ARYNews.tv | Urdu – Har Lamha Bakhabar

Tag: dil dil pakistan

  • حسن علی نے ‘دل دل پاکستان’ گنگنا کر سماں باندھ دیا

    حسن علی نے ‘دل دل پاکستان’ گنگنا کر سماں باندھ دیا

    دبئی: قومی ٹیم کے فاسٹ بولر حسن علی نے مشہور و معروف ملی نغمہ گنگنا کر سماں باندھ دیا ہے۔

    تفصیلات کے مطابق آئی سی سی نے اپنے آفیشل ٹوئٹر اکاونٹ پر پاکستانی فاسٹ بولر حسن علی کی ملی نغمہ گنگنا نے کی ویڈیو شیئر کی، آئی سی سی نے ویڈیو کے ساتھ ایک ٹویٹ میں لکھا کہ حسن علی نے بلاک بسٹر مقابلے سے پہلے دل دل پاکستان گنگناتے ہوئے اپنی دل اور روح کو اس نغمے میں پیش کیا ہے۔

    ویڈیو میں دیکھا جاسکتا ہے کہ فاسٹ بولر حسن علی ایک اسٹول پر بیٹھے ہاتھ میں گٹار لئے پاکستان کا مشہور و معروف ملی نغمہ ” دل دل پاکستان” گنگنا رہے ہیں۔

    حسن علی ملی نغمہ گانے سے پہلے اس بات کا اعتراف کررہے ہیں کہ انہیں گٹار بجانا نہیں آتا، جب کہ مایہ ناز آل راؤنڈر محمد حفیظ حسن علی کو گٹار تھامتے ہوئے کہہ رہے ہیں کہ ایک عرصے سے یہ ملی نغمہ ہمارے دلوں کو گرما رہا ہے اور ہمیں یکجا کئے ہوئے ہے، ملی نغمے کے بعد حسن علی یہ بھی کہتے نظر آتے ہیں کہ میری انگلیوں میں درد ہورہا ہے، جب کہ قریب موجود ساتھی کرکٹر ان کے گانے پر انہیں تالیاں بجا کر داد رہے ہیں

     

  • ارطغرل غازی کے مشہور اداکار کے "دل دل پاکستان” کے نعرے

    ارطغرل غازی کے مشہور اداکار کے "دل دل پاکستان” کے نعرے

    لاہور : پاکستان کی نامور اداکارہ ریما خان نے ترک اداکار جلال خان کے ساتھ بنائی گئی ایک ویڈیو شیئر کی ہے جس میں دونوں فنکار اپنے اپنے ممالک کی نمائندگی کرتے ہوئے دل دل پاکستان کا نعرہ لگارہے ہیں۔

    ان دنوں پاکستانی فنکاروں پر مشتمل ایک وفد ترکی کے دورے پر ہے، اس موقع پر ریما خان کی جانب سے انسٹا گرام اکاؤنٹ پر شیئر کی گئی نئی تصاویر اور ویڈیوز سے بخوبی اندازہ لگایا جاسکتا ہے کہ وہ ترکی میں موجود ہر لمحےکو یاد گار بنانا چاہتی ہیں۔

    ریما خان نے اپنے مداحوں کیلئے استنبول کی یادگاری اور تاریخی مسجد آیا صوفیہ کے دورے کے موقع پر لی گئی تصاویر بھی انسٹا گرام پر شیئر کیں۔

    اس موقع پر پاکستانی سنیئر اداکارہ ریما خان کی جانب سے ایک ویڈیو شیئر کی گئی ہے جس میں وہ ترک سیریز ارطغرل غازی کے اہم کردار (عبدالرحمان غازی) جلال خان کے ہمراہ موجود ہیں۔

     

    View this post on Instagram

     

    A post shared by Reema Khan (@iamreemakhan)

