ARYNews.tv | Urdu – Har Lamha Bakhabar

Tag: Diljit Dosanjh

  • ہانیہ اور دلجیت کی فلم ’سردار جی 3‘ پاکستان سمیت دنیا بھر میں ریلیز

    ہانیہ اور دلجیت کی فلم ’سردار جی 3‘ پاکستان سمیت دنیا بھر میں ریلیز

    پاکستان کی ڈمپل گرل ہانیہ عامر اور بھارتی اداکار دلجیت دوسانجھ کی نئی فلم سردار جی 3 کو آج پاکستان سمیت دنیا بھر میں ریلیز کردیا گیا ہے۔

    پاکستانی اداکارہ ہانیہ عامر اور دلجیت دوسانجھ کو ایک ساتھ دیکھنے کے لیے شائقین کا انتظار ختم ہوگیا، کامیڈی، فینٹسی اور ہارر سے بھرپور بھارتی پنجابی فلم سردار جی 3 پاکستان سمیت دنیا بھر میں آج ریلیز کی جائے گی۔

    فلم آج برطانیہ، امریکا، کینیڈا، مڈل ایسٹ اور دیگر ممالک میں سنیما گھروں کی زینت بنے گی تاہم حالیہ پاک بھارت کشیدگی اور پاکستانی فنکاروں کی موجودگی کے باعث بھارت میں فلم کی نمائش پر پابندی ہے۔

    کچھ دن قبل فلم کا ٹریلر ریلیز ہوا تو بھارتی میڈیا اور سوشل میڈیا پر بھارتی صارفین نے دلجیت دوسانجھ کو خوب تنقید کا نشانہ بنایا۔

    گزشتہ روز سندھ، پنجاب اور وفاق، تینوں پاکستانی سنسر بورڈز نے فلم کو پاکستانی سینماؤں میں نمائش کی اجازت دے دی، فلم کو ملک بھر کے سنیما گھروں میں ریلیز کرنے کا سینسر سرٹیفکیٹ مل گیا۔

    اداکارہ ہانیہ عامر نے بھی اپنی انسٹاگرام اسٹوری پر فلم کا ایک پوسٹر شیئر کیا، جس میں بتایا گیا کہ ’سردار جی 3‘، ملک بھر کے سینماؤں میں ریلیز کی جائے گی۔

    ہانیہ عامر کی جانب سے شیئر کیے گئے پوسٹر میں پاکستان کے کئی بڑے سینماؤں جن میں سینی پیکس، نیوپلیکس سینماز (کراچی)، کیو سینماز (لاہور)، سینٹورس سینی پلیکس (اسلام آباد) سمیت دیگر شامل ہیں۔

    سردار جی 3 ایک کامیڈی، فینٹسی اور ہارر سے بھرپور فلم ہے، اس میں دلجیت دوسانجھ کو ایک ایسے کردار میں دکھایا گیا ہے جو بھوتوں کا پیچھا کرتا ہے۔

    فلم کی کہانی برطانیہ میں ایک آسیب زدہ حویلی کے گرد گھومتی ہے، جہاں دلجیت، ہانیہ عامر، نیرو، گلشن گروور، جسمین اور دیگر فنکار ناصر چنیوٹی، سلیم البیلا اور دانیل خاور کے ہمراہ ایک مہم پر نکلتے ہیں۔

    https://urdu.arynews.tv/sardaar-ji-3-cleared-for-release-in-pakistan/

  • ’میں بالی ووڈ میں کام کرنا بھی نہیں چاہتا‘ دلجیت دوسانجھ کی ویڈیو وائرل

    ’میں بالی ووڈ میں کام کرنا بھی نہیں چاہتا‘ دلجیت دوسانجھ کی ویڈیو وائرل

    پاکستانی اداکارہ ہانیہ عامر کے ساتھ فلم میں کام کرنے پر جہاں بھارتی گلوکار اور اداکار دلجیت دوسانجھ کو سخت مخالفت کا سامنا ہے۔

