ARYNews.tv | Urdu – Har Lamha Bakhabar

Tag: dilip kumar

  • مرحوم دلیپ کمار کی بیوہ سائرہ بانو اسپتال سے گھر منتقل

    مرحوم دلیپ کمار کی بیوہ سائرہ بانو اسپتال سے گھر منتقل

    ممبئی : بھارت کے لیجنڈ اداکار دلیپ کمار کی بیوہ سائرہ بانو کو طبیعت بہتر ہونے پر اسپتال سے چھٹی دے دی گئی۔ انہیں دل کا دورہ پڑنے پر داخل کیا گیا تھا۔

    77سالہ اداکارہ کو28 اگست کو سانس کی تکلیف، ہائی بلڈ پریشر اور ہائی شوگر لیول کے بعد ہندوجا ہسپتال میں داخل کیا گیا تھا۔

    میڈ یا رپورٹس کے مطابق دلیپ فیملی کے ترجمان فیصل فاروقی نے بتایا کہ طبیعت بہتر ہونے پر سائرہ بانو کو اسپتال سے ڈسچارج کر دیا گیا ہے اور وہ اپنے گھر منتقل ہوگئی ہیں۔

    فیصل فاروقی کے مطابق دلیپ کمار کی موت کا گہرا اثر سائرہ بانو کی صحت پر ہوا ہے اور اپنے شوہر کے انتقال کے بعد وہ شدید ذہنی دباؤ میں ہیں۔

    بھارتی میڈیا کے مطابق سائرہ بانو کو سانس لینے میں دشواری، ہائی بلڈ پریشر اور ہائی شوگر کی شکایات لاحق تھیں، 28 اگست کو انہیں اسپتال میں داخل کیا گیا تھا، جس کے بعد اُن کے کچھ ٹیسٹ کیے گئے۔

    مذکورہ ٹیسٹوں کے بعد مریضہ کو دوائیں تجویز کی گئیں اور طبیعت میں بہتری آنے کے بعد آج انہیں اسپتال سے چھٹی دے کر گھر بھیج دیا گیا۔

    بھارتی میڈیا کے مطابق ڈاکٹر نے بتایا ہے کہ سائرہ بانو اپنے شوہر دلیپ کمار کی موت کے بعد سے ڈپریشن سے بھی لڑ رہی ہیں اُنھیں زیادہ نیند نہیں آتی اور وہ گھر واپس جانا چاہتی ہیں۔

    سائرہ بانو میں کورونری سنڈروم کی تشخیص

    یاد رہے کہ 7 جولائی 2021 کو بالی ووڈ فلم نگری پر طویل عرصے تک راج کرنے والے لیجنڈری اداکار یوسف خان المعروف دلیپ کمار 98 سال کی عُمر میں انتقال کر گئے تھے۔

  • لیجنڈ بھارتی اداکار دلیپ کمار انتقال کرگئے

    لیجنڈ بھارتی اداکار دلیپ کمار انتقال کرگئے

    ممبئی : بھارت کے سینئر فلمی لیجنڈ اداکار دلیپ کمار ( محمد یوسف) انتقال کرگئے، ان کی عمر 98 سال تھی۔

    بھارتی میڈیا کے مطابق دلیپ کمار ممبئی کے  پی ڈی ہندوجہ اسپتال میں زیرعلاج تھے، دلیپ کمار کو سانس لینے میں دشواری پر اسپتال منتقل کیا گیا تھا۔

    بھارت کے عظیم فنکار اور شہنشاہ جذبات کے نام سے مشہور دلیپ کمار کا 98 سال کی عمر میں انتقال ہو گیا۔ ان کے علاج پر مامور ڈاکٹر جلیل پارکر نے اس کی تصدیق کردی ہے اس علاوہ دلیپ کمار کے ترجمان فیصل فاروقی نے دلیپ کمار کے ٹوئٹر ہینڈل سے ان کے انتقال کی خبر جاری کی۔

