ARYNews.tv | Urdu – Har Lamha Bakhabar

Tag: Dollar

  • ڈالر پھر سے اونچی اڑان بھرنے لگا

    ڈالر پھر سے اونچی اڑان بھرنے لگا

    کراچی: انٹر بینک مارکیٹ میں امریکی ڈالر کی قیمت میں ایک بار پھر اضافہ دیکھا جارہا ہے، آج ڈالر کی قیمت میں 1 روپے اضافے کے بعد ڈالر 217 روپے سے تجاوز کرگیا۔

    تفصیلات کے مطابق کاروباری ہفتے کے دوسرے روز 23 اگست 2022 منگل کو انٹر بینک مارکیٹ میں ڈالر کی قیمت میں مزید اضافہ ہوا۔

    دن کے آغاز پر انٹر بینک مارکیٹ میں ڈالر 83 پیسے مہنگا ہو کر 217 روپے 49 پیسے پر پہنچ گیا۔

    دن کے وسط تک ڈالر کی قیمت میں 1 روپے 4 پیسے اضافہ ہوا۔

    دن کے اختتام تک مجموعی طور پر ڈالر کی قیمت میں 1 روپے اضافہ ہوا اور ڈالر 216 روپے 66 پیسے سے بڑھ کر 217 روپے 66 پیسے پر بند ہوا۔

    فاریکس ڈیلرز کا کہنا ہے کہ اوپن مارکیٹ میں ڈالر 221 سے 223 روپے تک میں فروخت ہو رہا ہے۔

    خیال رہے کہ شہباز شریف حکومت کے 3 ماہ کے دوران امریکی ڈالر کی قیمت میں 54 روپے اضافے ہوا جس سے غیر ملکی قرضوں کے حجم میں ساڑھے 4 ہزار ارب روپے کا اضافہ ہوا۔

    جولائی کے مہینے میں روپے کی قدر ڈالر کے مقابلے میں 17 فیصد کم ہوئی، اگست کے آغاز پر ڈالر کی قیمت کم ہونا شروع ہوئی تاہم اب ایک بار پھر اضافے کا رجحان دکھائی دے رہا ہے۔

  • ڈالر کی قیمت میں مزید کمی

    ڈالر کی قیمت میں مزید کمی

    کراچی: انٹر بینک مارکیٹ میں امریکی ڈالر کی قیمت میں کمی جاری ہے، آج ڈالر کی قیمت مزید 3 روپے کم ہوگئی۔

    تفصیلات کے مطابق کاروباری ہفتے کے آخری روز 12 اگست 2022 جمعے کو انٹر بینک مارکیٹ میں ڈالر کی قیمت میں مزید کمی ہوئی۔

    دن کے آغاز پر انٹر بینک مارکیٹ میں ڈالر 2 روپے 93 پیسے سستا ہو کر 215 روپے پر پہنچ گیا، اوپن مارکیٹ میں ڈالر 213 سے 217 روپے میں فروخت ہوا۔

    دن کے اختتام تک مجموعی طور پر ڈالر کی قیمت میں 3 روپے 39 پیسے کمی ہوئی اور ڈالر 215 روپے 49 پیسے پر بند ہوا۔

    خیال رہے کہ شہباز شریف حکومت کے 3 ماہ کے دوران امریکی ڈالر کی قیمت میں 54 روپے اضافے ہوا جس سے غیر ملکی قرضوں کے حجم میں ساڑھے 4 ہزار ارب روپے کا اضافہ ہوگیا۔

    جولائی کے مہینے میں روپے کی قدر ڈالر کے مقابلے میں 17 فیصد کم ہوئی۔

    تاہم اب ڈالر کی قیمت کم ہونا شروع ہوگئی ہے، ماہرین کا کہنا ہے کہ 28 جولائی کے 239 روپے 94 پیسے کے مقابلے میں اب تک انٹر بینک مارکیٹ میں ڈالر کی قیمت میں مجموعی طور پر 18 روپے 3 پیسے کی کمی واقع ہوئی ہے۔

    3 اگست سے انٹر بینک مارکیٹ میں ڈالر کی قیمت میں کمی آنا شروع ہوئی اور روپے کی قدر یومیہ بنیاد پر بہتر ہوتی گئی۔

  • روپے کی قدر میں معمولی اضافہ

    روپے کی قدر میں معمولی اضافہ

    کراچی: انٹر بینک میں مسلسل 11 روز تک ڈالر کی قدر میں اضافے کے بعد روپے کی قدر میں معمولی بحالی دیکھی جارہی ہے، ڈالر کی قیمت 242 روپے سے 239 روپے پر پہنچ گئی۔