    معروف پنجابی اداکار و گلوکار دلجیت دوسانجھ اپنی نئی فلم سردار جی 3 کے ٹریلر کی ریلیز کے بعد فلم انڈسٹری میں موجود ہندوانتہا پسندوں کے نشانے پر آگئے ہیں، بھارت اور پاکستان کے بیچ تنائو کی صورتحال میں ان پر پاکستانی نوازی کا الزام عائد کیا گیا ہے۔

    پاکستانی اسٹار ہانیہ عامر اور دلجیت کی فلم سردار جی 3 کا ٹریلر ریلیز ہونے کے بعد فلم بھارت کی آل انڈیا سینی ورکرز ایسوسی ایشن (اے آئی سی ڈبلیو اے) اور فیڈریشن آف ویسٹرن انڈیا سینی ایمپلائز (ایف ڈبلیو آئی سی ای) نے دلجیت دوسانجھ اور فلم کے پروڈیوسرز کا بائیکاٹ کرنے کی دھمکی دی ہے اور بھارت میں فلم کی آئندہ ریلیز کے تمام منصوبے روکنے کے عزم کا اظہار بھی کیا ہے۔

    تاہم اسی دوران پنجابی اداکار گلوکار کا ایک پرانا انٹرویو انٹرنیٹ پر دوبارہ منظر عام پر آیا ہے وائرل ہونے والی ویڈیو میں دلجیت نے موسیقی سے اپنی محبت کا اظہار کیا اور کہا کہ وہ خود کو بالی ووڈ اسٹار کے طور پر قائم کرنے کے بجائے گلوکاری جاری رکھیں گے اور اس کے لیے انہیں کسی کی منظوری کی ضرورت نہیں۔

     

    View this post on Instagram

     

    A post shared by BritAsia TV (@britasiatv)

    دوسانجھ کو انٹرویو میں یہ کہتے ہوئے سنا جا سکتا ہے "میں بالی ووڈ میں کام کرنا بھی نہیں چاہتا، مجھے ایک عظیم بالی ووڈ اسٹار بننے کی کوئی خواہش نہیں ہے”۔

    انہوں نے کہا کہ "مجھے موسیقی پسند ہے، اور میں کسی کی اجازت یا کسی بڑے اسٹار کی منظوری یا نام منسلک کیے بغیر موسیقی بنانا جاری رکھ سکتا ہوں۔ مجھے یہ سوچنے کی ضرورت نہیں ہے کہ، اوہ اس شخص کا کام بک جائے گا، اس کو گانا ملے گا، وہ نہیں ملے گا”۔

    دلجیت دوسانجھ اور ہانیہ عامر کی ’سردار جی 3‘ کا ٹریلر بھارت میں یوٹیوب پر بلاک

    ہانیہ عامر اور دلجیت کی فلم ’سردار جی تھری‘ کا گانا ریلیز

    دلجیت نے مزید کہا کہ "مجھے موسیقی بنانے سے کوئی نہیں روک سکتا۔ جب تک مجھے ایسا لگتا ہے کہ میں کام کرسکتا ہوں تو، میں موسیقی تخلیق کرتا رہوں گا۔ اور جب تک خدا چاہے گا، میں گانے بناؤں گا، چاہے مجھے بالی ووڈ میں کام ملے یا نہ ملے”۔

    واضح رہے کہ فلم کی ٹیم نے اعلان کیا کہ ’سردار جی تھری‘ کو بھارت کے علاوہ بیرونِ ممالک میں 27 جون کو ریلیز کیا جائے گا۔

  • بھارت میں’سردار جی 3‘ پر تنازع، دلجیت دوسانجھ کا بیان سامنے آگیا

    بھارت میں’سردار جی 3‘ پر تنازع، دلجیت دوسانجھ کا بیان سامنے آگیا

    بھارتی پنجابی فلم ’سردار جی 3‘ پر بھارتی فلم سازوں کے شدید ردعمل کے بعد دلجیت دوسانجھ کا مؤقف بھی سامنے آگیا ہے۔

