Tag: diabetes

شوگر کے استعمال سے بچنے والے افراد کے لیے ایک نئی مگربری خبر ہے کہ ان کے لیے شوگر کے متبادل بعض چیزیں عارضہ قلب کا باعث بن سکتی ہیں۔

ایک نئی تحقیق میں یہ بات سامنے آئی ہے کہ سٹیویا پلانٹ جو چینی کے سب سے مقبول قدرتی متبادل میں سے ایک ہے لوگوں کو صحت کے سنگین مسائل سے دوچار کر سکتا ہے، جن میں سب سے اہم ہارٹ اٹیک ہے۔

امریکی ٹی وی ’سی این این‘ کے مطابق اس تحقیق سے ثابت ہوا کہ اسٹیویا کے پودے میں پائے جانے والے ’اریتھریٹول‘ اور خون کے جمنے ہارٹ اٹیک اور فالج کے درمیان تعلق ہے۔

مطالعہ کا مقصد کسی شخص کے خون میں کسی ایسے کیمیکل یا مرکبات کو تلاش کرنا تھا جو ہارٹ اٹیک، فالج یا موت کے خطرے کی پیش گوئی کر سکے۔

ٹیم نے 2004 اور 2011 کے درمیان جمع کیے گئے دل کی بیماری کے خطرے میں مبتلا افراد کے خون کے 1,157 نمونوں کا تجزیہ کرنا شروع کیا۔ انہوں نے محسوس کیا کہ’’اریتھریٹول‘‘اس سلسلے میں ایک اہم کردار ادا کرتا ہے۔

نتائج کی تصدیق کے لیے ٹیم نے امریکا میں 2,100 سے زیادہ لوگوں کے خون کے نمونوں کے ایک اور سیٹ اور 2018 تک یورپ میں ساتھیوں کے ذریعے جمع کیے گئے اضافی 833 نمونوں کا تجربہ کیا۔ تقریباً تین چوتھائی شرکاء کو کورونری دمنی کی بیماری یا ہائی بلڈ پریشر تھا اور تقریباً پانچویں کو ذیابیطس تھا۔

دل کا دورہ یا فالج

محققین کا کہنا ہے کہ اریتھریٹول کی اعلی سطح 3 سال کے اندر ہارٹ اٹیک، فالج یا موت کے بڑھتے ہوئے خطرے سے وابستہ تھی۔

نیچرل نامی جریدے میں لکھے مضمون میں لکھا گیا ہے کہ خون میں اریتھریٹول میں ہر 25 فیصد اضافہ دل کے دورے اور فالج کے خطرے میں دو گنا اضافے سے منسلک ہے۔

انہوں نے کہا کہ دل کی بیماری کے خطرے والے عوامل، جیسے ذیابیطس، اگر ان کے خون میں اریتھریٹول کی مقدار زیادہ ہوتی ہے تو انہیں دل کا دورہ پڑنے یا فالج کا خطرہ دوگنا ہوتا ہے۔

مطالعہ کے مرکزی مصنف اور امریکا میں کلیولینڈ کلینک کے لرنر ریسرچ انسٹی ٹیوٹ میں کارڈیو ویسکولر تشخیص اور روک تھام کے مرکز کے ڈائریکٹر ڈاکٹر سٹینلے ہیزن نے کہا کہ خطرے کی ڈگری معمولی نہیں تھی۔

ذیابیطس کو خاموش قاتل کہا جاتا ہے، پچیس فی صد افراد کو علم نہیں ہوتا کہ وہ اس مرض کا شکار ہو چکے ہیں، پاکستان میں شوگر کے مریضوں کی تعداد 3 لاکھ 3 کروڑ سے زیادہ ہو چکی ہے، ہر چوتھا پاکستانی نوجوان ذیابیطس کا شکار ہے۔

بعض لوگوں میں یہ غلط فہمی بھی پائی جاتی ہے کہ جب ان میں ذیابیطس کی تشخیص ہوتی ہے تو وہ سمجھتے ہیں کہ پرہیز کے حوالے سے یہ صرف ریفائن شدہ سفید چینی کا معاملہ ہے، چناں چہ وہ چینی کم کر کے اس کا متبادل لینے لگتے ہیں جیسا کہ براؤن شوگر اورگڑھ وغیرہ، ان کا یہ خیال ہوتا ہے کہ یہ نقصان دہ نہیں ہے۔

