Tag: dog attack

  • خیرپور میں کتے کے حملے میں شدید زخمی ہونے والا بچہ دم توڑ گیا

    خیرپور میں کتے کے حملے میں شدید زخمی ہونے والا بچہ دم توڑ گیا

    خیرپور میں کتے کے حملے میں شدید زخمی ہونے والا 7 سالہ بچہ دم توڑ گیا۔

    تفصیلات کے مطابق خیرپور کے فیصل جمانی کے علاقے میں کتوں کے کاٹنے سے 7 سالہ بچہ زخمی ہوا تھا، جس کا آج انتقال ہوگیا ہے، بچے کے لواحقین نے احتجاج جاری ہے۔

    لواحقین کا کہنا ہے کہ آوارہ کتے تلف کیے جائیں، ڈاکٹرز کا کہنا ہے کہ 20 روز میں کتوں نے 100 سے زائد لوگوں کا کاٹا ہے، کتوں کے کاٹنے کے 70 سے زائد کیسز اسپتال میں رپورٹ ہوئے ہیں۔

    دوسری جانب ہفتے کی شام مچ اور مچ سے متصل کلی جلال آباد مری آباد میں پاگل کتوں کے کاٹنے سے درجنوں بچے زخمی ہو گئے تھے جن کو ہنگامی طور پر مچ اسپتال منتقل کیا گیا۔

    جن کو ابتدائی طبی امداد فراہم کر کے ویکسین بھی لگائی گئی، کتوں کے کاٹنے کی خبر سے پورا شہر خالی ہو گیا جبکہ ایک پاگل کتے کو شہریوں نے اپنی مدد آپ کے تحت مار دیا ہے۔

  • ماں اور معصوم بچے پر آوارہ کتوں کا حملہ، دلخراش ویڈیو

    ماں اور معصوم بچے پر آوارہ کتوں کا حملہ، دلخراش ویڈیو

    کریم نگر: تلنگانہ کے متعدد مقامات پر آوارہ کتو ں نے شہریوں کا جینا دوبھر کردیا ہے، آئے روز کتوں کے حملوں میں بیشتر افراد زخمی ہوجاتے ہیں۔

    بین الاقوامی خبر رساں ادارے کی رپورٹ کے مطابق تازہ ترین واقعہ کریم نگر شہر میں رونما ہوا، جہاں 53 ڈیویژن میں ویمنس کالج کے قریب ماں اور اس کے بچے پر کتوں نے حملہ کیا، خاتون کی چیخ و پکار پر محلہ والوں نے کتوں کو مار بھگایا۔

    سوشل میڈیا پر اس واقعہ کا ویڈیو وائرل ہو رہا ہے کریم نگر سے تعلق رکھنے والے وزیر پونم پربھاکر کو بھی بعض افراد نے سوشل میڈیا پر ٹیگ کیا۔

    جس پر وزیر موصوف نے ضلع کلکٹر اور میونسپل کمشنر کو ہدایت دی کہ وہ آوارہ کتوں سے نمٹنے کے لئے فوری اقدامات اُٹھائیں۔

  • کتے نے9 سالہ بچی کو بھنبھوڑ کر مار ڈالا، مالکن پر قتل کا الزام ثابت

    کتے نے9 سالہ بچی کو بھنبھوڑ کر مار ڈالا، مالکن پر قتل کا الزام ثابت

    فلوریڈا : امریکا میں ایک خاتون نے پالتو کتے کی مدد سے اپنے دوست کی 9 سالہ بیٹی کو مروا دیا، پولیس نے خاتون کو قتل کے الزام میں حراست میں لے لیا۔

    پولیس نے 34 سالہ ملزمہ ٹائیشل ایلیس مارٹن کو قتل، بچی کے ساتھ بدسلوکی اور دیگر الزامات کے تحت گرفتار کیا گیا ہے۔

    غیر ملکی خبر رساں ادارے کی رپورٹ کے مطابق ملزمہ پر الزام ہے کہ اس نے اپنے روٹویلر کتے کو اپنے بوائے فرینڈ کی نو سالہ بچی پر حملہ کرنے اور اسے قتل کرنے کا حکم دیا۔

    Woman

    خونخوار کتے نے بچی کو بھنبھوڑ کر زخمی کردیا تھا۔ طبی امداد ملنے سے پہلے ہی اُس کی موت واقع ہوگئی۔ پیرامیڈکس کال کیے جانے پر اہلکار جب اپارٹمنٹ میں داخل ہوئے تو بچی کو خون میں لت پت پایا۔ کتے نے اُسے بُری طرح کاٹا تھا۔پیرا میڈیکس اہلکاروں نے لڑکی کو جائے وقوعہ پر پہنچ کر اسے مردہ قرار دے دیا۔

