ARYNews.tv | Urdu – Har Lamha Bakhabar

Tag: dr-adnan

  • نواز شریف کا آپریشن ، ذاتی معالج نے بھانڈا پھوڑ دیا

    نواز شریف کا آپریشن ، ذاتی معالج نے بھانڈا پھوڑ دیا

    لندن :سابق وزیراعظم کے ذاتی معالج ڈاکٹر عدنان کا کہنا ہے کہ نوازشریف کاآج کوئی آپریشن نہیں ہورہا ، ان کی دل کی کیتھیرائزیشن طےشدہ پروگرام کےمطابق ہو گی۔

    تفصیلات کے مطابق سابق وزیراعظم نواز شریف کے ذاتی معالج نے سماجی رابطے کی ویب سائٹ ٹوئٹر پر اپنے بیان میں کہا نوازشریف کاآج کوئی آپریشن نہیں ہورہا،  آپریشن سےمتعلق میڈیاپراطلاعات درست نہیں۔

    ڈاکٹرعدنان کا کہنا تھا کہ نواز شریف کی دل کی کیتھیرائزیشن طے شدہ پروگرام کے مطابق ہو گی۔

    اس سے قبل ن لیگی رہنما رانا ثنا اللہ نے کہا تھاکہ سابق وزیراعظم نوازشریف کا آج لندن میں پیچیدہ آپریشن ہے جبکہ ملک احمدخان کا بھی کہنا تھا کہ نوازشریف کی سرجری 24فروری کوہوگی، میڈیکل تاریخوں کےبعدشہبازشریف آنےکافیصلہ کریں گے۔

    مزید پڑھیں : نواز شریف کی سرجری کب ہوگی؟

    خیال رہے میاں نواز شریف کے ذاتی معالج ڈاکٹر عدنان کا کہنا تھا کہ کارڈیک پی ای ٹی اسکین میں دل کی پیچیدہ بیماری کی تشخیص  ہوئی، چند دنوں میں نوازشریف کو اسپتال میں داخل کیا جائے گا اور دل کی شریانوں میں بندش ختم کرنے کے لیے آپریشن کیا  جائے گا، کارڈیو ویسکولر ٹیم نے آپریشن کے انتظامات مکمل کر لیے ہیں۔

    واضح رہے لندن کےایون فیلڈ میں نواز شریف سے پر اسرارشخص کی ملاقات ہوئی تھی ، پاکستانی نژاد برطانوی صحافی نے دعویٰ کیا تھا کہ پراسرار شخص کو شہباز شریف ملاقات کے لیے لائے تھے۔

  • نوازشریف کے ذاتی معالج نے پنجاب حکومت کے خط کاجواب دے دیا

    نوازشریف کے ذاتی معالج نے پنجاب حکومت کے خط کاجواب دے دیا

    لاہور : نوازشریف کےذاتی معالج نے پنجاب حکومت کےخط کے جواب دے دیا لیکن کوئی میڈیکل رپورٹ نہیں بھیجی اور کہا نوازشریف کوجلداسپتال میں داخل کرایا جائےگا،ان کےدل کاپروسیجرہوگاجو پیچیدہ ہے۔

    تفصیلات کے مطابق سابق وزیر اعظم نوازشریف کےمعالج ڈاکٹرعدنان نےپنجاب حکومت کےخط کاجواب دےدیا، ڈاکٹر عدنان کے خط میں نوازشریف کی میڈیکل رپورٹس شامل نہیں۔

    خط کا جواب کسی برطانوی اسپتال یا لا فرم کے بجائے شریف میڈیکل سٹی کے لیٹر ہیڈ پر تحریر کیا گیا، جو لاہور میں ہے لندن میں نہیں۔

    ڈاکٹر عدنان نے سماجی رابطے کی ویب سائٹ ٹوئٹر پر محکمہ داخلہ پنجاب کولکھاگیا ٹوئٹ کیا ، جس میں کہاگیا ہے کہ نوازشریف کی صحت جانچنے کے لئے پہلےجمع کرائی گئی رپورٹس کافی ہیں۔

