بالی ووڈ کی معروف اداکارہ راکول پریت سنگھ نے بتایا کہ وہ بھی انڈسٹری میں اقربا پروری کے باعث ایک بلاک بسٹر فلم سے محروم ہوچکی ہیں۔
بالی ووڈ اور تلگو فلم کی اداکارہ راکول پریت سنگھ نے حال ہی میں ایک پوڈ کاسٹ میں شرکت کی جہاں انہوں نے اعتراف کیا کہ بالی ووڈ انڈسٹری میں اقربا پروری موجود ہے اور وہ ماضی میں اس کی وجہ سے فلموں سے بھی محروم ہو چکی ہیں۔
View this post on Instagram
میزبان نے راکول پریت سے پوچھا کہ کیا اقربا پروری کی وجہ سے وہ کبھی کسی فلم سے محروم ہوئیں ہیں؟ جس پر اداکارہ نے کہا کہ ہاں میں بھی اس کا شکار ہوچکی ہیں اس کی وجہ سے ایک آرٹسٹ تلخ بھی ہوجاتا ہے لیکن ہوسکتا ہے وہ فلم میرے لیے نہیں تھی تو مجھے نہیں ملی۔
راکول پریت سنگھ نے انکشاف کیا کہ فلم ’ ایم ایس دھونی‘ میں میری جگی دیشا پٹانی نے لی تھی، ایم ایس دھونی کی بائیوپک کی شوٹنگ کا شیڈول ایک ماہ کے بعد تبدیل ہونے کی وجہ سے میں اس فلم سے محروم ہوگئی تھی۔
View this post on Instagram
اداکارہ کا کہنا تھا کہ اقرباپروری صرف فلم انڈسٹری کا حصہ نہیں ہے، یہ کسی بھی شعبے میں آپ سے مواقع چھین سکتے ہیں، اور میں سمجھتی ہوں کہ یہی زندگی ہے، آپ جتنی جلدی یہ سمجھ لیں گے، اتنا ہی آپ کے لیے بہتر ہے۔
راکول پریت نے مزید کہا کہ اگر کل کو میرے بچے مدد چاہتے ہیں، تو یقیناً میں ان کی مدد کروں گی انہیں اُسی جدوجہد پر مجبور نہیں کروں گا جس سے مجھے گزرنا پڑا، اسی طرح اگر ایک اسٹار کے بچوں کو آسانی حاصل ہے تو اس کی وجہ یہ ہے کہ ان کے والدین نے سخت محنت کی ہے لہذا اقربا پروری ایسی چیز نہیں ہے جس کے بارے میں زیادہ سوچنا چاہیے۔
