ARYNews.tv | Urdu – Har Lamha Bakhabar

Tag: Dr Farooq Sattar

  • جماعت اسلامی کے وفد نے اسپتال جا کرڈاکٹرفاروق ستارکی عیادت کی

    جماعت اسلامی کے وفد نے اسپتال جا کرڈاکٹرفاروق ستارکی عیادت کی

    کراچی : جماعت اسلامی کے وفد نے کراچی کے امیر حافظ نعیم الرحمان کی قیادت میں متحدہ قومی موومنٹ پاکستان کے سربراہ ڈاکٹر فاروق ستار کی مقامی اسپتال جاکر عیات کی۔

    وفد نے ڈاکٹر فاروق ستار اور کے گارڈز کیلئے نیک تمناؤں کا اظہار کیا اور ان کی جلد صحت یابی کیلئے دعا کی۔


    Jamaat-i-Islami delegation visits MQM's Farooq… by arynews

    اس موقع پر خواجہ اظہار الحسن بھی موجود تھے، انہوں نے بتایا کہ ڈاکٹر فاروق ستار خیریت سے ہیں، ان کی گاڑی نے حادثے میں پانچ قلابازیاں کھائیں تاہم وہ زیادہ چوٹیں لگنے سے محفوظ رہے۔

    خواجہ اظہار الحسن نے کارکنان اور عوام سے اپیل کی ہے کہ ڈاکٹر فاروق ستار سمیت زخمی گارڈز کے لیے دعا کریں کہ اللہ تعالیٰ انہیں مکمل صحت یابی عطا فرمائے۔

    نوری آباد پرڈاکٹرفاروق ستار کی گاڑی کو خوفناک حادثہ، شدید چوٹیں آئیں

    یاد رہے کہ گزشتہ روز ایم کیو ایم پاکستان کے سربراہ ڈاکٹر فاروق ستار حیدرآباد سے تنظیمی دورے کے بعد دیگر رہنماؤں کے ہمراہ کراچی واپس آرہے تھے کہ راستے میں نوری آباد کے مقام پر ان کی گاڑی کو خوفناک حادثہ پیش آیا جس کے نتیجے میں ان کو شدید چوٹیں آئیں اور ان کے تین گارڈز بھی شدید زخمی ہوگئے تھے۔

     

  • ڈاکٹر فاروق ستار کی گاڑی کو حادثہ، سیاسی رہنماؤں کی نیک خواہشات

    ڈاکٹر فاروق ستار کی گاڑی کو حادثہ، سیاسی رہنماؤں کی نیک خواہشات

    کراچی: سربراہ ایم کیو ایم ڈاکٹر فاروق ستار کی گاڑی کو حادثے کے بعد سیاسی رہنماؤں کی جانب سے نیک خواہشات کا اظہار کیا گیا۔

    تفصیلات کے مطابق حیدرآباد سے کراچی واپس آتے ہوئے نوری آباد پر ٹریفک حادثہ پیش آیا جس میں سربراہ ایم کیو ایم پاکستان ڈاکٹر فاروق ستار  کی گاڑی مکمل طور پر تباہ ہوگئی اور اُس میں موجود حفاظت پر مامور پولیس اہکاروں، ڈرائیور اور پرسنل سیکریٹری میں موجود تھے، حادثے کے نتیجے میں ڈاکٹر فاروق ستار کو چوٹیں آئیں تاہم اُن کے گارڈز اور سیکریٹری سبطین کی حالات تشیویش ناک ہے، تمام زخمیوں کو عباسی شہید اسپتال منتقل کردیا گیا جبکہ ڈاکٹر فاروق ستار کو ناظم آباد میں واقع اے او کلینک منتقل کیا گیا ہے۔

    پڑھیں: نوری آباد پرڈاکٹرفاروق ستار کی گاڑی کو خوفناک حادثہ، شدید چوٹیں آئیں

    اس ضمن میں پاک سرزمین پارٹی کے سربراہ مصطفیٰ کمال نے ڈاکٹر فاروق ستار کی گاڑی کے حادثے پر شدید تشیویش کا اظہار کرتے ہوئے اُن کی جلد صحت یابی کے لیے دعا کی جبکہ تحریک انصاف کے رہنماء عمران اسماعیل نے اپوزیشن لیڈر سندھ خواجہ اظہار الحسن سے رابطہ کر کے تمام زخمیوں کی جلد صحت یابی کے لیے دعا کی۔