    تفصیلات کے مطابق کاروباری ہفتے کے آخری روز 29 جولائی 2022 جمعے کو انٹر بینک مارکیٹ میں ڈالر کی قیمت میں معمولی کمی ہوئی۔

    دن کے آغاز پر انٹر بینک مارکیٹ میں ڈالر 6 پیسے مہنگا ہوا اور 240 روپے پر جا پہنچا۔

    تاہم بعد ازاں ڈالر کی قیمت میں کمی ہوئی اور دن کے اختتام تک ڈالر 57 پیسے سستا ہوگیا، انٹر بینک میں ڈالر 239 روپے 94 پیسے سے کم ہو کر 239 روپے 37 پیسے پر بند ہوا۔

    دوسری جانب اوپر مارکیٹ میں ڈالر 250 روپے میں فروخت ہوتا رہا۔

    گزشتہ 11 کاروباری روز سے ڈالر کی قدر میں مسلسل اضافے کے بعد سے کل اور آج روپے کی قدر میں بحالی ہوئی ہے۔

    خیال رہے کہ شہباز شریف حکومت کے 3 ماہ کے دوران امریکی ڈالر کی قیمت میں 54 روپے اضافے ہوچکا ہے جس سے غیر ملکی قرضوں کے حجم میں ساڑھے 4 ہزار ارب روپے کا اضافہ ہوگیا ہے۔

    صرف گزشتہ ہفتے یعنی 18 سے 22 جولائی 2022 کے دوران ڈالر کی قیمت میں 17 روپے اضافہ ہوا ہے، ملکی تاریخ میں پہلی بار ایک ہفتے میں روپے کی قدر میں 8 فیصد تک کمی ہوئی۔

    دوسری جانب اسٹیٹ بینک کا کہنا ہے کہ پاکستانی روپیہ ڈالر کے مقابلے میں دسمبر 2021 سے اب تک 18 فیصد گرا ہے، دیکھا جائے تو مہنگائی ایڈجسٹ کرنے کے بعد کرنسی کی قدر صرف 3 فیصد گری ہے۔

  • روپے کی بے قدری کا ایک اور نیا دن، ڈالر کی نئی ریکارڈ قیمت

    روپے کی بے قدری کا ایک اور نیا دن، ڈالر کی نئی ریکارڈ قیمت

    کراچی: ہر گزرتے دن کے ساتھ پاکستانی روپے کی بے قدری اور ڈالر کی قیمت میں اضافہ ہورہا ہے، مارکیٹ کھلنے کے بعد سے اب تک ڈالر کی قیمت میں 3 روپے سے زائد اضافہ ہوچکا ہے۔

    تفصیلات کے مطابق کاروباری ہفتے کے تیسرے روز 27 جولائی 2022 بدھ کو انٹر بینک مارکیٹ میں ڈالر نئی بلند ترین سطح پر جا پہنچا۔

    دن کے آغاز پر انٹر بینک مارکیٹ میں ڈالر 7 پیسے مہنگا ہوا اور پھر یکایک 1 روپے 57 پیسے مہنگا ہوگیا۔

    دن کے وسط سے قبل ہی ڈالر کی قیمت میں 3 روپے 77 پیسے اضافہ ہوچکا ہے اور ڈالر 236 روپے 70 پیسے پر ٹریڈ ہورہا ہے، اوپن مارکیٹ میں ڈالر 238 سے 239 روپے تک میں فروخت ہو رہا ہے۔

    خیال رہے کہ شہباز شریف حکومت کے 3 ماہ کے دوران امریکی ڈالر کی قیمت میں 54 روپے اضافے ہوچکا ہے جس سے غیر ملکی قرضوں کے حجم میں ساڑھے 4 ہزار ارب روپے کا اضافہ ہوگیا ہے۔

    صرف گزشتہ ہفتے یعنی 18 سے 22 جولائی 2022 کے دوران ڈالر کی قیمت میں 17 روپے اضافہ ہوا ہے، ملکی تاریخ میں پہلی بار ایک ہفتے میں روپے کی قدر میں 8 فیصد تک کمی ہوئی۔

    دوسری جانب اسٹیٹ بینک کا کہنا ہے کہ پاکستانی روپیہ ڈالر کے مقابلے میں دسمبر 2021 سے اب تک 18 فیصد گرا ہے، دیکھا جائے تو مہنگائی ایڈجسٹ کرنے کے بعد کرنسی کی قدر صرف 3 فیصد گری ہے۔

