ARYNews.tv | Urdu – Har Lamha Bakhabar

Tag: Divorce

  • جو بائیڈن کی بیٹی کا شوہر سے طلاق لینے کا فیصلہ، وجہ سامنے آگئی

    جو بائیڈن کی بیٹی کا شوہر سے طلاق لینے کا فیصلہ، وجہ سامنے آگئی

    امریکا کے سابق صدر جو بائیڈن کی بیٹی نے اپنے شوہر سے طلاق لینے کا فیصلہ کرلیا ہے۔

    بین الاقوامی خبر رساں ادارے کی رپورٹ کے مطابق شوہر سے علیحدگی کے لیے 44 سالہ ایشلی بائیڈن نے عدالت سے رجوع کرلیا ہے۔

    رپورٹس کے مطابق ایشلی بائیڈن نے شادی کے 13 سال بعد پلاسٹک سرجن ڈاکٹر ہوورڈ کرین سے راہیں جدا کرنے کا فیصلہ کیا ہے۔

    امریکی میڈیا کا کہنا ہے کہ ایشلی بائیڈن نے رواں ہفتے کے آغاز میں فلاڈیلفیا کی فیملی کورٹ میں طلاق کے لیے درخواست دائر کی ہے، دائر کی گئی درخواست میں انہوں نے اپنی شادی کی ناکامی کا ذکر کیا ہے۔

    میڈیا رپورٹس کے مطابق سابق صدر کی بیٹی نے عدالتی کارروائی سے کچھ دیر قبل سوشل میڈیا پر ایک مرد اور خاتون کی ہاتھ پکڑے تصویر پوسٹ کی تھی جس میں ان کا اشارہ تھا کہ یہ ان کے خاوند اور گرل گرینڈ ہیں۔

    امریکی میڈیا کا کہنا ہے کہ ایشلی بائیڈن نے کچھ دیر بعد ہی اس اسٹوری کو اپنے سوشل میڈیا اکاؤنٹ حذف کردیا تھا۔

    بائیڈن نے صدارت کے آخری روز کونسا اہم حکم جاری کیا

    امریکی میڈیا کے مطابق سابق صدر کی بیٹی کی سوشل میڈیا اسٹوری اور طلاق کے لیے دائر درخواست کے حوالے سے ڈاکٹر ہوورڈ کرین سے مؤقف لینے کی کوشش کی گئی تاہم انہوں نے اس حوالے سے بات کرنے سے انکار کردیا۔

    واضح رہے کہ سابق امریکی صدر جو بائیڈن کی بیٹی ایشلی بائیڈن اور ڈاکٹر ہوورڈ کرین کی شادی 2012 میں ہوئی تھی۔

  • باراک اوباما اور مشعل اوباما کا پہلی بار طلاق کی افواہوں پر ردِ عمل

    باراک اوباما اور مشعل اوباما کا پہلی بار طلاق کی افواہوں پر ردِ عمل

    واشنگٹن(18 جولائی 2025): سابق امریکی خاتون اول مشعل اوباما اور شوہر و سابق صدر باراک اوباما سے طلاق کی افواہوں پر بالآخر لب کشائی کر دی۔

    غیر ملکی میڈیا رپورٹ کے مطابق سابق امریکی صدر باراک اوباما اور ان کی اہلیہ سابق خاتونِ اول مشعل اوباما نے طلاق سے متعلق پہلی بار ایک انٹرویو میں حقیقت بتادی۔

    مشعل کے بھائی کریگ رابنسن کے ساتھ پوڈکاسٹ میں امریکی صدر باراک اوباما اور سابق خاتون اول مشعل اوباما نے شرکت کی جہاں ان دونوں نے طلاق کی افواہوں پر کھل کر بات کی۔

    طلاق کے بارے میں پوچھے گئے سوال پر باراک اوباما نے قہقہہ لگاتے ہوئے کہا کہ ہاں، کچھ وقت کے لیے معاملہ نازک تھا لیکن پھر مشعل نے مجھے واپس لے لیا۔