کنسلٹنٹ ڈایابیٹالوجسٹ بی ایم راٹھور نے اے آ روائی نیوز کے پروگرام باخبر سویرا میں گفتگو کرتے ہوئے انکشاف کیا کہ ذیابیطس کے مریضوں کی تعداد کے حوالے سے پاکستان دنیا میں پہلے نمبر پر آ گیا ہے، جہاں 30 فی صد لوگ اس مرض کا شکار ہیں۔

انھوں نے بتایا جن لوگوں کی فیملی ہسٹری ہے وہ تو ذیابیطس کے شدید خطرے سے دوچار ہیں ہی، لیکن شہروں میں ہمارا جو لائف اسٹائل بن گیا ہے، حتیٰ کہ گاؤں میں رہ کر بھی ہم لوگ اب واک نہیں کرتے، مرغن غذائیں کھاتے ہیں اور کاربوہائیڈریٹس کا استعمال زیادہ ہے، اس کی وجہ سے بھی مریضوں کی تعداد بڑھ رہی ہے۔

ماہر امراض ذیابیطس نے بتایا کہ گڑھ میں اگرچہ ریفائن شوگر نہیں ہے لیکن اس سے بھی خون میں گلائسیمک انڈس بڑھتا ہے، اس لیے خوراک کے سلسلے میں بے حد احتیاط لازمی ہے۔

انھوں نے شوگر سے بچاؤ اور کنٹرول کے حوالے سے آسان حل بتایا کہ سب سے پہلے لائف اسٹائل تبدیل کرنے پر توجہ دینی چاہیے، جیسا کہ ہفتے میں تین سے پانچ دن باقاعدگی سے واک کرنا، اتنی واک کریں کہ اس میں آپ کو پسینہ آ جائے، اس کے بعد کھانے میں کاربوہائیڈریٹ یعنی نشاستہ کا استعمال کم سے کم کر دیں۔

انھوں نے کہا اگر ہم عام زبان میں کہیں کہ ایک پلیٹ جو 9 انچ کی ہوتی ہے اسے ہم دو برابر حصوں میں تقسیم کریں، تو اس کا ایک حصہ سبز پتوں والی سبزیاں ہونی چاہیئں، باقی حصے کا آدھا پروٹین اور آدھا نشاستے والی خوراک پر مبنی ہونا چاہیے۔

یہ جاننے کے لیے کہ کیا آپ کو ذیابیطس کا خطرہ لاحق ہے یا نہیں، ماہر کنسلٹنٹ نے بتایا کہ اس کا ایک آسان طریقہ ہے، ریپڈ اسکور کہہ لیں، اس میں بغیر کسی ٹیسٹ کے آپ آسانی سے معلوم کر سکتے ہیں کہ آپ رسک پر ہیں یا نہیں۔ یہ پاکستانی آبادی کے لیے خصوصی طور پر ڈیزائن کیا گیا ہے۔ اس میں عمر، کمر اور فیملی ہسٹری شامل ہیں۔

اگر آپ کی عمر 40 سال سے کم ہے تو آپ کا اسکور زیرو ہو گیا، چالیس سے پچاس کے درمیان اسکور 1 ہوگا، پچاس سے زیادہ عمر پر اسکور 2 ہوگا۔ اگر کمر مردوں میں 35.5 انچ سے زیادہ ہے تو اسکور 1 ہوگا اور اس سے نیچے زیرو ہوگا، جب کہ خواتین میں 31.5 سے نیچے ہے تو اسکور زیرو، اور اس سے اوپر ہے تو اسکور 1 ہوگا۔ فیملی ہسٹری اگر مثبت ہے تو اسکور 1 ہوگا اور نہیں ہے اسکور زیرو ہوگا۔

بی ایم راٹھور کے مطابق اگر کسی کا مجموعی اسکور 4 یا زیادہ ہے تو وہ رسک پر ہے، تو اسے ڈاکٹر کے پاس کر ٹیسٹ کروانا چاہیے۔