Tag: dharna

  • طاہرالقادری کاضمنی وبلدیاتی انتخابات میں حصہ لینے کااعلان

    طاہرالقادری کاضمنی وبلدیاتی انتخابات میں حصہ لینے کااعلان

    لاہور: پاکستان عوامی تحریک کے سربراہ ڈاکٹرطاہرالقادری نے ضمنی وبلدیاتی انتخابات میں حصہ لینے کا اعلان کرتے ہوئے کہا ہے کہ ان کے غیرملکی دوروں پرکسی کو اعتراض نہیں اٹھانا چاہیے۔

    ایئرپورٹ پر میڈیا سے گفتگو کرتے ہوئے پاکستان عوامی تحریک کے سربراہ ڈاکٹر طاہرالقادری نے کہا کہ اسلام آباد میں دھرنے کو ملک گیر دھرنوں میں تبدیل کر دیا ہے،70 دن کے دھرنوں سے قوم میں بیداری پیدا ہوئی۔

    طاہرالقادری نے اعلان کیا کہ عوامی تحریک جنرل الیکشن کے ساتھ تمام ضمنی انتخابات میں بھی حصہ لے گی ، انہوں نے کہا کہ ہمارا نیٹ ورک دنیا بھر میں ہے،غیرملکی دوروں پرکسی کو اعتراض نہیں اٹھانا چاہیے۔

     طاہرالقادری کا کہنا تھا کہ میں واضح کر چکا ہوں کہ پاکستان میں ہی رہوں گا،سو مرتبہ ملک سے باہر جائیں گے، میرے اور حکومت کے درمیان ڈیل ہونے کا تاثر دینے والوں پر لعنت بھیجتا ہوں۔

    انہوں نے کہا کہ محرم الحرام کے بعد 5 دسمبر کو سرگودھا ،14 کو سیالکوٹ اور 25 دسمبر کو مزار قائد پر جلسہ کریں گے۔

  • اہلسنت والجماعت عشرہ فاروق و حسین منائے گی، اورنگزیب فاروقی

    اہلسنت والجماعت عشرہ فاروق و حسین منائے گی، اورنگزیب فاروقی

    کراچی: اہلسنت و الجماعت نے یکم محرم تا دس محرم تک ملک بھر میں عشرہ فاروق و حسین منانے کا اعلان کردیا۔

    کراچی آمد پر اہلسنت و الجماعت کے صدر مولانا اورنگزیب فاروقی نے میڈیا سے گفتگو میں کہا کہ عشرہ فاروق و حسین منانے کا مقصد فرقہ واریت کو ختم کرکے خلفائے راشدین کی اہمیت اجاگر کرنا اور محبتوں کو فروغ دینا ہے مولانا اورنگزیب فاروقی نے حکومت سے مطالبہ کیا کہ یکم محرم کو ملک بھر میں عام تعطیل کا اعلان کیا جائے۔

     انھوں نے کہا کہ محرم الحرام کو یقینی بنانے کیلئے سیاسی و مذہبی جماعتوں سے رابطے کئے جارہے ہیں انھوں نے کہا کہ انھوں نے مولانا فضل الرحمان پر حملے کی مذمت کرتے ہوئے کہا کہ محرم سے قبل اس طرح کے واقعات فرقہ وارانہ فسادات کرانے کی سازش ہے جسے ہر صورت ناکام بنائیں گے ۔

  • موجودہ نظام کا حقیقی جنازہ جلد نکلےگا، طاہرالقادری

    موجودہ نظام کا حقیقی جنازہ جلد نکلےگا، طاہرالقادری

    ہری پور: ڈاکٹر طاہر القادری کا کہنا ہے کہ ستر دن کے دھرنےنے کروڑوں افراد کو جگا دیا ہے۔

    ہری پور میں بڑے دھرنے سے خطاب کرتے ہوئے پاکستان عوامی تحریک کے سربراہ ڈاکٹر طاہر القادری کا کہنا تھا کہ موجودہ نظام کاعلامتی جنازہ نکال گیا ہے،جلد حقیقی جنازہ بھی نکلےگا،ہم شہیدوں کا لہو بیچنے والے نہیں ہیں۔

