Tag: Doha

افغان امن معاہدہ، وزیر خارجہ کی زلمے خلیل زاد سے ملاقات

دوحا : وزیر خارجہ شاہ محمود قریشی نے امریکی نمائندہ خصوصی زلمے خلیل زاد سے ملاقات میں کہا آج کے امن معاہدے کےبعد پاکستان بین الافغان افغان مذاکرات کی امیدرکھتا ہے۔

تفصیلات کے مطابق دوحہ میں افغان امن معاہدے کے موقع پر وزیر خارجہ شاہ محمود قریشی کی افغان مفاہمتی عمل کے لیے امریکی نمائندہ خصوصی زلمے خلیل زاد سے ملاقات ہوئی۔

ملاقات میں زلمے خلیل زاد نے امریکہ اور طالبان کے درمیان امن معاہدے کی تازہ ترین صورتحال سے وزیر خارجہ کو آ گاہ کیا، وزیر خارجہ نے کہا آج کے امن معاہدے کے بعد پاکستان انٹرا افغان مذاکرات کی امید رکھتا ہے۔

شاہ محمود قریشی کا کہنا تھا کہ افغانستان کوتعمیرنواوربحالی کے لیےعالمی برادری کی مدد کی ضرورت ہو گی، افغانستان میں دائمی امن و استحکام کے لیے پاکستان آپنی کوششیں جاری رکھے گا۔

مزید پڑھیں : امریکہ اور طالبان کےد رمیان امن معاہدے پر دستخط آج ہوں گے

خیال رہے امریکااورافغان طالبان کےدرمیان معاہدےپردستخط آج قطرمیں ہوں گے ، افغان امن معاہدہ پر دستخط کی تقریب کی تیاریاں مکمل کرلی گئیں ہیں۔

طالبان کی جانب سے امن کونسل کے سربراہ ملا عبدالغنی برادر دستخط کریں گے جبکہ دستخط کےموقع پرامریکی سیکریٹری خارجہ مائیک پومپیو موجودہوں گے، معاہدے کی تقریب میں 50 ممالک کے وزیرخارجہ شرکت کریں گے ، پاکستان سےوزیر خارجہ شاہ محمود قریشی نمائندگی کررہےہیں۔

امریکا، طالبان امن معاہدے کے بعد مشترکہ اعلامیہ جاری کیاجائےگا اور تقریب کےبعدمعاہدےکی تفصیلات سے آگاہ کیا جائے گا۔

فروری 29, 2020
دوحہ : امریکہ افغان طالبان مذاکراتی عمل 3 ماہ بعد قطر میں دوبارہ شروع

دوحہ : افغان طالبان اور امریکی ٹیم کے درمیان معطل ہونے والے امن مذاکرات کا دوبارہ آغاز ہوگیا ہے، فریقین نے قطر میں بیٹھ کر اس بات پر زور دیا کہ مذاکرات کو وہی سے شروع کیا جائے جہاں اس کو معطل کیا گیا تھا۔

تفصیلات کے مطابق امریکی صدر ڈونلڈ ٹرمپ کی جانب سے افغان مذاکرات کو معطل کرنے کے اعلان کے 3 ماہ بعد قطر میں مذاکراتی عمل کا دوبارہ آغاز ہوگیا ہے۔

اس حوالے سے ترجمان افغان طالبان ذبیح اللہ مجاہد کا کہنا ہے کہ مذاکرات وہیں سے شروع ہوئے جہاں پر رکے تھے، افغان طالبان وفد کی سربراہی ملا برادر اخوند نے کی۔

سماجی رابطے کی ویب سائٹ ٹوئٹر پر اپنے پیغام میں طالبان ترجمان ذبیح اللہ مجاہد نے بتایا کہ مذاکرات میں گزشتہ دستخط شدہ معاہدوں اور عنوانات پر دوبارہ گفتگو ہوئی، مذاکرات کل بھی دوبارہ جاری رہیں گے،۔

بین الاقوامی خبر رساں ادارے کے مطابق مذاکرات کے دوران امریکا کے خصوصی مندوب زلمے خلیل زاد اور طالبان مذاکراتی ٹیم کے ارکان نے مذاکرات کو اسی موڑ سے شروع کرنے پر زور دیا جہاں مذاکرات کو معطل کردیا گیا تھا۔