    نو سالہ مقتولہ بچی کا باپ لوژان سیشنز جب گھر پہنچا اس پر رقیامت ٹوٹ پڑی۔ کیونکہ اسے ملزمہ نے بتایا تھا کہ اس کی بیٹی 9 جون کو کیلیفورنیا میں اپنے خاندان سے ملنے گئی ہے۔

    مارٹن نے 10 جون کو ایک ٹیکسٹ میسج کے ذریعے اسے بتایا تھا کہ اس کی ماں نے اس کی بیٹی کو کیلیفورنیا بھیج دیا ہے۔

    پولیس نے تحقیقات کافی دن تک جاری رکھیں حکام نے گھر کی سی سی ٹی وی فوٹیج حاصل کیں، فوٹیج میں مارٹن کو کتے کا پٹا پکڑے اور اسے ہدایات دیتے ہوئے دیکھا جا سکتا ہے جب وہ بچی کو نشانہ بنا رہا تھا۔ یہ فوٹیج لڑکی کی لاش ملنے سے دو دن پہلے کی تھی۔ملزمہ مارٹن کو عدالت سے ضمانت مسترد ہونے کے بعد لیک کاؤنٹی جیل میں رکھا گیا ہے۔

  • کتوں  نے سرکاری اسپتال میں نوزائیدہ بچے کو بھنبھوڑ ڈالا، دردناک ویڈیو

    کتوں نے سرکاری اسپتال میں نوزائیدہ بچے کو بھنبھوڑ ڈالا، دردناک ویڈیو

    بھارت میں سرکاری اسپتال انتظامیہ کی بد انتظامی کے باعث اسپتال میں موجود آوارہ کتوں نے 4 دن کے نوزائیدہ بچے کو بھنبھوڑ کر مار ڈالا۔

    بین الاقوامی خبر رساں ادارے کی رپورٹ کے مطابق بھارت میں تلنگانہ کے ایک مشہور سرکاری اسپتال میں آوارہ کتوں نے ایک نوزائیدہ کو بچہ کھالیا۔

    پولیس ذرائع کا اس حوالے سے کہنا ہے کہ یہ افسوسناک واقعہ ورنگل کے مشہور ایم جی ایم اسپتال میں گزشتہ روز پیش آیا، جب اسپتال کے احاطے میں چار دن کے نوزائیدہ بچے کو آوارہ کتوں نے بھنبوڑ ڈالا۔

    اسپتال میں موجود تعینات پولیس عملے نے اسپتال کے ویران مقام پر آوارہ کتوں کو نومولود کو کھاتے ہوئے پایا اور ان کو بھگا دیا۔

    رپورٹس کے مطابق ابھی تک اس بات کا علم نہیں ہوسکا ہے کہ نوزائیدہ زندہ تھا یا مردہ اور اس مقام پر کیسے آیا۔ کتے چونکہ جسم کے نچلے حصے کو کھا گئے تھے اس لیے یہ پہچاننا مشکل ہو گیا ہے کہ نوزائیدہ لڑکا تھا یالڑکی۔ پولیس نے مسخ شدہ نعش کو پوسٹ مارٹم کے لئے اسپتال کے مردہ خانے میں رکھ دیا ہے۔

    کتے کے کاٹنے کے بعد لڑکی چہرہ تبدیل ہونے لگا

    پولیس کا کہنا ہے سی سی ٹی وی فوٹیج کی مدد سے تفتیش کا آغاز کردیا گیا اور اس بات کی تحقیقات کی جارہی ہیں کہ آیا کسی نے نوزائیدہ کو ہاسپٹل میں چھوڑ دیا تھا یا کتوں نے ہاسپٹل سے نوزائیدہ کو اٹھایا تھا۔

  • کتے کے کاٹنے کے بعد لڑکی چہرہ تبدیل ہونے لگا

    کتے کے کاٹنے کے بعد لڑکی چہرہ تبدیل ہونے لگا

    پالتو کتے کے خوفناک حملے کے نتیجے میں نوجوان لڑکی کا چہرہ بگڑنے لگا اور اس کی ناک پر بال اگنا شروع ہوگئے جسے دیکھنے پر لگتا ہے کہ اس کی ناک کتے کی ناک سے مشابہ ہے۔