    ڈاکٹرعدنان کا کہنا تھا کہ نوازشریف کی رائل برومٹن اسپتال کی رپورٹس جمع کرائی جاچکی ہیں، ان کے پلیٹ لیٹس کاؤنٹ، گائز اینڈ سینٹ تھامس اسپتال ، کے ہیماٹولوجسٹس دیکھ رہے ہیں، ان کو جلد اسپتال میں داخل کرایا جائے گا۔

    نوازشریف کا اسپتال میں داخلے کا انحصار ہیماٹولوجسٹ اور نیفرولوجسٹ کی کلئیرنس پر ہے، امراض قلب کے باعث نواز شریف کے دل کا پروسیجر ہوگا، جو پیچیدہ اور ہائی رسک ہے۔

    مزید پڑھیں : نوازشریف کی بیماری پیچیدہ اور خطرناک ہے، ذاتی معالج

    خیال رہے پنجاب حکومت نےنوازشریف کی خون کی رپورٹ،پلیٹ لیٹس سےآگاہی کا کہا تھا تاکہ مریض کی تازہ ترین صورتحال سے آگہی ہوسکے تاہم ڈاکٹر عدنان نے خون کی رپورٹ،پلیٹ لیٹس سےمتعلق میڈیکل رپورٹ نہیں بھیجی۔

    گذشتہ روز نواز شریف ڈینٹل اپائنمنٹ کے بعد اپنی رہائش گاہ پہنچ تھے ، اس موقع پر ذاتی معالج ڈاکٹر عدنان نے میڈیا کے سوالوں کا جواب دینے سےگریز کیا تاہم انہوں نے مختصر گفتگو میں کہا تھا کہ نوازشریف کی صحت پراپ ڈیٹ ہوگی توخودبتادوں گا۔

    ڈاکٹر عدنان کا کہنا تھا کہ نوازشریف کی بیماری پیچیدہ اورخطرناک ہے، ان مختصر اور طویل مدتی علاج کی ضرورت ہے، حکومت پنجاب کےخط کےجواب میں تفصیلی خط بھیج دیا ہے جس میں نوازشریف کی بیماری اور تشخیص کی مکمل تفصیلات ہیں۔

  • نواز شریف کوعلاج کے لیے امریکا لے جایا جائے گا، ڈاکٹر عدنان

    نواز شریف کوعلاج کے لیے امریکا لے جایا جائے گا، ڈاکٹر عدنان

    لندن: سابق وزیراعظم نواز شریف کے ذاتی معالج ڈاکٹر عدنان نے کہا ہے کہ نواز شریف کو علاج کے لیے امریکا لے جایا جائے گا۔

    تفصیلات کے مطابق سابق وزیراعظم نواز شریف کے ذاتی معالج ڈاکٹر عدنان نے میڈیا سے گفتگو کرتے ہوئے کہا کہ نواز شریف کے دماغ کو خون دینے والی شریان میں اسٹنٹنگ کی جائے گی، ان کا 6 مختلف اسپتالوں میں علاج جاری ہے۔

    ڈاکٹر عدنان نے کہا کہ نواز شریف کو ایماٹولوجسٹ ٹیم نے صحت مند قرار نہیں دیا ہے، ان کے دل اور شریانوں کا مسلسل معائنہ کیا جاتا ہے، پلیٹ لیٹس متوازن ہونے تک کوئی پروسیجر نہیں کیا جاسکتا، پلیٹ لیٹس گرنے کی وجوہات معلوم کرنا چیلنج بن گیا ہے۔

    انہوں نے کہا کہ برطانوی ڈاکٹرز نواز شریف کی بیماری کی تشخیص ابھی تک نہیں کرسکے ہیں، وہ کتنے دن برطانیہ میں رہیں گے کچھ کہنا ممکن نہیں ہے۔

    مزید پڑھیں: نواز شریف کی پہلی میڈیکل رپورٹ ہائی کورٹ میں جمع

    ڈاکٹر عدنان کے مطابق نواز شریف کی صحت کو ہر زاویے سے جانچ رہے ہیں، دنیا کے بہترین ڈاکٹرز ان کا علاج کررہے ہیں۔