     ڈاکٹر طاہرالقادری کا کہنا تھا کہ لعنت ہے ایسی جمہوریت اورنظام پرجس میں مقتولوں کی ایف آئی آربھی درج نہ ہو اور یہ کہاں کا انصاف ہے کہ ملزم حکومت کوتفتیش کے لئے جے آئی ٹی بنانے کا اختیارحاصل ہو، سانحہ ماڈل ٹاﺅن کے شہیدوں کے خون سے کوئی شخص غداری نہیں کرسکتا اور ان پر نہ کوئی دیت ہوئی ہے اور نہ ہوسکتی ہے۔

    ان کا کہنا تھا کہ کروڑوں لوگ انقلاب کے دھرنے کا حصہ بننا چاہتے تھے اس لئے ملک بھر میں دھرنے کو پھیلانے کا اعلان کیا ہے۔

  • دھرنا ختم نہیں کیا ملک بھر میں پھیلا دیا ہے، ڈاکٹر طاہرالقادری

    دھرنا ختم نہیں کیا ملک بھر میں پھیلا دیا ہے، ڈاکٹر طاہرالقادری

    ایبٹ آباد: ڈاکٹرطاہر القادری نے کہا ہے کہ قوم جاگ چکی ہے ، عوام پچیس دسمبر کو کراچی کے دھرنے کو کامیاب بنائیں۔ایبٹ آباد میں جلسے سے خطاب میں ڈاکٹر طاہر القادری کا کہنا تھا کہ اسلام آباد دھرنا ملک گیر دھرنے اور انقلاب میں تبدیل ہوگیا ہے، انہوں نے کہا کہ آگے آگے دیکھئے ہوتا ہے کیا؟جنگ تو ابھی شروع ہوئی ہے۔

    ڈاکٹر طاہرالقادری نے کہا کہ دھرنا کامیاب ہوا ہے کیونکہ سوئی ہوئی قوم جاگ چکی ہے، تنقید کرنے والوں سے کوئی سروکار نہیں ہے،انہوں نےا س وقت بھی تنقید کی تھی جب دھرنا شروع کیا گیا تھا۔ ڈاکٹر طاہر القادری نے کہا کہ آج کے جلسے کو انقلاب ان ایبٹ آباد کانام دے رہا ہوں، ایبٹ آباد میں آج لوگوں کا تاریخی سمندر ہے، ایبٹ آباد اورہری پور کے لوگوں کو مبارکباد پیش کرتا ہوں۔

    انہوں نے کہا کہ کچھ لوگوں نے دھرنے کوملک بھرمیں پھیلانے کوغلط رنگ دیا،کارکن تنقید کورد کردیں اور اپنے سفرکوجوش وخروش سے جاری رکھیں، ہم نے انقلاب کے لئے ایک نیا محاذ کھولا ہے،یہ کمانڈرکافیصلہ ہوتا ہے کہ وہ کس کومحاذ کے لئے منتخب کرے۔

    ان کا کہنا تھا کہ ہمیں مخالفین کے اتفاق اور اختلاف سے نہیں انقلاب سے سروکار ہے،لوگوں کی شرکت نے ثابت کردیا کہ ہمارا دھرنا کامیاب ہوا ہے،تنقیدکرنے والے کہتے ہیں دھرنا ناکام ہوگیا، ڈیل ہوگئی ہے، تنقید کرنے والے تھوڑا صبر کریں، پریشان نہ ہوں، محرم میں وقفہ کرکے کارکنان کو انقلاب کیلئے وقت دے رہے ہیں۔

    محرم کے بعد 23نومبر کو انقلاب دھرنا بھکر میں ہوگا،اور اگر بھکرکا جلسہ مینارپاکستان کامنظرپیش نہ کرے توتحریک ختم کرنے کااعلان کردوں گا، میں شہرشہر جاکر لوگوں کو جگا رہا ہوں۔، دسمبرسیالکوٹ، 21دسمبر مانسہرہ آؤں گا، 25دسمبرکو مزار قائد پر انقلاب دھرنا ہوگا،

    ہزارہ والوں اور ایبٹ آباد نے اپنا فیصلہ سنا دیا ہے، لفافوں کے ساتھ تجزیہ کرنیوالوں کے فیصلے عوام قبول نہیں کرتے، عوام کو کبھی تنہاچھوڑا ہے نہ چھوڑیں گے،جدوجہدجاری رہے گی ،ہم حکومت اور نظام کی فوری تبدیلی کیلئے آئے تھے، اللہ کو حکومت اورنظام کی فوری تبدیلی منظور نہ تھی، کروڑوں لوگ انقلاب کے ساتھ کھڑے ہوگئے ہیں۔