    معروف پنجابی اداکار و گلوکار دلجیت دوسانجھ اپنی نئی فلم سردار جی 3 کے ٹریلر کی ریلیز کے بعد فلم انڈسٹری میں موجود ہندوانتہا پسندوں کے نشانے پر آگئے ہیں، بھارت اور پاکستان کے بیچ تنائو کی صورتحال میں ان پر پاکستانی نوازی کا الزام عائد کیا گیا ہے۔

    پاکستانی اسٹار ہانیہ عامر اور دلجیت کی فلم سردار جی 3 کا ٹریلر ریلیز ہونے کے بعد فلم میکر اشوک پنڈت نے کہا کہ دلجیت ہمیشہ پاکستانی اسٹارز کو بڑھاوا دیتے ہیں۔

    بھارت کی آل انڈیا سینی ورکرز ایسوسی ایشن (اے آئی سی ڈبلیو اے) اور فیڈریشن آف ویسٹرن انڈیا سینی ایمپلائز (ایف ڈبلیو آئی سی ای) نے دلجیت دوسانجھ اور فلم کے پروڈیوسرز کا بائیکاٹ کرنے کی دھمکی دی ہے اور بھارت میں فلم کی آئندہ ریلیز کے تمام منصوبے روکنے کے عزم کا اظہار بھی کیا ہے۔

    تاہم حال ہی میں دلجیت دوسانجھ نے بی بی سی ایشیا کو انٹرویو دیا، جس میں انہوں نے فلم کو بیرونِ ملک ریلیز کرنے کے فیصلے پر ردعمل دیتے ہوئے کہا کہ جب میں نے یہ فلم سائن کی، اُس وقت بھارت اور پاکستان کے تعلقات بہت بہتر تھے۔

     

    View this post on Instagram

     

    A post shared by Galaxy Lollywood (@galaxylollywood)

    بھارتی پنجابی گلوکار کا کہنا تھا کہ فلم کی شوٹنگ فروری میں ہوئی تھی، اُس وقت بھی حالات ٹھیک تھے، مگر فروری کے بعد کچھ ایسے واقعات پیش آئے جو ہمارےکنٹرول میں نہیں تھے۔

    دلجیت دوسانجھ کا کہنا تھا کہ فلم کے پروڈیوسرز نے فیصلہ کیا ہے کہ اس فلم  کو بیرونِ ملک ریلیز کریں گے، کیونکہ اس پر بہت پیسہ لگ چکا ہے، پروڈیوسرز اگر یہ فلم اوورسیز ریلیز کرنا چاہتے ہیں تو میں ان کے ساتھ ہوں۔

    دلجیت کا کہنا تھا کہ پروڈیوسر کے دماغ میں ہے اور انہیں پہلے ہی پتا ہے کہ فلم سردار جی 3 کے بھارت میں ریلیز نہ ہونے کی وجہ سے نقصان ہوگا کیوں کہ بھارت میں

  • ہانیہ عامر اور دلجیت کی فلم ’سردار جی تھری‘ کا گانا ریلیز

    ہانیہ عامر اور دلجیت کی فلم ’سردار جی تھری‘ کا گانا ریلیز

    پاکستان شوبز انڈسٹری کی معروف اداکارہ ہانیہ عامر کی آنے والی بھارتی پنجابی فلم ’سردار جی تھری‘ کا گانا ’سوہنی لگدی‘ ریلیز کردیا گیا۔

    سردار جی 3 ایک بھارتی پنجابی فلم ہے اس فلم میں پاکستان کی اداکارہ ہانیہ مرکزی کردار ادا کررہی ہیں، اس فلم میں دلجیت دوسانجھ، نیرو باجوہ، ناصر چنیوٹی، اور دیگر مشہور پنجابی اداکاروں سمیت شاندار کاسٹ شامل ہیں۔

    اس فلم کی شوٹنگ برطانیہ میں ہوئی، پاک بھارت کشیدگی کے بعد مداحوں کو خدشہ تھا کہ فلم سے ہانیہ عامر کا حصہ ہٹا دیا گیا ہے لیکن سردار جی 3 کے آفیشل ٹریلر نے اس خدشے کو ختم کردیا، فلم 27 جون کو بیرون ملک ریلیز کے لیے تیار ہے۔

