ARYNews.tv | Urdu – Har Lamha Bakhabar

Tag: diamond ring

  • ترکی : خاتون کی ہیرے کی انگوٹھی نگل کر چوری کی کوشش ناکام

    ترکی : خاتون کی ہیرے کی انگوٹھی نگل کر چوری کی کوشش ناکام

    انقرہ : ترکی میں خاتون نے ہیرے کی انگوٹھی چرانے کےلیے اسے نگل لیا لیکن دکان میں موجود ملازم نے خاتون کو انگوٹھی نگلتے ہوئے پکڑ لیا۔

    تفصیلات کے مطابق ترکی کے دارالحکومت استنبول میں واقع صرافہ بازار میں چوری کا انوکھا واقعہ پیش آیا جسے دیکھ کر پولیس والے بھی دنگ رہ گئے۔

    یوں تو دنیا بھر کے چور چوری کےلیے نئے نئے طریقے استعمال کرتے ہیں لیکن استنبول میں ایک خاتون ہیرے کی انگوٹھی خریدنے کے بہانے جیولری کی دکان میں داخل ہوئی اور انگوٹھی دیکھنے کے دوران پرس سے پانی کی بوتل نکالی اور انگوٹھی نگل گئی۔

    غیر ملکی خبر رساں ادارے کا کہنا تھا کہ خاتون نے بہت چالاکی سے ہیرے کی انگوٹھی چوری کرنے کی کوشش کی لیکن دکان موجود ایک ملازم نے اپنی عقابی نگاہوں سے خاتون کو ہیرے کی قیمتی انگوٹھی نگلتے ہوئے پکڑ لیا تھا۔

    غیر ملکی میڈیا کا کہنا تھا کہ ملازم نے پولیس کو چوری کی اطلاع دی جس کے بعد پولیس خاتون کو گرفتار کرکے اسپتال لے گئی، جہاں اس کا طبی معائنہ کیا گیا۔

    نجی خبر رساں ادارے کی رپورٹ کے مطابق طبی معائنے کے دوران معلوم ہوا کہ انگوٹھی خاتون کے پیٹ میں موجود ہے جس کے بعد پولیس نے خاتون کے خلاف چوری کا مقدمہ درج کرلیا۔

    غیرملکی میڈیا کا کہنا ہے کہ خاتون ضمانت پر رہا ہوگئی تاہم انگوٹھی اب بھی خاتون کے پیٹ میں ہے، جو خاتون کو واپس کرنا ہوگی یا اس کی قیمت دکان مالک کو ادا کرنا ہوگی۔

    مزید پڑھیں : روس:‌ تھکاوٹ کا شکار چور پولیس کے ہاتھوں‌ گرفتار

    مزید پڑھیں : تائیوان: پولیس نے دہی چور کی گرفتاری کے لیے سینکڑوں ڈالر خرچ کردئیے

    غیر ملکی میڈیا کا کہنا ہے کہ خاتون کو ہیرے کی انگوٹھی چوری کرنے کے جرم میں کئی سال قید اور جرمانے کی سزا سامنا کرنا پڑسکتا ہے.

    مزید پڑھیں برطانیہ: چوری کرنے پر انعام کا انوکھا اعلان

    خیال رہے کہ گذشتہ برس اکتوبر میں پولیس 54 سالہ آئرلینڈ کے شہری کو ترکی کے جنوب مغربی شہر میں واقع ریزوٹ سے گرفتار کیا تھا جس نے 30 ہزار پاؤنڈ مالیت کی ہیرے کی انگوٹھی چوری کرنے کےلیے نگل لی تھی۔

  • کینیڈا میں خاتون کو گمشدہ انگوٹھی13سال بعد ڈرامائی اندازمیں مل گئی

    کینیڈا میں خاتون کو گمشدہ انگوٹھی13سال بعد ڈرامائی اندازمیں مل گئی

    ٹورنٹو: کینیڈین خاتون کوتیرہ سال قبل گم ہونے والی ہیرے کی انگوٹھی ڈرامائی انداز میں مل گئی۔

    منگنی اور شادی کی انگوٹھی زندگی کی یادگاروں میں سے ایک اہم شے ہے لیکن اگر یہ کھو جائے تو انسان کو ساری عمر دکھ رہتا ہے، ایسا ہی ایک واقعہ کینیڈا کے علاقے البریٹا کی رہائشی خاتون میری گرمس کے ساتھ پیش آیا۔

    جب 2014 میں گرمس کی ہیرے کی انگوٹھی اس وقت گم ہوگئی تھی جب وہ خاندانی کھیت میں کام کررہی تھیں۔

    میری گرمس کا کہنا ہے کہ انھوں نے انگوٹھی کو بہت تلاش کیا لیکن وہ نہیں ملی تھی، جو تیرہ سال بعد اب انھیں کھیت میں اگنے والے ایک گاجر سے ملی گئی ہے اور ان کی انگلی میں جگمگا رہی ہے۔ جس پر وہ انتہائی خوش ہیں۔

    انھوں نے کہا کہ انگوٹھی جب نہیں ملی تو میں نے اپنے شوہر کو نہ بتانے کا فیصلہ کیا اور دکان سے ایک سستی سی انگوٹھی لے آئی ، یہ بات صرف میں نے اپنے بیٹے کو بتائی تھی۔

    گذشتہ سال بھی جرمنی میں 82 سالہ شخص کے گھر کے باغیچے میں ایک گاجر نے اس کی وہی گمشدہ انگوٹھی’پہن‘ رکھی تھی، جو تین سال قبل اچانک گم گئی تھی ۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