    دوسری جانب خاندانی ذرائع کا کہنا ہے کہ نواز شریف کی آج ڈاکٹرز سے اپائنٹمنٹ نہیں ہے وہ گھر پر آرام کریں گے، ڈاکٹر عدنان نے گھر پر ہی نواز شریف کا معائنہ کیا ہے۔

    واضح رہے کہ نواز شریف کی پہلی میڈیکل رپورٹ عدالت میں جمع کروادی گئی ہے جس میں کہا گیا ہے کہ نواز شریف کی بیماری کی تشخیص کی جارہی ہے، وہ علاج کی غرض سے لندن میں مقیم ہیں۔

    عدالت میں رپورٹ ان کے وکیل امجد پرویز نے ایڈیشنل رجسٹرار آفس میں جمع کروائی، پیش کی گئی رپورٹ پاکستانی ہائی کمیشن سے تصدیق شدہ ہے۔

  • نواز شریف راتوں رات صحت مند نہیں ہوسکتے، کچھ ماہ لگ سکتے ہیں، ڈاکٹرعدنان

    نواز شریف راتوں رات صحت مند نہیں ہوسکتے، کچھ ماہ لگ سکتے ہیں، ڈاکٹرعدنان

    لندن : نوازشریف کے ذاتی معالج ڈاکٹر عدنان نے کہا ہے کہ نواز شریف کی صحت راتوں رات ٹھیک نہیں ہوسکتی، بحالی کے عمل میں مزید کچھ ماہ بھی لگ سکتے ہیں۔

    یہ بات انہوں نے لندن میں میڈیا سے گفتگو کرتے ہوئے کہی، ڈاکٹرعدنان نے کہا کہ نواز شریف کا علاج وہیں سے شروع کیا ہے جہاں سے پاکستان میں چھوڑا گیا تھا، کنسلٹنٹس کی پوری ٹیم علاج کی نگرانی کر رہی ہے، صحت کی بحالی کے عمل میں کچھ ماہ بھی لگ سکتے ہیں۔

     اس موقع پر ایک صحافی کی جانب سے نوازشریف کی پلیٹ لیٹس سے متعلق سوال کے جواب میں ان کا کہنا تھا کہ بہت سی معلومات پرائیویٹ ہیں جو نہیں بتائی جا سکتیں، اگلے ہفتے کے درمیان نوازشریف پی ای ٹی اسکین ہوگا۔

    ڈاکٹر عدنان نے بتایا کہ آنے والے دنوں میں مزید اپائنٹمنٹس طے ہیں، نوازشریف کو اسٹیرائیڈز کے سائیڈ ایفیکٹس بہت زیادہ ہیں، ڈاکٹرز کاخیال ہے کہ اسٹیرائیڈز کو کم کر کے روک دیا جائے، نواز شریف کو گھرمیں میڈیکل کی تمام سہولیات مہیا کی گئی ہیں۔

    ان کا مزید کہنا تھا کہ ابھی نوازشریف کی طبیعت ویسے ہی ہے بحالی میں کچھ وقت لگے گا، ان کی صحت راتوں رات تو ٹھیک نہیں ہو سکتی البتہ نوازشریف کا رپورٹس کے مطابق علاج کیا جا رہا ہے۔

  • نواز شریف قطر ایئرویز کی ایئرایمبولینس سے آج جائیں گے، ڈاکٹر عدنان

    نواز شریف قطر ایئرویز کی ایئرایمبولینس سے آج جائیں گے، ڈاکٹر عدنان

    لاہور: سابق وزیراعظم نواز شریف کے ذاتی معالج ڈاکٹر عدنان نے کہا ہے کہ نواز شریف قطر ایئرویز کی ایئرایمبولینس اے 319 سے جائیں گے۔

    تفصیلات کے مطابق نواز شریف کے ذاتی معالج ڈاکٹر عدنان نے ان کی بیرون ملک روانگی کے حوالے سے کہا ہے کہ قطر سے آنے والی ایئرایمبولینس آج صبح 9 بجے لاہور پہنچے گی، قطر ایئرویز کا بوئنگ اے 319 فلائنگ اسپتال کہلاتا ہے۔