    اداکار دلیپ کمار گزشتہ کافی عرصے سے علیل تھے اور ان کا ممبئی کے ہندوجا اسپتال میں علاج جاری تھا۔ کچھ دنقبل ان کے شفایاب ہونے کے بعد انہیں گھر لے جایا گیا تھا تاہم ان کی طبیعت دوبارہ خراب ہو گئی اور انہیں دوبارہ اسپتال میں داخل کرایا گیا جہاں وہ کئی دن تک وہ آئی سی یو میں داخل رہے۔

    دلیپ کمار کو پچھلے ایک مہینے میں دو بار اسپتال میں داخل کیا گیا تھا۔ 5 جولائی کو دلیپ کمار کے ٹویٹر ہینڈل سے ان کی صحت سے متعلق اطلاع دی گئی تھی۔

    دلیپ کمار کی اہلیہ سائرہ بانو نے اپنے ایک بیان میں کہا تھا کہ دلیپ صاحب کی صحت بہتر ہو رہی ہے، وہ ابھی اسپتال میں ہی ہیں، انہیں اپنی دعاؤں سے نوازیں لیکن ان صحت سے متعلق اس معلومات کے دو دن بعد ہی دلیپ کمار الوداع کہہ کر اس دارِ فانی سے کوچ کر گئے۔

    دلیپ کمار1922میں پشاور میں پیدا ہوئے اور قیام پاکستان کے بعد اپنے اہل خانہ کے ساتھ 1935 میں ممبئی منتقل ہوئے تھے۔ انہوں نے بھارتی فلم انڈسٹری پر ایک طویل عرصے تک راج کیا۔

    دلیپ کمار کی مشہور فلموں میں دیوداس، مغل اعظم، نیادور اور دیگر شاہکار فلمیں شامل ہیں، لیجنڈ اداکار دلیپ کماربالی ووڈ میں شہنشاہ جذبات کے لقب سے مشہور تھے۔

  • اداکار دلیپ کمار کو اسپتال سے ڈسچارج کردیا گیا

    اداکار دلیپ کمار کو اسپتال سے ڈسچارج کردیا گیا

    ممبئی : بھارتی فلموں کے مایہ ناز اداکار دلیپ کمار کو معمول کے چیک اپ کے بعد اسپتال سے چھٹی دے دی گئی، انہیں گزشتہ روز اسپتال میں داخل کروایا گیا تھا۔

    بھارتی میڈیا رپورٹس کے مطابق بالی ووڈ فلم نگری پر طویل عرصے تک راج کرنے والے لیجنڈری اداکار یوسف خان المعروف دلیپ کمار کو اسپتال سے ڈسچارج کردیا گیا۔

    دلیپ کمار کو اُن کے معمول کے طبی معائنے کے لیے ایک دن قبل ممبئی کے ایک اسپتال میں داخل کیا گیا تھا جہاں اُن کا مکمل معائنہ کرنے کے بعد انہیں واپس گھر بھیج دیا گیا۔

    اس حوالے سے دلیپ کمار کی اہلیہ سائرہ بانو نے بھارتی میڈیا کو بتایا کہ انہیں معمول کے چیک اپ کے لیے اسپتال لائے تھے اب دلیپ کمار بالکل ٹھیک ہیں اور اب ہم اسپتال سے گھر واپس آگئے ہیں۔

    سائرہ بانو نے اداکار کے مداحوں سے اپیل کرتے ہوئے کہا کہ دلیپ جی کو اپنی دُعاؤں میں یاد رکھیں تاکہ وہ جلد مکمل طور پر صحتیاب ہوسکیں۔

    واضح رہے کہ بھارتی لیجنڈری اداکار دلیپ کمار گزشتہ کئی سالوں سے صحت کے مسائل سے دوچار ہیں جس کی وجہ سے اُنہیں اکثر طبی معائنے کے لیے اسپتال منتقل کیا جاتا ہے۔

