بھارتی ٹیلی وژن انڈسٹری کی معروف اداکارہ دیپیکا ککڑ میں جگرکے دوسرے درجے کی کینسر کی تشخیص ہوئی ہے، اداکارہ نے دُعاؤں کی اپیل کردی۔
بھارت کی معروف اداکارہ دیپیکا ککڑ نے فوٹو اینڈ شیئرنگ ایپ انسٹاگرام پر یہ افسوسناک خبر دی ہے، اداکارہ نے انسٹاگرام پر جاری پوسٹ میں بتایا کہ وہ جگر کے کینسر میں مبتلا ہوگئیں ہیں۔
دیپیکا نے انسٹاگرام پر ایک طویل نوٹ شیئر کیا، جس میں انہوں نے اپنے کینسر کے بارے میں بتایا کہ کس طرح پیٹ کے درد نے ان کی زندگی کا رخ بدل دیا۔
View this post on Instagram
پوسٹ میں انہوں نے لکھا جیسا کہ آپ سب جانتے ہیں، پچھلے کچھ ہفتے ہمارے لیے بہت مشکل رہے، پیٹ کے اوپری حصے میں درد کے لیے اسپتال جانا ہوا تو پتہ چلا کہ جگر میں ٹینس بال کے سائز کا ٹیومر ہے اور پھر پتہ چلا کہ وہ ٹیومر دوسرے اسٹیج (کینسر) کا بندل گیا ہے۔
انہوں نے مزید کہا ‘میں مکمل طور پر مثبت ہوں اور اس کا سختی سے سامنا کروں گی، انشاءاللہ میرا پورا خاندان میرے ساتھ ہے اور آپ سب کی طرف سے مجھے جو پیار اور دعائیں مل رہی ہیں، میں اس مشکل وقت سے نکل جاؤں گی، انشاءاللہ، مجھے اپنی دعاؤں میں رکھنا۔
خیال رہے کہ دیپیکا ککڑ کی سسرال سمر کا کی شوٹنگ کے دوران شعیب ابراہیم سے ملاقات ہوئی تھی جو جلد ہی دوستی سے محبت میں بدل گئی تھی۔
https://urdu.arynews.tv/dipika-kakar-rubbishes-reports-of-quitting-acting/
اداکار جوڑے نے 2018 میں ایک مختصر اور نجی تقریب میں شادی کی اور دیپیکا نے اسلام قبول کرنے کے بعد اپنا نام فائزہ رکھا تھا، جوڑے نے جون 2023 میں اپنے بیٹے روحان کو خوش آمدید کہا تھا۔
https://urdu.arynews.tv/indian-actor-hina-khan-diagnosed-with-stage-3-breast-cancer/