    انہوں نے کہا کہ ایئرایمبولینس دوحہ میں ایک گھنٹہ 40 منٹ قیام کرے گی، ایئرایمبولینس میں جدید علاج کی تمام تر سہولتیں دستیاب ہوتی ہیں، لندن کے وقت کے مطابق ساڑھے 6 بجے ایئرایمبولینس ہیتھرو ایئرپورٹ پر اترے گا۔

    ڈاکٹر عدنان نے کہا کہ لندن روانگی سے پہلے نواز شریف کے پلیٹ لیٹس چیک کیے جائیں گے، 50 ہزار پلیٹ لیٹس ہونے کی صورت میں وہ سفر کرسکیں گے۔

    مزید پڑھیں: نوازشریف سے متعلق فیصلے پر سپریم کورٹ جانا چاہیے، فواد چوہدری

    علاوہ ازیں مسلم لیگ ن کے صدر شہباز شریف کا کہنا ہے کہ نواز شریف نے پاکستان کی دل سے خدمت، عوام سے محبت کی ہے، آج نواز شریف کو آپ کی دعاؤں کی ضرورت ہے۔

    شہباز شریف نے کہا کہ کارکنوں اور عوام کی دعاؤں سے نواز شریف جلد روبہ صحت ہوں گے، نواز شریف انشا اللہ صحت مند ہوکر واپس لوٹیں گے، کارکنان ایئرپورٹ آنے کے بجائے دعائیں، نوافل ادا کریں۔

    یاد رہے کہ لاہور ہائیکورٹ نے چند روز قبل سابق وزیراعظم نواز شریف کی بیرون ملک روانگی کے لیے حکومت کی انڈیمنٹی بانڈ کی شرط مسترد کردی تھی۔

  • لاہور: نوازشریف کا طبی معائنہ مکمل، ادویات میں ردو بدل کیا گیا

    لاہور: نوازشریف کا طبی معائنہ مکمل، ادویات میں ردو بدل کیا گیا

    لاہور : سابق وزیراعظم نوازشریف کا طبی معائنہ مکمل کرلیا گیا، جسم پر سوجن اور دیگراثرات کے پیش نظر دواؤں میں ایڈجسٹمنٹ کی گئی ہے، کل بروز ہفتہ دوبارہ ان کا معائنہ اور ٹیسٹ کا جائزہ لیا جائے گا۔

    تفصیلات کے مطابق سابق وزیراعظم نواز شریف کی طبیعت تاحال مکمل طور پر بہتر نہیں ہوسکی ہے، اس حوالے سے نوازشریف کے ذاتی معالج ڈاکٹر عدنان نے ان طبی معائنے سے متعلق بیان جاری کیا ہے.

    بیان میں کہا گیا ہے کہ سربراہ نیشنل بلڈ اینڈ بون میرو ڈیزیزز کراچی پروفیسر طاہر شمسی نے نواز شریف کا طبی معائنہ مکمل کرلیا ہے، پروفیسر شمسی نے نوازشریف کے میڈیکل ٹیسٹ کرانے کا عمل پھر دہرانے کا بھی فیصلہ کیا ہے۔

    ڈاکٹر عدنان کے مطابق نوازشریف کے جسم پر سوجن اور دیگر اثرات کے پیش نظر دواؤں میں ایڈجسٹمنٹ کی گئی ہے، پروفیسر شمسی کل صبح دوبارہ نوازشریف کا طبی معائنہ کریں گے اور ٹیسٹ کا جائزہ بھی لیں گے۔

    علاج میں تاخیر نوازشریف کی صحت اور زندگی کے لیے نقصان دہ ہوسکتی ہے، ڈاکٹرعدنان

    واضح رہے کہ گزشتہ روز مسلم لیگ ن کے قائد کے ذاتی معالج ڈاکٹرعدنان کا کہنا تھا کہ پنجاب حکومت کے میڈیکل بورڈ نے نوازشریف کے علاج کے لیے بیرون ملک کی سفارش کی ہے۔

    ٹویٹر پیغام میں ڈاکٹر عدنان نے کہا کہ سابق وزیراعظم میاں نوازشریف کی حالت بدستور تشویشناک ہے، علاج میں تاخیر میاں نوازشریف کی صحت اور زندگی کے لیے نقصان دہ ثابت ہوسکتی ہے۔

