Tag: DONALD TRUMP

ون

واشنگٹن: امریکی صدر ڈونلڈ ٹرمپ مشرق وسطیٰ کے دورے کے لیے سعودی عرب روانہ ہو گئے ہیں، صدر ٹرمپ دوحہ، قطر، متحدہ عرب امارات کا دورہ بھی کریں گے۔

ترجمان وائٹ ہاؤس کیرولین لیوٹ نے کہا کہ صدر ڈونلڈ ٹرمپ ایک قابل فخر، خوش حال اور کامیاب مشرقِ وسطیٰ چاہتے ہیں، امریکا اور مشرقِ وسطیٰ کے تعلقات باہمی تعاون پر مبنی ہیں۔

وائٹ ہاؤس کے سینئر اہلکار نے امریکی میڈیا سے گفتگو میں کہا ٹرمپ قطر میں موجود امریکی فوجی اڈے کا بھی دورہ کریں گے، ڈونلڈ ٹرمپ کے دورہ مشرق وسطی کا بڑا مقصد کاروبار، تجارت اور سرمایہ کاری ہے۔

انھوں نے کہا کہ صدر ٹرمپ قطر کی جانب سے تحفے میں دیے جانے والا بولنگ طیارہ بھی قبول کریں گے، اور اس قطری طیارے کو امریکی فوج ایئر فورس ون میں ڈھالے گی، خیال رہے کہ ایئر فورس ون طیارہ امریکی صدر کے زیر استعمال ہوتا ہے۔

’میں احمق ہوں گا‘ جو قطری طیارے کو قبول نہ کروں، ٹرمپ

مشرق وسطیٰ کے دورے میں ٹرمپ عرب رہنماؤں سے اسرائیل غزہ، اور ایران کے معاملے پر بھی بات کریں گے، امریکی میڈیا کے مطابق وزیر خارجہ مارکو روبیو پہلے ہی سعودی عرب پہنچ چکے ہیں۔

ادھر روئٹرز نے رپورٹ کیا ہے کہ امریکی صدر نے قطری شاہی خاندان کی جانب سے تحفے کے طور پر ہوائی جہاز قبول کرنے کے اپنے منصوبے کے بارے میں اخلاقی خدشات کو مسترد کرتے ہوئے کہا ہے کہ پیر کے روز اس فراخ دلانہ پیش کش کو ٹھکرانا ’’احمقانہ‘‘ ہوگا۔

امریکا کا افغان شہریوں سے متعلق بڑا فیصلہ

واشنگٹن: امریکی صدر ڈونلڈ ٹرمپ نے کہا ہے کہ ان کا تیسری مدت کے لیے صدارتی امیدوار بننے کا ارادہ نہیں ہے۔

تفصیلات کے مطابق امریکی میڈیا کو انٹرویو دیتے ہوئے صدر ٹرمپ نے کہا کہ بہت لوگ چاہتے ہیں کہ میں تیسری مدت کے لیے صدارت کی دوڑ میں شامل ہو جاؤں، لیکن میرا ایسا کوئی ارادہ نہیں ہے۔

اس سے پہلے صدر ٹرمپ از راہِ مذاق تیسری اور چوتھی مدت کے لیے بھی صدر بننے کا بیان دے چکے ہیں۔ واضح رہے کہ امریکی آئین میں دوسری عالمگیر جنگ کے بعد کی جانے والی 22 ویں ترمیم کے مطابق کوئی امریکی صدر دو مرتبہ صدر رہنے کے بعد تیسری مدت کے لیے صدارتی امیدوار نہیں بن سکتا۔

ہالی ووڈ تیزی سے مر رہا ہے، ٹرمپ نے بڑے ٹیرف کا حکم دے دیا

اتوار کو نشر ہونے والے انٹرویو میں این بی سی کے میٹ دی پریس ود کرسٹن ویلکر کو ٹرمپ نے بتایا ’’میں آٹھ سال کا صدر رہوں گا، دو بار کا صدر، میں نے اس کے بارے میں ہمیشہ سوچا، یہ بہت اہم ہے۔‘‘

یاد رہے کہ 78 سالہ ٹرمپ پہلے کہہ چکے ہیں کہ وہ امریکی صدر کے طور پر تیسری یا چوتھی مدت کے لیے خدمات انجام دینے کے بارے میں ’’مذاق نہیں‘‘ کر رہے تھے۔ یعنی ان کا کہنا تھا کہ وہ اس بارے میں سنجیدہ ہیں۔ تاہم بعد میں انھوں نے کہا کہ ان کے بیانات کا مقصد ’’جعلی نیوز میڈیا‘‘ کو ٹرول کرنا تھا۔

خیال رہے کہ ان کی کمپنی ’ٹرمپ آرگنائزیشن‘ کی جانب سے ’’ٹرمپ 2028‘‘ والی ٹوپیاں فروخت کی جا رہی ہیں، جس سے ان قیاس آرائیوں کو ہوا ملتی ہے کہ وہ جنوری 2029 میں اپنی دوسری میعاد ختم ہونے کے بعد پھر امیدوار بنیں گے۔

واشنگٹن: امریکی صدر ڈونلڈ ٹرمپ نے بجٹ میں بڑی کٹوتی کے باوجود دفاع اور ملکی سلامتی کے لیے 1 کھرب ڈالر اضافے کا عندیہ دے دیا ہے۔

امریکی میڈیا کے مطابق ڈونلڈ ٹرمپ نے بجٹ میں بڑی کٹوتی کا عندیہ دیا ہے، جو گھریلو اخراجات میں کمی کا باعث ہوگا، ٹرمپ انتظامیہ کی آئندہ مالی سال کے بجٹ کے لیے 163 ارب ڈالر کٹوتی کی تجویز دی ہے۔

بجٹ تجاویز کے مطابق تعلیم، غیر ملکی امداد، ماحولیات، طبی تحقیق، اور دیگر پروگراموں میں کٹوتی کی جائے گی، جب کہ دوسری طرف بجٹ میں دفاع اور ملکی سلامتی کے لیے 1 کھرب ڈالر اضافے کی تجویز دی گئی ہے۔

اس اقدام سے دفاعی اخراجات میں 13 فی صد اضافہ ہو کر 1 ٹریلین ڈالر ہو جائے گا، بجٹ میں سرحدوں کو محفوظ بنانے کے لیے 175 ارب ڈالر رکھے جائیں گے، یہ بجٹ تجاویز ڈونلڈ ٹرمپ کی دفاع اور امیگریشن کے حوالے سے ترجیحات کی پیروی کا پتا دیتی ہیں۔

ڈونلڈ ٹرمپ نے ہارورڈ یونیورسٹی کیخلاف ایک اور اعلان کر دیا

واضح رہے کہ امریکی صدر ٹرمپ نے کہا ہے کہ وہ ہارورڈ یونیورسٹی کو اس کی ٹیکس سے استثنیٰ کی حیثیت سے ہٹانے کا ارادہ رکھتے ہیں، جو آئیوی لیگ کے اسکول کے خلاف تازہ ترین اقدام ہوگا۔ ڈونلڈ ٹرمپ نے اپنے سوشل میڈیا پلیٹ فارم پر کہا کہ ہم ہارورڈ کی ٹیکس استثنیٰ کی حیثیت کو ختم کرنے جا رہے ہیں یہ وہی ہے جس کے وہ مستحق ہیں۔