    طلاق کی افواہیں، اوباما نے مشعل کے ساتھ تصویر شیئر کردی

    مشعل اوباما نے مسکرا کر بولیں کہ ارے بھائی! ہم ساٹھ سال کے ہیں، اپنی زندگی کا ہر لمحہ انسٹاگرام پر تو شیئر نہیں کیا جا سکتا۔ لوگ اگر مجھے اپنے شوہر کے ساتھ کسی تقریب میں نہ دیکھیں تو فوراً سمجھ لیتے ہیں کہ شادی ختم ہوگئی۔

    واضح رہے کہ مشعل اور باراک اوباما نے گزشتہ سال اکتوبر میں اپنی شادی کی 32ویں سالگرہ منائی، مشعل اوباما اس سے قبل اپنی کتاب "بی کمنگ” میں اعتراف کر چکی ہیں کہ وائٹ ہاؤس میں زندگی اور باراک اوباما کے سیاسی کیریئر نے ان کی شادی پر دباؤ ڈالا تھا۔

    گزشتہ کئی عرصے سے مشعل اوباما اور سابق صدر باراک اوباما کے درمیان طلاق کی افواہیں سرگرم تھیں، ان افواہوں نےاس وقت زیادہ آگ پکڑی جب پچھلے چند ماہ کے دوران کئی اہم موقعوں پر باراک اوباما تنہا نظر آئے، سابق صدر جمی کارٹر کی آخری رسومات میں بھی مشعل اوباما نے شرکت نہیں کی تھی۔

    اس کے علاوہ امریکی صدر ڈونلڈ ٹرمپ کی حلف برداری میں بھی مشعل اوباما شریک نہیں ہوئی تھیں۔

  • سیف اور کرینہ میں طلاق سے متعلق نجومی کی بڑی پیش گوئی

    سیف اور کرینہ میں طلاق سے متعلق نجومی کی بڑی پیش گوئی

    بھارت فلم انڈسٹری کی معروف جوڑی سیف علی خان اور کرینہ کپور خان جلد ہی طلاق لے سکتے ہیں، ایک مشہور نجومی کی اس پیش گوئی نے ہر کسی کو ورطہ حیرت میں ڈال دیا۔

    رپورٹس کے مطابق نجومی کی پیش گوئی ایسے وقت میں سامنے آئی ہے جب سیف علی خان اور کرینہ حال ہی میں چاقو کے حملے کے مہلک واقعے سے گزرے تھے۔

    دونوں کے مداحوں نے سیف کے ساتھ کرینہ کپور کی عوامی سطح پر عدم موجودگی کو بھی نوٹ کیا جس سے قیاس آرائیوں کو جنم لیا۔

    نجومی کا کہنا تھا کہ وہ پہلے فرد تھے جس نے 2010 میں اپنے بلاگ سیف اور کرینہ کی کنڈلی دیکھ کر پیش گوئی کردی تھی کہ ان کی طلاق ہوجائے گی۔

    نجومی نے سیف پر حملے کے بارے میں بات کرتے ہوئے دعویٰ کیا کہ یہ کچھ اندرونی خاندانی مسائل کی وجہ سے ہو سکتا ہے۔

    یہ معاملہ حل نہیں ہوگا اور وہ ڈیڑھ سال کے اندر ایک دوسرے سے علیحدگی اختیار کرلیں گے، اس معاملے کو جتنا بھی دبایا ہوگا، کنڈلی صاف بتا رہی ہے۔

    نجومی نے مزید کہا کہ انہیں مکمل یقین ہے کہ ایسا ہوگا اور یہ بالی وڈ جوڑا ڈیڑھ سال کے اندر الگ ہوجائے گا۔

    سیف علی خان کی ’ریس 4‘ میں راکول پریت کی انٹری؟

    نجومی نے اپنی پیش گوئی پر مکمل اعتماد کا اظہار کرتے ہوئے کہا کہ مجھے کسی کا خوف نہیں ہے،’میں ڈنکے کے چوٹ پر یہ کہہ رہا ہوں! سیف کو کوئی خطرہ نہیں ہے اور یہ حملہ بھی محض دنیا کو دکھانے کے لیے جعلی ڈرامہ تھا۔