    ایم کیو ایم کی رابطہ کمیٹی کے رکن واسع جلیل نے قائد ایم کیو ایم اور کنونیئر ندیم نصرت کی جانب سے ڈاکٹر فاروق ستار کی گاڑی کے حادثے پرافسوس کا اظہار کرتے ہوئے اُن کی جلد صحت یابی کے لیے بھی دعا کی۔

    علاوہ ازیں معروف مذہبی اسکالر ڈاکٹر عامر لیاقت حسین نے بھی ڈاکٹر فاروق ستار کی جلد صحت یابی کے لیے دعا کی اور اُن کی سیاسی زندگی میں جلد واپسی کی خواہش کا اظہار کیا۔

    ایم کیو ایم کی منحرف رکن اسمبلی ارم عظیم فاروقی نے بھی فاروق ستار کی گاڑی کے حادثے پر اُن کے لیے دعائے صحت اور نیک خواہشات کا اظہار کیا ہے۔

    دوسری جانب مسلم لیگ ن کے سینیٹر سلیم ضیاء اے او کلینک پہنچے اور ایم کیو ایم کے پارلیمنٹیرین سے ملاقات کر کے فاروق ستار کی جلد صحت یابی کے لیے دعا کرتے ہوئے پارٹی قیادت کی جانب سے نیک خواہشات کا اظہار کیا۔

    سابق صدر آصف علی زرداری کی صاحبزادی آصفہ بھٹو زرداری ڈاکٹر فاروق ستار اور اُن کے ساتھ زخمی ہونے والوں کے لیے نیک خواہشات کا اظہار کیا ہے اور اُن کی جلد صحت یابی کے لیے بھی دعا کی۔

  • نوری آباد پرڈاکٹرفاروق ستار کی گاڑی کو خوفناک حادثہ، شدید چوٹیں آئیں

    نوری آباد پرڈاکٹرفاروق ستار کی گاڑی کو خوفناک حادثہ، شدید چوٹیں آئیں

    کراچی : ایم کیو ایم پاکستان کے سربراہ ڈاکٹر فاروق ستار کی گاڑی کو خوفناک حادثہ پیش آیا ہے حادثے میں فاروق ستار کی کمر اور کندھے میں شدید چوٹیں آئیں ہیں۔

    تفصیلات کے مطابق متحدہ قومی موومنٹ کے پاکستان کے سربراہ ڈاکٹر فاروق ستار اپنے ساتھیوں کے ہمراہ حیدرآباد کے تنظیمی دورے کے بعد سے کراچی واپس آرہے تھے کہ راستے میں نوری آباد کے مقام پر موڑ کاٹتے ہوئے تیز رفتاری کے باعث ان کی گاڑی الٹ گئی۔

    sattar-post

    ڈاکٹرفاروق ستار کی گاڑی نے چار سے پانچ  قلابازیاں کھائیں جس کے نتیجے میں ان کی بلٹ پروف گاڑی مکمل طور پر تباہ ہوگئی، اور ان کے ساتھ موجود چار گارڈ بھی شدید زخمی ہیں۔

    متحدہ رہنماؤں نے تصدیق کی ہے کہ ڈاکٹر فاروق ستار کی حالت خطرے سے باہر ہے البتہ ان کے گارڈز اور ان کے پرسنل سیکیریٹری سبطین کو شدید چوٹیں آئیں ہیں۔


    حادثے کے بعد ڈاکٹر فاروق ستار اور ان کے گارڈز کو نوری آباد کے مقامی اسپتال میں ابتدائی طبی امداد دی گئی۔

    ذرائع کے مطابق ڈاکٹر فاروق ستار اور ان کے زخمی گارڈز کو خواجہ اظہار الحسن کی گاڑی میں کراچی کے اسپتال اے او کلینک منتقل کر دیا گیا ہے۔

    متحدہ کے رہنما عامر خان نے بتایا ہے کہ میری گاڑی ڈاکٹر فاروق ستار کی گاڑی کے پیچھے تھی، عامر خان کا کہنا تھا کہ ان کو اندرونی چوٹیں آئی ہیں۔