  • پشاور : دلیپ کمار اور راج کپور کے قدیم گھروں کا مستقبل کیا ہوگا؟ جانیے

    پشاور : دلیپ کمار اور راج کپور کے قدیم گھروں کا مستقبل کیا ہوگا؟ جانیے

    پشاور : خیبر پختونخوا میں بالی ووڈ کے ممتاز اداکاروں دلیپ کمار اور راج کپور کے گھروں کو حکومت نے میوزیم میں تبدیل کرنے کا فیصلہ کیا ہے۔

    اس سلسلے میں ان دونوں لیجنڈ فنکاروں کے قدیمی مکانات کی سرکاری قیمتیں بھی مقرر کردی گئی ہیں اب ان کی خریداری کا عمل شروع کیا جائے گا۔

    لیجنڈری فنکاروں نے اپنی زندگی کا کچھ حصہ پشاور میں گزارا تھا اب یہ مکانات انتہائی خستہ حال ہیں، دونوں گھر اس وقت مقامی افراد کی ملکیت ہیں،اس حوالے سے ذرائع کا کہنا ہے کہ اب ان گھروں کو میوزیم میں تبدیل کرنے کے لیے اقدامات کا آغاز بھی کردیا گیا ہے۔

    ڈھکی دالگراں میں واقع کپور حویلی اپنے دور کی ایک شاندار عمارت تھی، اس کا کل رقبہ لگ بھگ چھ مرلے سے کچھ زیادہ بتایا گیا ہے اور جس حصے پر عمارت کا ملبہ کھڑا ہے اس کا رقبہ 5184 مربع فٹ ہے۔

    اس حویلی کی زمین کی قیمت ایک کروڑ پندرہ لاکھ سے زیادہ مقرر کی گئی ہے جبکہ ملبے کی قیمت کا تخمینہ 34 لاکھ روپے سے زائد لگایا گیا ہے۔

    اس کے علاوہ دلیپ کمار کے آبائی گھر کی قیمت 80 لاکھ 56 ہزار روپے رکھی گئی ہے۔ یہ مکان پشاور کے قصہ خوانی بازار میں محلہ خداداد میں واقع ہے اور اس کا کل رقبہ چار مرلے بتایا گیا ہے۔

    ان دونوں جائیدادوں کی کل قیمت 2 کروڑ 30 لاکھ اور 56 ہزار سے زائد مقرر کی گئی ہے اور حکومت اس بارے میں فنڈز جاری کرنے کے لیے بھی اقدامات کررہی ہے۔

  • دلیپ کمار کی طبیعت کیسی ہے؟ اہلیہ کا بیان سامنے آگیا

    دلیپ کمار کی طبیعت کیسی ہے؟ اہلیہ کا بیان سامنے آگیا

    نئی دہلی: بالی ووڈ کے معروف اداکار دلیپ کمار کی طبیعت کے حوالے سے ان کی اہلیہ سائرہ بانو کا بیان سامنے آگیا۔

    بھارتی میڈیا کے مطابق 98 سالہ دلیپ کمار کی طبیعت ناسازی سے متعلق مختلف افواہیں گردش کر رہی تھیں تاہم اب ان کی اہلیہ سائرہ بانو نے ان افواہوں کا جواب دیتے ہوئے بتایا کہ ان کے شوہر خیریت سے ہیں۔

    سائرہ بانو کا کہنا تھا کہ لیجنڈری اداکار کو عمر کی مناسب سے کمزوری محسوس ہورہی ہے، باقی وہ بالکل ٹھیک ہیں۔ ایسی کوئی بات نہیں کہ ان کی قوت مدافعت ختم ہو رہی ہے۔

    خیال رہے کہ رواں برس دلیپ کمار کے 2 بھائی اسلم خان اور احسان خان کرونا وائرس کے باعث جان کی بازی ہار گئے۔

    دلیپ کمار کے دونوں بھائیوں میں 16 اگست کو کرونا وائرس کی تشخیص ہوئی تھی جس کے بعد نہیں لیلاوتی اسپتال میں داخل کروایا گیا تھا۔