    تاہم اب اس فلم کے  گانے ’سوہنی لگدی‘ کو ریلیز  کیا گیا ہے، گانے میں ہانیہ عامر اور دلجیت دوسانجھ کو رومانوی انداز میں دکھایا گیا ہے اور مداحوں کو دونوں کی جوڑی بے حد پسند آرہی ہے۔

    گانے کی شاعری ظفر سندھو نے لکھی ہے جب کہ اس کی موسیقی مکس سنگھ نے ترتیب دی ہے، ’سوہنی لگدی‘ کو دلجیت دوسانجھ نے گایا ہے، گانے میں ہانیہ عامر کو ساڑھی جب کہ دلجیت دوسانجھ کو روایتی پنجابی لباس میں دیکھا جاسکتا ہے۔

    گانے کی ویڈیو 23 جون کو ریلیز کی گئی اور شائقین نے ہانیہ اور دلجیت دوسانجھ کی جوڑی کو خوب سراہا جارہا ہے، گزشتہ دنوں فلم کا ٹریلر ریلیز کیا گیا جس میں پاکستانی اداکارہ کی موجودگی نے ان کے مداحوں میں خوشی کی لہر دوڑا دی۔

    دلجیت دوسانجھ اور ہانیہ عامر کی ’سردار جی 3‘ کا ٹریلر بھارت میں یوٹیوب پر بلاک

    ٹریلر کے ساتھ فلم کی ٹیم نے اعلان کیا کہ ’سردار جی تھری‘ کو بھارت کے علاوہ بیرونِ ممالک میں 27 جون کو ریلیز کیا جائے گا۔

  • ہانیہ عامر ’سردار جی 3‘ میں کس کردار میں نظر آئیں گی؟ ناصر چنیوٹی نے بتا دیا

    ہانیہ عامر ’سردار جی 3‘ میں کس کردار میں نظر آئیں گی؟ ناصر چنیوٹی نے بتا دیا

    پاکستانی شوبز انڈسٹری کی معروف اداکارہ ہانیہ عامر کی دلجیت کے ہمراہ بالی ووڈ فلم میں کردار سے متعلق تفصیلات سامنے آگئی۔

    ہانیہ عامر اور دلجیت دوسانجھ پاکستان اور بھارت کی دو بڑی مشہور شخصیات میں سے ہیں، پاکستانی اداکارہ کی بھارت میں زبردست فین فالوونگ ہے، جب کہ دلجیت دوسانجھ کو پاکستان میں پسند کیا جاتا ہے۔

    دونوں اس وقت سرخیوں میں آئے جب ہانیہ نے برطانیہ میں دلجیت دوسانجھ کے کنسرٹ میں شرکت کی جہاں گلوکار نے اداکارہ کو اسٹیج پر مدعو کیا، یہ لمحہ تمام سوشل میڈیا پلیٹ فارمز پر وائرل ہو گیا، اور شائقین مستقبل میں ان کے تعاون کی خواہش کرنے لگے۔

    تاہم اب شائقین کی یہ خواہش بھی پوری ہوگئی کیوں کہ گزشتہ چند ماہ سے خبریں ہیں کہ ہانیہ عامر بھارتی پنجابی فلم ’سردار جی تھری‘ میں دلجیت دوسانجھ کے ہمراہ نظر آئیں گی۔

    اب حال ہی میں تجربے کار پاکستانی اداکار ناصر چنیوٹی نے اس بات کی تصدیق کرتے ہوئے بتایا ہے کہ سردار جی 3 میں میرے ساتھ پاکستان کی سُپر اسٹار ہانیہ عامر بھی ہیں۔

    انہوں نے بتایا ہے کہ ہانیہ کسی سائیڈ رول میں نہیں بلکہ فلم کے اہم کردار میں نظر آئیں گی، ہیرؤئن کا بھی کبھی کوئی سائیڈ رول ہوتا ہے؟ میں اس بارے میں زیادہ نہیں بتا سکتا لیکن ہانیہ عامر باکمال اداکارہ ہیں، انہوں نے بہت اچھا کام کیا ہے۔

