Tag: DI khan

  • ڈی آئی خان میں کومبنگ آپریشن‘ 60 افراد گرفتار

    ڈی آئی خان میں کومبنگ آپریشن‘ 60 افراد گرفتار

    ڈی آئی خان: پولیس اور پاک آرمی کے مشترکہ کومبنگ اینڈ ٹارگٹڈ سرچ اینڈ سڑائیک آپریشن کے دوران 10سہولت کاروں سمیت 60 مشکوک افراد کو حراست میں لے لیا گیا۔

    تفصیلات کے مطابق موجودہ حالات کے پیش نظر دشت گردوں کے متعلق جاری کردہ تھریٹ الرٹ کے مطابق تھانہ گومل یونیورسٹی کی حدود میں کچہ پکہ ملانہ کے علاقے میں دشت گردوں کی آمدورفت پائی گئی۔

    مشکوک نقل و حمل کی اطلاع ملنے پر پر ڈسٹرکٹ پولیس آفیسر ڈیرہ اسماعیل خان عبدالصبور خان نے فوری ایکشن لیتے ہوئے پاک آرمی کے ساتھ تھانہ گومل یونیورسٹی کی حدود میں کچہ پکہ ملانہ کے علاقے میں کومبنگ ٹارکیٹڈ سرچ اینڈ سڑائیک آپریشن کیا۔


    عام آدمی کی پولیس تک رسائی کا نیا نظام متعارف


    سرچ آپریشن میں میں پولیس کے سینئر آفیسرز، پاکستان آرمی کے افیسرز، سی ٹی ڈی اور اسپیشل برانچ سمیت 300 جوانوں نے حصہ لیا۔ آپریشن کے دوران ڈھائی سو کے لگ بھگ گھروں کو چیک کرکے 10 سہولت کاروں سمیت 60 مشکوک افراد جو دہشت گردوں کو پنا دیتے تھے کو گرفتارکرکے تفتیش شروع کر دی گئی۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • جمہوری نظام کیخلاف سازش کو کامیاب نہیں ہونے دینگے، فضل الرحمان

    جمہوری نظام کیخلاف سازش کو کامیاب نہیں ہونے دینگے، فضل الرحمان

    ڈیرہ اسماعیل خان : جمعیت علمائے اسلام ف کے سربراہ مولانا فضل الرحمان نے کہا ہے کہ پاکستان کی سیاست پروہ لوگ قبضہ کرناچاہتے ہیں،جوسیاست کاغیرجمہوری عنصر ہیں۔ جمہوری نظام کے خلاف کسی سازش کو کامیاب نہیں ہونے دینگے۔

    تفصیلات کے مطابق ڈیرہ اسماعیل خان میں عوامی جلسے سے خطاب کرتے ہوئے مولانا فضل الرحمان نے وزیراعظم کی تعریفوں کےپل باندھ دیئے اور اپوزیشن کو کڑی تنقید کا نشانہ بنایا۔

    انہوں نے کہا کہ وزیراعظم نہیں آپ خود چورنکلے ہو ترقی کے سفرکاآغازہوچکا ہے۔ کامیابی پر ہی اختتام پذیر ہوگا، مولانا فضل الرحمان کا کہنا تھا کہ میں وزیر اعظم کو اطمینان دلاتا ہوں کہ عوام کی ایک بہت بڑی صف آپ کی پشت پر ہے اور یہ اللہ کی تائید کی علامت ہے ہم اس بات کی حمایت کرتے ہیں کہ پاکستان میں امن و استحکام ہو۔

    مولانا فضل الرحمان نے چیئرمین پی ٹی آئی عمران خان پر تنقید کرتے ہوئے کہا کہ بلی تھیلے سے باہر آگئی ہے، چورکی صدا لگانے والے خود چور نکلے ہیں۔

    پاکستان میں یہ آوازیں یہاں کی نہیں بلکہ کہیں باہر کی ہیں اور سب نے دیکھ لیا کہ لندن میں جا کر ایک پاکستانی مسلمان کو چھوڑ کر یہودی سالے کی انتخابی مہم چلائی گئی۔ تمہارے پاس 1983 میں اتنا پیسہ تھا کہ تم نے ٹیکس سے بچنے کیلئے آف شور کمپنی بنائی لیکن 1987 میں تم وزیر اعلیٰ کے آگے پلاٹ کیلئے ہاتھ پھیلا رہے تھے ۔

