ایم سے جوڑنا محض ڈرامہ ہے جس سے عوام بخوبی واقف ہیں کیونکہ وہ اس طرز کی کارروائیاں کئی سالوں سے دیکھ رہے ہیں۔

اکتوبر 5, 2016