Tag: DHANDLI

دھاندلی کا واویلا کرنیوالوں کی غلط فہمی جلد دور ہو جائے گی، حمزہ شہباز

لاہور : رکن قومی اسمبلی حمزہ شہباز نے کہا ہے کہ دھاندلی کا واویلا کرنے والوں کی غلط فہمی 11 اکتوبر کو دور ہو جائے گی۔

ان خیالات کا اظہار انہوں نے لاہور میں بلدیاتی امیدواروں کے اجلاس کے بعد میڈیا سے گفتگو کرتے ہوئے کیا، حمزہ شہباز کا کہنا تھا کہ این اے 122 میں میدان لگنے والا ہے۔

جیت سردار ایاز صادق کی ہو گی، دھاندلی کا واویلا کرنے والوں کی غلط فہمی 11 اکتوبر کو دور ہو جائے گی۔

انہوں نے کہا کہ عمران خان قبضہ مافیا اور قرضے معاف کرانے والوں میں گھرے ہوئے ہیں، جہانگیر ترین نے پرویز مشرف کے دور میں قرضے معاف کروائے، یہ محض الزامات نہیں، ان کے پاس ثبوت ہیں۔

حمزہ شہباز نے کہا کہ عبدالعلیم خان کیخلاف زمینوں پر قبضوں کے مقدمات ہیں، عمران خان قبضہ مافیا اور قرضے معاف کرانے والوں کے ساتھ مل کر نیا پاکستان بنانا چاہتے ہیں۔

حمزہ شہباز نے آٹا مہنگا ہونے سے متعلق سوال گول کرتے ہوئے کہا کہ جعلی ادویات اور ناقص کھانے تیار کرنے والے ہوٹلوں کیخلاف کارروائیاں کی ہیں، مزید مسائل بھی حل کر لیں گے۔

اکتوبر 2, 2015
میچ ہار گئے پھر بھی بہت کچھ حاصل کیا ، عمران خان

اسلام آباد: عمران خان نے کہا ہے کہ جوڈیشل کمیشن کی رپورٹ تسلیم کرتے ہیں، میچ ہار گئے لیکن پھر بھی بہت کچھ حاصل کر لیا۔

پارٹی قیادت سے مشاورت کے بعد پاکستان تحریک انصاف کے چیئرمین عمران خان نے پریس کانفرنس کرتے ہوئے کہا کہ کمیشن کی رپورٹ سے پتہ چلتا ہے کہ پاکستان بدل رہا ہے۔

عمران خان نے بتایا کہ دو سال ضائع نہیں ہوئے،بلکہ عوامی شعور میں اضافہ ہوا کپتان کا یہ دعویٰ بھی تھا کہ جوڈیشل کمیشن نے انکا مطالبہ درست تسلیم کرلیا۔

انہوں نے کہا کہ جوڈیشل کمیشن سے عوام کو فارم پندرہ کی افادیت پتہ چلی ساتھ ساتھ عمران خان نے یہ بھی تسلیم کیا کہ انہیں جوڈیشل کمیشن سے توقعات زیادہ تھیں ، لیکن رپورٹ سے انہیں دکھ بھی ملا لیکن یہ نئے پاکستان کی جدو جہد ہے۔

عمران خان کا اسمبلیوں کو جائز تسلیم کرتے ہوئے کہنا تھا کہ اب اسمبلی میں جائیں گے، خیبر پختونخوا میں پارٹی کو مضبوط کریں گے ۔

عمران خان کا کہنا تھا کہ انہیں معافی مانگنے کی ضرورت نہیں ، معافی نواز شریف کو مانگنی چاہیئے انہوں نے کہا کہ جوڈیشل کمیشن کی رپورٹ سے الیکشن کمیشن کی نا اہلی سامنے آگئی ہے ، اس نے ڈھائی کروڑ اضافی ووٹ کیسے نظر انداز کئے، الیکش کمیشن کے تمام ارکان کو استعفی دے دینا چاہیئے۔