    اسپتال میں دوران علاج دونوں بھائیوں کی حالت بگڑنے لگی اور پہلے اسلم خان کرونا کے باعث دم توڑ گئے بعد ازاں احسان خان بھی انتقال کر گئے تھے۔

  • کرونا وائرس، لیجنڈری اداکار دلیپ کمار قرنطینہ میں چلے گئے

    کرونا وائرس، لیجنڈری اداکار دلیپ کمار قرنطینہ میں چلے گئے

    نئی دہلی : لیجنڈری اداکار دلیپ کمار  کرونا وائرس سے بچاؤ کے لیے گھر پر ہی قرنطینہ میں چلے گئے، اہلیہ سائرہ بانو کا کہنا ہے کہ دلیپ کمار کی صحت ٹھیک ہے، حفاظتی اقدامات کے طور پر قرنطینہ کیا۔

    تفصیلات کے مطابق دنیا کو سب سے بڑے خطرے کرونا وائرس کا سامنا ہے ، جو ہر گزرتے دن کے ساتھ پھیل رہا ہے، ورلڈ ہیلتھ آرگنائزیشن نے اسے وبائی بیماری قرار دیا ہے۔

    اس صورتحال میں سماجی رابطے کی ویب سائٹ ٹوئٹر پر لیجنڈری اداکار دلیپ کمار نے مداحوں اور خیر خواہوں کو صحت کے بارے میں بتاتے ہوئے کہا کہ کرونا وائرس پھیلنے کی وجہ سے کسی بھی قسم کے انفیکشن سے بچنے کیلیے میں نے اپنے گھر میں ہی خود کو الگ تھلگ کرلیا ہے۔

    دوسری جانب اہلیہ سائرہ بانو کا کہنا ہے کہ دلیپ کمارکی صحت ٹھیک ہے،حفاظتی اقدامات کےطورپرقرنطینہ کیا۔

    یاد رہے کہ 97 سالہ اداکار کو صحت کے مسائل کا سامنا ہے، دلیپ کمارکو چندروز قبل کمرکی تکلیف کے باعث اسپتال میں داخل کیاگیا تھا، جس کے بعد وہ روبہ صحت ہو کر گھر لوٹ آئے تھے۔

    خیال رہے 6 دہائیوں تک بالی ووڈ فلم نگری پر راج کرنے والے دلیپ کمار نے بے شمار فلمیں کیں، “مغلِ اعظم” میں شہزادہ سلیم کا کردار ان کی زندگی کا یادگار کردار بن گیا جبکہ اُن کی آخری فلم ’’قلعہ‘‘ 1998 میں ریلیز کی گئی تھی۔

  • دلیپ کمار کو طبیعت بگڑنے پر اسپتال میں‌ داخل کرا دیا گیا

    دلیپ کمار کو طبیعت بگڑنے پر اسپتال میں‌ داخل کرا دیا گیا

    ممبئی: بالی وڈ کے لیجنڈ اداکار دلیپ کمار کو طبیعت بگڑنے پر اسپتال میں داخل کروا دیا گیا۔

    تفصیلات کے مطابق شہنشاہ جذبات کہلانے والے بھارت کے ممتاز اداکار یوسف خان المعروف دلیپ کمار کی طبیعت بگڑ گئی ہے۔

    دلیپ کمار کو سینے کے انفیکشن کی وجہ سے اسپتال میں داخل کروایا گیا، جہاں ابتدائی ٹیسٹ کیے جارہے ہیں۔

    یاد رہے کہ 95 سالہ اداکار کو صحت کے مسائل کا سامنا ہے، انھیں کچھ عرصے قبل بھی اسپتال میں ایڈمٹ کرایا گیا تھا، البتہ وہ صحت یاب ہو کر گھر لوٹ آئے تھے۔

