Tag: diagnosed with cancer

ممبئی : اداکاراورہدایت کار راکیش روشن بھی کینسر کی بیماری میں مبتلا ہوگئے، ریتھک روشن نے تصدیق کرتے ہوئے کہا والد کوگلےکاکینسرہے، یہ بیماری ابھی ابتدائی مراحل میں ہے۔

تفصیلات کے مطابق بالی ووڈمیں کینسر کی بیماری پھیلنےلگی، اداکاروہدایت کار راکیش روشن میں گلے کے کینسر کی تشخیص ہوئی ہے ، ان کےبیٹے اداکارریتھک روشن نے سماجی رابطے کی ویب سائٹ انسٹاگرام پر والد کی تصویر کے ساتھ لکھا کہ والد کوگلے کا کینسر ہے، یہ بیماری ابھی ابتدائی مراحل میں ہے، آج سرجری ہےلیکن پھر بھی جم جانےسے والد خود کو نہ روک پائے۔

 

View this post on Instagram

 

Asked my dad for a picture this morning. Knew he wouldnt miss gym on surgery day. He is probably the strongest man I know. Got diagnosed with early stage squamous cell carcinoma of the throat a few weeks ago, but he is in full spirits today as he proceeds to battle it. As a family we are fortunate and blessed to have a leader like him. . Love you Dad.

A post shared by Hrithik Roshan (@hrithikroshan) on Jan 7, 2019 at 7:46pm PST

یاد رہے چند روز قبل اداکارشاہد کپور کے کینسرمیں مبتلا ہونے کی خبریں بھی گردش کرتی رہیں تھیں ، شاہد کپور کے گھر والوں نے انہیں کینسر کی ہونے کی خبروں کی تردید کرتے ہوئے کہا تھا کہ کچھ لوگ کیسے یہ سب لکھ سکتے ہیں؟ آخر اس خبر کی نیاد کیا ہے اس طرح کی افواہیں پھیلانے کو کس طرح سے جائز ٹھہرایا جاسکتا ہے۔

مزید پڑھیں : بالی ووڈ اداکار شاہد کپور معدے کے کینسر میں مبتلا؟

بعد ازاں اداکار رشی کپور کے حوالے سے بھی خبریں سامنے آئی تھیں کہ انہیں بھی کینسرلاحق ہے، جس کا علاج کرانے وہ نیویارک میں مقیم ہیں تاہم انہوں نے کینسر کی تصدیق یا تردید نہیں کی ہے۔

واضح رہے کہ بالی ووڈ اداکار عرفان خان اور سونالی بیندرے کینسر جیسے موذی مرض میں مبتلا ہیں دونوں کا علاج جاری ہے، بالی ووڈ اداکارہ سونالی باندرے حال ہی میں نیویارک سے کینسرکاعلاج کروا کرلوٹی ہیں۔