  • نواز شریف کی بیرون ملک روانگی میں تاخیر رسک کا باعث بن سکتا ہے، ڈاکٹر عدنان

    نواز شریف کی بیرون ملک روانگی میں تاخیر رسک کا باعث بن سکتا ہے، ڈاکٹر عدنان

    لاہور : سابق وزیراعظم نواز شریف کے ذاتی معالج ڈاکٹر عدنان کا کہنا ہے کہ نوازشریف کی بیرون ملک روانگی میں تاخیررسک کا باعث بن سکتا ہے، بیرون ملک ان کی بیماری کی تشخیص اور علاج ممکن ہو سکے گا۔

    تفصیلات کے مطابق سابق وزیراعظم نواز شریف کے ذاتی معالج ڈاکٹر عدنان نے سماجی رابطے کی ویب سائٹ ٹوئٹر پر اپنے بیان میں کہا ہے کہ میڈیکل بورڈز کی رائے کے مطابق نواز شریف کو بیرون ملک بھیجنا چاہیے، بیرون ملک ان کی بیماری کی تشخیص اور علاج ممکن ہو سکے گا، نوازشریف کی بیرون ملک روانگی میں تاخیر رسک کا باعث بن سکتا ہے۔

    دوسری جانب مسلم لیگ ن کی ترجمان مریم اورنگزیب نے نواز شریف کا نام ای سی ایل سے نکالنے میں تاخیر پر تشویش کا اظہار کرتے ہوئے کہا حکومت کا بورڈ بھی کہہ چکا نوازشریف کو علاج کے لئے باہر بھجوایا جائے، اسپتال سے ڈسچارج کے وقت ڈاکٹرز نے بیرون ملک علاج تجویز کی۔

    مریم اورنگزیب کا کہنا تھا کہ گزشتہ رات فل بورڈ نےبھی بیرون ملک علاج کی سفارش کی تھی، وزیر صحت نے بھی پریس کانفرنس میں فل بورڈرپورٹ کی توثیق کی ، ای سی ایل سے نام نکلے گا تو بیرون ملک جانے کے انتظامات ہوں گے، ای سی ایل سے نام نکالنے میں تاخیر سے نواز شریف کی زندگی کو خطرات ہیں۔

    خیال رہے نوازشریف کا نام ای سی ایل سے نہ نکل سکا، جس کے باعث سابق وزیرِاعظم کی لندن روانگی منسوخ ہوگئی ہے ، قطرائیرلائن کی پرواز میں سیٹیں بک کرائی گئی تھیں۔

    معاون خصوصی علی نوازاعوان کا کہنا تھا کہ ای سی ایل سےنام نکالنے کی سمری آچکی ہے، منگل کووفاقی کابینہ کےاجلاس میں سمری پرفیصلہ کیا جائے گا جبکہ ن لیگی رہنما مائزہ حمید نے کہا کہ حکومت کی ٹال مٹول نوازشریف کی صحت کے لیے خطرناک ہو سکتی ہے۔

  • ‘نواز شریف کی طبی صورتحال انتہائی خطرناک ہے’

    ‘نواز شریف کی طبی صورتحال انتہائی خطرناک ہے’

    لاہور : سابق وزیراعظم نواز شریف کے ذاتی معالج ڈاکٹرعدنان نے کہا ہے کہ نوازشریف کی طبی صورتحال انتہائی خطرناک ہے ، ان کو کم پلیٹ لیٹس ، دل کےعارضے کا شدید مرض لاحق ہے۔

    تفصیلات کے  مطابق سابق وزیراعظم نواز شریف کے ذاتی معالج ڈاکٹرعدنان سماجی رابطے کی ویب سائٹ ٹوئٹر پر اپنے بیان میں کہا نوازشریف کوکم پلیٹ لیٹس، دل کےعارضےکاشدیدمرض لاحق ہے، دونوں بیماریاں سنجیدہ نوعیت کی ہیں۔

