دودھ سے بنی مصنوعات کے استعمال سے ذیابطیس کےخطرے سےبچا جا سکتا ہے۔
طبی ماہرین کےمطابق چربی سے بھرپوردودھ سے بنی مصنوعات کے روزمرہ استعمال سے ذیابطیس کےمرض سے حفاظت ممکن ہے جبکہ جان لیوا امراض میں مبتلا ہونے کا خطرہ بھی کم ہوجاتا ہے۔
سوئیڈن میں ہونے والی ایک تحقیق کے مطابق دودھ سے بنی مصنوعات میں موجود چربی گلوکوز کو جزوبدن بنانے میں موثرثابت ہوتی ہے جبکہ انسولین کی حساسیت کو بھی کنٹرول کرنےمیں مدد ملتی ہے۔
اسلامی تعلیمات میں کلونجی کوانسان جسم کےلیےمفید قراردیا گیا ہے، جس کا اعتراف اب سائنس داں اور محقق بھی کررہے ہیں،فلوریڈا میں کی گئی تحقیق کےمطابق کلونجی کینسر اور لیوکیمیا میں بھی مفیدہے۔
اینٹی کینسرکیمو تھراپی کےمضراثرات ومضمرات کے ازالہ میں بھی فائدہ مند ثابت ہوئی ہے،کلونجی کےاستعمال سےمریضوں کی قوت مدافعت میں زبردست اضافہ دیکھا گیا، کلونجی کےمرکب کےاستعمال سےنظام ہضم کی کارکردگی میں انتہائی بہتری پیدا ہوجاتی ہے۔
لیموں کے مستقل اورمناسب استعمال سےذیابیطس جیسی موذی بیماری سے بھی بچا جا سکتا ہے، لیموں کا رس شحمی مادّوں کے جم جانےکےباعث شریانوں میں پیدا ہونے والےنقص کومزید بڑھنےسےروکنےمیں بھی بے انتہا مفید ہے۔
لیموں کا رس جگر کے لئے ایک بہترین ٹانک ہے،یہ دیکھا گیا ہےکہ عموماً گنے کے رس میں لیموں نچوڑ کر استعمال کیا جاتا ہے جوکی جگر میں پیدا ہونے والی تمام بیماریوں کے لیے اکثیر ہے۔
روزانہ تین کپ یا اس زائد کافی پینے سے ذیابطیس میں مبتلا ہونے کا خطرہ دوگنا بڑھ جاتا ہے۔
ماہرین کا کہنا ہے کہ روزانہ کافی کی تین پیالیوں یا اس سے زائد کا استعمال کرنے والےافراد میں ٹائپ ٹوذیابطیس کا خطرہ بڑھ جاتا ہے، اٹلی میں اٹھارہ سے بیالیس سال کی عمر کے ایک ہزار ایک سو اسی مریضوں کے تجزیے کے بعد ثابت ہوا کہ ایسے افراد جو دن میں تین یا تین سے زائد کافی کی پیالیوں کا استعمال کرتے تھے۔
ان میں بیالیس فیصد میں پری ذیابطیس کے مرض میں مبتلا ہونے کے امکانات زیادہ تھے۔
سائنسی مطالعےسےمعلوم ہوا ہےکہ جو لوگ شفٹوں میں کام کرتے ہیں انھیں شوگر ہونے کےامکانات زیادہ ہوتے ہیں۔
سوا دو لاکھ افراد پرکی جانے والی یہ تحقیق جریدے آکوپیشنل اینڈ انوائرمینٹل میڈیسن میں شائع ہوئی ہے اوراس تحقیق سےظاہر ہوتا ہے کہ وہ مرد جوباربار تبدیل ہونےوالی شفٹوں میں کام کرتے ہیں وہ سب سے زیادہ خطرے کی زد میں ہیں۔
شفٹوں میں کام کرنے کی وجہ سے جسم کا وقت کا حساب رکھنے والا اندرونی نظام منتشر ہو جاتا ہے، جس سے وزن بڑھتا ہے، ہارمونز کی مقدارمیں خلل پڑتا ہےاورنیند متاثر ہوتی ہے،یہ تمام اسباب مل کر ذیابیطس لاحق ہونے کا خطرہ بڑھا دیتے ہیں۔