    انہوں نے کہا کہ پہلی مرتبہ ہوا وزیراعظم جہاں گئے، لوگوں نے’’گونوازگو‘‘کے نعرے لگائے،وہ وقت دور نہیں جب پیدا ہونے والا بچہ گونوازگو کانعرہ لگائے گا، انہوں نے کہا کہ ضرورت تھی انقلاب کایہ پیغام پاکستان کے طول عرض میں پہنچایاجائے۔،

    پروپیگنڈا کیا جارہا ہے کہ دبئی میں ڈیل ہوگئی، ڈاکٹرطاہرالقادری پیسے لینے اور دینے والا جہنمی اورشیطان  نہیں ہے،انہوں نے بتایا کہ پی ٹی آئی کو اپنا نکتہ نظر تین ہفتے پہلے بتا دیا تھا،  ہمارا پی ٹی آئی سے کوئی اختلاف نہیں ہے۔

    ڈکٹر طاہرالقادری نے کہا کہ  موجودہ الیکشن کمیشن کے تحت انتخابات قبول نہیں کریں گے، موجودہ الیکشن کمیشن کا کوئی مستقل سربراہ نہیں ہے،  2013کے انتخابات منصفانہ اورغیرجانبدارانہ نہ تھے،  ن لیگ کے سوا سب نے انتخابات میں دھاندلی کاذکر کیا۔،

    مداخلت اوردھاندلی کی وجہ سے چیف الیکشن کمشنر نے استعفیٰ دیاتھا، ہم سب سے پہلا صوبہ ہزارہ بنائیں گے، ان کا کہنا تھا کہ صوبہ پنجاب میں کم ازکم 7صوبے بنائیں گے، ایبٹ آباد کو دنیا کی جنت میں بدلنا ہے،ہزارہ میں کوئی بڑی انڈسٹری نہیں بنائی گئی، حکومت آئی تو صوبہ ہزارہ کو سوئٹزرلینڈ بنادیں گے۔

    نوجوان کمیٹیاں بنائیں اوربلدیاتی انتخابات کی تیاری کریں،میں جوانوں کی حکومت دیکھنا چاہتا ہوں،  ہربے گھرکوگھر،روٹی ،کپڑا اورروزگار ہمارا منشور ہے، غریبوں کی پرورش پاکستان عوامی تحریک کی حکومت کرے گی۔

    میٹرک تک تعلیم مفت کریں گے،عوامی تحریک کی حکومت میں ہرغریب کا علاج مفت ہوگا،انشااللہ  آئندہ انتخابات میں ہرسیٹ پر اپنا نمائندہ کھڑا کریں گے۔

  • ڈاکٹر طاہرالقادری کا ایبٹ آباد پہنچنے پر شاندار استقبال

    ڈاکٹر طاہرالقادری کا ایبٹ آباد پہنچنے پر شاندار استقبال

    ایبٹ آباد: پاکستان عوامی تحریک کے قائد ڈاکٹرطاہرالقادری کاقافلہ ایبٹ آباد پہنچ گیا جہاں عوامی تحریک کے کا رکنوں نے اپنے قائد کا فقید المثال استقبا ل کیا۔

    پاکستان عوامی تحریک کے قائد ڈاکٹرطاہرالقادری کاقافلہ ایبٹ آباد پہنچ گیا،ایبٹ آباد آمد کے موقع پر ڈا کٹر طاہرالقادری کا عوامی تحریک کے کا رکنوں نے شانداراستقبال کیااس موقع پرکا رکنوں نےگو نواز گو کے فلک شگا ف نعرے لگائے ۔

     پی اے ٹی کا جلسہ ایبٹ آباد گورنمنٹ پوسٹ گریجویٹ کالج میں ہوگاجس میں تحریک صوبہ ہزارہ اور ہزارہ عوامی اتحاد نے اپنے کارکنوں کو ہدایت کی ہے کہ وہ عوامی تحریک کے جلسے میں بھر پور شرکت کریں پاکستان عوامی تحریک کے پی کے کے صدر خالد محمود درانی اور صوبائی نائب صدرنصیر خان جدون بھی پُر اُمید ہیں کہ ایبٹ آباد کا جلسہ تاریخی ہو گا۔

