ARYNews.tv | Urdu – Har Lamha Bakhabar

Tag: Diseases

  • تھرپارکر: خشک سالی اور غذائی قلت،30بچے دم توڑ گئے تعداد 500ہوگئی

    تھرپارکر: خشک سالی اور غذائی قلت،30بچے دم توڑ گئے تعداد 500ہوگئی

    تھرپارکر : سندھ کے سب سے بڑے ضلع تھرپارکر میں خشک سالی، قحط کے باعث غذائی قلت اور وبائی امراض نے ڈیرہ جما لیا، مٹھی کے اسپتال میں30بچے دم توڑ گئے تعداد 500تک جاپہنچی۔

    تفصیلات کے مطابق تھر میں اس سال پھر خشک سالی اور قحط کے باعث غذائی قلت وبائی امراض میں اضافہ ہوگیا ہے، پانی اور غذا کی شدید قلت سے تنگ آکر مقامی افراد اپنے مویشیوں کے ہمراہ نقل مکانی پر مجبور ہوگئے۔

    یہی نہیں غذائی قلت اور وبائی امراض کے باعث بچوں کی اموات کا سلسلہ بھی تاحال جاری ہے، ضلع تھرپارکر میں وائرل انفیکشنز اور غذائی قلت کا راج بدستور مسلط ہے، آج بھی مقامی سول اسپتال میں علاج کے لیے لائے جانے والے دو بچے انتقال کر گئے۔

    مزید پڑھیں : صحرائے تھر ایک بار پھر قحط سالی کا شکار، لوگوں نے نقل مکانی شروع کردی

    رواں ماہ کے دوران مٹھی اسپتال میں30بچے دم توڑ گئے، سال2018کے دوران جاں بحق ہونے والے بچوں کی تعداد500ہوگئی، یہ بچے غذائی قلت کا شکار ہیں، جس کی وجہ سے مختلف بیماریوں کا آسانی سے شکار بن جاتے ہیں۔

  • سردرد سمیت دیگر بیماریوں کا علاج ’کڑی پتے‘ سے ممکن

    سردرد سمیت دیگر بیماریوں کا علاج ’کڑی پتے‘ سے ممکن

    کراچی: کیا آپ جانتے ہیں کہ ’کڑی پتے‘ کے استعمال سر درد سمیت دیگر بیماریوں سے نجات دلانے میں مدد گار ثابت ہوسکتا ہے؟۔

    تفصیلات کے مطابق قدرت نے بعض پودوں میں ایسی افادیت رکھی ہے کہ اگر اُن کا باقاعدہ استعمال کیا جائے تو ہم کئی بیماریوں سے محفوظ رہ سکتے ہیں۔

    کڑی پتے کو کھانے میں ذائقہ تبدیل کرنے کے لیے استعمال کیا جاتا ہے تاہم اس میں کئی طبی فوائد چھپے ہیں۔

    فوائد

    روزانہ نہار منہ یا کھانے کے ساتھ کڑی پتے کا استعمال نظامِ ہاضمہ کو بہتر اور معدے کی خرابی کو دور کرتا ہے، اگر رات میں چند پتوں کو پانی میں بھگو کو اس کا پانی نہار منہ استعمال کیا جائے تو ہاضمے کی بیماری سے باآسانی نجات حاصل ہوجاتی ہےْ

    گردے کی پتھری

    اگر آپ کے گردے میں پتھری ہے تو اس کے پتوں کا استعمال بغیر آپریشن پتھری کو باہر نکالنے میں مدد گار ثابت ہوتا ہے۔

    بالوں کی سفیدی اور نشو ونما

    اکثر نوجوانوں کو وقت سے پہلے بالوں کے سفید ہونے اور ان کے جھڑنے کی شکایت ہوتی ہے، اگر روزانہ کڑی پتے کھانے کے بعد استعمال کیے جائیں تو بالوں کی نشوونما بہتر ہوتی ہے اور ان کی سیاہی دوبارہ آجاتی ہے۔