    ٹرینیٹی رولز نامی لڑکی کی زندگی اس وقت ڈرامائی طور پر بدل گئی جب اس پر اس کے والد کے پالتو کتے آئرش نے حملہ کیا، جس کے بعد اس کی مشکلات بڑھتی چلی گئیں۔

    رپورٹ کے مطابق کتے کے حملہ کا یہ واقعہ اتنا عجیب و غریب تھا کہ اس نے سب کو خوفزدہ اور حیران کر دیا، پالتو کتا آئرش ہمیشہ سے ایک نرم مزاج اور بڑے ٹیڈی بیئر کی طرح خوبصورت تھا۔

    Dog attack

    ٹرینیٹی اکثر اپنے والی غیر موجودگی میں اس کی دیکھ بھال کیا کرتی تھی لیکن گزشتہ برس اس دن جب اس کی اپنے والد سے کسی بات پر تلخ کلامی ہوئی تو ہوسکتا ہے کہ اس کشیدگی نے آئرش کو مشتعل کر دیا ہو۔

    ٹرینیٹی کا کہنا ہے کہ میں اٹھ کر جانے لگی تو آئرش نے اچانک حملہ کرکے میری ناک پر بہت زور سے کاٹا، میں نے اسے پکڑ کر دور پھینکنے کی کوشش کی لیکن اس کی گرفت بہت مضبوط تھی تاہم اس نے جلد ہی اسے چھوڑ دیا۔

    Girl

    کتے کے حملہ کے بعد 18سالہ ٹرینیٹی رولز کی ناک کے علاوہ چہرے، کانوں اور بازو پر بھی چوٹیں آئیں اسے اسپتال لے جایا گیا، اس کی حالت انتہائی نازک تھی اور حملے کی شدت کی وجہ سے وہ موت کے دہانے پر تھی، ڈاکٹروں نے اس کی شدید زخمی ناک کو دوبارہ بنانے کے لیے متعدد سرجریاں کیں۔

    nose

    ڈاکٹروں نے اس کی پیشانی کے اوپر والے حصے سے کھال نکال کر اس کی ناک پر ٹرانسپلانٹ کیا، اس عمل سے اس کے چہرے کی حالت تو بحال ہوگئی لیکن چند ہی دنوں میں اس کی پریشانی مزید بڑھ گئی۔

    کتے کے حملہ کے نتیجے میں ناک پر کھال ٹرانسپلانٹ ہونے کے بعد اس حصے پر بال اگنا شروع ہوگئے جس نے ٹرینیٹی کے اعتماد کو ہلا کر رکھ دیا۔

    Image

    رپورٹس کے مطابق رولز نے ٹک ٹاک پر ایک ویڈیو پوسٹ کی جس میں اس نے صارفین کو اپنا چہرہ دکھایا اور بتایا کہ اس کی ناک پر بال کیسے بڑھ رہے ہیں جس پر صارفین بالوں کی نشوونما دیکھ کر حیران رہ گئے اور مشورہ دیا کہ اس کو لیزر سے بالوں کو ہٹانے پر غور کرنا چاہیے۔

    اب تک ٹرینیٹی کی چار سرجریز ہوچکی ہیں جبکہ ڈاکٹرز نے چھ سرجریز کا کہا ہے تاہم اس کی ناک پہلے سے کافی بہتر ہوچکی ہے۔

  • کتے کے حملے میں 12 سالہ بچی جاں بحق

    کتے کے حملے میں 12 سالہ بچی جاں بحق

    صادق آباد: صادق آباد میں کتے کے کاٹنے کا افسوسناک واقعہ پیش آیا، جس کے نتیجے میں 12سالہ بچی زندگی کی بازی ہار گئی۔

    اے آر وائی نیوز کے مطابق سگ گذیدگی کا واقعہ صادق آباد کی نواحی بستی واحد بخش المانی میں پیش آیا جہاں 12 سالہ بچی کھیلنے کیلئے گھر سے باہر نکلی تو ہمسایے کے پالتو کتے نے حملہ کر دیا۔

    کتے کے حملے میں معصوم بچی شدید زخمی ہوگئی، جسے فوری طور پر اسپتال منتقل کیا گیا، مگر وہ دوران علاج دم توڑ گئی۔

    بنوں: پولیس چوکی پر رات گئے دہشتگردوں کا حملہ

    واقعے کے بعد پولیس موقع پر پہنچ گئی اور لواحقین کی درخواست پر مقدمہ درج کر کے کارروائی کا آغاز کردیا گیا۔