  • ایک روز میں ڈالر کی قیمت میں 6 روپے اضافہ

    ایک روز میں ڈالر کی قیمت میں 6 روپے اضافہ

    کراچی: امریکی ڈالر کی قیمت میں گزشتہ روز 4 روپے اضافے کے بعد آج 6 روپے اضافہ ہوا اور ڈالر 221 روپے پر پہنچ گیا۔

    تفصیلات کے مطابق کاروباری ہفتے کے دوسرے روز 19 جولائی 2022 منگل کو انٹر بینک مارکیٹ میں ڈالر بلند ترین سطح پر پہنچ گیا۔

    دن کے آغاز پر انٹر بینک مارکیٹ میں ڈالر 30 پیسے مہنگا ہو کر 215 روپے پر پہنچ گیا۔

    اس کے بعد بتدریج ڈالر کی قیمت بڑھنا شروع ہوئی، 1 روپے 5 پیسے، 1 روپے 80 پیسے اور پھر 2 روپے 30 پیسے اضافے کے بعد دن کے وسط تک ڈالر کی قیمت میں یکمشت 5 روپے 80 پیسے اضافہ ہوگیا اور ڈالر 221 روپے پر پہنچ گیا۔

    اس دوران ڈالر کی قیمت میں 8 روپے اضافہ بھی ہوا۔

    دن کے اختتام تک ڈالر کی مجموعی قیمت 6 روپے 80 پیسے  بڑھی اور ڈالر 221 روپے 99 پیسے پر پہنچ گیا۔

    اوپن مارکیٹ میں ڈالر 225 سے 226 روپے میں فروخت ہورہا ہے، گزشتہ 3 ماہ میں ڈالر 42 روپے مہنگا ہوچکا ہے۔

    گزشتہ روز ڈالر کی قیمت میں 4 روپے 25 پیسے اضافہ ہوا تھا جس کے بعد ڈالر 215 روپے 20 پیسے پر پہنچ گیا تھا۔

    گزشتہ کاروباری ہفتے کے آخری روز جمعہ 15 جولائی 2022 کو ڈالر 210 روپے 95 پیسے پر بند ہوا تھا۔

  • امریکی ڈالر کا نیا ریکارڈ، قیمت 215 سے تجاوز کرگئی

    امریکی ڈالر کا نیا ریکارڈ، قیمت 215 سے تجاوز کرگئی

    کراچی : امریکی ڈالر پاکستان کی تاریخ میں بلند ترین سطح پر پہنچ گیا، انٹربینک میں ڈالر 4 روپے 25 مہنگا ہوکر 215 سے تجاوز کرگیا۔

    تفصیلات کے مطابق کرنسی مارکیٹ میں روپے کی بے قدری اور ڈالر کی قیمت میں تیزی سے اضافے کا سلسلہ جاری ہے، کاروباری ہفتے کے پہلے روز بھی امریکی ڈالر بلند ترین سطح پر برقرار ہے۔

    فاریکس ڈیلرز نے بتایا کہ کاروباری ہفتے کے پہلے دن انٹربینک میں ڈالر 4 روپے 25 پیسے مہنگا ہو کر215 روپے 20 پیسے پرپہنچ گیا۔

    فاریکس ڈیلرز کے مطابق اوپن مارکیٹ میں ڈالر 216 سے 217 روپےمیں فروخت ہو رہا ہے۔

    اس حوالے سے ماہرمعاشیات خرم شہزاد نے اے آر وائی نیوز سے خصوصی گفتگو کرتے ہوئے کہا کہ ڈالر بڑھنےسے انویسٹرز میں غیریقینی صورتحال ہے، معاشی استحکام سیاسی استحکام کے بعد ہی آتا ہے۔

    خرم شہزاد کا کہنا تھا کہ پنجاب میں پی ٹی آئی کےضمنی الیکشن جیتا ہے جبکہ اسوقت مرکز میں پی ڈی ایم کی حکومت ہے، سرمایہ کار اس وقت محتاط ہیں کہ موجودہ حکومت چلتی رہے گی یا نئی حکومت آئے گی۔

    ڈالر کی پھر اونچی اڑان۔۔۔انٹر بینک اور اوپن مارکیٹ میں ڈالر ملکی تاریخ کی بلند ترین سطح پر پہنچ گیا۔فاریکس ڈیلرز کے مطابق انٹر بینک میں ڈالر دو روپےگیارہ پیسے مہنگا ہو کر دوسو تیرہ روپےچھ پیسے پر ٹریڈ کر رہا ہے جبکہ اوپن مارکیٹ میں ڈالردو سوچودہ روپے سے دوسو پندرہ روپے تک میں فروخت ہو رہا ہے۔