    مولانا فضل الرحمان نے خیبر پختونخوا حکومت پر بھی تنقید کرتے ہوئے کہا کہ خیبر پختونخوا کی حکومت کی کارکردگی بدترین ہے۔

    اس حکومت کی وجہ سے پاکستان کی تاریخ میں پہلی مرتبہ پی سی ایس افسران بائیکاٹ پر مجبور ہوئے اور کالی پٹیاں باندھ کر پارلیمنٹ کے اجلاس میں شریک ہوئے۔ مولانا نے اپوزیشن کو خبردار کرتے ہوئے کہا کہ اختلاف ضرور کریں لیکن حد میں رہیں۔

     

  • طالبان نے ایڈیشنل جج طاہرنیازی کے قتل کی ذمہ داری قبول کرلی

    طالبان نے ایڈیشنل جج طاہرنیازی کے قتل کی ذمہ داری قبول کرلی

    ڈیرہ اسماعیل خان: تحریک ِ طالبان پاکستان نے گزشتہ روز راولپنڈی میں مقامی عدالت کے جج کے قتل کی ذمہ داری قبول کرلی۔

    گزشتہ روزراولپنڈی کے علاقے سیٹلائٹ ٹاﺅن میں نامعلوم افراد نے ایڈیشنل سیشن جج طاہرنیازی پراندھا دھند فائرنگ کردی تھی جس کے نتیجے میں وہ شدید زخمی ہو گئے۔

    ایڈیشنل سیشن جج طاہرنیازی کو شدید زخمی حالت میں اسپتال منتقل کیا گیا، جہاں وہ زخموں کی تاب نہ لاتے ہوئے دم توڑ گئے۔


    نامعلوم افراد کی فائرنگ، ایڈیشنل سیشن جج طاہرنیازی ہلاک


    حملہ آور فائرنگ کرنے کے بعد جائے واقعہ سے باآسانی فرار ہونے میں کامیاب ہوگئے، پولیس کے مطابق ان کی تلاش جاری ہے۔

    تحریکِ طالبان کے ترجمان محمد خراسانی نے اپنے ایک حالیہ ای میل بیان میں ایڈیشنل جج کے قتل کی ذمہ داری قبول کی ہے۔

    تحریک طالبان نے اس بات کی وضاحت نہیں کی کہ طاہرنیازی کو کن وجوہاات کی بنا پر قتل کیا گیا ہے۔

    واضح رہے کہ ملک کے طول وعرض میں دہشت گردوں کی سرکوبی کے لئے آپریشن ضربِ عضب جاری ہے۔

  • ڈسٹرکٹ ریٹرننگ آفیسر نے علی امین گنڈا پور کو بے گناہ قرار دیدیا

    ڈسٹرکٹ ریٹرننگ آفیسر نے علی امین گنڈا پور کو بے گناہ قرار دیدیا

    ڈی آئی خان : ڈیرہ اسماعیل خان کے ڈسٹرکٹ ریٹرننگ آفیسر کی نئی رپورٹ میں بتایا گیا ہے کہ بیلٹ باکس علی امین گنڈا پور نے نہیں ریٹرننگ آفیسر نے اٹھائے۔

    تفصیلات کے مطابق پاکستان تحریک انصاف کے رہنما اور خیبر پختونخوا کے وزیر مالیات علی امین گنڈا پور کیس میں نئے انکشافات سامنے آ گئے۔

    ڈی آر او ڈی آئی خان کی نئی رپورٹ کے مطابق بیلٹ باکس علی امین گنڈا پور نے نہیں ریٹرننگ آفیسر نے اٹھائے تھے۔

    مذکورہ رپورٹ صوبائی الیکشن کمیشن کے پاس بھیج دی گئی ہے ۔ رپورٹ کے مطابق بیلٹ باکس ریٹرننگ آفیسر نے محفوظ مقام پر منتقلی کی غرض سے اٹھائے تھے ۔جس سے متعلق ڈی آر او کوآگاہ کر دیا گیا تھا ۔

    رپورٹ میں کہا گیا ہے کہ علی امین گنڈا پور نشے کی حالت میں نہیں تھے اور نہ ہی اس حوالے سے کوئی ثبوت ملا ہے۔

