ٹیکساس : اب معذور افراد بھی صحتمند لوگوں کی طرح پانی میں انجوئے کر سکیں گے، امریکا میں معذوروں کے لئے دنیا کا پہلا واٹر پارک بن گیا۔
معزور افراد بھی اب واٹر پارک کے مزے اڑا سکیں گے، امریکی ریاست ٹیکساس میں مورگن انسپیریشنل آئی لینڈ نامی واٹر پارک کو خصوصی طور پر معذور افراد کے لیے تعمیر کیا گیا ہے، واٹر پارک میں تالاب، فوارے اور دیگر تمام سامان تفریحات موجود ہے۔
واٹر پارک کو ایسے ڈیزائن کیا گیا ہے کہ معذور بچے وہیل چئیر پر بیٹھ کر نہ صرف پورے واٹر پارک کی سیر کرسکتے ہیں بلکہ وہیل چئیر پر بیٹھ کر مختلف واٹر گیمز کھیل سکتے ہیں اور سوئمنگ پول میں نہا بھی سکتے ہیں۔
پارک میں ایسے جھولے بھی رکھے گئے ہیں، جن پر وہیل چئیر پر ہی بیٹھے بیٹھے آسانی کے ساتھ جھولا جا سکتا ہے۔
اس پارک کی سب سے دلچسپ بات یہ ہے کہ اس واٹر پارک میں معذور افراد کا داخلہ بالکل مفت ہے۔
پارک انتظامیہ کی جانب سے واٹر پارک میں آنے والے تمام بچوں کو ایک خاص واٹر پروف بریسلیٹ پہنایا جاتا ہے، جو جی پی ایس سسٹم سے آراستہ ہوتے ہیں ، جس کی مدد سے بچوں کو باآسانی تلاش کیا جاسکتا ہے۔
سوئمنگ پولز میں پانی کا درجہ حرارت بھی کنٹرول کیا جا سکتا ہے تاکہ پانی کا معیار بہتر رہیں۔