    ناصر چنیوٹی کا کہنا تھا کہ فلم دیکھنے والوں کے لیے یہ سرپرائز ہو گا کہ ہانیہ پنجابی بولیں گی، سب یہی کہیں گے کہ اتنی اچھی پنجابی بولتی ہیں، انہوں نے پنجابی میں اداکاری کر کے سب کو حیران کر دیا ہے۔

     

    View this post on Instagram

     

    A post shared by Galaxy Lollywood (@galaxylollywood)

  • ہانیہ اور دلجیت کی فلم ’سردار جی 3‘ کب ریلیز ہوگی؟ تاریخ سامنے آگئی

    ہانیہ اور دلجیت کی فلم ’سردار جی 3‘ کب ریلیز ہوگی؟ تاریخ سامنے آگئی

    پاکستان اور بھارت کے دو جگمگاتے ستاروے ہانیہ عامر اور دلجیت دوسانجھ کی فلم ’سردار جی 3‘ کی ریلیز تاریخ سامنے آگئی۔

    ہانیہ عامر اور دلجیت دوسانجھ پاکستان اور بھارت کی دو بڑی مشہور شخصیات میں سے ہیں، ہانیہ عامر کی بھارت میں زبردست فین فالوونگ ہے، جب کہ دلجیت دوسانجھ کو پاکستان میں پسند کیا جاتا ہے۔

    دونوں اس وقت سرخیوں میں آئے جب ہانیہ عامر نے برطانیہ میں دلجیت دوسانجھ کے کنسرٹ میں شرکت کی جہاں گلوکار نے اداکارہ کو اسٹیج پر مدعو کیا، یہ لمحہ تمام سوشل میڈیا پلیٹ فارمز پر وائرل ہو گیا، اور شائقین مستقبل میں ان کے تعاون کی خواہش کرنے لگے۔

     

    View this post on Instagram

     

    A post shared by DILJIT DOSANJH (@diljitdosanjh)

    تاہم اب پاکستانی شوبز انڈسٹری کی معروف اداکارہ ہانیہ عامر کی دلجیت دوسانجھ کے ہمراہ بالی ووڈ میں ڈیبیو فلم ’سردار جی 3‘ کی ریلیز تاریخ سامنے آگئی۔

    بھارتی میڈیا کے مطابق اداکارہ ہانیہ عامر دلجیت دوسانجھ کے ہمراہ بھارتی پنجابی فلم میں کام کر رہی ہیں، اس فلم کا نام ’سردار جی 3‘ ہے۔

    بھارتی میڈیا کے مطابق دلجیت دوسانجھ نے تصدیق کی ہے کہ ان کی فلم ’سردار جی 3‘ رواں سال جون میں سنیما گھروں کی زینت بنے گی۔

    رپورٹس کے مطابق یہ فلم جون کی 27 تاریخ کو ریلیز کی جائے گی، فلم کی کاسٹ میں ہانیہ عامر، دلجیت دوسانجھ اور نیرو باجوہ کو مرکزی کرداروں میں دیکھا جا سکے گا۔

  • ہانیہ عامر کی دلجیت کے ہمراہ بالی ووڈ میں ڈیبیو کی تفصیلات سامنے آگئی

    ہانیہ عامر کی دلجیت کے ہمراہ بالی ووڈ میں ڈیبیو کی تفصیلات سامنے آگئی

    پاکستانی شوبز انڈسٹری کی معروف اداکارہ ہانیہ عامر کی دلجیت کے ہمراہ بالی ووڈ میں ڈیبیو کی تفصیلات سامنے آگئی۔

    ہانیہ عامر اور دلجیت دوسانجھ پاکستان اور بھارت کی دو بڑی مشہور شخصیات میں سے ہیں، ہانیہ عامر کی بھارت میں زبردست فین فالوونگ ہے، جب کہ دلجیت دوسانجھ کو پاکستان میں پسند کیا جاتا ہے۔