  • سنیتا نے طلاق کی افواہوں پر خاموشی توڑ دی، گووندا سے الگ رہنے کی وجہ بھی بتادی

    سنیتا نے طلاق کی افواہوں پر خاموشی توڑ دی، گووندا سے الگ رہنے کی وجہ بھی بتادی

    بھارتی فلم انڈسٹری کے ورسٹائل اداکار گووندا کی اہلیہ سنیتا آہوجا نے طلاق کی افواہوں پر خاموشی توڑ دی۔

    بھارتی میڈیا کے مطابق گزشتہ دنوں یہ خبر زیر گردش تھی کہ گووندا اور سنیتا کے درمیان 38 سال بعد طلاق ہوگئی، جس کے لیے سنیتا نے چند ماہ قبل علیحدگی کا نوٹس بھیجا تھا۔

    خبروں میں کہا جا رہا تھا کہ گوندا کی جانب سے طلاق کے نوٹس کا کوئی جواب نہیں دیا گیا تھا اور جوڑا علیحدہ علیحدہ گھر میں رہ رہے ہیں، ان افواہوں پر گووندا کے خاندان کی جانب سے ان کے بھانجے کرشنا اور بھانجی آرتی سامنے آئیں اور دونوں نے ان خبروں کو جھوٹ قرار دیا۔

    سنیتا آہوجا سے طلاق کی خبریں، گووندا نے بالآخر خاموشی توڑ دی

    گووندا کی منیجر نے اس خبر پر جاری بیان میں کہا تھا کہ وہ اس بات سے آگاہ ہیں کہ سنیتا جی نے طلاق کا نوٹس بھیجا ہے لیکن اس پر کوئی پیشرفت نہیں ہوئی ہے۔

    تاہم اب گووندا کی اہلیہ سنیتا آہوجا کی جانب سے بھی ویڈیو ردعمل سامنے آیا ہے، جس میں انہوں نے کہا کہ الگ الگ رہتے ہیں اس کی وجہ یہ ہے کہ جب گوندا نے سیاست میں شمولیت اختیار کی تو اس وقت میری بیٹی جوان ہورہی تھی۔

    سنیتا آہوجا کا کہنا تھا کہ اس دوارن گھر میں مختلف سیاسی شخصیات کا آنا جانا شروع ہوگیا، تو ان سب کے سامنے اس طرح گھومنا اچھا نہیں لگتا تھا، اس لیے ہم نے گھر کے سامنے ہی آفس لے لیا۔

    سنیتا آہوجا نے اپنی بات جاری رکھتے ہوئے کہا کہ مجھے اور گووندا کو اس دنیا میں کوئی الگ نہیں کرسکتا، اگر کوئی مائی کا لعل ہے تو اسے سامنے آنا چاہیے۔

    https://www.youtube.com/watch?v=ZA7kLWw-T0w

  • گووندا اور اہلیہ کے درمیان 37 سال بعد طلاق کی افواہیں، وجہ سامنے آگئی

    گووندا اور اہلیہ کے درمیان 37 سال بعد طلاق کی افواہیں، وجہ سامنے آگئی

    بھارتی فلم انڈسٹری کے مشہور و معروف اداکار گووندا اور ان کی اہلیہ کے درمیان شادی کے 37 سال بعد طلاق کی خبریں سامنے آرہی ہیں۔

    بھارتی میڈیا کی جانب سے دعویٰ کیا جارہا ہے کہ اداکار گووندا اور ان کی اہلیہ سنیتا آہوجا کے درمیان مبینہ طور پر طلاق آخری مراحل میں داخل ہوگئی ہے جبکہ جوڑا کافی عرصے سے علیحدگی اختیار کئے ہوئے ہے۔

    رپورٹس کے مطابق گووندا کا 30 سالہ مراٹھی اداکارہ کے ساتھ مبینہ تعلق اس علیحدگی کی اہم وجہ بنا ہے، تاہم اب تک دونوں شخصیات کی جانب سے کسی قسم کی تصدیق یا تردید سامنے نہیں آسکی ہے۔