  • آوارہ کتوں کا گھر کے سامنے معصوم بچی پر حملہ، دردناک مناظر

    آوارہ کتوں کا گھر کے سامنے معصوم بچی پر حملہ، دردناک مناظر

    بھارت میں آوارہ کتوں نے رہائشی سوسائٹی میں ایک معصوم بچی پر حملہ کرکے اسے شدید زخمی کردیا، جس کی ویڈیو بھی سوشل میڈیا پر گردش کررہی ہے۔

    غیر ملکی ذرائع ابلاغ کے مطابق بھارت کی ہاؤسنگ سوسائٹی کی گلی میں گھومنے والے آوارہ کتوں نے ایک چار سالہ بچی پر حملہ کر دیا جس کے باعث اسے شدید زخم آئے۔

    واقعے کی سی سی ٹی وی فوٹیج میں دیکھا جا سکتا ہے کہ بچی اپنے گھر کے سامنے کھڑی ہے اسی دوران اس پر آوارہ کتوں کی جانب سے حملہ کر دیا گیا۔ حملے کے دوران کتے بچی کو نوچتے رہے جس کے باعث بچی کا خون تیزی سے بہنے لگا۔

    بچی کے چلانے کی آواز پر اس کی والدہ اس کی مدد کو پہنچی اور سخت جدوجہد کے بعد کتوں سے بچی کی جان چھڑائی، بچی کو قریبی اسپتال منتقل کیا گیا، ڈاکٹروں کا کہنا بچی کو شدید زخم آئے ہیں۔

    آوارہ کتوں کے کاٹنے کے واقعات انڈیا میں معمول بن چکے ہیں، اس سے قبل بھی ریاست اتر پردیش کے شہر سہارن پور میں ایک سات سالہ لڑکا آوارہ کتوں کے کاٹنے کے باعث چل بسا تھا۔

    راجیو گاندھی قتل کے 3 ملزمان اپنے وطن سری لنکا لوٹ گئے

    پولیس سپریٹنڈنٹ سورج راج نے بتایا تھا کہ کنہا نامی ایک لڑکا اپنے گھر کے باغیچے میں کھیل رہا تھا جس دوران آوارہ کتوں نے اس پر حملہ کر دیا۔جس کے نتیجے میں اس کی موت واقع ہوگئی۔

  • آوارہ کتے کا معصوم بچے پر حملہ، ویڈیو وائرل

    آوارہ کتے کا معصوم بچے پر حملہ، ویڈیو وائرل

    بھارتی حیدرآباد کے علاقہ پیر زادی گوڑہ میں آوارہ کتے نے حملہ کرکے ایک بچے کو شدید زخمی کردیا، جس کی ویڈیو سوشل میڈیا پر وائرل ہوگئی۔

    غیر ملکی ذرائع ابلاغ کے مطابق سامنے آنے والی ویڈیو میں دیکھا جاسکتا ہے کہ کتا معصوم بچے پر حملہ کررہا ہے، جسے بعد میں اسپتال منتقل کردیا گیا ہے۔

    واضح رہے کہ گزشتہ چند دنوں کے دوران شہر میں بچوں پر آوارہ کتوں کے حملوں کے واقعات بڑھ گئے ہیں، جس کے باعث شہری خوف میں مبتلا ہیں۔

    گزشتہ روز بھارتی حیدرآباد کے حیات آباد بس ڈپو سے تعلق رکھنے والے دو کنڈیکٹروں پر ایک خاتون مسافر نے حملہ کردیا تھا، جس کے باعث ایک کنڈیکٹر زخمی ہوگیا تھا، جس کی ویڈیو بھی سوشل میڈیا پر وائرل ہوگئی تھی۔

    تلنگانہ آر ٹی سی کے ایم ڈی وی سی سجنار کا کہنا تھا کہ ٹی ایس آر ٹی سی انتظامیہ ایک خاتون مسافر کی جانب سے کنڈیکٹروں کے ساتھ کی گئی بد سلوکی شدید مذمت کرتی ہے۔

    آر ٹی سی عہدیداروں کی جانب سے اس واقعہ کی ایل بی نگر پولیس اسٹیشن میں شکایت درج کرائی گئی۔ جبکہ پولیس کی جانب سے معاملے کی تفتیش کا آغاز کردیا گیا ہے۔

    رپورٹ کے مطابق خاتون مسافر نے کنڈیکٹر کو ٹکٹ لینے کے لئے بڑا نوٹ دیا، جس پر کنڈیکٹر نے خاتون سے درخواست کی کہ یہ اس کا پہلا ٹرپ ہے اور اس کے پاس کھلے پیسے نہیں ہیں، جس پر خاتون غصے میں آگئی اور کنڈیکٹر پر تشدد شروع کردیا۔