    جلدی مسائل

    کڑی پتے کو کھانے یا پھر اسے جلد پر لگانے سے چہرے کے کیل مہاسے اور جھائیوں دور ہوجاتی ہیں جبکہ جلد پر لگے داغ دھبے بھی ختم کرنے میں کڑی پتا بہت کارآمد ہے۔

    زہریلے کیڑے کے کاٹنے کا زخم

    اگر کسی شخص کو کوئی زہریلا سانپ، بچھو یا کوئی دوسرا جانور کاٹ لے تو چند پتے لے کر فوری زخم پر لگائیں ایسا کرنے سے زہر کا اثر ختم ہوجائے گا۔

    سر درد کے لیے مفید

    سردرد کی شکایت والے حضرات اگر کڑی پتے کے تیل کی مالش کریں تو انہیں درد سے نجات حاصل ہوجاتی ہے۔

    تیل بنانے کا طریقہ

    زیتون کے 250 ملی لیٹر تیل کو ایک بوتل میں ڈالیں اور پھر اُس میں 30 گرام کڑی پتے شامل کر کے دو ہفتے کے لیے چھوڑ دیں، بعد ازاں تیل کو کپڑے سے چھان کر دوسری بوتل میں ڈالیں اور اسے مالش کے لیے استعمال کریں جس کے بعد سر درد سے افاقہ ہوگا۔

    نوٹ: کسی بھی مرض میں مبتلا افراد طبیب کے مشورے کے بعد کڑے پتے کا استعمال کریں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نہارمنہ گرم پانی پینے کے فوائد

    نہارمنہ گرم پانی پینے کے فوائد

    طبی ماہرین نے کہا ہے کہ گرم پانی پینے کے بے شمار فوائد ہیں، جن میں وزن میں کمی، سانس لینے میں آسانی اور ہاضمہ بھی درست رہتا ہے اس کے علاوہ گرم پانی پینے سے جسم سے نقصان دہ اجزاء کا اخراج ہوتا ہے۔

    ماہرین کے مطابق گرم پانی پینے سے جسم کا درجہ حرارت بلند ہوگا جس سے میٹابولزم ریٹ بڑھ جائے گا اور ہم بآسانی وزن کم کر پائیں گے۔

    اس کے علاوہ بھوک میں کمی ہوتی ہے اور کم غذا کھانا معدے کیلئے بے حد فائدہ مند ہے، اس کے ساتھ ہماری آنتیں بھی صاف ہوجاتی ہیں۔

    صدیوں پرانی اس چینی حکمت میں سچائی ہے، گرم پانی کے استعمال سے سر کا درد، ہائی بلڈ پریشر، خون کی کمی، مثانے کی گرمی، کھانسی اور زکام سے نجات اور دیگر مسائل سے چھٹکارا مل جاتا ہے۔

    ٹھنڈا پانی پینے کے نقصانات

    اس کے برعکس ٹھنڈا پانی وقتی طور پر تو سکون فراہم کرتا ہے لیکن اس کے نقصانات زیادہ ہیں، ٹھنڈے پانی کے اثرات جوانی کے بعد اثر انداز ہوتے ہیں، بلکہ جوانی میں ہونے والا دل کا دورہ بھی اسی کے سبب ہوتا ہے کیونکہ ٹھنڈا پانی دل کی رگوں کو جوڑ دیتا ہے۔

    ٹھنڈے مشروبات بھی ہاٹ اٹیک کی بڑی وجوہات میں سے ایک ہے۔ ٹھنڈا پانی جگر کی نابودی کا سبب بنتا ہے اس سے چربی چپک جاتی ہے۔

    ماہرین کا کہنا ہے کہ ہر روز صبح جلدی اٹھیں اور گرم پانی پیئں لیکن یاد رہے کہ اس کے بعد پنتالیس منٹ تک کچھ نہیں کھانا پینا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