  • دھرنا ختم :کراچی اسٹاک مارکیٹ میں تیزی کا رجحان

    دھرنا ختم :کراچی اسٹاک مارکیٹ میں تیزی کا رجحان

    کراچی: اسلام آبادمیں دھرناختم ہونے اورسیاسی صورتحال میں بہتری کے باعث کراچی اسٹاک مارکیٹ میں تیزی کا رجحان واپس لوٹ آیا۔

    تفصیلات کے مطابق اسلام آبادمیں جاری دھرنوں میں سےایک دھرناختم ہونے پرسیاسی صورتحال میں بہتری کی توقع پر بدھ کو سرمایہ کارایک بار پھر شئیر مارکیٹ میں سرگرم ہوتےنظرآئے۔کئی روز سے دبائو کا شکار کراچی اسٹاک مارکیٹ میں تمام دن نمایاں تیزی کا رجحان دیکھاگیا۔

    بینکنگ،سیمنٹ اور آئل اینڈ گیس سیکٹر کی کمپنیوں کےشئیرز میں خریداری نمایاں رہی۔آٹھ ارب روپےمالیت کےسترہ کروڑ شئیرزکےسودوں کےساتھ کاروبارکےاختتام پر ۔مارکیٹ کابینچ مارک ہنڈریڈانڈیکس دوسوچھیالیس پوائنٹس بڑھ کر اُنتیس ہزار نوسوچالیس پوائنٹس پربندہوا،

  • طاہرالقادری کا اسلام آباد میں دھرنا ختم کرنے کا اعلان

    طاہرالقادری کا اسلام آباد میں دھرنا ختم کرنے کا اعلان

    اسلام آباد: طاہرالقادری نے دھرنا ختم کرنے کا اعلان کرتے ہوئے کہا کہ دھرنا اب پورے ملک میں ہوگا۔

    اسلام آباد میں انقلاب مارچ کے شرکاء سے خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہنا تھا کہ اسلام آباد میں انقلاب کا مقصد حاصل ہو گیا ہے، ہم اگلے مرحلے میں داخل ہو گئے ہیں، دھرنا انقلاب کے سفر میں بدل گیا ہے اور اب ڈی چوک میں جاری انقلاب مارچ کا دھرنا ختم کر کے اس دھرنے کوپور ے ملک میں منتقل کر رہا ہوں، دھرنوں کا سلسلہ پورے ملک میں جاری ہو گا، لوگ اپنا سامان سمیٹنا شروع کر دیں اور اب ہر شہر میں دودن دھرنا دیں گے

    ڈاکٹر طاہر القادری کا کہنا تھا کہ شہیدوں کا بدلہ قانون کے ذریعہ قصاص ہوگا، نہ کوئی ڈیل ہوئی ہے اور نہ ہوئی تھی، ہم نے کبھی بات چیت سے انکار نہیں کیا مگر 14 شہیدوں کا خون نہیں بیچیں گے۔

    انہوں نے کہا کہ  ہم اگلے مرحلے میں شہر شہر دودو دن کے دھرنے دیں گے، شرکاءاپنا سامان تیار کر لیں اب ہم پور ے ملک میں انقلاب کا سفر طے کریں گے، شرکاءانقلاب کے قائد ہیں یہ گھروں کو جا کر پیغام پھیلا دیں، انقلاب مارچ کے شرکاءنے ایثار کی مثال قائم کر دی ہے، اب 14 دسمبر کو علامہ اقبال کے شہر سیالکوٹ اور 25دسمبر کو شہر قائد کراچی میں جائیں گے۔

  • ڈاکٹرطاہرالقادری دھرنے کے مستقبل کا فیصلہ کل کریں گے

    ڈاکٹرطاہرالقادری دھرنے کے مستقبل کا فیصلہ کل کریں گے

    لاہور: پاکستان عوامی تحریک اور اتحادی جماعتوں نے محرم الحرام کے دوران جلسے منعقد نہ کرنے کا فیصلہ کرلیا ، اسلام آباد دھرنے کے مستقبل کے بارے میں اہم اعلان ڈاکٹر طاہرالقادری منگل کے روز کریں گے۔

    ڈاکٹر طاہرالقادری کی زیر صدارت اجلاس میں حکومت مخالف تحریک کے آئندہ لائحہ عمل پر غور کیا گیا، محرم الحرم میں عوامی اجتماعات نہیں ہوں گے، اجلاس میں علامہ راجہ ناصرعباس جعفری نے محرم الحرام کے دوران بدامنی کے خدشے کا اظہار کرتے ہوئے حکومت کو خبردار کیا۔