عمران خان کا کہنا تھا کہ جوڈٰیشل کمیشن نےبہترین کام کیا، وہ اس کی تعریف کرتے ہیں،چیف جسٹس کو ایک ایک بات یاد تھی، جس کا انہوں نے اظہار بھی کیا۔

جولائی 25, 2015
الیکشن 2013 : دھاندلی میں الیکشن کمیشن بھی ملوث تھا، عمران خان

اسلام آباد : پاکستان تحریک انصاف کے چیئر مین عمران خان نے کہا ہے کہ ہم نےپینتیس پنکچروں کی بات کی تھی یہاں تو پورا ٹائر ہی پنکچر نکلا۔ ڈھائی کروڑ ووٹ کہاں گئے؟بیس ہزار فارم پندرہ لاپتہ ہیں۔

ان خیالات کا اظہار انہوں نے اسلام آباد میں پریس کانفرنس سے خطاب کرتے ہوئے کیا،ان کا کہنا تھا کہ چھپن ہزار پولنگ اسٹیشنز میں سے بیس ہزار کےفارم پندرہ غائب ہیں، ڈھائی کروڑ ووٹ کہاں گئےٰ؟

عمران خان کا کہنا تھا کہ 2013ء کے عام انتخابات میں ہونے والی دھاندلی میں الیکشن کمیشن بھی ملوث تھا۔ الیکشن کمیشن نے چار مرتبہ اپنا بیان بدلا۔

فارم پندرہ کے بغیر فارم 14 نہیں بن سکتا۔ مسلم لیگ (ن) فارم پندرہ کے حوالے سے افواہیں پھیلا رہی ہے۔ عمران خان نے کہا کہ اس سے پہلے کسی الیکشن میں دھاندلی کی تحقیقات نہیں ہوئیں۔

تحریک انصاف کے سربراہ کا کہنا تھا کہ فارم پندرہ سےمتعلق ن لیگ نے غیر ذمہ دارانہ مہم چلائی ، پینتیس پنکچروں کا ذکر کرتے ہوئے عمران خان نے کہا کہ فارم پندرہ کے انکشاف کے بعد الیکشن کا پورا ٹائر پنکچر ہوگیاہے۔

انہوں نے کہا کہ وہ نون لیگ کے مطالبے پر ایک ایک ووٹ گننے کو تیار ہیں، عمران خان نےکہا کہ خواجہ سعدرفیق کےحلقےمیں بیس ہزارآٹھ سو اضافی بیلٹ پیپرزبھیجےگئے،جبکہ حمزہ شہباز کےحلقےمیں باون ہزاراضافی بیلٹ پیپرزاضافی ڈالےگئے۔

انہوں نے سوال کیا کہ نواز شریف کی تقریر کے بعد آر ایم ایس سسٹم بند ہوا اس کی تحقیقات کیوں نہیں ہوئیں؟

جون 13, 2015
دھاندلی کا ماسٹرمائنڈ کے پی کے کا صوبائی وزیر تھا، سراج الحق

پشاور : جماعت اسلامی کےامیرسراج الحق نےالزام لگایا ہے کہ بلدیاتی الیکشن میں دھاندلی کاماسٹرمائنڈ خیبرپختونخوا کاایک وزیرتھا۔

پشاور میں صحافیوں سے چیت بات کرتے ہوئےسراج الحق نے کہا کہ جن حلقوں میں انتخابی دھاندلی کے ٹھو س شکایت موجود ہیں،

الیکشن کمیشن اس کا از الہ کر ے ،انہوں نےکہا کہ بعض حلقوں میں دھاندلی کی شکایت پر پورا الیکشن کالعدم نہیں کرناچاہئیے۔

جماعت اسلامی کےامیرنےالزام لگایا کہ پشاور میں دھاندلی کے ماسٹر مائنڈ پی ٹی آئی کے صوبائی وزیر ضیا اللہ اور ڈی آر او ریا ض محسود ہیں۔