    مذکورہ ویڈیو میں ریما اور جلال خوشگوار موڈ میں پاکستان اور ترکی کی دوستی کا نعرہ لگا رہے ہیں، ریما خان نے نعرہ بلند کیا کہ "دل دل پاکستان جان جان ترکی” جبکہ یہی نعرہ ان کے ساتھ جلال بھی دہرا رہے ہیں۔

    یاد رہے کہ فی الوقت پاکستانی اداکاروں کے دورہ ترکی سے متعلق تفصیلات سامنے نہیں آسکی ہیں تاہم ایک اور پوسٹ میں اس حوالے سے بتایا گیا ہے کہ یہ تصویر ترکی کی فلم کمپنی کے ساتھ ایک میئٹنگ کے موقع پر لی گئی ہے۔

  • ‘دل دل پاکستان’ نغمہ آذربائیجان میں بھی مقبول، ویڈیو وائرل

    ‘دل دل پاکستان’ نغمہ آذربائیجان میں بھی مقبول، ویڈیو وائرل

    باکو:آذربائیجان کے فنکاروں نے دل دل پاکستان کی دھن پیانو پر بجاکر سماں باندھ دیا ہے۔

    تفصیلات کے مطابق سوشل میڈیا پر وائرل ویڈیو میں آزری فنکاروں نے مرحوم جنید جمشید کو بام عروج پر پہنچانے والے قومی نغمے دل دل پاکستان کو پیانو پر بجایا تو دیکھنے والے دنگ رہ گئے۔

    تینوں فنکاروں نے دل دل پاکستان کی دھن کو اس انداز سے بجایا کہ جس نے بھی اس ویڈیو کو دیکھا،انہیں داد دئیے بغیر نہ رہ سکے۔

    پاکستان کے قومی نغمے کی دھن سوشل میڈیا پر وائرل ہونے کے بعد کئی افراد نے پاکستان،آذربائیجان دوستی زندہ آباد کے کمنٹس کئے اب تک کئی افراد اس ویڈیو کو دیکھ چکے ہیں،یہی نہیں دھن کے سوشل میڈیا پر وائرل ہونے کے بعد متعدد افراد نے کمنٹس میں پاکستان،آذربائیجان کے جھنڈے بھی اس پوسٹ پر شیئر کئے ہیں۔

  • اظہرعلی کا ’دل دل پاکستان‘ نغمہ سوشل میڈیا پر وائرل

    اظہرعلی کا ’دل دل پاکستان‘ نغمہ سوشل میڈیا پر وائرل

    راولپنڈی: قومی ٹیسٹ کرکٹ ٹیم کے کپتان اظہر علی نے ’دل دل پاکستان‘ نغمہ گایا جس کی ویڈیو سوشل میڈیا پر وائرل ہوگئی۔

    تفصیلات کے مطابق راولپنڈی ٹیسٹ میں وقفے وقفے سے بارش کی مداخلت نے کھلاڑیوں کو میدان سے دور رکھا تو کھلاڑیوں نے ہوٹل میں ان لمحوں کو یادگار بنادیا۔

    پاکستان کرکٹ بورڈ نے سماجی رابطے کی ویب سائٹ ٹویٹر پر ویڈیو جاری کی جس میں فیلڈنگ کوچ گرانٹ بریڈ برن نے گٹار بجایا اور کپتان اظہر علی نے دل دل پاکستان گایا جس کی ویڈیو سوشل میڈیا پر وائرل ہوگئی۔

    ویڈیو میں دیکھا جاسکتا ہے کہ اوپنر بلے باز شان مسعود بھی ملی نغمے سے خوب محظوظ ہورہے ہیں۔

    دوسری جانب سوشل میڈیا پر اظہر علی کی آواز میں دل دل پاکستان گانے پر مختلف تبصرے سامنے آرہے ہیں۔

    ایک صارف راجہ عثمان ظہیر نے لکھا کہ یہ ہے میرا پاکستان اور اس کی خوبصورتی۔

    ایک اور صارف نے لکھا کہ اچھا نغمہ گایا ہے لیکن پوری پاکستانی ٹیم میں سرفراز احمد اچھے گلوکار ہیں۔