ARYNews.tv | Urdu – Har Lamha Bakhabar

Tag: dilwale

  • شاہ رخ خان کی نئی آنے والی فلم”دل والے“ کا پہلا ٹریلر جاری

    شاہ رخ خان کی نئی آنے والی فلم”دل والے“ کا پہلا ٹریلر جاری

    ممبئی: بالی ووڈ کی فیورٹ جوڑی شاہ رخ خان اور کاجول کی نئی آنے والی فلم”دل والے“ کا پہلا ٹریلر جاری کر دیا گیا ہے ۔

    محبت اور ایکشن سے بھر پور فلم ” دل والے“ کے ٹریلر کو سوشل میڈیا پر بے حد پذیرائی مل رہی ہے، شائقین کنگ خان اور کاجول کو طویل عرصے بعد ایک بار پھر اکٹھے دیکھنے کےلئے شدت سے منتظر ہیں۔

    شاہ رخ خان نے اپنے آفیشل ٹوئیٹر اکاﺅنٹ پر ” دل والے “ کا ٹریلر جاری کیا اور ساتھ کیپشن بھی دیا جس میںلکھا کہ آپ کو ٹیم دل والے کا محبت بھرا سلام ، امید ہے آپ کو یہ پسند آئیگا۔

    Dilwale Official Trailer (2015)And here it is! Some love stories never end... Presenting to you, the much anticipated #DilwaleTrailer! Watch it now!Shah Rukh Khan Varun SURESH Dhawan Red Chillies Entertainment  
    یاد رہے کہ بالی ووڈ اداکار شاہ رخ خان اور کاجول کی جوڑی فلم نگری کی سب سے کامیاب جوڑی رہی ہے ،اس جوڑی کی ہر فلم نے باکس آفس پر ریکارڈ بزنس کیا تاہم ”دل والے دلہنیا لے جائیں گے “ نے ریکارڈ پر ریکارڈ توڑ دیئے اور یہ فلم اب بھی بھارت کے مختلف سینما گھروں میں دکھائی جاتی ہے جبکہ مسلسل 20برس تک سینما گھروں میں دکھائی جانے اس فلم کے پاس یہ ایک منفرد اعزاز بھی ہے ۔

  • شاہ رخ خان کی جانب سے پاکستانی اداکارہ ماورا حسین کے لئے دلچسپ تحفہ

    شاہ رخ خان کی جانب سے پاکستانی اداکارہ ماورا حسین کے لئے دلچسپ تحفہ

    بالی وڈ کے کنگ شاہ رخ خان اور پاکستانی اداکارہ ماورا حسین کے درمیان سماجی رابطے کی ویب سائٹ ٹویٹرپر خیر سگالی کے پیغامات کا تبادلہ ہوا جس میں شاہ رخ نے ماورا کو ایک تحفہ بھی دیا۔

    اگر آپ سوچ رہے ہیں کہ شاہ رخ خان نے ماورا کوئی مہنگی جیولری یا پھر آٹوگراف بھیجا ہوگا تو آپ غلط سوچ رہے ہیں۔ گزشتہ روز شاہ رخ خان نے اپنی اب تک سب سے زیادہ انتظار کی جانے والی فلم ’دل والے‘ کا فلم ٹریلر ریلیز کیا ہے جس میں کریتی سانون، کاجول، ورون دھونم شاہ رخ خان، جانی لیور اوربومن ایرانی مرکزی کردار ادا کررہے ہیں۔

    ماورا حسین نے اپنے ٹویٹر پیغام میں شاہ رخ خان کو ان کی سالگرہ پرخیرسگالی کا پیغام بھیجا جس کے جواب میں شاہ رخ خان نے پاکستانی اداکارہ کا شکریہ ادا کیا اور انہیں ’’دل والے‘‘ کا لنک تحفے میں بھیجا۔

    ماورا حسین کے لئے دل والے کا لنک شائد کوئی بڑا تحفہ نا ہو پر شاہ رخ خان کی جانب سے ان کے ٹویٹ کا جواب دیا جانا ہی بڑا تحفہ ہے۔

    ماورا خان ممکنہ طور پربھارتی فلم ’’صنم تیری قسم‘‘ میں جلوہ گر ہونے والی ہیں۔

  • میں اورشاہ رخ دوست نہیں ہیں: اجے دیوگن

    میں اورشاہ رخ دوست نہیں ہیں: اجے دیوگن

    ممبئی: بالی ووڈ کے ایکشن ہیرو اجے دیوگن نے کہا کہ شاہ رخ خان ان کے اچھے دوست نہیں بلکہ ساتھی اداکار ہیں۔

    بالی ووڈ کے کنگ شاہ رخ خان اور اجے دیوگن کے درمیان اختلافات کسی سے ڈھکے چھپے نہیں ہیں تاہم گزشتہ دنوں دونوں اداکاروں نے یورپی ملک بلغاریہ میں ملاقات کی اور ایک ساتھ کھانابھی کھایا تھا جس کے بعد دونوں اداکاروں کے اختلافات کے خاتمے کی خبریں میڈیا کی زینت بنی تھیں۔

    بالی ووڈ کے ایکشن ہیرو اجے دیوگن نے اب ان خبروں کی تردید کرتے ہوئے کہا کہ وہ اور شاہ رخ خان اچھے دوست نہیں بلکہ ساتھی اداکار ہیں جب کہ شاہ رخ خان کے ساتھ ملاقات بھی ساتھی اداکار کی حیثیت سے کی جس میں سب کچھ معمول کے مطابق تھا۔

    اجے دیوگن کا کہنا تھا کہ فلموں کی ریلیز سے متعلق ان کی اور شاہ رخ خان کی کوئی جنگ نہیں جب کہ شاہ رخ اور کاجول کی جوڑی کو ایک بار پھر فلم ’’دل والے‘‘ میں دیکھ کر خوشی ہورہی ہے کیوں کہ دونوں اداکار آپس میں اچھے دوست بھی ہیں۔