    رپورٹ میں کہا گیا ہے کہ مشتعل مخالفین کی جانب سے نعرہ بازی کئے جانے پر علی امین کو پولنگ اسٹیشن سے جانے کا مشورہ دیا گیا تھا۔

    ڈی آراو، ڈپٹی کمشنرکی رپورٹ آنے کے بعدعلی امین گنڈا پورنے ن لیگ اور جے یو آئی ف کے رہنماؤں کے خلاف قانونی کارروائی کا فیصلہ کیا ہے۔

    جس کے تحت لیگی رہنماء قیوم حسام اورجے یو آئی ف کے نور اصغر کے خلاف قتل واقدام قتل کا مقدمہ درج کرایا جائے گا۔

    مذکورہ مقدمے تھانہ صدر ڈی آئی خان میں درج کروائے جائیں گے جس سے متعلق پارٹی قیادت کو آگاہ کر دیا گیاہے۔

  • پی ٹی آئی کے گرفتار رہنما علی امین گنڈا پور کی ضمانت ہوگئی

    پی ٹی آئی کے گرفتار رہنما علی امین گنڈا پور کی ضمانت ہوگئی

    پشاور: بیلٹ باکس لےکر بھاگنے کے الزام میں گرفتار علی امین گنڈا پور کی ضمانت ہوگئی۔

     اے آر وائی نیوز کے پروگرام آف دی ریکارڈ میں گفتگو کرتے ہوئے انھوں نے الزام کو ماننے سے ہی انکار کردیا۔

    کے پی کے کے بلدیاتی انتخابات بیلٹ باکس لےکر بھاگنے کے الزام میں گرفتار تحریک انصاف کے صوبائی وزیر علی امین گنڈا نے نوے ،نوے ہزار کے دو ضمانتی مچلکے جمع کرادئیے، جس کے بعد صوبائی وزیر کو رہا کردیا گیا۔

    علی امین گنڈا پور نے اے آر وائی نیوز کے پروگرام آف دی ریکارڈ میں گفتگو کرتے ہوئے کہا کہ وہ بیلٹ باکس لے کر نہیں بھاگے۔

     انہوں نے چیلنج کیا کہ اگر ری الیکشن میں ان کو شکست ہوئی تو وہ استعفی دے دیں گے۔

    علی امین گنڈا پور نے کہا کہ دھاندلی روکنا جرم ہے تو وہ یہ جرم باربار کرتے رہیں گے۔

  • امین علی گنڈا پورایک روزہ ریمانڈ پر پولیس کے حوالے

    امین علی گنڈا پورایک روزہ ریمانڈ پر پولیس کے حوالے

    ڈی آئی خان : خیبرپختونخوا کے وزیرمالیات امین علی گنڈاپورکا پولیس نے ایک روزہ ریمانڈ حاصل کرلیا۔

    تفصیلات کے مطابق کے پی کے کے وزیر مالیات امین علی گنڈاپور کو پولیس نے ہتھکڑیاں لگا کر عدالت میں پیش کیا، جہاں بیلٹ باکس چوری کےالزام کی تفتیش کےلئےپولیس کوایک روزہ ریمانڈمل گیا۔

    علی امین گنڈاپور کو بلدیاتی انتخابات میں بیلٹ بکس چھیننے اورپریزائیڈنگ افسر سمیت ایس ایچ او کوتشدد کا نشانہ بنانے پرگزشتہ روز گرفتارکیاگیا تھا۔

    علی امین گنڈاپور ہتھکڑیاں پہنے ڈیرہ اسماعیل خان میں حامیوں کے ہمراہ جوڈیشل مجسٹریٹ کی عدالت میں پیش ہوئے۔ اس موقع پر سیکیورٹی کے انتہائی سخت انتظامات کئے گئے تھے۔

    عدالت نے مقدمہ دوسو پچیس اوردوسوچھبیس کی سماعت کے دوران صوبائی وزیر کو ایک روزہ جوڈیشنل ریمانڈ پر جیل بھیج دیا۔

    وکٹری کا نشان بناتے ہوئےعلی امین گنڈاپور عدالت سے باہر آئے اور کہا کہ دھاندلی کے خلاف وہ ہرقسم کی سزا بھگتنے کے لئے تیار ہیں۔

