Tag: DONALD TRUMP

واشنگٹن: امریکا کے صدر ڈونلڈ ٹرمپ نے کہا ہے کہ وہ روس، چین اور شمالی کوریا کی عزت بدلے میں کرتے ہیں کیوں کہ وہ بھی امریکا کی عزت کرتے ہیں۔

امریکی میڈیا رپورٹس کے مطابق میڈیا سے گفتگو کرتے ہوئے گزشتہ روز امریکا کے صدر ڈونلڈ ٹرمپ نے ایک صحافی کے سوال کے جواب میں کہا کہ ہم روس، چین اور شمالی کوریا کی عزت بدلے میں کرتے ہیں۔

انھوں نے کہا ’’روس، چین اور شمالی کوریا کے صدور پھر سے امریکا کی عزت کرنے لگے ہیں، بدلے میں ہم بھی روس، چین اور شمالی کوریا کی عزت کرتے ہیں۔‘‘ امریکا کے صدر نے ولادیمیر پیوٹن، شی جن پنگ اور کِم جونگ اُن کے نام بھی لیے۔

اس موقع پر ٹرمپ نے یورپ پر تنقید کرتے ہوئے کہا کہ یورپی جج امریکی کمپنیوں پر بھاری جرمانے لگاتے ہیں، اور اس طرح امریکی کمپنیوں کو نقصان پہنچانے کی کوشش کی جاتی ہے۔

ٹرمپ کا کینیڈا کے ساتھ تمام تجارتی مذاکرات ختم کرنے کا اعلان

قبل ازیں، امریکی صدر ڈونلڈ ٹرمپ نے کینیڈا کے ساتھ تجارتی مذاکرات ختم کرنے کا اعلان کیا، ان کا کہنا تھا کہ امریکا پر ٹیکس عائد کرنا براہ راست حملے کے مترادف ہے۔ یہ بات انھوں نے سماجی رابطے کی ویب سائٹ ٹروتھ سوشل پر جاری اپنے پیغام میں کہی، انھوں نے کہا کہ کینیڈا نے امریکی ٹیکنالوجی کمپنیز پر ڈیجیٹل سروسز ٹیکس لگا دیا ہے۔

امریکی صدر کا کہنا تھا کہ آئندہ سات دن میں کینیڈا پر امریکی تجارتی ٹیرف کا اعلان کیا جائے گا، کینیڈا تجارت کے معاملے میں ایک مشکل ملک ہے جو گزشتہ کئی سالوں سے ہمارے کسانوں پر ڈیری مصنوعات پر 400 فیصد تک ٹیکس لگا رہا ہے۔

واشنگٹن: امریکی صدر ڈونلڈ ٹرمپ کے مواخذے کی قرارداد کثرت رائے سے مسترد ہو گئی۔

امریکی میڈیا رپورٹس کے مطابق منگل کو ڈیموکریٹ رکن کانگریس ایل گرین نے صدر ٹرمپ کے خلاف مواخذے کی قرارداد ایوان نمائندگان میں پیش کی تھی، جس میں کہا گیا تھا کہ ایران پر حملے سے پہلے کانگریس کو آگاہ نہ کر کے صدر کے اختیارات کا غلط استعمال کیا گیا۔

تاہم زیادہ تر ہاؤس ڈیموکریٹس ریپبلکنز کے ساتھ شامل ہو گئے، تاکہ صدر ڈونلڈ ٹرمپ کے ایران پر حملوں پر ان کے مواخذے کی کوشش کو ناکام بنایا جا سکے۔

صدارتی مواخذے کی قرارداد کوصرف 79 ووٹ ملے، جب کہ مخالفت میں 344 ووٹ پڑے، جس میں 128 ڈیموکریٹس نے 216 ریپبلکنز کے ساتھ شامل ہو کر قرارداد کو ناکام بنا دیا۔

ایران نے جنگ کے خاتمے کا باقاعدہ اعلان کردیا

امریکی میڈیا کا کہنا ہے کہ قرارداد کے خلاف ووٹ دینے والوں میں وہ ہاؤس ڈیموکریٹک رہنما بھی شامل تھے، جو ٹرمپ کی پہلی مدت کے دوران ان کے خلاف 2 سابقہ ​​مواخذے ناکام ہونے کے بعد اب کسی نئے مواخذے کے حوالے سے محتاط ہو چکے ہیں، تاہم پھر بھی، درجنوں ڈیموکریٹس نے ایل گرین کی قرارداد کے حق میں ووٹ دیا۔

خیال رہے کہ ایل گرین کو صدر ٹرمپ کے اسٹیٹ آف دی یونین خطاب میں شور مچانے پر ایوان سے نکالا گیا تھا، ڈونلڈ ٹرمپ کا کہنا تھا کہ مواخذے کی کوشش کر لیں، مگر ڈیموکریٹس پرائمریز میں تاریخی غیر مقبول ہو چکے ہیں۔

ایل گرین نے قرارداد پیش کرتے ہوئے کہا تھا کہ میں یہ اس لیے کر رہا ہوں کیوں کہ کسی بھی شخص کو یہ اختیار نہیں ہونا چاہیے کہ وہ امریکا کی کانگریس سے مشاورت کے بغیر 300 ملین سے زیادہ لوگوں کو جنگ میں لے جائے، میں یہ اس لیے کر رہا ہوں کیوں کہ میں اس بات کو سمجھ رہا ہوں کہ آئین بامعنی ہونے جا رہا ہے یا یہ بے معنی ہونے والا ہے۔