    دونوں اس وقت سرخیوں میں آئے جب ہانیہ عامر نے برطانیہ میں دلجیت دوسانجھ کے کنسرٹ میں شرکت کی جہاں گلوکار نے اداکارہ کو اسٹیج پر مدعو کیا، یہ لمحہ تمام سوشل میڈیا پلیٹ فارمز پر وائرل ہو گیا، اور شائقین مستقبل میں ان کے تعاون کی خواہش کرنے لگے۔

     

    View this post on Instagram

     

    A post shared by MHF Magazine (@mhf.magazine)

    اب بہت سے شائقین اور صحافی ان دو غیر معمولی باصلاحیت فنکاروں کے درمیان تعاون کی پیش گوئی کر رہے ہیں، بھارتی میڈیا رپورٹس کے مطابق پاکستان کی معروف اداکارہ ہانیہ عامر جلد بالی ووڈ فلم میں بھارتی گلوکار و اداکار دلجیت دوسانجھ کے ساتھ اداکاری کرتی نظر آئیں گی۔

    ہندوستان ٹائمز کے مطابق ہانیہ عامر اور دلجیت دوسانجھ کی نئی فلم کا نام سردار جی 3 ہوگا جس میں بھارتی اداکارہ نیرو باجوہ بھی اداکاری کے جوہر دکھاتی نظر آئیں گی۔

    اُدھر ہانیہ عامر نے اپنے انسٹاگرام پر اسٹوری شیئر کی جس میں ایک پنجابی گانے پر وہ جھوم رہی ہیں، خیال ظاہر کیا جارہا ہے کہ یہ گانا اُن کی نئی آنے والی فلم کا ہے۔

    دوسری جانب مداحوں نے ان کے مقامات کا سراغ لگایا اور قیاس کیا کہ وہ اپنے آنے والے پروجیکٹ کی شوٹنگ کے لیے ایڈنبرا، لندن میں ہیں، دونوں نے اسی مقام کی الگ اینگل سے انسٹا پر اسٹوری بھی بھی شیئر کیں ہیں۔

     

    View this post on Instagram

     

    A post shared by MHF Magazine (@mhf.magazine)

    یاد رہے کہ حال ہی میں دلجیت دوسانجھ نے یوٹیوب پر معین زبیر کو انٹرویو دیا تھا جس میں انہوں نے پاکستانی مداحوں کے لیے ایک حیران کن خبر شیئر کی تھی۔

     دلجیت نے کہا تھا کہ میں پاکستان ضرور آؤں گا، آپ کو جلد ایک اور سرپرائز ملے گا، کچھ دنوں میں آپ کو تفصیلات مل جائیں گی، میں ابھی انکشاف نہیں کر رہا ہوں لیکن جلد ہی آپ کو حیران کر دوں گا۔

  • بھارتی وزیرِ اعظم نے دلجیت دوسانجھ کی تعریف میں کیا کہا؟ ملاقات کی ویڈیو وائرل

    بھارتی وزیرِ اعظم نے دلجیت دوسانجھ کی تعریف میں کیا کہا؟ ملاقات کی ویڈیو وائرل

    بھارت کے نامور پنجابی گلوکار و اداکار دلجیت دوسانجھ نے بھارتی وزیرِ اعظم نریندر مودی سے ملاقات کی ہے۔

    پنجابی گلوکار دلجیت دوسانجھ نے اپنے دل-لومیناتی انڈیا ٹور مکمل کرنے کے بعد بھارت کے وزیر اعظم نرنیدر مودی سے ملاقات کی جس کی ویڈیو بھارتی وزیر اعظم نے انسٹاگرام پر شیئر بھی کی۔

    ویڈیو میں پی ایم مودی دلجیت کی عالمی سطح پر رسائی کے لیے ان کی تعریف کرتے ہیں، وزیر اعظم نے کہا کہ آپ کی فیملی نے آپ کا نام دلجیت رکھا، اور اب آپ جہاں بھی جائیں دل جیت رہے ہیں۔

     

    View this post on Instagram

     

    A post shared by Narendra Modi (@narendramodi)

    اس موقعے پر دلجیت دوسانجھ نے کہا کہ دل-لومیناتی ٹور کے بعد میں سمجھا کہ ہندوستانی اکثر ’میرا بھارت مہان‘ کیوں کہتے ہیں، ساتھ ہی گلوکار نے اس ملاقات کو یادگار قرار دیدیا۔