    واضح رہے کہ پی ٹی آئی کے صوبائی وزیر کے خلاف بلدیاتی انتخابات کے دوران بیلٹ باکس چھیننے، سرکاری کام میں مداخلت اور پولیس افسران سے بدتمیزی کرنے کے الزامات کے تحت 3 مقدمات درج ہیں۔

    گزشتہ روز صوبائی وزیر علی امین گنڈا پور کو گرفتار کرنے کے لیے ڈی پی او ڈیرہ اسماعیل خان صادق بلوچ نے پولیس کی بھاری نفری کے ہمراہ ان کی رہائشگاہ کو پانچ گھنٹے تک گھیرے رکھا۔

    پولیس کی جانب سے صوبائی وزیر کے گھر کے گھیراؤ پرتحریک انصاف کے کارکنوں نے شدید احتجاج بھی کیا۔

  • صوبائی وزیر خزانہ علی امین گنڈاپور نے گرفتاری دیدی

    صوبائی وزیر خزانہ علی امین گنڈاپور نے گرفتاری دیدی

    ڈی آئی خان : خیبر ختونخوا کے وزیر خزانہ علی امین گنڈاپور نے گرفتاری دیدی، تفصیلات کے مطابق طویل انتظار کے بعد بالآخر صوبائی وزیر خزانہ علی امین گنڈاپور نے گرفتاری دیدی۔

    پولیس نے تین گھنٹے تک گھر کا محاصرہ کئے رکھا ،جس کے بعد امین علی گنڈاپور اپنی گاڑی میں بیٹھ کر ڈی پی او آفس روانہ ہوئے جہاں انہوں نے خود کو پولیس کے حوالے کردیا۔

    اس موقع  پر تحریک انصاف کے کارکنوں  کی بڑی تعداد بھی موجود تھی، انہوں نے گو خٹک گو کےنعرے بھی لگا ئے۔

    دوسری جانب وزیراعلیٰ خیبرپختونخوا کا کہنا ہے کہ علی امین گنڈا پور کے بیلٹ باکس چھیننے کے واقعے کا علم نہیں ہے۔ قانونی معاملہ ہے جس پر قانونی کارروائی کی جائے گی ۔

    واضح رہے کہ صوبائی وزیرعلی امین کے خلاف بلدیاتی الیکشن کے روز بیلٹ باکس غائب کرنے اور ایس ایچ او کو تشدد کا نشانہ بنانے کا مقدمہ درج ہے۔

  • دھاندلی کا الزام : علی امین گنڈا پورنے گرفتاری دینے سے انکار کردیا

    دھاندلی کا الزام : علی امین گنڈا پورنے گرفتاری دینے سے انکار کردیا

    پشاور / ڈیرہ اسماعیل خان : تحریک انصاف کے رہنما علی امین گنڈا پور نے اس خدشے کا اظہار کیا ہے کہ ان کی گرفتاری کے بعد کارکن اشتعال میں آجائیں گے۔

    ان خیالات کا اظہار انہوں نے اے آر وائی کے پروگرام آف دی ریکارڈ میں گفتگو کرتے ہوئے کیا، ان کا کہنا تھا کہ مجھے ضمانت قبل از گرفتاری کا حق حاصل ہے اور گرفتاری نہ دینے کا قانونی حق ہے، گرفتاری کیوں دوں ؟

    علی امین گنڈا پور کا کہنا تھا کہ اگر مجھے گرفتار کیا گیا تو حالات کی ذمہ دار انتظامیہ ہوگی، علاوہ ازیں پولیس نے خیبر پختونخوا کے وزیر خزانہ علی امین گنڈا پورکی گرفتاری کیلئے ان کے گھر کا محاصرہ کرلیا ہے۔

    اس موقع پر پاکستان تحریک انصاف کے کارکنان کی بڑی تعداد بھی ان کی رہائش گاہ پر پہنچ گئی، کارکنان نے پولیس کیخلاف شدید نعرے بازی کی اور خیبر پختونخوا کے وزیر اعلیٰ پرویز خٹک کیخلاف بھی نعرے لگائے۔

