Tag: disrupted

ولنگٹن : نیوزی لینڈ کے شہر آکلینڈ کے ریلوے اسٹیشن سے برآمد ہونے والے مشکوک بیگوں کو پولیس نے محدود  دھماکوں سے ناکارہ بنا دیا۔

تفصیلات کے مطابق نیوزی لینڈ کے آکلینڈ شہر کے وسط میں جمعے کی شام اہم شاہراہ پر دو مشکوک بیگ برآمد ہوئے تھے جس کے باعث علاقہ مکینوں اور ارد گرد موجود افراد میں شدید خوف پھیل گیا تھا۔

مقامی خبر رساں ادارے کا کہنا ہے کہ آکلینڈ پولیس کا اسپیشل سرچ گروپ نے مشکوک بیگز کو کنٹرول دھماکوں سے تباہ کردیا۔

پولیس ترجمان کا کہنا ہے کہ بیگز مشکوک نہیں تھے بیگز کے اندر عمارتوں کی تعمیر میں استعمال ہونے والا سامان موجود تھا۔

یاد رہے کہ کچھ دیر قبل نیوزی لینڈ کے شہر کرائسٹ چرچ میں واقع 2 مساجد اور ایک اسپتال میں مسلح افراد نے اندھا دھند فائرنگ کردی، افسوس ناک واقعے میں 40 افراد جاں بحق جبکہ درجنوں زخمی ہوئے ہیں جن کی حالت تشویش ناک ہے۔

غیرم لکی میڈیا کے مطابق نمازجمعہ کے دوران مساجد میں موجود نمازیوں پرفائرنگ کی گئی، حملہ آوروں نے النورمسجد اور لِین وڈ میں نمازیوں کونشانہ بنایا گیا۔

مزید پڑھیں : آج کا دن ہماری تاریخ کا سیاہ ترین دن ہے، وزیراعظم نیوزی لینڈ

غیر ملکی خبر رساں ادارے کا کہناہے کہ کے مطابق مسجد میں بنگلہ دیشی کرکٹ ٹیم کے کھلاڑی بھی موجود تھے جو اس واقعے میں محفوظ رہے۔

نیوزی لینڈ کی وزیر اعظم جیسنڈا ایرڈن کا کرائسٹ چرچ مسجد پر مسلح افراد حملے کو پُر تشدد کارروائی قرار دیتے ہوئے کہنا ہے کہ ذمہ داروں کو قانون کے کٹہرے میں لایا جائے گا، ہماری پوری کوشش ہے کہ شہریوں کو سیکیورٹی فراہم کریں۔