    چودھری شجاعت حسین کاکہنا تھا کہ سیلاب متاثرین کو 2010ءمیں دیئے گئے چیک ابھی تک کیش نہیں ہوئے،حکمرانوں کے خلاف مقدمات ہونے چاہیں، پاکستان عوامی تحریک کے مرکزی صدر ڈاکٹر رحیق عباسی نے کہا کہ انتخابات ہوئے تو اتحاد میں مزید جماعتیں بھی شامل ہوسکتی ہیں۔

  • ڈاکٹرطاہرالقادری کی زیرصدارت اتحادی جماعتوں کا اجلاس

    ڈاکٹرطاہرالقادری کی زیرصدارت اتحادی جماعتوں کا اجلاس

    لاہور: پاکستان عوامی تحریک کے سربراہ ڈاکٹر طاہرالقادری کی سربراہی میں اتحادی جماعتوں کا اجلاس ہوا ، جس میں فیصلہ کیا گیا کہ دھرنےجا ری یاختم کرنےکا اعلان کل اسلام آباد میں ہونےوالے جشن بیداری عوام میں کیا جائےگا۔

    پاکستان عوامی تحریک کے سربراہ ڈاکٹرطاہرالقادری کی سربراہی میں اتحادی جماعتوں کا اجلاس ان کی رہائش گاہ پر ہوا،اجلاس میں فیصلہ کیا گیا کہ محرم الحرام کےدوران جلسےنہیں کئے جائیں گےتاہم دھرنےجاری یا ختم کرنےکا اعلان کل اسلام آباد میں جشن بیداری عوام میں کیا جائےگا،

    اجلاس کے اختتام کے بعد میڈیا سے گفتگو میں مسلم لیگ ق کے رہنما چوہدری پرویز الہیٰ کا کہنا تھا کہ ان کا عوامی تحریک سے کوئی اختلاف نہیں۔

    عوامی تحریک کے صدر رحیق عباسی کا اس موقع پر کہنا تھا کہ منگل کو اسلام آباد میں جشن بیداری عوام منایا جائےگا جس میں علامہ طاہر القادری مستقبل کے لائحہ عمل کے بارے میں بتائیں گے۔

  • مہاجر لفظ کو گالی نہیں کہا، اگر کسی کی دل آزاری ہوئی تو معافی مانگتا ہوں، خورشید شاہ

    مہاجر لفظ کو گالی نہیں کہا، اگر کسی کی دل آزاری ہوئی تو معافی مانگتا ہوں، خورشید شاہ

    کراچی : پیپلزپارٹی کے رہنماء خورشید شاہ کا کہنا ہے کہ میرے بیان کو سمجھنے میں غلطی ہوئی، مہاجر لفظ کو گالی نہیں کہا، اگر کسی کی دل آزاری ہوئی ہے تو معافی مانگتا ہوں۔

    ایم کیو ایم کی رابطہ کمیٹی نے لفظ مہاجر کو گالی قرار دینے کی مذمت کی ، رابطہ کمیٹی نے پریس کانفرنس کرتے ہوئے پیپلزپارٹی کے رہنماء خورشید شاہ سے الفاظ واپس لینے کا مطالبہ کیا تھا۔

    ابھی یہ پریس کانفرنس جاری ہی تھی کہ خورشید شاہ نے موقع کی نزاکت کا احساس کرتے ہوئے کہاکہ اگر کسی کو ان کے الفاظ سے تکلیف ہوئی ہے تو وہ معافی چاہتے ہیں۔

    ان کا کہنا تھا کہ حضرت محمد ﷺ مکہ سے ہجرت کر کے مدینہ آئے تو بعد میں کافی سارے مہاجرین مدینہ میں ہی آباد ہوئے اس لئے مہاجر نہیں رہے تھے، لیکن پھر بھی سندھ قوم میں سب سے پرانا مہاجر تو میں خود ہوں کیونکہ میرے آباءو اجداد بھی عرب سے ہجرت کر کے آئے تھے۔

    رابطہ کمیٹی تک خورشید شاہ کی معافی پہنچی تو حیدرعباس رضوی کاکہنا تھاکہ شاہ صاحب آپ اپنے اجداد کی عزت تو رکھ لیں،اور اگر مگر سےبات نہیں بنے گی معافی مانگنی ہے تو سیدھی طرح سے اپنے الفاظ واپس لے کر معافی مانگ لیں۔