انہوں نے کہا کہ پی ٹی آئی کےوزیرضیااللہ نےپشاورمیں دھاندلی کی پلاننگ کی۔

جون 7, 2015
دھاندلی کیخلاف کے پی کے میں دس جون سے تحریک چلائی جائے گی، میاں افتخار

پشاور : خیبرپختونخوا میں سہ فریقی اتحاد نے بلدیاتی انتخابات میں مبینہ دھاندلی پرصوبائی حکومت کے خلاف دس جون سے احتجاجی تحریک چلانے کا اعلان کردیا ہے۔

پشاور میں سہ فریقی اتحاد کے اجلاس کے بعد میڈیا سے بات چیت کے دوران اتحاد کے صدر اور اے این پی کے مرکزی سیکرٹری اطلاعات میاں افتخارحسین کا کہنا تھا کہ دس جون کو صوبہ بھر میں شٹرڈاون ہڑتال کے ساتھ ساتھ احتجاجی مظاہرے کئے جائیں گے۔

ان کا کہنا تھا کہ اگر صوبائی حکومت رضاکارانہ طور پر مستعفی نہیں ہوئی تو عوامی قوت سے حکومت کا خاتمہ کیا جائے گا۔

میاں افتخارحسین کا کہنا تھا کہ سہ فریقی اتحاد کشتیاں جلا چکی ہے اور اب صوبائی حکومت کے خاتمہ تک ان کی یہ تحریک جاری رہے گی۔

اس موقع پر انہوں نے تاجر برادری سے بھی شٹرڈاون ہڑتال میں بھر پور ساتھ دینے کی اپیل کی۔

جون 6, 2015
دھاندلی کا شور مچانے والے ایک ثبوت تک نہ پیش کر سکے، حمزہ شہباز

منڈی بہاؤالدین : پاکستان مسلم لیگ نواز کے رہنما اور رکن قومی اسمبلی حمزہ شہباز نے کہا ہے کہ عمران خان نے دھاندلی پر واویلا تو کیا لیکن وہ جوڈیشل کمیشن میں کوئی ثبوت پیش نہیں کرسکے۔

مسلم لیگ نون اپنے دور اقتدار میں لوڈشیدنگ کا خاتمہ کرے گی۔ یہ بات انہوں نے منڈی بہاؤالدین کے حلقہ این اے 108 کے ضمنی الیکشن میں جلسے سے خطاب کرتے ہوئے کہی۔

رکن قومی اسمبلی حمزہ شہبازکا کہنا تھا کہ تحریک انصاف ایک عرصے تک دھاندلی کا شور مچاتی رہی لیکن جوڈیشل کمیشن میں ایک ثبوت بھی پیش نہیں کر سکی۔

ان کا کہنا تھا کہ زبانی جمع خرچ سے کام نہیں چلے گا، کسی کے پاس دھاندلی کا کوئی ثبوت ہے تو پیش کرے۔ انہوں نے کہا کہ مسلم لیگ نون پر دھاندلی کا الزام لگانے والوں نے خیبر پختونخواہ کے بلدیاتی انتخابات میں دھاندلی کی انتہا کر دی ہے۔

حمزہ شہباز نے کہا کہ مسلم لیگ نون اپنے دور اقتدار میں ہی لوڈشیڈنگ ختم کرے گی۔ ان کا کہنا تھا کہ آپریشن ضرب عضب میں دہشت گردوں کی کمر توڑ دی گئی ہے اور آخری دہشت گرد کے خاتمے تک جنگ جاری رہے گی۔