    حادثے کی خبر سنتے ہی متحدہ کے دیگر رہنما اور کارکنان بڑی تعداد میں اے او کلینک پہنچنا شروع ہوگئے، ڈاکٹر فاروق ستار کی اہلیہ بھی اسپتال پہنچ گئیں ہیں۔

    ذرائع کے مطابق حادثے میں زخمی ہونے والے گارڈز کو عباسی شہید اسپتال کراچی منتقل کر دیا گیا ہے۔

    اے آر وائی کے نمائندے رافع حسین نے بتایا ہے کہ ان کی ڈاکٹر فاروق ستار سے فون پر مختصر بات ہوئی ہے، جس میں ان کا کہنا تھا کہ مجھے اندرونی چوٹیں آئی ہیں، کندھے میں شدید درد محسوس کر رہا ہوں اور یہ کہ میں مزید بات کرنے کی پوزیشن میں نہیں ہوں۔

    بعد ازاں ڈاکٹر فاروق ستار کو اے او کلینک منتقل کر دیا گیا، جہاں ڈاکٹروں کا کہنا ہے کہ ان کی حالت خطرے سے باہر ہے اور ڈاکٹر فاروق ستار کو معمولی چوٹیں آئیں ہیں۔

     

  • ایم کیو ایم میں کوئی تقسیم یا دراڑ نہیں، ڈاکٹرفاروق ستار

    ایم کیو ایم میں کوئی تقسیم یا دراڑ نہیں، ڈاکٹرفاروق ستار

    حیدرآباد : ایم کیو ایم پاکستان کے سربراہ ڈاکٹرفاروق ستار نے کہا ہے کہ ہمارا ووٹ بینک، عوامی حمایت اور تائید ہر طریقے سے قائم ہے، اس میں کوئی تقسیم یا دراڑ نہیں۔

    حیدرآباد میں ایم کیو ایم کے منتخب نمائندوں اور ذمہ داران کے ساتھ منعقدہ اجلاس کے موقع پر پریس کانفرنس سے خطاب کرتے ہوئے ڈاکٹر فاروق ستار نے کہا کہ ہمیں عزیز آباد سے نکالا گیا لیکن ہم ڈیفنس، کلفٹن یا سوسائٹی کے کسی پوش علاقے میں نہیں گئے، ہم نے ایک متوسط طبقے کے علاقے پیرالٰہی بخش کالونی میں اپنا مرکز قائم کیا ہے۔

    ہمارا منشور پاکستان کی سالمیت اور وحدت پر ہمارا یقین محکم ہے، انہوں نے کہا کہ آپریشن کئے جائیں، ہم نے آپریشن کی حمایت کی ہے اور اس آپریشن میں مجرموں اور دہشت گردوں کو کیفرکردار تک پہنچایا جائے لیکن دہشت گردی کے قلع قمع کے ساتھ بنیادی مسائل کو حل کرنا بھی ضروری ہے۔

    انہوں نے کہا کہ شمالی وزیرستان میں جب آپریشن ہوا تو وہاں کے منتخب نمائندوں کو آنر شپ دی گئی، 3سال سے کراچی میں آپریشن ہورہا ہے، کراچی ،حیدرآباد سمیت سندھ کے شہری علاقوں کو کونسا پیکیج دیا گیا، صرف بے اختیار بلدیاتی نظام دیا گیا ہے۔

    ڈاکٹر فاروق ستار کا کہنا تھا کہ کراچی میں آپریشن کے ساتھ ساتھ اسلام آباد کی جانب سے معاشی پیکیج بھی آنا چاہئے تھا۔

    صحافی کی جانب سے اس سوال پر کہ لوگوں کے دلوں سے ایم کیوایم کے بانی کی محبت کو کیسے نکالیں گے اس سوال پر فاروق ستار کا کہنا تھا کہ اگر ہزاروں اور لاکھوں لوگوں نے یہ سوال کردیا تو ہم دیکھیں گے کہ کیا اس کا ریفرنڈم کرانا ہے، ہمارے نزدیک اجتماعیت کی اہمیت ہے۔

    35سال کی محنت کو بچانا ہے، لوگ مایوس نہیں ہیں جبکہ ایم کیو ایم کوئی طشتری میں رکھا کوئی حلوہ نہیں جسے کوئی بھی کھا جائے گا۔