    ویڈیو میں دلجیت دوسانجھ کو وزیر اعظم نریندر مودی کے سامنے گانا گاتے ہوئے بھی دیکھا جاسکتا ہے جبکہ مودی اپنی انگلی سے دھن بجاتے نظر آرہے ہیں۔

     

    View this post on Instagram

     

    A post shared by DILJIT DOSANJH (@diljitdosanjh)

    دوسری جانب دلجیت دوسانجھ کے خلاف لدھیانہ میں کامیاب کنسرٹ کرنے کے بعد قانونی چارہ جوئی شروع ہو گئی۔

    بھارتی میڈیا کی رپورٹ کے مطابق دلجیت کا لدھیانہ میں سالِ نو کی مناسبت سے ایک کنسرٹ ہوا جس میں ان کے گیت میں استعمال ہونے والے الفاظ پر انہیں پریشانی کا سامنا کرنا پڑ گیا۔

    شہر چنڈی گڑھ سے تعلق رکھنے والے ایک اسسٹنٹ پروفیسر پنڈت راؤ دھریناور نے دلجیت دوسانجھ کے خلاف ایف آیہ درج کروائی جس میں الزام عائد کیا گیا کہ پیشگی انتباہ کے باوجود گلوکار نے کنسرٹ میں ایسا گانا گایا جس سے شراب کی تشہیر ہوئی۔

  • ویڈیو: ’کسی کے باپ کا ہندوستان تھوڑی ہے‘ دلجیت کا راحت اندوری اسٹائل میں ہیٹرز کو پیغام

    ویڈیو: ’کسی کے باپ کا ہندوستان تھوڑی ہے‘ دلجیت کا راحت اندوری اسٹائل میں ہیٹرز کو پیغام

    بھارت کے معروف پنجابی گلوکار دلجیت دوسانجھ نے اپنے انڈیا ٹوور اندور چیپٹر کو معروف شاعر راحت اندوری کے نام کردیا۔

    بھارتی میڈیا کے مطابق دلجیت دوسانجھ کو دلومیناتی اندور کنسرٹ صرف ایک دن قبل بجرنگ دل کے احتجاج کا سامنا کرنا پڑا، جس میں بجرنگ دل نے کنسرٹ میں شراب اور گوشت پیش کیے جانے پر تشویش کا اظہار کیا۔

    دنیا بھر میں بلاک بسٹر کنسرٹ کرنے والے دلجیت دوسانجھ نے اپنے ہیٹرز کو ان تمام معاملے کا جواب اپنے کنسرٹ میں بھارتی شاعر راحت اندوری کے اسٹائل میں دیا۔

     

    View this post on Instagram

     

    A post shared by DILJIT DOSANJH (@diljitdosanjh)

    دلجیت دوسانجھ نے فوٹو اینڈ شیئرنگ ایپ انسٹاگرام پر بھارت کے شہر اندور میں ہونے والے کنسرٹ کی دھماکے دار ویڈیو شیئر کی ہے جس میں انہیں ’راحت اندوری‘ کے اشعار’ کسی کے بات کا ہندوستان تھوڑی ہے‘ پڑھتے ہوئے سناجاسکتا ہے۔

    ویڈیو میں دیکھا جاسکتا ہے کہ دلجیت دوسانجھ اپنے انداز میں مرحوم شاعر راحت اندوری کے مشہور زمانہ اشعار پڑھتے ہیں کہ:

    ’’اگر خلاف ہیں تو ہونے دو جان تھوڑی ہے

    یہ سب دھواں ہے کوئی آسمان تھوڑی ہے

    سبھی کا خون ہے شامل یہاں کی مٹی میں

    کسی کے باپ کا ہندوستان تھوڑی ہے‘‘

    بھارت کے پنجابی گلوکار دلجیت دوسانجھ نے سوشل میڈیا پر ویڈیو شیئر کرتے ہوئے لکھا کہ ’ کل کا کنسرٹ راحت اندوری کے نام رہا‘۔