    رپورٹس کے مطابق سینئر اداکار کی شادی کو 37 برس بیت چکے ہیں اور جوڑے کا ایک بیٹا اور ایک بیٹی ہے، دونوں کی شادی 1987 میں اس وقت ہوئی تھی، جب گووندا بھارتی فلم انڈسٹری میں اپنا نام بنانے کی کوششوں میں مصروف تھے۔

    واضح رہے کہ کچھ عرصے قبل اداکار کی بیٹی نے اپنے والد اور کزن کرشنا کی لڑائی سے متعلق بھی انکشاف کیا تھا کہ ہماری خاندانی لڑائی بہت زہریلی ہے۔

    90 کی دہائی کے معروف ادکار کی بیٹی ٹینا آہوجا نے اپنی اس خاندانی لڑائی پر کھل کر اظہار خیال کیا، انھوں نے کہا کہ یہ لڑائی ایک قسم کے زہر جیسی تھی، میں جھوٹ نہیں بولوں گی میں نے یہی بات آرتی سنگھ کو بھی کہی تھی۔

    فلمی ویب سائٹ کو دیے گئے انٹرویو میں گوندا کی صاحبزادی ٹینا کا کہنا تھا کہ میں نے ہمیشہ اپنے آپ کو اس لڑائی سے دور رکھنے کی کوشش کی ہے۔

    کرائم برانچ کو گوندا پر شک ہوگیا

    میں اپنی زندگی میں خوش ہوں اور میں ان سب چیزوں کے بارے میں بات نہیں کرتی، میرے خیال میں یہ سب اب ماضی کا قصہ بن چکا ہے اور چیزیں اب پہلے سے بہتر اور قابل احترام ہیں۔

  • سلمان خان نے پہلی بار ارباز اور ملائکہ اروڑہ کے طلاق پر خاموشی توڑ دی

    سلمان خان نے پہلی بار ارباز اور ملائکہ اروڑہ کے طلاق پر خاموشی توڑ دی

    بالی ووڈ کے معروف اداکار سلمان خان نے اپنے بھائی ارباز خان اور ملائکہ اروڑہ کے طلاق پر پہلی بار کھل کر بات کی ہے۔

    حال ہی میں اداکار سلمان خان نے اپنے بھتیجے ارہان خان کے پوڈ کاسٹ ’دم بریانی ‘ میں پہلی بار شرکت کی جہاں انہوں نے اپنے چھوٹے بھائی ارباز خان اور ان کی سابقہ اہلیہ ملائیکہ اروڑا کی طلاق پر کھل کر بات کی ہے۔

    سلمان خان نے ارباز خان اور ملائیکہ اروڑا کی علیحدگی پر مختصر بات کرتے ہوئے کہا کہ ارہان زندگی کے ایک مشکل دور سے گزر چکا ہے اور والدین کے درمیان علیحدگی کے بعد بچوں کو خود ہی ان چیلنجز کا سامنا کرنا پڑتا ہے۔

     

    View this post on Instagram

     

    A post shared by dumb biryani (@dumbbbiryani)

    انہوں نے ارہان کو نصیحت کی کہ ایک دن اس کا بھی اپنا خاندان اور گھر ہوگا، اور اس کے لیے ضروری ہے کہ وہ پہلے خود کو مضبوط بنائے تاکہ ایک صحت مند اور خوشحال گھریلو ماحول قائم کر سکے۔

    سلمان خان نے ارباز اور ملائیکہ کی طلاق پر زیادہ تفصیل میں جانے کے بجائے اس بات پر زور دیا کہ خاندان کے ساتھ دوپہر اور رات کے کھانے کا رواج برقرار رہنا چاہیے اور خاندان میں ایک مضبوط سربراہ ہونا چاہیے جس کا سب احترام کریں۔

    انہوں نے ارہان کو سمجھاتے ہوئے کہا کہ زندگی میں کچھ چیزیں انسان کے اختیار میں نہیں ہوتیں، لیکن اس کے باوجود مثبت پہلو تلاش کرنا ضروری ہے کیونکہ مضبوط خاندانی رشتے زندگی میں بےحد اہمیت رکھتے ہیں۔

