کراچی : انٹر بینک میں آج پھر روپے کی قدر میں اضافہ ہوا ہے جب کہ امریکی ڈالر کی قدر میں گزشتہ روز سے زیادہ گراوٹ آئی ہے۔
تفصیلات کے مطابق امریکی ڈالر کی قیمت میں کمی کا سلسلہ سست رفتاری سے جاری ہے تاہم اچھی خبر یہ ہے کہ روپیہ کسی حد تک استحکام کی جانب گامزن ہے۔
گزشتہ روز امریکی ڈالر 283 روپے 90 پیسے کے ریٹ پر بند ہوا تھا اور آج پاکستانی روپیہ مزید تگڑا ہوکر سامنے آیا ہے۔
Interbank closing #ExchangeRate for today https://t.co/GfdFacDs8c#SBPExchangeRate pic.twitter.com/piEQ9CVyns
— SBP (@StateBank_Pak) December 12, 2023
اسٹیٹ بینک آف پاکستان کی سماجی رابطے کی ویب سائٹ ایکس پر جاری اعداد و شمار کے مطابق انٹر بینک میں ڈالر 12 پیسے سستا ہوا ہے، جس کے بعد انٹربینک میں ڈالرکی قدر 283 روپے 78 پیسے ہوگئی ہے۔
خیال رہے کہ انٹربینک میں گزشتہ روز ڈالر 283 روپے 90 پیسے پر بند ہوا تھا۔ دوسری جانب اوپن مارکیٹ میں ڈالر کا بھاؤ 284.75 روپے پر برقرار ہے۔