حمزہ شہباز نے منڈی بہاؤالدین میں اسپورٹس کمپلیکس بنانے کا بھی اعلان کیا۔

جون 5, 2015
بلدیاتی انتخابات فوج کی نگرانی میں کرانے کیلئے تیار ہوں، عمران خان

اسلام آباد : پاکستان تحریک انصاف کے رہنماءعمران خان نے کہا ہے کہ سیاسی جماعتوں کو دھرنا دینے کی ضرورت نہیں وہ ری الیکشن کے لئے تیار ہیں۔

انہوں نے کہا کہ دوبارہ الیکشن فوج کی نگرانی میں کرائے جائیں، میں اس کیلئے بھی تیار ہوں،ان خیالات کا اظہار انہوں نے اے آر وائی کے پروگرام آف دی ریکارڈ میں خصوصی گفتگو کرتے ہوئے کیا۔

عمران خان نے اعتراف کیا کہ بلدیاتی الیکشن میں دھاندلی ہوئی، ان کا کہناتھا کہ 1970 کے الیکشن کے علاوہ ہونے والے تمام انتخابات میں دھاندلی ہوئی۔

بعض حلقوں میں مخالفین نے جان بوجھ کرلڑائی کرائی، جب تک دھاندلی کرنے والوں کیخلاف سخت کارروائی کرکے سزا نہیں دی جائے گی جب تک شفاف الیکشن کا سوال ہی پیدا نہیں ہوتا۔

انہوں نے کہا کہ دھاندلی کا ایک طریقہ لوگوں کو ووٹ دینے سے روکنا بھی ہے،ایک سوال کے جواب میں چیئرمین پی ٹی آئی نے کہا کہ دھاندلی اور قتل الگ الگ معاملہ ہے۔

کے پی کے پولیس پر افسوس ہوا کہ چپ کر کے سارے معاملات دیکھتی رہی، خیبرپختونخواپولیس سےشکایت ہے،ہاتھ پرہاتھ دھرےبیٹھی رہی۔

عمران خان کا کہنا تھا کہ اگرعلی امین گنڈاپور پردھاندلی کا الزام ثابت ہوتا ہے تو ان کو مستعفی ہوجانا چاہیئے، انہوں نے کہا کہ ہم نے پولیس اور انتظامیہ کو الیکشن کمیشن کے حوالے کردیا تھا،

پورے الیکشن میں ہم نے کہیں بھی اثر انداز ہونے کی کوششش نہیں کی، ان کا کہنا تھا کہ سانحہ ماڈل ٹاؤن میں ملوّث شخص کو دوبارہ وزیر بنا دیا گیا جو انتہائی افسوسناک ہے۔

جون 2, 2015
بد ترین دھاندلی : کے پی کے میں دوبارہ انتخابات کرائے جائیں، الطاف حسین

لندن : ایم کیو ایم کے قائد الطاف حسین نے کہا ہے خیبرپختونخواکے بلدیاتی الیکشن میں ہونے والی دھاندلی سے پاکستان کی بدنامی ہوئی ہے۔

اپنے ایک جاری کردہ بیان میں ایم کیوایم کے قائد الطاف حسین نے کہا کہ خیبرپختونخوا کے بلدیاتی انتخابات میں بڑے پیمانے پرہونے والی دھاندلی سے پوری دنیامیں پاکستان کامذاق بنا ہے۔

انہوں نے چیف الیکشن کمیشن آف پاکستان سے اپیل کی ہے کہ خیبر پختونخوا کے بلدیاتی انتخابات کوکالعدم قراردے کرنئے سرے سے بلدیاتی انتخابات کرائے جائیں۔

الطاف حسین نے بلدیاتی الیکشن میں حصہ لینے والی جماعتوں سے بھی اپیل کی کہ وہ بلدیاتی الیکشن میں تاریخ کی بدترین دھاندلی کے خلاف بھرپور اندازمیں پرامن احتجاج کریں۔