    یاد رہے کہ ارباز خان اور ملائیکہ اروڑا نے 1998 میں شادی کی تھی، تاہم تقریباً 20 سال بعد 2017 میں دونوں کے درمیان علیحدگی ہو گئی تھی۔

    ان کی طلاق کے بعد ملائکہ نے اداکار ارجن کپور سے ڈیٹنگ شروع کی، تاہم، جوڑے نے گزشتہ سال کچھ عرصے بعد ہی اپنے راستے جدا کر لیے تھے، دریں اثنا، ارباز خان  نے 2023 میں مشہور میک اپ آرٹسٹ شورا خان سے دوسری شادی کی۔

  • امریکی اداکارہ جیسیکا ایلبا طلاق لینے عدالت پہنچ گئیں

    امریکی اداکارہ جیسیکا ایلبا طلاق لینے عدالت پہنچ گئیں

    امریکی اداکارہ جیسیکا ایلبا اور کیش وارن نے شادی کے 16 سال بعد اب باضابطہ طور پر طلاق کے لئے عدالت سے رابطہ کرلیا ہے۔

    امریکی میڈیا کا اس حوالے سے کہنا ہے کہ اداکارہ جیسیکا ایلبا نے جمعے کو لاس اینجلس کی عدالت میں طلاق کے لئے درخواست جمع کرادی ہے۔

    اداکارہ نے عدالت میں جمع کرائی گئی درخواست میں ناقابلِ مصالحت اختلافات کا حوالہ دیا اور علیحدگی کی تاریخ 27 دسمبر 2024ء درج کرادی ہے۔

    جوڑے نے درخواست میں اپنے 3 بچوں کی جوائنٹ کسٹڈی بھی مانگی ہے جن کی عمر 16، 13 اور 7 سال ہے۔

    امریکی میڈیا کا کہنا ہے کہ طلاق کی درخواست سے قبل اداکارہ نے گزشتہ ماہ سوشل میڈیا پر شوہر سے علیحدگی کا اعلان کیا تھا۔

    دوسری جانب طلاق کی افواہیں کے درمیان بھارتی کرکٹر یزویندرا چہل کی ذومعنی پوسٹ سوشل میڈیا پر وائرل ہوگئی۔

    بھارتی میڈیا رپورٹ کے مطابق بھارتی کرکٹر یزویندرا چہل اور ان کی اہلیہ دھناشری ورما کے درمیان طلاق کی افواہیں گزشتہ کئی دنوں سے زیر گردش ہیں اب کرکٹر نے سوشل میڈیا پر معنی خیز پیغام جاری کیا ہے۔

    چہل نے 22 دسمبر 2020 کو یوٹیوبر، ڈانس کوریوگرافر دھناشری سے شادی کی اور اسی سال اگست میں ان کی منگنی ہوئی تھی۔

    سلمان خان کا خواتین کے لباس سے متعلق بیان، سوشل میڈیا پر نئی بحث چھڑ گئی

    طلاق کی افواہیں بیچ یزویندرا چہل نے لکھا کہ ’حقیقی محبت نایاب ہے، ہائے میرا نام ’نایاب‘ ہے۔

  • ’تیز آواز میں بات کرنا تشدد نہیں ہوتا‘ فیروز خان کی والدہ کا سابقہ بہو کے الزامات پر ردعمل

    ’تیز آواز میں بات کرنا تشدد نہیں ہوتا‘ فیروز خان کی والدہ کا سابقہ بہو کے الزامات پر ردعمل

    پاکستانی اداکار و ماڈل فیروز خان کی والدہ صوفیہ ملک نے سابقہ بہو کی جانب سے بیٹے پر لگائے گئے الزامات کو مسترد کردیا۔

    میڈیا رپورٹس کے مطابق اداکار فیروز خان اپنی والدہ کے بہت قریب ہیں، وہ اکثر اپنی والدہ کے ساتھ تصویریں شیئر کرتے ہیں اور انہوں نے کئی بار انٹرویو میں بتایا ہے کہ ان کے پورے کیریئر میں ان کی والدہ نے بہت اہم کردار ادا کیا ہے۔

