مستونگ: وزیراعلیٰ بلوچستان ڈاکٹر عبدالمالک بلوچ نے کہا ہے کہ صوبے کے ساحل اور وسائل پر کوئی سمجھوتہ نہیں کرینگے‘ قوم کا ایک ایک پیسہ ہم پر حرام ہے قومی دولت لوٹنے کی کسی کو اجازت نہیں دی جائے۔
ضلع مستونگ کے دورے کے دوران قبائلی عمائدین پارٹی ورکرز سے بات چیت عوامی جلسے سے خطاب کرتے ہوئے وزیراعلیٰ بلوچستان کا کہنا تھا کہ اغواءبرائے تاوان جیسے کاروبار پر قابو پالیا گیا ہے پولیس اور لیویز کو مزید فعال بنایا جائے گا اور بلوچستان کے تمام شہروں کو محفوظ بنادیں گے ‘وزیراعلیٰ بلوچستان کا مزید کہنا تھا کہ مشکل وقت میں اقتدار سنبھالا ہے ایک سال میں حالات بہتر ہوئے ہیں، مخلوط حکومت صوبے کے ہر بچے کے لئے تعلیم کو یقینی بنائے گی۔