  • ویڈیو: دلجیت دو سانجھ کے کنسرٹ میں دیپکا پڈوکون کی انٹری

    ویڈیو: دلجیت دو سانجھ کے کنسرٹ میں دیپکا پڈوکون کی انٹری

    بالی ووڈ کی دلکش اداکارہ دیپکا پڈوکون بیٹی کی پیدائش کے بعد گلوکار دلجیت دو سانجھ کے کنسرٹ میں پہنچ گئیں۔

    گلوکار دلجیت دوسانجھ نے اپنے حالیہ کنسرٹ کی ویڈیو شیئر کی ہے جس میں حال ہی میں ماں بننے والی دیپیکا پڈوکون نے شرکت کی جسے دیکھا کر مداح خوشی سے جھوم اٹھے۔

    بیٹی کی پیدائش کے بعد بالی وڈ اداکارہ دیپیکا پڈوکون منظر نامے سے غائب تھیں تاہم اداکارہ نے اپنے آبائی شہر بنگلورو مین دلجیت کے کنسرٹ میں سپرائز انٹری دیکر مداحوں کو خوشگوار حیرت میں مبتلا کردیا۔

     

    View this post on Instagram

     

    A post shared by DILJIT DOSANJH (@diljitdosanjh)

    دنیا بھر میں بلاک بسٹر کانسرٹ کرنے والے گلوبل سپر اسٹار دلجیت دوسانجھ نے  بنگلورو میں اپنے کنسرٹ کی ویڈیو انسٹاگرام پر شیئر کی ہے۔

    دلجیت دوسانجھ کی جانب سے شیئر کی جانے والی ایک ویڈیو کو اداکارہ دیپیکا پڈوکون کو چند لوگوں کے ساتھ کنسرٹ انجوائے کرتے ہوئے دیکھا جاسکتا ہے۔

    جبکہ دوسری ویڈیو میں دپیکا کو اسٹیج پر بلانے سے قبل دلجیت اداکارہ سے متعلق مداحوں سے پوچھتے ہیں، ویڈیو میں اس دوران دلجیت کے ہاتھ میں ایک صابن کا پیکٹ دیکھا جاسکتا ہے۔

     

    View this post on Instagram

     

    A post shared by Gouri (@gouri_diljit_di_fann)

    دلجیت دوسانجھ نے کنسرٹ میں شریک مداحوں سے پوچھا’ آپ کو معلوم ہے یہ کس کا برانڈ ہے؟ دپیکا پڈوکون جی کا، میری خوبصورتی کا راز یہی ہے کہ میں اسی سے نہاتا ہوں، اسی سے منہ دھوتا ہوں، یہ ہر ماہ میرے گھر آجاتے ہیں تو جب بھی میں بھارت آتا ہوں تو میں اسی سے نہاتا ہوں۔

     

    View this post on Instagram

     

    A post shared by TEAM DOSANJH (@teamdiljitglobal)

    اداکار و گلوکار نے کہا کہ یہ کوئی ایڈورٹائزمنٹ نہیں ہورہی، مجھے کسی نے پیسے نہیں دیے، سچ میں، جنہوں نے یہ بنایا ہے وہ آپ کے شہر کی شان، آج یہاں موجود ہیں، اندازہ لگائیں کون ہوسکتا ہے؟ جس کے بعد ویڈیو میں دپیکا پڈوکون کو دیکھا جاسکتا ہے۔

     

    View this post on Instagram

     

    A post shared by TEAM DOSANJH (@teamdiljitglobal)

    دلجیت نے ہجوم کو مخاطب کرتے ہوئے کہا کہ کیا آپ لوگ یقین کر سکتے ہیں؟ ہم نے انہیں ہمیشہ بڑے پردے پر دیکھا ہے، اتنی پیاری ہیں، انہوں نے اپنے دم پر بالی ووڈ میں جگہ بنائی ہے، اتنا اچھا اور پیارا کام کیا ہے، آپ کو ان پر فخر ہونا چاہیے، ہم سب کو ان پر فخر ہے، بہت بہت پیار آپ کے لیے۔