    ڈاکٹرعدنان کا کہنا تھا کہ نوازشریف کواکیوٹ آئی ٹی پی کامسئلہ ہے، ان کی بیماری کی تشخیص ابھی باقی ہے، سنجیدہ نوعیت کی بیماریوں نےحالت تشویشناک اور غیرمستحکم بنا دی۔

    ذاتی معالج نے مزید کہا نوازشریف کی طبی صورتحال انتہائی خطرناک ہے ، بیماریوں نے ان کی زندگی کوخطرےمیں ڈال دیا ہے۔

    یاد رہے سابق وزیراعظم نواز شریف کے پلیٹ لیٹس کی تعداد 45 ہزارتک پہنچ گئی جبکہ دل کی حالت پہلے سے بہتر ہے، آہستہ آہستہ امراض قلب کی باقی دوائیں بھی پھرشروع کی جارہی ہے۔

    مزید پڑھیں : نوازشریف کے پلیٹ لیٹس کی تعداد 45 ہزارتک پہنچ گئی

    اس سے قبل اسپتال زرائع نے کہا تھا کہ سروسز ہسپتال میں پانچ روز سے زیر علاج نواز شریف کو انجائنا کی تکلیف وقفے وقفے سے جاری جبکہ سانس لینے میں دشواری ہو رہی ہے، جس کے باعث انھیں وقفے وقفے سے آکسیجن دی جاری ہے۔

    سابق وزیراعظم نواز شریف کا ٹراپ آئی ٹیسٹ پازیٹیو آگیا ، جس کا مطلب  ہارٹ اٹیک کی ابتدائی علامات ظاہر ہونا شروع ہوگئیں ہیں۔

    گزشتہ روز میڈیکل بورڈ کی جانب سے نواز شریف کو انجائنا کی درد کی وجہ سے دل کے ٹیسٹ تجویز کیے گئے تھے، ذرائع کے مطابق نوازشریف کی دو دفعہ انجیوپلاسٹی اور اوپن ہارٹ سرجری بھی ہو چکی ہے، نوازشریف کو گردوں، کولیسٹرول اور جوڑوں کے درد کا بھی سامنا ہے۔

  • نواز شریف کا ڈینگی ٹیسٹ نیگیٹیو اور ان کی حالت خطرے سے باہر ہے، ترجمان نیب

    نواز شریف کا ڈینگی ٹیسٹ نیگیٹیو اور ان کی حالت خطرے سے باہر ہے، ترجمان نیب

    لاہور : قومی احتساب بیورو کے ترجمان نے کہا ہے کہ ڈاکٹرعدنان کی دواؤں کی وجہ سے نوازشریف کے پلیٹ لیٹس کم ہوئے، ان کا ڈینگی ٹیسٹ نیگیٹیو آیا ہے اب ان کی حالت خطرے سے باہر اور بہتر ہے۔

    تفصیلات کے مطابق لاہور کے سروسز اسپتال میں نواز شریف کا ڈینگی ٹیسٹ نیگیٹیو آیا ہے، اس حوالے سے ترجمان نیب کا کہنا ہے کہ ڈاکٹرعدنان کی دواؤں کی وجہ سے نوازشریف کے پلیٹ لیٹس کم ہوئے۔

    ان کے پلیٹ لیٹس کم ہوئے، ان کی حالت اب بہت بہتر ہے، نوازشریف کے ذاتی معالج ڈاکٹر عدنان آج 3گھنٹےان کے ساتھ تھے، ڈاکٹر عدنان میاں نواز شریف کے ساتھ پیر کے روز تین گھنٹے سے زائد وقت تک موجود رہے اور انہوں نے ہی خون پتلا کرنے والی ادویات تجویز کی تھیں۔

    ترجمان نیب کے مطابق نوازشریف کی دیکھ بھال کیلئے24گھنٹے ڈاکٹرز کی ٹیم مقرر کردی گئی ہے، لہٰذا نواز شریف کے ذاتی معالج کو رسائی نہ دینے کی خبر غلط ہے۔

    مزید پڑھیں: نواز شریف کی طبیعت اچانک ناساز، سروسز اسپتال منتقل، میڈیکل بورڈ تشکیل

