Tag: Dr. Faisal Sultan

اسلام آباد : معاون خصوصی ڈاکٹرفیصل سلطان نے کورونا پابندیوں کے فوری خاتمے کا امکان مسترد کردیا اور کہا کورونا سے متعلق نافذ پابندیاں جاری رہیں گی۔

تفصیلات کے مطابق معاون خصوصی ڈاکٹرفیصل سلطان نے اے آروائی نیوز سے گفتگو کرتے ہوئے کہا کہ مخصوص اضلاع میں نافذکوروناپابندیوں کےخاتمے کافوری امکان نہیں ، موجودہ صورتحال میں کورونا پر قابو پانے کی بات قبل از وقت ہے، کوروناسے متعلق نافذ پابندیاں جاری رہیں گی۔

ڈاکٹر فیصل سلطان کا کہنا تھا کہ ملک میں کورونا ویکسین کا وسیع ذخیرہ دستیاب ہے، ویکسین کورونا کے خلاف جنگ میں اہم ترین ہتھیار ہے، حکومت کورونا ویکسینیشن کی موجودہ رفتار سے مطمئن ہے اور ویکسینیشن کیلئےمقررہ ہدف کےحصول میں کامیاب ہوگی، کوروناویکسینیشن کی موجودہ شرح تسلی بخش ہے۔

معاون خصوصی نے کہا کہ کورونا کی موجودہ صورتحال میں بتدریج بہتری آئی ہے، گزشتہ چند روز کے دوران ملک میں کورونا کیسز کم ہوئے ہیں، لاہورسمیت بعض شہروں میں کیسز میں کمی نہیں آئی۔

ان کا کہنا تھا کہ کورونا کیسزکی شرح سے اہم ہیلتھ سیکٹر پر دباؤمیں کمی آنا ہے تاہم شہری کورونا ایس او پیز پرسخت عملدرآمد کریں، شہریوں سے اپیل ہے کہ اپنی باری پر کورونا ویکسینیشن لازمی کرائیں۔

ڈاکٹر فیصل سلطان نے کہا حکومت پرائمری ہیلتھ کیئر سسٹم کی بہتری کیلئے کام کر رہی ہے، پرائمری ہیلتھ کیئرسسٹم کی بہتری کیلئے نجی شعبے کا تعاون ناگزیر ہے، نجی شعبے کے بغیر پرائمری ہیلتھ کیئر سسٹم میں بہتری ناممکن ہے۔

اسلام آباد : وزیراعظم کے معاون خصوصی ڈاکٹر فیصل سلطان نے عوام کو خبردار کیا ہے کہ کورونا ایس اوپیزکی خلاف ورزی شدید نتائج لاسکتی ہے، احتیاط نہ کی گئی تو صورتحال ہاتھ سے نکل بھی سکتی ہے۔

تفصیلات کے مطابق وزیراعظم کے معاون خصوصی ڈاکٹر فیصل سلطان نے پریس کانفرنس کرتے ہوئے کہا کہ کوروناکیس بڑھیں تونظام صحت پردباؤ بڑھ جاتاہے اور اس وقت اسپتالوں میں یہ دباؤنظرآرہاہے۔

معاون خصوصی کا کہنا تھا کہ پنجاب میں کوروناکیسزکی شرح زیادہ نظرآرہی ہے، جس کے باعث اس وقت انتہائی احتیاط کی ضرورت ہے، ہماری کوشش تھی بند اور تنگ ماحول میں اجتماع پرپابندی لگائی جائے، تاہم ہمیں اس حوالے سے اقدامات میں کمی نظر آرہی ہے۔

ڈاکٹر فیصل سلطان نے کہا کہ ہم سب کی ذمےداری ہےکہ ماسک لگائیں، کم سےکم مہمانوں کے ساتھ تقریب کی کوشش کریں، ایس اوپیزکی خلاف ورزی شدیدنتائج لا سکتی ہے، احتیاط نہ کی گئی توصورتحال ہاتھ سےنکل بھی سکتی ہے۔

ان کا ویکسی نیشن کے حوالے سے مزید کہنا تھا کہ 70سال سےزائدکےافرادکہیں سےویکسی نیشن کراسکتےہیں، اس حوالےسے70سال سےزائدافرادپرکوئی بندش نہیں ہے، حکومت نےویکسین کی جو2کھیپ خریدی ہیں وہ جلدپاکستان پہنچ جائیں گے۔

معاون خصوصی نے کہا کہ اس وقت کیسزروکنےکاواحدطریقہ ہےکہ احتیاط کریں ، شہری ماسک کااستعمال جاری رکھیں، حالیہ دنوں میں ساڑھے9 فیصد کیس رپورٹ ہورہے ہیں، خدارا کورونا ایس اوپیز پر عمل کریں۔