امریکا نے اپنے بیان میں کہا ہے کہ مذاکرات میں ابتدائی طور پر تشدد میں کمی اور مستقل جنگ بندی کے لیے طالبان کو قائل کرنے پر توجہ دی جائے گی۔

واضح رہے کہ زلمے خلیل زاد نے طالبان اور افغان حکومت کے درمیان براہ راست مذاکرات کی کوشش بھی کی تھی اور ایک دور منعقدہ ہوا تھا جس کے بعد طالبان نے اشرف غنی کی حکومت کو امریکی کٹھ پتلی قرار دیتے ہوئے مذاکرات نہ کرنے کا اعلان کیا تھا۔

دسمبر 7, 2019
بچے کی پیدائش کے بعد عالمی چیمپیئن بننا باعث فخر ہے: شیلی این فریزر

دوحہ: قطر کے دارالحکومت میں ہونے والے عالمی ایتھلیٹکس مقابلے میں شیلی این فریزرنے دنیا کی تیز ترین خاتون کا اعزاز اپنے نام کر لیا، یہ ان کا آٹھواں عالمی اعزاز ہے.

تفصیلات کے مطابق جمیکا سے تعلق رکھنے والی شیلی این فریزر سو میٹر کی دوڑ میں فاتح قرار پائیں. 32 سالہ ایتھیلیٹ نے یہ فاصلہ 10.71 سیکنڈ میں طے کیا.

سخت گرمی اور مشکل حالات میں عالمی اعزاز حاصل کرنے والی شیلی این فریزر کی جیت کے بعد جذباتی مناظر دیکھنے میں آئے، انھوں نے اپنے بیٹے کو گود میں اٹھا کر ٹریک کا چکر لگایا.

شیلی فریزر نے کہا کہ بیٹے کی پیدائش کے بعد یہاں بہ طور عالمی چیمپیئن کھڑا ہونا اعزاز کی بات ہے.

انھوں نے مزید کہا کہ بیٹے کی پیدائش کے بعد ٹریک پر واپسی اور خواتین کے لیے مثال بننے کی خواہش تھی، جو آج پوری ہوئی، اس سے ان خواتین کو تحریک ملے گی، جو اپنی فیملی شروع کرنا چاہتی ہیں.

برطانیہ کی ڈینا ایشر سمتھ اس دوڑ میں دوسرے مقام پر رہیں، تیسری پوزیشن آئیوری کوسٹ کی میری جوزے تالو نے حاصل کی۔

ستمبر 30, 2019
وزیراعظم عمران خان کی قطری ہم منصب سےملاقات کااعلامیہ جاری

اسلام آباد : وزیراعظم عمران خان نے قطری ہم منصب سے ملاقات میں پاکستانی معیشت کی بحالی کے لئے قطر کی معاونت پر اظہار تشکر کیا اور تجارت، سرمایہ کاری، انرجی سمیت مختلف شعبوں میں تعاون جاری رکھنےپراتفاق ہوا۔

تفصیلات کے مطابق امریکاکےکامیاب دورےکےبعدوزیراعظم عمران خان کے دوحہ پہنچے تو قطری ہم منصب نےان کااستقبال کیا، عمران خان کی قطری وزیراعظم عبداللہ بن نصر بن خلیفہ الثانی سے اُن کی رہائش گاہ پرملاقات ہوئی، جس میں دیرینہ دوستی،باہمی تعلقات مضبوط بنانےکے لئے بات چیت کی گئی۔

عبدالرزاق داؤد، زلفی بخاری، سیکریٹری خارجہ سہیل محمود سمیت پاکستانی سفیر بھی وزیراعظم کے ہمراہ تھے۔

وزیراعظم عمران خان کی قطری ہم منصب سےملاقات کااعلامیہ جاری کردیا گیا ہے ، جس میں کہا گیا وزیراعظم کی قطری ہم منصب سے ملاقات پاکستان روانگی کے موقع پردوحہ میں ہوئی ، ملاقات میں باہمی امورپرتبادلہ خیال کیاگیا۔