    دلیپ کمار کے اہل خانہ کی جانب سے ان کے اسپتال میں داخل ہونے کی تصدیق کرتے ہوئے دعاؤں کی اپیل کی گئی ہے۔

    مزید پڑھیں: کنگ خان کی لیجنڈ اداکار دلیپ کمار کے گھر آمد

    واضح رہے کہ دلیپ کمار کا شمار بھارت کے عظیم اداکاروں میں ہوتا ہے،بعد میں آنے والے اداکاروں میں فقط امیتابھ بچن ہی ان کے مدمقابل کھڑے ہوسکے۔

    دلیپ کمار کا بالی وڈ کے خانز پر بھی گہرا اثر ہے، بالخصوص شاہ رخ خان کی رومانوی اداکاری پر ان کا گہرا اثرا ہے۔

  • کنگ خان کی لیجنڈ اداکار دلیپ کمار کے گھر آمد

    کنگ خان کی لیجنڈ اداکار دلیپ کمار کے گھر آمد

    ممبئی: کروڑوں مداحوں کے دلوں پر راج کرنے والے اداکار شاہ رخ خان بالی وڈ کے لیجنڈری اداکار دلیپ کمار کی عیادت کے لیے اُن کے گھر پہنچے۔

    تفصیلات کے مطابق دلیپ کمار جو گزشتہ کئی برسوں سے علیل ہیں اُن کی عیادت کے لیے بالی وڈ کی دیگر شخصیات کے بعد اب شاہ رخ خان ان کی رہاہش گاہ پہنچے۔

    شاہ رخ خان کی آمد پر دلیپ کمار خود اور ان کی اہلیہ سائرہ بانو بے حد خوش ہوئیں اور کنگ خان کا شکریہ ادا بھی کیا۔

    دلیپ کمار کے منہ بولے بیٹے شاہ رخ نے علالت کے بعد اب تک لیجنڈری اداکار کے گھر کا دو بار دورہ کیا، قبل ازیں ہونے والی ملاقات کی تصویریں بھی سوشل میڈیا پر وائرل ہو چکی ہیں۔

    دلیپ کمار کو نمونیا کی تشخیص

    شاہ رخ خان جہاں دلیپ کمار کو اپنا آئیڈیل مانتے ہیں وہیں لیجنڈ اداکار نے بھی بالی وڈ بادشاہ کو اپنا منہ بولا بیٹا بنا رکھا ہے، دونوں اداکاروں کا یہ رشتہ اس قدر مضبوط ہے کہ لیجنڈری اداکار کی کنگ خان کو دیکھ کر طبیعت خوش گوار ہوجاتی ہے۔

    ملاقات کے دوران لی گئی تصویر میں دیکھا جاسکتا ہے کنگ خان لیجنڈ اداکار کا ہاتھ تھامے کھڑے ہیں اور دلیپ کمار علالت اور ضعیف العمری کے باعث بہت کمزور ہوچکے ہیں۔

     

    خیال رہے دونوں اداکار ماضی میں فلم ’’دیو داس‘‘ کے لیے کام کرچکے ہیں، فلم میں بہترین اداکاری پر شاہ رخ خان کو دلیپ کمار نے تالیاں بجا کر خراج تحسین بھی پیش کیا تھا۔

    دلیپ کمار کی طبیعت ناساز، اسپتال منتقل

    واضح رہے کہ 95 سالہ دلیپ کمار کی صحت رواں برس سے تیزی سے گر رہی ہے جس کی وجہ سے انہیں کئی بار اسپتال میں داخل کیا جاچکا ہے۔

    گذشتہ برس دسمبر میں بھی انہیں دائیں پاؤں میں سوجن کے باعث اسپتال لےجانا پڑا تھا، جس کے بعد سے وہ مزید بیمار رہنے لگے ہیں۔