  • لاہور : رئیس زادے کا غریب لڑکے سے انسانیت سوز سلوک، حقیقت سامنے آگئی

    لاہور : رئیس زادے کا غریب لڑکے سے انسانیت سوز سلوک، حقیقت سامنے آگئی

    لاہور : اقبال ٹاؤن مون مارکیٹ میں رئیس زادے کے کتوں نے غریب معصوم بچے کو بھنبھوڑ ڈالا، دونوں کتے عمران نامی شہری کے ہیں جسے پولیس نے گرفتار کر کے مقدمہ درج کرلیا۔

    تفصیلات کے مطابق لاہور کے علاقے اقبال ٹاؤن کے پارک میں پلاسٹک فٹبال بیچنے والے محنت کش بچے پر وہاں موجود دو پالتو کتوں نے حملہ کر دیا جس سے بچہ شدید زخمی ہو گیا، مذکورہ کتے علاقے کے ایک رئیس زادے عمران کے ہیں۔

    پارک میں موجود شہریوں نے فوری طور پر بچے کو اسپتال منتقل کیا، شہریوں نے کتوں کے مالک کو پکڑنے کی کوشش کی تاہم وہ وہاں سے فرار ہونے میں کامیاب ہوگیا تاہم بعد ازاں پولیس نے ملزم عمران کو گرفتار کرکے مقدمہ درج کرلیا۔

    اس حوالے سے علاقہ مکینوں کا کہنا ہے پارکس بند ہونے کے باوجود کتوں کا مالک انہیں پٹے یا زنجیر کے بغیر لاتا ہے اور کھلا چھوڑ دیتا ہے۔

    لاہور سے اے آر وائی نیوز کے نمائندے بابر خان نے بتایا کہ زخمی بچے کے والد نے پولیس کے دباؤ میں آکر ملزم عمران کو معاف کردیا، پولیس افسران نے واقعے کا مقدمہ اپنی مدعیت میں درج کیا ہے۔

    رپورٹر کے مطابق مقدمے میں پولیس نے  معمولی نوعیت کی دفعات شامل کی ہیں جس سے ملزم کا ضمانت پر رہا ہوجانا آسان سی بات ہے۔

    اس کے علاوہ پولیس نے ملزم عمران کو گرفتار کرکے حوالات میں فوٹو سیشن کروایا اور مبینہ طور پر بھاری رشوت کے عوض رات کو سونے  کیلئے گھر روانہ کردیا تاکہ صبح عدالت سے ضمانت دلوائی جاسکے۔

  • رحیم یارخان میں وحشی کتوں نے 3 معصوم بچوں کی جان لے لی

    رحیم یارخان میں وحشی کتوں نے 3 معصوم بچوں کی جان لے لی

    رحیم یارخان: آوارہ کتوں نے تین معصوم بچوں کی جان لے لی، ماں اپنے جگرکے ٹکڑوں کو بچانے کی کوشش میں شدید زخمی ہوگئی۔

    تفصیلات کے مطابق ضلع رحیم یارخان کے علاقے فیروزہ کے چک نمبر80 میں ایک مقامی زمینداراپنے بیوی بچوں کے ہمراہ کھیتوں کو پانی لگانے آیا تھا جہاں کتوں نے اس کے بیوی بچوں نرغے میں لے لیا۔

    حملہ آورکتوں کا غول 6 سے 8 کتوں پرمشتمل تھا جس نے محمد نامی زمیندار کے تین بچوں کو گھیرے میں لے کر بھنبھوڑنا شروع کردیا۔

    بچوں کی ماں نے وحشی کتوں کو بھگانے کی کوشش کی لیکن وہ بھی کامیاب نہ ہوسکی اور کتوں نے اس کے جگر گوشوں کو اس کی آنکھوں کے سامنے نوچ ڈالا۔

    تینوں بچے زخموں کی تاب نہ لاتے ہوئے موقع پرہی جاں بحق ہوگئے جبکہ ان کی ماں کوشدید زخمی حالت میں نزدیکی اسپتال منتقل کیا گیا۔

    جاں بحق ہونے والے بچوں کے نام عبیداللہ، عبداللہ اور بلال ہیں اوران کی عمریں بالترتیب 2، 4 اور آٹھ سال بتائی گئی ہیں۔

    اس اندوہناک سانحے نے چک کے سارے مکینوں کو شدید صدمے سے دوچارکردیا ہے اور علاقے میں سوگ کا عالم ہے۔