ملاقات میں وزیراعظم نے پاکستانی معیشت کی بحالی کے لئے قطر کی معاونت پراظہار تشکر کیا اور تجارت، سرمایہ کاری، انرجی سمیت مختلف شعبوں میں تعاون جاری رکھنے پر اتفاق کیا گیا۔

ملاقات میں قطرکی تعمیروترقی میں پاکستانی کمیونٹی کے کردار کو بھی سراہاگیا۔

یاد رہے وزیراعظم عمران خان کادورہ امریکہ کامیاب رہا، تین روزہ دورے میں وزیراعظم عمران خان نے امریکی صدر ڈونلڈ ٹرمپ، وزیر خارجہ مائیک پومپیو، امریکی اسپیکر کانگریس کے علاوہ اعلی حکام اور پاکستانی نژاد تاجروں سے بھی ملاقات کی اور پاکستان کا مثبت امیج اجاگر کیا۔

وزیراعظم نے دنیا کے سامنے پاکستان کا موقف رکھا جس کو سب نے سراہا، امریکی صدر نے مسئلہ کشمیر پرپاکستان کےموقف کوتسلیم کیا اور ثالثی کی پیشکش کی جبکہ افغان مسئلہ کو پرامن اور سیاسی طریقے سے حل کرنے کے وزیراعظم کے موقف کی عالمی سطح پرتائید کی گئی ۔

پہلی بار پاکستان کی سول اور عسکری قیادت ایک پیج پرہونے سے پاکستان کے موقف کو سراہا گیا اور عالمی سطح پر پاکستان کا مثبت پیغام گیا۔

جولائی 25, 2019
قطر: امریکا اور طالبان کے درمیان مذاکرات کے نئے دور کا آغاز

دوحہ: خلیجی ریاست قطر میں امریکا اور افغان طالبان میں‌ مذاکرات کا آغاز ہوگیا، یہ فریقین میں مذاکرات کا ساتواں دور ہے۔

تفصیلات کے قطر کے دارالحکومت دوحہ میں امریکا اور افغان طالبان نے امن مذاکرات کے لیے سر جوڑ لیے ہیں.

مذاکرات میں امریکا کی قیادت خصوصی مندوب برائے افغانستان زلمے خلیل زاد، جب کہ افغان طالبان کے وفد کی قیادت ملا عبدالغنی کے سپرد ہے۔

طالبان کے ترجمان ذبیح اللہ مجاہد کی جانب سے ایک ٹویٹ کے ذریعے طالبان اور امریکا کے درمیان مذاکرات کی تصدیق کی گئی ہے.

خیال رہے کہ امریکی وزیر خارجہ نے گزشتہ دونوں کابل کا غیر اعلانیہ دورہ کیا تھا، اس موقع پر انھوں نے پہلی ستمبر تک امن ڈیل کی امید ظاہر کی تھی۔

امریکی وزیرخارجہ مائیک پومپیو نے کہا تھا ہم غیرملکی فوج نکالنے کو تیار ہیں، امید ہے طالبان سے یکم ستمبر تک افغان امن سمجھوتا طے ہوجائے گا۔

فریقین میں‌ مذاکرات ایسے وقت میں شروع ہوئے ہیں، جب کابل میں ایک بڑا حملہ ہوا ہے۔

حملے میں کابل حکومت کی حامی ملیشیا کے 26 ارکان ہلاک ہوئے. حملے کی ذمے داری افغان طالبان نے قبول کی ہے.

جون 29, 2019
خطے کے مسائل گفتگو سے حل کرنے اور جنگ سے گریز کی ضرورت ہے، امیر قطر

تہران : ایرانی صدر حسن روحانی کا کہنا ہے کہ قطر اور دوست ممالک کے ساتھ تعلقات کو وسعت دینا ایران کی خارجہ پالیسی کی اولین ترجیح ہے۔

تفصیلات کے مطابق خلیج عُمان میں دو تیل بردار جہازوں پر حملوں میں ایران کے ملوث ہونے اور امریکا کی طرف سے اس کے دستاویزی ثبوت فراہم کیے جانے کے بعد ایک طرف تہران کے تخریبی کردار کی شدید مذمت جاری ہے اور دوسری طرف قطر نے تہران کے ساتھ تعاون کو مزید وسیع کرنے پر زور دیا ہے۔

