Tag: dharny

اسلام آباد: الیکشن کمیشن پاکستان نے کہا ہےکہ استعفےمنظور کرنااسکاکام نہیں، اسپیکر اسمبلی استعفے منظور کر کے الیکشن کمیشن کو آگاہ کریں۔

اسپیکرقومی اسمبلی کی جانب سے تحریک انصاف کے ارکان قومی اسمبلی کے استعفوں کا فیصلہ الیکشن کمیشن کےسر ڈالنے کی کوشش ناکام ہو گئی، الیکشن کمیشن حکام کا کہنا ہے کہ استعفوں کی منظوری اسپیکر کا اور شفاف انتخابات کرانا الیکشن کمیشن کا کام ہے ، استعفوں کامعاملہ پی ٹی آئی اور اسپیکر قومی اسمبلی کے درمیان ہے اسپیکر خود استعفے منظور کر کے الیکشن کمیشن کو آگاہ کریں۔

الیکشن کمیشن حکام کا یہ بھی کہنا ہے کہ اگراسپیکر استفعے منظور کرتے ہیں تو گزشتہ تاریخوں منظور نہ کریں، اس سے ضمنی الیکشن کا شیڈول جاری کرنے میں مشکلات پیش آتی ہیں، قانون کے مطابق استعفوں کی منظوری کے بعد ساٹھ روز میں الیکشن کرانے ہوتے ہیں ،الیکشن کمیشن حکام کے مطابق استعفوں کی منظوری کے حوالے سے خط اسپیکر قومی اسمبلی کو بھجوایا جا چکا ہے ۔

اسلام آباد: اسپیکر قومی اسمبلی ایاز صادق کا کہنا ہے کہ تحریک انصاف کے استعفے انفرادی طور پر تصدیق کے بعد ہی منظور ہوں گے جبکہ اب اس تمام صورتحال سے الیکشن کمیشن کو آگاہ کروں گا۔

میڈیا سے گفتگو میں اسپیکرایازصادق کا کہنا تھا کہ وہ حکومت کے نمائندے کی حیثیت سے نہیں بلکہ بطور اسپیکریہاں با ت کررہے ہیں ایاز صادق نے کہا کہ آئین کہتا ہے استعفوں سے متعلق تصدیق کروں،استعفے کے رضاکارانہ ہونے کی تصدیق کرنا میرافرض ہے کوشش کی شفاف طریقے سے معاملے کوپایہ تکمیل تک پہنچایا جائے۔

اسپیکر ایاز صادق کا یہ بھی کہنا تھا کہ میرے پاس ایک ہی راستہ ہے معاملے سے الیکشن کمیشن کو آگاہ کروں۔

اس موقع پر ڈپٹی اسپیکر مرتضیٰ عباسی نے پی ٹی آئی اراکین پر تنقید کرتے ہو ئے کہا کہ  پی ٹی آئی ممبران قائمہ کمیٹیوں میں شریک ہورہے تھے، گاڑیاں اورپیٹرول استعمال کررہے ہیں جبکہ ان کے مطابق وہ مستعفی بھی ہو چکے ہیں،تجزیہ نگاراس بات کاامکان ظاہرکررہے ہیں کہ حکومت کااستعفی منظورنہ کرنے کافیصلہ مذاکرات کے ایک راستے کو کھلا رکھنے کی حکمت عملی کا حصہ دکھائی دیتا ہے۔