الطاف حسین نے کہاکہ ہماراملک پہلے ہی اپنے پرایوںکے طرح طرح کے طعنوں اورسنگین الزامات سے دوچار ہے۔کوئی پاکستان کوداعش اورالقاعدہ اورطالبان کا مرکزقراردیتاہے توکوئی فرقہ وارانہ فسادات کاگڑھ قراردیتاہے توکوئی پاکستان پر دنیابھرمیں بغاوت کےلئے دہشت گرد بھیجنے کا الزام لگاتاہے۔

دوسری طرف ہم خودہی اپنے ملک کوبدنام کرنے کے لئے ملک کی کمزوریوں کوتلاش کرتے رہتے ہیں اور ان کمزوریوں کوخوب نمک مرچ لگاکرپیش کرتے ہیں تاکہ ملک کاخوب مذاق اڑایاجائے۔

ملک دشمنوںکوخوب خوش کیاجائے اورملک کے اصلاح احوال کا کوئی حل پیش نہ کیاجاسکے۔

جون 2, 2015
الیکشن کمیشن سندھ 5 حلقوں کا ریکارڈ فراہم کر نے میں ناکام

کراچی: الیکشن کمیشن سندھ جوڈیشل کمیشن کی جانب سے مانگے گئے پانچ حلقوں کا ریکارڈ فراہمکرنے میں ناکام ہو گیا۔

جوڈیشل کمیشن نی کراچی کے پانچ حلقوں این اے دو سو تینتالیس ، این اے دو سو چوالیس، این اے دو سو پنتالیس ، این اے دو سو چھیالی س اور این اے دو سو سینتالیس کا انتخابی ریکارڈ مانگا تھا ، جسے فراہم کرنے میں الیکشن میشن سندھ ناکام ہو گیا۔

ان حلقوں پرسیاسی جماعتوں کی جانب سے جوڈیشل کمیشن کو دھاندلی کی شکایات موصول ہوئی تھیں۔

پیر کو الیکشن کمیشن اورعدالتی عملہ نارتھ ناظم آبادکے کمپری ہنسیواسکول پہنچا اور وہاں رکھے ریکارڈ کی چھانی بین شروع کر دی، لیکن ابھی تک اسے فارم چودہ اور فارم پندرہ حاصل کرنے میں ناکامی کا سامنا ہے ۔

دوسری جانب مسلم لیگ ق کے سربراہ چوہدری شجاعت حسین دو جون کوجوڈیشل کمیشن میں دھاندلی کے ثبوت پیش کریں گے۔

جون 1, 2015
دھاندلی ثابت ہوئی تو دوبارہ الیکشن کرائیں گے، عمران خان

اسلام آباد : تحریک انصاف کے چیئرمین عمران خان نے کہا ہے کہ بلدیاتی الیکشن حقیقی جمہوریت کی بنیادہیں اور جہاں دھاندلی ثابت ہو وہاں دوبارہ الیکشن کرائے جائیں گے۔

اسلام آباد میں پریس کانفرنس سے خطاب میں عمران خان کا کہنا تھاکہ پیپلز پارٹی اور ن لیگ نے چھ چھ بار حکومت کی لیکن بلدیاتی الیکشن نہ کرائے۔

انھوں نے کہا کہ خیبر پختونخوا میں سارے اختیارات الیکشن کمیشن کے پاس تھے۔ کپتان نے کہا کہ الیکشن کمیشن دھاندلی کی تحقیقات کیلئےمضبوط ٹریبونل بنائے اور فیصلہ چار کے بجائے ایک ماہ میں کیا جائے۔

عمران خان کا کہنا تھا کہ افتخار حسین کے خلاف ایف آئی آر وزیر اعلیٰ کے پی کے یا ان کے کہنے پر نہیں کاٹی گئی۔ انھوں نے کہا کہ تحریک انصاف نے اگر دھاندلی کی ہے تو پھر ری الیکشن کرائے جائیں۔

عمران خان کا کہنا تھاکہ موٹروے بنانےسےنہیں بلکہ اختیارات بانٹنے سے نیاپاکستان بنتاہے۔

جون 1, 2015