      واضح رہے کہ علی امین گنڈا پور پر گزشتہ روز بیلٹ باکس ساتھ لے جانے کا الزام ہے، بلدیاتی انتخابات کے موقع پر صوبائی وزیر علی امین گندا پور کے بھائی عمر امین نے ڈسٹرکٹ کونسل کی نشست پر بلدیاتی انتخابت میں حصہ لیا تھا۔

    علی امین گنڈا پور اپنے محافظوں کے ہمراہ  یو سی ہمت کے پولنگ اسٹیشن میں گھس گئے اور بیلٹ باکسز ساتھ لے جانے کی کوشش کی، انتخابی عملے نے مزاحمت کی تو اس پر بھی ٹوٹ پڑے اور تشدد کا نشانہ بنا ڈالا۔

    علی امین گنڈا پور اپنی گاڑی میں بیلٹ باکس لے جارہے تھے کہ مقامی افراد نے گاڑی کا گھیراؤ کیا، جس کے بعد علی امین گنڈاپور کے محافظوں نے مقامی افراد پر فائرنگ کی، جس کے نتیجے میں ایک خاتون زخمی ہوگئی۔

    بعد ازاں پولیس نے ان کے خلاف مقدمہ درج کرلیا۔

  • ڈیرہ غازی خان: سرکاری اسکول پر دہشت گردوں کا حملہ، چوکیدار قتل

    ڈیرہ غازی خان: سرکاری اسکول پر دہشت گردوں کا حملہ، چوکیدار قتل

    ڈیرہ غازی خان: سرکاری اسکول پردہشت گردوں نے حملہ کرکے سیکیورٹی گارڈ کو قتل کردیا، حملہ آوروں کی تلاش کیلئے سرچ آپریشن جاری ہے۔

    ڈیرہ غازی خان کا علاقہ درآمہ بوائز ہائی اسکول سرور والی گولیوں کی تڑتڑاہٹ سے گونج اٹھا، دو مسلح دہشت گردوں نےاسکول میں گھس کر سیکیورٹی گارڈ کو قتل کردیا اور فرار ہوگئے۔

    واقعے کی اطلاع ملتے ہی ریسکیو ٹیمیں اور پولیس کی بھاری نفری نے اسکول پہنچ گئی۔

    دہشت گردوں کے فرار کی اطلاع ملتے ہی سیکیورٹی اہلکاروں نے علاقے میں سرچ آپریشن شروع کردیا۔

    پولیس کے مطابق حملہ آوروں نے ذاتی دشمنی کے بناء پر چوکیدار کو قتل کیا، حملے کے وقت اسکول کی چھٹی ہوچکی تھی، واقعے کے بعد علاقے میں خصوصاً بچوں اور والدین میں خوف و ہراس پھیل گیا ہے۔

  • ڈی جی خان:اسکول کی چھت گرگئی، 20سے زائد طالبات ملبے تلے دب گئیں

    ڈی جی خان:اسکول کی چھت گرگئی، 20سے زائد طالبات ملبے تلے دب گئیں

    ڈی جی خان: سرکاری اسکول کی چھت گر گئی، بیس سے زائد طالبات ملبے تلے دب گئیں۔

    غیر معیاری تعمیرات نے ایک اور اسکول کو ملبے میں ڈھیر کردیا، پنجاب کےشہر ڈیرہ غازی خان کے گورنمنٹ گرلز پرائمری اسکول شکورآباد کی چھت گرگئی، جس میں بیس طالب علم ملبے تلے آگئیں۔

    چھت گرنے کی اطلاع ملتے ہی پولیس سمیت ریسکیوٹیمیں جائے وقوعہ پر پہنچ گئیں جبکہ ٹیچنگ اسپتال میں ایمرجنسی نافذ کردی گئی۔

    ریسکیوانچارج ڈاکٹر ناصر حیات کے مطابق اب تک پانچ بچیوں کو اسپتال منتقل کیا گیا ہے جبکہ دیگر بچوں کو بھی ملبے سے نکالنے کی کوشش کی جارہی ہے۔

    ریسکیو انچارج کا کہنا ہے واقعہ عمارت کے بوسیدہ ہونے کی وجہ سے پیش آیا، واقعے کی اطلاع سنتے ہی والدین پریشان ہوکر اسکول کی طرف دوڑےاوراپنی بچیوں کو ڈھونڈتے رہے۔