ڈھاکا : پاکستان اور بنگلادیش کے درمیان کھیلے جانے والے ٹیسٹ کے چوتھے روز کھیل کا آغاز ہوگیا ہے۔
تفصیلات کے مطابق میر پور میں دو روز سے جاری موسلادھا ر بارش کا سلسلہ تھم چکا ہے، میچ ریفری نے گراؤنڈ کا معائنہ کرنے کے بعد چوتھے دن کا کھیل شروع کرنے کا فیصلہ کیا۔
آج ٹیسٹ کا چوتھا روز ہے بارش کی بار بار مداخلت کے باعث ابھی تک مجموعی طور پر 65 اوورز کا کھیل ہوسکا ہے جبکہ ایک اننگز بھی مکمل نہ ہوسکی ہے۔
میچ کے آغاز کے ساتھ ہی پاکستان کی اہم وکٹ گری، اظہر علی 56 رنز بنا کر عبادت حسین کا شکار بنے، وکٹوں کے پیچھے لٹن داس نے ان کا کیچ تھاما، کپتان قومی ٹیم بابراعظم 76 رنز ناٹ آؤٹ کے ساتھ کریز پر موجود ہیں۔
اس بات کا قوی امکان ہے کہ ڈھاکا ٹیسٹ ڈرا ہوجائے گا۔
واضح رہے کہ پاکستان کو دو میچوں پر مشتمل سیریز میں ایک صفر کی برتری حاصل ہے، چٹاکانگ ٹیسٹ میں پاکستان نے بنگال ٹائیگرز کو 8 وکٹوں سے شکست دی تھی۔