    Remarks: انٹر بینک اور اوپن مارکیٹ میں ڈالر ملکی تاریخ کی بلند ترین سطح پر انٹر بینک میں ڈالر2 روپے11 پیسے مہنگا ،213 روپے 6 پیسے پر ٹریڈ کر رہا ہے،فاریکس ڈیلرز اوپن مارکیٹ میں ڈالر214 روپے سے215 تک میں فروخت ہو رہا ہے، فاریکس

  • عید کے بعد پہلا کاروباری دن: ڈالر کی قیمت آسمان چھونے لگی

    عید کے بعد پہلا کاروباری دن: ڈالر کی قیمت آسمان چھونے لگی

    کراچی: عید الاضحیٰ کی تعطیلات کے بعد پہلے کاروباری روز ڈالر کی قیمت بلند ترین سطح پر پہنچ گئی، ایک روز میں 2 روپے 19 پیسے اضافہ ہوا۔

    تفصیلات کے مطابق عید الاضحیٰ کی تعطیلات ختم ہوتے ہی پہلے کاروباری روز 13 جولائی 2022 بدھ کو انٹر بینک مارکیٹ میں ڈالر بلند ترین سطح پر پہنچ گیا۔

    دن کے آغاز پر انٹر بینک مارکیٹ میں ڈالر معمولی سا سستا ہوا، 46 پیسے کمی کے بعد ڈالر کی ٹریڈنگ 207 روپے پر جاری رہی۔

    اس کے بعد بتدریج ڈالر کی قیمت بڑھنا شروع ہوئی، 4 پیسے، 54 پیسے اور 84 پیسے اضافے کے بعد دن کے وسط تک ڈالر کی قیمت میں 1 روپے 50 پیسے اضافہ ہوگیا اور ڈالر 207 روپے سے 209 روپے 41 پیسے پر جا پہنچا۔

    دن کے اختتام تک ڈالر کی قیمت میں مجموعی طور پر 2 روپے 19 پیسے اضافہ ہوا جس کے بعد ڈالر 210 روپے 10 پیسے پر بند ہوا۔

    فاریکس ڈیلرز کے مطابق اوپن مارکیٹ میں ڈالر 211 سے 212 روپے میں فروخت ہو رہا ہے۔

    عید الاضحیٰ کی تعطیلات سے قبل آخری کاروباری روز یعنی 7 جولائی 2022 جمعرات کو ڈالر 207 روپے 91 پیسے پر بند ہوا تھا۔

  • ڈالر میں اضافے کے نئے ریکارڈ قائم

    ڈالر میں اضافے کے نئے ریکارڈ قائم

    کراچی: امریکی ڈالر کی قیمت میں روزانہ کی بنیاد پر ہوش ربا اضافہ جاری ہے، انٹر بینک میں ڈالر 211 روپے پر پہنچ گیا۔

    تفصیلات کے مطابق کاروباری ہفتے کے دوسرے روز 21 جون 2022 منگل کو انٹر بینک مارکیٹ میں ڈالر مزید بلند سطح پر پہنچ گیا۔

    دن کے آغاز پر انٹر بینک مارکیٹ میں ڈالر 1 روپے 54 پیسے مہنگا ہو کر 211 روپے 50 پیسے پر پہنچ گیا، دن کے وسط میں ڈالر کی قیمت میں 1 روپے 79 پیسے اضافہ ہوا جس کے بعد ڈالر 211 روپے 75 پیسے پر پہنچ گیا۔

    دن کے اختتام تک ڈالر کی قیمت میں مجموعی طور پر 1 روپے 52 پیسے اضافہ ہوا جس کے بعد ڈالر 211 روپے 48 پیسے پر بند ہوا۔

    فاریکس ڈیلرز کے مطابق اوپن مارکیٹ میں ڈالر 213 سے 215 روپے میں فروخت ہو رہا ہے۔

    خیال رہے کہ گزشتہ ہفتے انٹر بینک مارکیٹ میں ڈالر کی قیمت میں 6 روپے 40 پیسے اضافہ ہوا تھا۔

    13 سے 17 جون 2022 کے دوران ہونے والے اضافے کے بعد امریکی ڈالر 202 روپے 35 پیسے سے بڑھ کر 208 روپے 75 پیسے پر پہنچ گیا تھا۔

    گزشتہ ہفتے اوپن مارکیٹ میں ڈالر 9 روپے مہنگا ہوا اور اس کی قیمت 203 روپے سے بڑھ کر 212 روپے کی بلند ترین سطح پر پہنچ گئی تھی۔