    2023 میں فیروز خان اور علیزہ سلطان کے درمیان طلاق ہوگئی تھی، سابقہ اہلیہ نے اداکار پر تشدد کا الزام بھی عائد کیا تھا ، تاہم اب حال ہی میں اداکار فیروز خان کی والدہ نے ایک انٹرویو میں اس کے بارے میں بات کی ہے۔

    والدہ صوفیہ ملک نے کہا کہ بیٹے کی طلاق کے بعد لگائے گئے الزامات بے بنیاد ہیں، میں اگر باتیں سامنے لاؤں تو بہت ساری باتیں ہیں لیکن میں کچھ نہیں کہنا چاہتیں۔

     

    View this post on Instagram

     

    A post shared by ShowbizShowsha (@showbizshowsha)

    انہوں نے کہا کہ سماج میں ویسے بھی عورت کی باتوں کو زیادہ اہمیت دی جاتی ہے، ایسا سمجھا جاتا ہے کہ مرد پتھر کا بنا ہوتا ہے، وہ لوہے کا ہوتا ہے، اسے کوئی فرق نہیں پڑتا۔

    فیروز خان کی والدہ صوفیہ ملک کا کہنا تھا کہ بہت سارے مرد غصہ والے ہوتے ہیں، وہ تیز آواز میں بات کرنے کے عادی ہوتے ہیں لیکن تیز آواز میں بات کرنے کا مطلب تشدد نہیں ہوتا، میرا بیٹا بہت غصے والا ہے پورا گھر اس سے ڈرتا ہے لیکن وہ بہت پیار کرنے والا جان نچھاور کرنے والا ہے، بہت رحم دل ہے۔

    اداکار کی والدہ نے کہا کہ بیٹے کی طلاق کے وقت عورت کارڈ چل رہا تھا، ہر کوئی میرے بیٹے پر الزام لگا رہا تھا، کسی نے میرے بیٹے کا ساتھ نہیں دیا، کسی نے بھی فیروز کے حق میں ایک لفظ نہیں بولا۔

    یاد رہے کہ علیزہ سلطان اور فیروز خان کی 2018 میں شادی ہوئی تھی، اس جوڑی کے 2 بچے بیٹا سلطان اور بیٹی فاطمہ ہے۔

    2023 میں دونوں شخصیات کی جانب سے اپنی طلاق کا باقاعدہ اعلان کیا گیا تھا جبکہ طلاق کے 2 سال بعد 2024 کے وسط میں فیروز خان نے دوسری شادی کر لی تھی۔

  • ثنا فیصل کا پہلی بار اپنی طلاق اور دوسری شادی سے متعلق انکشاف

    ثنا فیصل کا پہلی بار اپنی طلاق اور دوسری شادی سے متعلق انکشاف

    پاکستان شوبز انڈسٹری کے اداکارو میزبان فیصل قریشی کی اہلیہ ثنا فیصل نے پہلی طلاق اور فیصل قریشی سے دوسری شادی سے متعلق گفتگو کی ہے۔

    اداکار فیصل قریشی نے حال ہی میں اپنی پوڈ کاسٹ ’پریشر بہت ہے‘ میں اپنی دوسری اہلیہ کو مدعو کیا جہاں انہوں فیصل قریشی سے شادی اور طلاق کا انکشاف کردیا۔

    ثنا فیصل نے فیصل قریشی سے شادی کے پروپوزل پر بات کرتے ہوئے بتایا کہ میں  فیصل قریشی سے شادی کرنے سے پہلے شادی شدہ تھیں، فیصل اور ہمارے درمیان کوئی رشتہ دیکھنے کا معاملہ نہیں تھا یہ فیصل کے میرے والد سے ملاقات کی وجہ سے ہوا۔

    ثنا نے اپنی پہلی طلاق سے متعلق انکشاف کیا کہ میرے خیال میں لوگ یہ نہیں جانتے کہ میں فیصل سے شادی کرنے سے پہلے ہی طلاق یافتہ تھی، یہ میری دوسری شادی ہے میں فیصل سے اپنی عدت ختم ہونے کے فوراً بعد ملی اور میری خالہ نے اس معاملے میں ہماری مدد کی۔