    یاد رہے کہ دلیپ کمار نے کئی بالی ووڈ فلموں میں اپنی اداکاری کے جوہر دکھائے تاہم اُن کی کامیاب فلموں میں مغلِ اعظم، شکتی، رام اور شیام وغیرہ شامل ہیں، لیجنڈری اداکار کی آخری فلم قلع 1998 میں ریلیز ہوئی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شہنشاہ جذبات دلیپ کمار کو لائف ٹائم اچیومینٹ ایوارڈ سے نوازا گیا

    شہنشاہ جذبات دلیپ کمار کو لائف ٹائم اچیومینٹ ایوارڈ سے نوازا گیا

    نئی دہلی : شہنشاہ جذبات دلیپ کمار کو ممبئی میں ان کی رہائش گاہ پر لائف ٹائم اچیومینٹ ایوارڈ سے نوازا گیا۔

    شہنشاہ جذبات، ایورگرین ہیرو دلیپ کمار کی فنی خدمات کے پیشِ نظر پنجاب ایسوسی ایشن نے لائف ٹائم اچیومینٹ ایوارڈ سے نوازا گیا اس بات کا علان دلیپ کمار نے ٹوئٹر پر کیا۔

    دلیپ کمار نے اپنے پیغام میں لکھا کہ میں اللہ تعالیٰ کا شکر گذارہوں اور لائف ٹائم اچیومینٹ ایوارڈ ایوارڈ ملنے پر فخر محسوس کر رہا ہوں۔

    تقریباً چھ دہائیوں تک فلم نگری پر راج کرنے والے دلیپ کمار نے بے شمار فلمیں کیں، فلم "مغلِ اعظم” میں شہزادہ سلیم کا کردار ان کی زندگی کا یادگار کردار بن گیا، ان کی آخری فلم ’’قلعہ‘‘ تھی، جو انیس سو اٹھانوے میں ریلیز ہوئی۔

    باندرہ میں سائرہ بانو اور دلیپ کمار کی سپرہٹ جوڑی کی تصویر کو پینٹ کرکے خراج تحسین پیش

    مداح نے باندرہ میں سائرہ بانو اور دلیپ کمار کی سپرہٹ جوڑی کی تصویر کو پینٹ کر کے خراج تحسین پیش کیا، جس کا انہوں نے ٹوئٹر پر شکریہ ادا کیا۔

  • ممبئی: لیجنڈ اداکار دلیپ کمار خراب صحت کے باعث اسپتال منتقل

    ممبئی: لیجنڈ اداکار دلیپ کمار خراب صحت کے باعث اسپتال منتقل

    ممبئی: لیجینڈ اداکار دلیپ کمار کو خراب صحت کے باعث لیلاوتی اسپتال میں داخل کر دیا گیا ۔

    بالی ووڈ کے معروف اداکاردلیپ کمار کی صحت ایک مرتبہ پھر خراب ہوگئی، بھارتی میڈیا کے مطابق علیل حالت میں لیجینڈ اداکار کو اسپتال داخل کرا دیا گیا ہے، دلیپ کمارکورات گئے لیلاوتی اسپتال منتقل کیاگیا۔

    بخار میں مبتلا دلیپ کمار کو ممبئی کے لیلاوتی اسپتال میں اس وقت داخل کیا گیا جب انہیں سانس لینے میں دشواری کا سامنا کرنا پڑا، لیجینڈ اداکار اسپتال کے جنرل وارڈ میں تین روز تک رہیں گے۔

    ترانوے سالہ ٹریجیڈی کنگ نے اپنے فلمی کئیر یر کا آغاز انیس سو چوالیس میں فلم جوار بھاٹا سے کیا،دہائیوں کے محیط اپنی زبردست فلمی کئیر یر میں دلیپ کمار نے ساٹھ سے زائد فلموں میں کام کیا۔

    دلیپ کمار کی مشہور فلموں میں دیدار، دیوداس، آزاد، مغل اعظم، کوہ نور، گنگا جمنا، رام اور شیام، نیا دور، آن، داستان، دل دیا درد لیا، بیراگ، گوپی شامل ہیں ۔