    واضح رہے کہ نواز شریف کو میڈیکل چیک اپ کیلئے سروسز ہسپتال منتقل کیا گیا تھا، نیب ٹیم نوازشریف کو چیک اپ کیلئے سروسزاسپتال لے کر پہنچی، سروسزاسپتال میں نوازشریف کے چیک اپ کیلئے میڈیکل بورڈ تیار کیا گیا تھا۔

    میڈیکل بورڈ کی سربراہی پرنسپل سمز پروفیسر محمود ایاز کررہے ہیں، سرجیکل یونٹ میں پرائیویٹ روم تیارکرلیا گیا، نوازشریف کا چیک اپ سرجیکل یونٹ میں کیا گیا۔

  • عارضہ قلب نواز شریف کی زندگی کیلئے بڑا خطرہ ہے، ڈاکٹر عدنان

    عارضہ قلب نواز شریف کی زندگی کیلئے بڑا خطرہ ہے، ڈاکٹر عدنان

    لاہور : سابق وزیر اعظم نواز شریف کے ذاتی معالج ڈاکٹر عدنان کا کہنا ہے عارضہ قلب نواز شریف کی زندگی کیلئے بڑا خطرہ ہے، اگر اینجیو پلاسٹی ممکن نہ ہوئی تو دوبارہ بائی پاس سرجری کرنا پڑ سکتی ہے۔

    سابق وزیر اعظم نواز شریف ضمانت پر رہائی کے 20 دنوں میں چھٹی بار طبی معائنہ کے لیے شریف میڈیکل سٹی پہنچے۔ اس دوران نواز شریف ایک نجی اسپتال میں میڈیکل ٹسیٹ کرانے بھی گئے، شریف میڈیکل سٹی میں نواز شریف ایک گھنٹہ 6 منٹ تک اسپتال میں رکے رہے۔

    طبی معائنے کے بعد میڈیا سے گفتگو کرتے ہوئے نواز شریف کے ذاتی معالج ڈاکٹر عدنان نے کہا نواز شریف کی زندگی کو خطرات لاحق ہیں، عارضہ قلب ان کی زندگی کے لیے بہت بڑا خطرہ ہے۔ اگر اینجیو پلاسٹی ممکن نہ ہوئی تو دوبارہ بائی پاس سرجری کرنا پڑ سکتی ہے۔

    آغاخان اسپتال کےڈاکٹرزرپورٹس دیکھ کرعلاج کاتعین کریں گے

    ڈاکٹر عدنان کا کہنا تھا آغاخان اسپتال نےنوازشریف کیلئےایکسپرٹ ڈاکٹرزکی ٹیم بنائی ہے، ایکسپرٹ ڈاکٹرزکےساتھ آج نوازشریف کی نشست ہوئی، آغاخان اسپتال کےڈاکٹرزرپورٹس دیکھ کرعلاج کاتعین کریں گے۔

    نواز شریف کے ذاتی معالج نے کہا میاں صاحب کےدل کی بعض شریانیں بلاک ہیں، شریانوں کےبلاک ہونےکےبعدانجائناکادرداٹھتاہے، نوازشریف کےدل کی ایک بڑی شریان بھی بندہے، بڑی شریان کھولنےکیلئےآپریشن کرناہوگا۔

    سابق وزیراعظم کے ملک کے اندر یا باہر علاج کے بارے میں ابھی حتمی فیصلہ نہیں ہوا

    ان کا کہنا تھا دل کےمریض کےلیےانجائناخطرناک ثابت ہوسکتاہے، جب بھی ضرورت پڑی میاں صاحب کواسپتال داخل کیاجائےگا، نوازشریف مسلسل ڈاکٹرزکی نگرانی میں ہیں، انجائناکےدردکےباعث دل کےدورےکاخطرہ ہروقت رہتاہے۔

    ڈاکٹر عدنان نے کہا کہ سابق وزیراعظم کے ملک کے اندر یا باہر علاج کے بارے میں ابھی حتمی فیصلہ نہیں ہوا، ان کا علاج ہو رہا ہے اور چوبیس گھنٹے ان کی میڈیکل نگرانی کی جا رہی ہے، میں نوازشریف سےذاتی طورپربھی رابطےمیں رہتاہوں۔