    فیصل قریشی کی اہلیہ نے کہاکہ میں نے فیصل سے پہلی ملاقات ایک شادی میں کی تھی، لیکن پھر میری شادی ہو گئی اور ہم ایک سال تک نہیں ملے لیکن  جب میری طلاق ہوئی تو ہم دوبارہ ملے۔

    ان کا کہنا تھا کہ فیصل قریشی سے شادی ایک طرح کے اسکیپ کے طور پر کی کیونکہ میں طلاق کے بعد کسی نئے راستے کی تلاش میں تھیں مجھے اس طلاق کی باتوں سے چھٹکارا چاہیے تھا۔

    ثنا فیصل نے بتایا کہ کئی لوگ سوچتے تھے کہ میں نے فیصل سے شادی کرنے کے لیے پہلی طلاق لی، لیکن ایسا نہیں تھا یہاں تک کہ میں بھی اپنی شادی کے بعد حیران رہ گئی میں نے اپنی بہن کو کال کر کے کہا کہ میں نے جلدی میں شادی کر لی لیکن پھر خود سے بات کر کے میں نے اس رشتے کو قبول کر لیا۔

  • کیا اے آر رحمان کی طلاق کی وجہ انکی گٹارسٹ ہے؟ وکیل نے بڑا انکشاف کر دیا

    کیا اے آر رحمان کی طلاق کی وجہ انکی گٹارسٹ ہے؟ وکیل نے بڑا انکشاف کر دیا

    آسکر ایوارڈ یافتہ بھارتی موسیقار اے آر رحمان کی طلاق کے بعد ان کی ساتھی گٹارسٹ موہنی ڈے نے بھی اپنے شوہر سے علیحدگی کا اعلان کر دیا تھا جس کے بعد اب ان کی سابقہ اہلیہ کی وکیل نے بیان جاری کیا ہے۔

    بھاری میڈیا کے مطابق آسکر ایوارڈ یافتہ موسیقار اے آر رحمان اور ان کی اہلیہ سائرہ بانو نے منگل 19 نومبر کو شادی کے 29 سال کی بعد علیحدگی کا اعلان کر کے مداحوں کو چونکا دیا تھا۔

    اسی دن اے آر رحمان کے ساتھ متعدد پروجیکٹس میں کام کرنے والی مشہور گٹارسٹ موہنی ڈے نے بھی اپنے شوہر مارک ہارٹسچ سے علیحدگی کا اعلان کیا تھا، دو طلاقوں کے اعلانات کے بعد سوشل میڈیا صارفین ان کی علیحدگی اور اے آر رحمان کی طلاق کے درمیان تعلق جوڑ رہے تھے جس پر اب سائرہ بانو کی وکیل وندنا شاہ نے وضاحت پیش کی ہے۔

    اے آر رحمان کی طلاق کے چند گھنٹے بعد انکی گٹارسٹ کا بھی اپنے شوہر سے علیحدگی کا اعلان

    بھارتی میڈیا کے مطابق سائرہ بانو  کی وکیل وندنا شاہ نے جاری کردہ بیان میں کہا کہ اے آر رحمان اور سائرہ بانو کی طلاق کا موہنی ڈے کی طلاق سے دور دور تک کوئی تعلق نہیں، سائرہ اور اے آر رحمان نے یہ فیصلہ خود ذاتی وجوہات کی بنا پر کیا ہے۔

    وکیل وندنا شاہ نے کہا ہر طویل شادی اتار چڑھاؤ سے گزرتی ہے اور مجھے بے حد خوشی ہے کہ اگر یہ اختتام کو پہنچی ہے تو دونوں نے باوقار طریقے سے ایسا کیا ہے، رحمان اور سائرہ دونوں ایک دوسرے کا ساتھ دیتے رہیں گے، ایک دوسرے کے لیے نیک خواہشات کا اظہار کرتے رہیں گے۔