عرب ٹی وی کا کہنا تھا کہ امیر قطر الشیخ تمیم بن حمد آل ثانی نے تاجکستان کے دارالحکومت دو شنبہ میں ایشیائی تعاون تنظیم ’سیکا‘ کے اجلاس کے موقع پر ایرانی صدر حسن روحانی سے ملاقات کی۔

قطری امیر نے ایرانی صدر کو یقین دلایا کہ ان کا ملک ایران کے ساتھ تعاون کو مزید وسعت دینے کے لیے ہر ممکن اقدامات کرے گا۔

ایرانی ایوان صدر کی ویب سائیٹ پر جاری ایک خبر میں کہا گیا ہے کہ صدر حسن روحانی اور امیر قطر کے درمیان دو طرفہ تعلقات پر بات چیت کے ساتھ اہم امور پر مشاورت بھی کی گئی۔ دونوں رہنماﺅں نے علاقائی مسائل کے حل کے لیے ایک دوسرے کے ساتھ تعاون جاری رکھنے کی ضرورت پر زور دیا۔

رپورٹ کے مطابق ایرانی صدر نے کہا کہ وہ تمام پڑوسی ملکوں بالخصوص قطر کے ساتھ دوستانہ تعلقات کو مزید فروغ دیں گے۔ قطر اور دوست ممالک کے ساتھ تعلقات کو وسعت دینا ایران کی خارجہ پالیسی کی اولین ترجیح ہے۔

ایرانی صدر نے قطر کے ساتھ تعلقات کو برادرانہ قرار دیا اور کہا کہ دونوں ملکوں کے مفادات مشترک ہیں اور دونوں ملکوں کو ایک دوسرے کی معیشت کو مضبوط بنانے کے لیے وسائل موجود ہیں۔ ہمیں ان وسائل اور طاقت کو دونوں قوموں کے مفادات کے لیے استعمال کرنا چاہیے۔

اس موقع پر امیر قطر الشیخ تمیم بن حمد آل ثانی نے خطے کے تمام مسائل کوبات چیت کے ذریعے حل کرنے اور جنگ سے حتی الامکان گریز کرنے کی ضرورت پر زور دیا۔

انہوں نے کہا کہ دوحہ تہران کےساتھ ہر سطح پر تعلقات کو مزید وسعت دینے کے لیے تیار ہے۔

جون 16, 2019
یہ کانفرنس ہے شادی کی تقریب یا دعوت نہیں، طالبان کی افغان حکومت پرتنقید

کابل : طالبان نے افغان حکومت کے وفد کے ارکان کی تعداد پر تنقید کرتے ہوئے کہا یہ کانفرنس ہے شادی کی تقریب یا دعوت نہیں، افغان حکومت اور طالبان میں مذاکرات قطر میں ہوں گے۔

افغان میڈیا کے مطابق طالبان ترجمان ذبیح اللہ مجاہد نے مذاکرات کیلئے افغان وفد پرتنقید کرتے ہوئے کہا کہ یہ کانفرنس ہے شادی کی تقریب یا دعوت نہیں۔

یاد رہے طالبان سے ملاقات کےلئے افغان حکام نے 250 رکنی وفد کی فہرست جاری کر دی کی تھی ، جس میں افغان صدر اشرف غنی، چیف آف اسٹاف عبدالسلام رحیمی اور انتخابات میں ہارنے والے رہنما امراللہ صالح سمیت افغان انٹیلی جنس کے سابق سربراہ سمیت 52خواتین بھی شامل تھیں۔

مزید پڑھیں : افغان حکام طالبان سے مذاکرات کے لیے تیار، 250 افراد پر مشتمل وفد کا اعلان

اس سے قبل 2015 میں طالبان کی افغان حکومت سے ملاقات خفیہ طور پر پاکستان میں ہوئی تھی، جو افغان طالبان کے رہنما ملا عمر کی ہلاکت کی خبر کے ساتھ فوری ختم ہوگئی تھی۔