    گزشتہ ہفتے یورو بھی 7 روپے مہنگا ہو کر 223 اور برطانوی پاؤنڈ ساڑھے 5 روپے مہنگا ہو کر 260 روپے کا ہوگیا تھا۔

  • امریکی ڈالر نے بلندیوں کا نیا ریکارڈ قائم کر دیا

    امریکی ڈالر نے بلندیوں کا نیا ریکارڈ قائم کر دیا

    کراچی : امریکی ڈالر نے نیا ریکارڈ قائم کر دیا اور تاریخ میں پہلی بار 208 روپے کی بلند ترین سطح پر پہنچ گیا۔

    تفصیلات کے مطابق شہباز حکومت ڈالر کی اونچی اڑان روکنے میں ناکام ہے ، کرنسی مارکیٹ میں روپے کی بے قدری اور ڈالر کی قیمت میں تیزی سے اضافے کا سلسلہ جاری ہے۔

    کاروباری ہفتے کے آخری روز بھی امریکی ڈالر بلند ترین سطح پر برقرار ہے، فاریکس ڈیلرز نے بتایا کہ آج انٹر بینک میں ڈالر مزید ایک روپے28 پیسے مہنگا کر 208 روپے 95پیسے پر جا پہنچا۔

    فاریکس ڈیلرز کے مطابق اوپن مارکیٹ میں ڈالر 210 روپے سے 212 تک میں فروخت ہورہا ہے۔

    چار روز میں ڈالر چھ روپے پانچ پیسے مہنگا ہوا جبکہ شہباز حکومت آنے کے بعد سے روپے کی قدر چھبیس روپے اڑتیس پیسے گرچکی ہے۔

    اوپن مارکیٹ میں ہر ایکسچینج کا اپنا ریٹ ہے، کوئی دو سو نو تو کوئی دوسوبارہ روپے میں ڈالرفروخت کررہا ہے، ماہرین کا کہنا ہے انٹربینک میں ڈالرکی طلب میں مسلسل اضافہ دیکھنےمیں آ رہا ہے، امپوٹرز اور تیل کمپنیاں بینکوں سے ڈالر میں ادائیگیوں کا مطالبہ کررہی ہیں۔

  • ڈالر کی قیمت میں یومیہ 1 روپے سے زائد اضافہ

    ڈالر کی قیمت میں یومیہ 1 روپے سے زائد اضافہ

    کراچی: امریکی ڈالر کی قیمت میں روزانہ کی بنیاد پر اضافہ جاری ہے، انٹر بینک میں ڈالر 206 روپے پر پہنچ گیا۔

    تفصیلات کے مطابق کاروباری ہفتے کے تیسرے روز 15 جون 2022 بدھ کو انٹر بینک مارکیٹ میں ڈالر مزید بلند سطح پر پہنچ گیا۔

    دن کے آغاز پر انٹر بینک مارکیٹ میں ڈالر 84 پیسے مہنگا ہو کر 206 روپے پر پہنچ گیا، دن کے وسط میں ڈالر کی قیمت میں 1 روپے 21 پیسے اضافہ ہوا جس کے بعد ڈالر 206 روپے 37 پیسے پر پہنچ گیا۔

    دن کے اختتام تک ڈالر کی قیمت میں مجموعی طور پر 1 روپے 30 پیسے اضافہ ہوا جس کے بعد ڈالر 206 روپے 46 پیسے پر بند ہوا۔

    فاریکس ڈیلرز کے مطابق اوپن مارکیٹ میں ڈالر 207 سے 209 روپے میں فروخت ہو رہا ہے۔

    یاد رہے کہ گزشتہ ہفتے ابتدائی 2 روز ڈالر کی قیمت میں مسلسل 2 روپے اضافہ ہوا تھا۔

    سوموار 06 جون 2022 کو ڈالر کی قیمت میں مجموعی طور پر 2 روپے 14 پیسے اضافہ ہوا جس کے بعد انٹر بینک میں ڈالر 200 روپے 6 پیسے پر بند ہوا۔

    07 جون 2022 کو ڈالر کی قیمت میں مجموعی طور پر مزید 2 روپے 77 پیسے اضافہ ہوا اور انٹر بینک میں ڈالر 202 روپے 83 پیسے پر بند ہوا۔

    اس کے بعد ڈالر بتدریج کم ہوا لیکن ہفتے کے آخری روز جمعہ 10 جون 2022 کو ڈالر 202 روپے 35 پیسے پر بند ہوا۔