دیر بالا : پولیس اور سی ٹی ڈی نے خیبر پختونخوا کے علاقے دیر بالا میں مشترکہ فتنہ الخوارج کیخلاف آپریشن کیا جس میں مقابلے کے دوران 5 دہشت گردوں کو ہلاک کردیا گیا۔
اس حوالے سے ڈی پی او دیر بالا کا کہنا ہے کہ دہشت گردوں کی فائرنگ کی زد میں آکر ایک شہری شہید، اور پولیس اہلکار زخمی ہوگئے، زخمیوں کو فوری طبی امداد کیلیے مقامی اسپتال منتقل کیا گیا۔
انہوں نے بتایا کہ آپریشن سلام کوٹ دوبندو اور ہاتن درہ کے مقام پر کیا گیا، شہید ہونے والے شہری کی نماز جنازہ پولیس لائن میں ادا کردی گئی، مقامی افراد دہشت گردوں کیخلاف پولیس کا بھرپورساتھ دے رہے ہیں۔
ترجمان سی پی او خیبر پختونخوا کے مطابق ٹارگٹڈ آپریشن فتنہ الخوارج کی موجودگی کی اطلاع پر کیا گیا، فتنہ الخواج کچھ روز قبل پولیس پارٹی پر حملے میں ملوث تھے۔
ہلاک ہونے والے ایک دہشت گرد کی لاش برآمد ہوئی ہے، باقی شرپسندوں کی تلاش اور علاقہ کلیئر کرنے کے لئے سرچ آپریشن جاری ہے۔