خیال رہے 18 سالہ امریکی مداخلت کے بعد واشنگٹن کے طویل عرصے سے زور دینے پر قطر میں ہونے والی 3 روزہ مذاکرات کا آغاز جمعے سے ہوگا۔

رپورٹ کے مطابق طالبان کی جانب سے دوحہ میں مذاکرات کی سربراہی کرنے والے افراد کی حتمی فہرست کا تاحال اعلان نہیں کیا گیا ۔

طالبان نے رواں سال فروری کے مہینے میں ماسکو میں ہونے والے مذاکرات میں افغان نمائندوں سے ملاقات کی تھی تاہم اس میں اشرف غنی حکومت کا کوئی بھی فرد شامل نہیں تھا، سابق صدر حامد کرزئی کے ترجمان جو ماسکو مذاکرات میں موجود تھے۔

رواں ماہ اقوام متحدہ کا کہنا تھا کہ انہوں نے طالبان کے وفد کے 11 افراد پر سے سفری پابندی ختم کردی ہے تاکہ وہ مذاکرات کا حصہ بن سکیں۔

واضح رہے افغان حکام اور طالبان کے درمیان جاری مذاکرات کے باوجود طالبان نے افغانستان میں دہشت گرد حملے جاری رکھنے کا اعلان کیا تھا۔

اپریل 17, 2019
دوحہ:پاک قطرتجارت وسرمایہ کاری کانفرنس، دوطرفہ تجارتی فروغ پر زور

دوحہ: قطر کے دارلحکومت میں پاک قطر تجارت وسرماریہ کاری کانفرنس کا انعقاد کیا گیا جس میں دوطرفہ تجارتی سرگرمیوں کے فروغ پر تبادلہ خیال کیا گیا۔

تفصیلات کے مطابق کانفرنس کا انعقاد سرمایہ کاری بورڈ، پاکستانی سفارت خانے اور قطر فنانس سینٹر نے کیا، پاکستانی وفد کی قیادت مشیرتجارت رزاق داؤد نے کیا۔

چیئرمین سرمایہ کاری بورڈ ہارون شریف بھی کانفرنس میں موجود رہے، پاکستان وقطر کے سرمایہ کار کاروباری افراد نے کانفرنس میں شرکت کی۔

اس موقع پر قطری وزیربرائے صنعت وتجارت علی بن احمد نے پاکستانی وفد کو خوش آمدید کہا، دنوں ممالکے کے معاشی ماہرین نے دونوں ملکوں کے درمیان تجارتی معاملات کی بہتری اور مضبوطی پر گفتگو کی۔

تجارتی سرگرمیوں سمیت دوطرفہ دوستانہ تعلقات پر تبادلہ خیال ہوا۔

وزیراعظم عمران خان کی امیرقطر شیخ تمیم بن حمد الثانی سے ون آن ون ملاقات

خیال رہے کہ رواں سال جنوری میں وزیراعظم عمران خان نے امیر قطر امیر شیخ تمیم بن حمد الثانی سے ون آن ون ملاقات کی تھی، جس میں دونوں ممالک کے درمیان معاشی اور تجارتی معاملات پر گفتگو ہوئی تھی۔

ذرائع کا کہنا تھا کہ پاکستان قطر سے چار ارب ڈالر ادھار ایل این جی دینے اور ایل این جی کی قیمت کے تعین پر نظرثانی کرنے کی تجویز پیش کرسکتا ہے۔

مارچ 11, 2019
افغان طالبان اور امریکہ کے درمیان طویل عرصے بعد جنگ بندی کا معاہدہ طے پا گیا

دوحہ : طالبان اور امریکا کے درمیان دوحہ میں ہونے والے مذاکرات میں17سال سے جاری افغان جنگ کے خاتمے پر معاہدہ ہوگیا ہے، فریقین افغانستان سے غیر ملکی افواج کے پرامن انخلاء پر متفق ہوگئے۔

تفصیلات کے مطابق دوحہ میں امریکا اور افغان طالبان کے درمیان ہونے والے مذاکرات ختم ہوگئے، مذکرات میں اس بات پر اتفاق کیا گیا ہے کہ افغانستان سے غیرملکی افواج18ماہ کے اندر واپس چلے جائیں گی۔

