ARYNews.tv | Urdu – Har Lamha Bakhabar

Tag: dhamki

  • پاکستان بھارت کی جانب سے فراہم کردہ نشاندہیوں پر کام کررہا ہے، دفتر خارجہ

    پاکستان بھارت کی جانب سے فراہم کردہ نشاندہیوں پر کام کررہا ہے، دفتر خارجہ

    اسلام آباد: دفتر خارجہ کاکہنا ہے کہ پاکستان بھارتی ایئر بیس پٹھان کوٹ پر حملے کی مذمت کرچکا ہے۔

    ترجمان دفتر خارجہ نے بھارتی ایئر بیس پٹھان کوٹ پر دہشتگردوں کے حملے کی مذمت کردی تھی، ترجمان دفتر خارجہ کا کہنا ہے پاکستان خود دہشتگردی کا شکار ہے، اس لیے وہ حملے کے متاثرین کے درد کو بخوبی سمجھ سکتا ہے۔

    ترجمان دفتر خارجہ نے کہا کہ پاکستان دہشتگردوں کو ختم کرنے کے لئے بھارتی حکومت سے رابطے میں ہے، پاکستان بھارت کی جانب سے فراہم کردہ نشاندہیوں پر کام کررہا ہے۔

    ان کا کہنا تھا کہ دہشتگردی کا چیلنج دونوں ممالک کے باہمی تعاون کی سوچ کو مزید پختہ کرتا ہے، دونوں ممالک کو جاری مذاکرات کے لئے پر عزم رہنا چاہیئے۔

    دوسری جانب بھارتی میڈیانےدعویٰ کیاہے کہ پٹھان ایئربیس حملےکےبعدپاک بھارت سیکریٹری سطح مذاکرات منسوخ کرنےپرغورکیاجارہاہے۔

    بھارتی میڈیا نےپاک بھارت مذاکرات کی منسوخی کی قیاس آرائیاں شروع کردی پاک بھارت سیکرٹیری سطح کے مذاکرات منسوخ ہوسکتےہیں، بھارتی میڈیا کاپروپگینڈا حملہ کرنے والےبھاول پورسے آئےتھے، بھارتی میڈیا کے مطابق قومی سلامتی مشیروں کی ملاقات پر پٹھان کوٹ معاملے کو اٹھایا جائے گا۔

  • دھمکی آمیز فون : بھارتی ڈپٹی ہائی کمشنر کی دفتر خارجہ طلبی

    دھمکی آمیز فون : بھارتی ڈپٹی ہائی کمشنر کی دفتر خارجہ طلبی

    اسلام آباد : پاکستان نے بھارتی حکومت سے گورنر ہاؤس کراچی کو بھارت سے آنے والی دھمکی آمیز فون کال کے بارے میں تحقیقات کرنے کا مطالبہ کیا ہے۔

    تفصیلات کے مطابق پاکستان نے ہندوستان کے ڈپٹی ہائی کمشنر کو دفتر خارجہ طلب کرکے گورنر ہاؤس کراچی کو بھارت سے آنے والی دھمکی آمیز فون کال کی تحقیقات کرنے کا مطالبہ کیاہے۔

    ترجمان دفتر خارجہ قاضی خلیل اللہ کے مطابق ہندوستانی ڈپٹی ہائی کمشنر جے پی سنگھ کو دفتر خارجہ طلب کرکے 23 اکتوبر کو گورنر ہاؤس کراچی کو نئی دہلی سے موصول دھمکی آمیز ٹیلی فون کال سے آگاہ کیا گیا اور فون کال سے متعلق تمام تفصیلات فراہم کیں۔

    پاکستان نے مطالبہ کیا ہے کہ ہندوستان اس دھمکی آمیز ٹیلی فون کال کی باضابطہ تحقیقات کرے اور اس کے نتائج سے پاکستان کو آگاہ کرے۔

    واضح رہے کہ گورنر ہاؤس کراچی کو ایک گمنام شخص کی جانب سے فون کال موصول ہوئی تھی جس میں مذکورہ عمارت کو بم سے اڑانے کی دھمکی دی گئی تھی ۔

  • پی ایس او نے بجلی گھروں کا ایندھن روکنے کی دھمکی دیدی

    پی ایس او نے بجلی گھروں کا ایندھن روکنے کی دھمکی دیدی

    کراچی : پاکستان اسٹیٹ آئل نے پاور پلانٹس کی جانب سے عدم ادائیگی کے باعث ان بجلی گھرو ں کو ایندھن کی فراہمی بند کرنے کی دھمکی دے دی ہے۔

    تفصیلات کے مطابق پی ایس او کی جانب سے وزارت پیڑولیم و قدرتی وسائل کو لکھے گئے خط میں پی ایس او نے باور کرا دیا ہے کہ اگر فوری طور پرواجب الادا ادائیگیاں نہیں کی گئیں تو پی ایس او کی جانب سے بجلی گھروں کو ایندھن کی فراہمی بند کر دی جائے گی ۔