جنگ بندی کے حوالے سے آئندہ چند روز ميں شيڈول طے کرليا جائے گا، غیر ملکی خبر رساں ایجنسی کے مطابق جنگ بندی کے بعد طالبان افغان حکومت سے براہ راست بات کریں گے۔

مذاکرات کے بعد امریکی نمائندہ خصوصی برائے افغان مصالحتی عمل زلمے خلیل زاد قطر سے افغانستان کیلئے روانہ ہوگئے ہیں، زلمے خلیل افغان صدر اشرف غنی کو طالبان سے مذاکرات کی تفصیلات سے آگاہ کریں گے۔

واضح رہے کہ امریکی حکام اور افغان طالبان کے درمیان گزشتہ ایک ہفتے سے قطر میں مذاکرات کا سلسلہ جاری تھا جس میں افغانستان سے غیر ملکی افواج کے انخلاء اور جنگ بندی پر غور کیا جارہا تھا۔

مزید پڑھیں: افغانستان سے اچانک انخلاء یا حکمت عملی میں تبدیلی نقصان دہ ہوگی، امریکہ کا اعتراف

یاد رہے کہ چند روز قبل طالبان نے امریکا کے ساتھ ہونے والے یہ مذاکرات ملتوی کردیے تھے ، جس کے بعد امریکی نمائندہ خصوصی زلمے خلیل زاد نے پہلے افغانستان اور پھر پاکستان کا دورہ کیا تھا۔

افغانستان میں انتہائی مصروف شیڈول گزارنے کے بعد انہوں نے پاکستان کی اعلیٰ ترین سول اور عسکری قیادت سے ملاقاتیں کی تھیں ۔ ان کے دورے کے بعد دفترِ خارجہ کی جانب سے اعلامیہ جاری کیا گیا تھا کہ پاکستان خطے میں دیرپا امن کا خواہش مند ہے اور امید ہے کہ مذاکرات کا عمل جلد بحال ہو۔

جنوری 26, 2019
اوورسیز پاکستانیوں نے ثابت کردیا کہ وہ عمران خان کے ساتھ ہیں، شاہ محمود قریشی

دوحہ : وزیر خارجہ شاہ محمود قریشی نے کہا ہے کہ دوحہ میں مقیم پاکستانیوں نے ثابت کردیا کہ وہ وزیراعظم کے ساتھ ہیں، عمران خان کے آنے سے گرین پاسپورٹ کا وقار بحال ہورہا ہے، قطر پاکستان میں سرمایہ کاری کرے گا۔

ان خیالات کا اظہار انہوں نے دوحہ میں مقیم پاکستانی کمیونٹی سے خطاب اور بعد ازاں میڈیا سے گفتگو کرتے ہوئے کیا، انہوں نے کہا کہ وزیر اعظم عمران خان کو مشکل حالات میں پاکستان ملا ہے، ہم سب مل کر نیا پاکستان بنائیں گے۔

عمران خان کے آنے سے گرین پاسپورٹ کا وقار بحال ہورہا ہے، ماضی میں وزیراعظم بند کمرے میں پاکستانی کمیونٹی سے خطاب کیا کرتے تھے۔

علاوہ ازیں وزیرخارجہ شاہ محمود قریشی نے قطرمیں اے آروائی نیوز سےخصوصی گفتگو کرتے ہوئے کہا کہ قطر پاکستان سے دوگیس پاور پلانٹ خریدے گا۔

اس کے علاوہ قطر کی جانب سے پاکستان میں دو پاور پلانٹ بھی لگائے جائیں گے اور قطر پی آئی اے کی بحالی میں اپنا بھرپور کردار ادا کرے گا۔

مزید پڑھیں: وزیرِ اعظم قطر حکام سے مزید پاکستانی افرادی قوت بھجوانے پر بات کریں گے: وزیرِ خارجہ

شاہ محمود قریشی کا مزید کہنا تھا کہ قطر نے پاکستان سے چاول کی خریداری پر پابندی اٹھالی ہے، قطر زرعی شعبے میں انفرا اسٹرکچرکیلئے سرمایہ کاری بھی کرے گا۔

جنوری 22, 2019