    پی ایس او کو پاور سیکٹر سے ایک سو اٹھانوے ارب روپے وصول کر نے ہیں۔ مالی مشکلات کے باعث پی ایس او بینکوں کو ادا ئیگی سے قاصر ہے جس کے باعث پی ایس او پر پچیس کروڑ روپے کے جرمانے بھی عائد کردیئے گئے ہیں،واضح رہے کہ پی ایس او مختلف اداروں کی جانب سے وصولیاں نہ ہونے کے باعث شدید مالی بحران کا شکار ہے۔

  • حملے کے حوالے سے کوئی دھمکی نہیں ملی، مولانا فضل الرحمان

    حملے کے حوالے سے کوئی دھمکی نہیں ملی، مولانا فضل الرحمان

    کوئٹہ: خود کش حملے کےبعد مولانا فضل الرحمٰن کا کہنا تھا کہ اللہ نے ان کی اور ساتھیوں کی حفاظت فرمائی، نہ کوئی ایسی دھمکی ملی نہ کسی نے خدشے کا اظہار کیا تھا ۔

    کوئٹہ میں مفتی محمود کانفرنس کے بعد ہونےو الے خود کش حملے میں مولانا فضل الرحمان ا ور ان کے ساتھی محفوظ رہے،مولانا فضل الرحمان کا کہنا تھاکہ جیسے ہی ان کی گاڑی جلسہ گاہ سے باہر نکلی دھماکہ ہو گیا ، جس سے گاڑی کوشدید نقصان پہنچا۔

    مولانا نے بتایا کہ ایک دیوار بھی ان کی گاڑی پر گری لیکن کسی کو کوئی گزند نہ پہنچی، مولانا فضل الرحمان کا کہنا تھا کہ وہ دھماکے کے بعد جے یو اآئی کے ایک ذمہ دار کے گھر پہنچے

    انکا کہنا تھا کہ اللہ تعالیٰ نے ان کی حفاظت کی ہے، ان کا کہنا تھا کہ نہ تو انہیں اس سے قبل کوئی دھمکی ملی تھی اور نہ ہی کسی نے خود کش حملے کے خدشے سے آگاہ کیا تھا۔

  • متحدہ رہنماؤں کوطالبان کی جانب سے بھتے کی پرچیاں موصول

    متحدہ رہنماؤں کوطالبان کی جانب سے بھتے کی پرچیاں موصول

    کراچی : بھتہ مافیا کراچی میں بے قابو ہوگئی، کالعدم تنظیم نے ایم کیو ایم کے رہنماؤں کو بھی بھتے کی پرچیاں بھیج دیں،ایم کیوا یم کے رہنما فاروق ستار کہتے ہیں کہ کالعدم تنظیم کی جانب سے ایم کیوایم کو سیاسی سرگرمیاں بند کرنے کی بھی دھمکیاں دی جا رہی ہیں۔

    تفصیلات کے مطابق ایم کیوایم رابطہ کمیٹی کےمتعدداراکین کوبھتے کی پرچیاں موصول ہونے رابطہ کمیٹی نے اظہار تشویش اور مذمت کا اظہار کیا ہے رابطہ کمیٹی کے ڈپٹی کنوینئر ڈاکٹر فاروق ستار نے پریس کانفرنس سے خطاب کرتے ہوئےکہا کہ ایم کیو ایم اور قائد تحریک الطاف حسین کو طالبان کیخلاف بولنے پر دھمکیاں دی جا رہی ہیں۔

    کالعدم تنظیم نے بھتہ نہ دینے کی صورت میں حملوں کی دھمکی دی ہے اوراراکین سے 5سے25لاکھ روپے تک بھتہ مانگاگیا ہے،انہوں نے بتایا کہ ’’تحریک طالبان زندہ باد‘‘  کے لیٹر ہیڈ پر نائن زیرو کے پتے پرخط موصول ہوا ہے،مذکورہ خط رابطہ کمیٹی کے گیارہ اراکین کے نام بھیجا گیا ہے جس میں خالد مقبول صدیقی، ڈاکٹر فاروق ستار، بابر غوری، حیدر عباس رضوی، نسرین جلیل ودیگر شامل ہیں۔

    خط میں کہا گیا ہے کہ جس طرح آئی ڈی پیز کی امداد کی جا رہی ہے اسی طرح طالبان رہنماؤں اور شہیدوں کے اہل خانہ کی بھی کفالت کی جائے اور اس سلسلے میں رقوم کی ادائیگی ان افرادکو کی جائے جن کے فون نمبرز مذکورہ خط میں درج کئے گئے ہیں۔

    فاروق ستار نے کہا کہ طالبان کی جانب سے پانچ سے پچیس لاکھ روپے تک کی رقم کا مطالبہ کیا گیا ہےاور یہ دھمکی دی گئی ہے کہ اگر رقم کا بندوبست نہ کیا گیا تو مذکورہ اراکین کہ جہنم واصل کر دیا جائے گا۔

    ڈاکٹر فاروق ستار نے کہا کہ  یہ خط پندرہ ستمبر کو موصول ہوا تھا اوررابطہ کمیٹی نے ایک ماہ قبل حکام بالاکوآگاہ کردیا تھا جس کے باوجود کوئی نوٹس نہیں لیاگیا۔