    ایک سوال پران کا کہنا تھا کہ مسئلہ پاکستان مخالف نعروں کا نہیں بلکہ مسئلہ پاکستان موافق نعرہ لگانے والوں کو قبول کرنے کا ہے، ہمارے دفاتر گرائے جارہے ہیں جوکہ غیر آئینی اور غیر سیاسی عمل ہے۔

    اس طرح سے لوگوں کے دلوں کو نہیں جیتا جاسکتا، انہوں نے کہا کہ 2013ء میں آئینی طور پر کوٹہ سسٹم ختم ہوگیا لیکن غیر آئینی طور پر اب تک لاگو ہے، اس معاملے پر وزیراعظم اپنا کردار ادا کریں۔

     

  • ایم کیو ایم کےعارضی دفترپرسیکیورٹی فراہم کی جائے، فاروق ستارکا حکام کو خط

    ایم کیو ایم کےعارضی دفترپرسیکیورٹی فراہم کی جائے، فاروق ستارکا حکام کو خط

    کراچی : متحدہ قومی موومنٹ پاکستان کے سربراہ ڈاکٹرفاروق ستار نے وزیراعظم نوازشریف اور وزیراعلیٰ سندھ سید مراد علی شاہ کو ایک خط تحریرکیا ہے جس میں انہوں نے پی آئی بی کالونی میں قائم ایم کیو ایم کے عارضی دفترکو سیکیورٹی فراہم کرنے کی درخواست کی ہے.

    خط میں کہا گیا ہے کہ سیکیورٹی تسلی بخش نہ ہونے کی وجہ سے دفتر پر دہشت گردوں کے حملے کا خدشہ ہے. عارضی پارٹی دفتر پر پولیس نفری کے ساتھ رینجرز اہلکار بھی تعینات کئے جائیں۔

    ڈاکٹر فاروق ستار کا کہنا ہے کہ مناسب سیکیورٹی نہ ہونے کے باعث کوئی بھی ناخوشگوار واقعہ پیش آسکتا ہے، لہٰذا عارضی پارٹی دفتر کو سیکیورٹی فراہم کی جائے.

    یاد رہے کہ کراچی کے علاقے پی آئی بی کالونی میں ڈاکٹر فاروق ستار کی رہائش گاہ میں ایم کیوایم کا عارضی مرکز قائم کیا گیا ہے۔

     

  • ایم کیوایم کو چھوڑکرجانے والے جلد واپس آئیں گے، ڈاکٹرفاروق ستار

    ایم کیوایم کو چھوڑکرجانے والے جلد واپس آئیں گے، ڈاکٹرفاروق ستار

    کراچی : متحدہ قومی موومنٹ کے مرکزی رہنما ڈاکٹر فاروق ستار نے کہا ہے کہ دباؤ کےباعث ایم کیوایم کو چھوڑکر جانے والے جلد واپس آئیں گے۔ ان کا کہنا تھا کہ آصف حسنین کے جانے سے کوئی فرق نہیں پڑتا۔

    یہ بات انہوں نے کراچی میں کارکنان کی گھر پر آمد کے موقع پر میڈ یا سے گفتگو کرتے ہوئے کہی، ڈاکٹرفاروق ستار نے کہا کہ کارکنوں کو خوف زدہ ہونے کی کوئی ضرورت نہیں ہے، متحدہ نے 38 سال جدو جہد کی ہے جس کو ضائع نہیں ہونے دیں گے۔

    ڈاکٹر فاروق ستار نے وزیر اعظم نواز شریف اور آرمی چیف جنرل راحیل شریف سے مطالبہ کیا کہ کارکنوں کو ٹارچر کر کے وفاداریاں تبدیل کرانے، زیر حراست کارکنوں کے ماورائے عدالت قتل اورایم کیو ایم کو دیوار سے لگانے کا سلسلہ بند ہونا چاہیے،ہمارا مینڈیٹ تسلیم کیا جائے۔

    آصف حسنین کی پی ایس پی شمولیت کے حوالے سے انہوں نے کہا کہ آصف حسنین کے جانے سے کوئی فرق نہیں پڑتا ،ان کے حوالے سے کل کی پریس کانفرنس میں بیان دیں گے۔

    فاروق ستار نے دعوٰی کیا کہ اب پہیہ الٹا چلےگا، جو کارکنان خوفزدہ ہو کر متحدہ چھوڑ گئے تھے اب وہ واپس آرہے ہیں۔ انہوں ماورائے عدالت ایم کیوایم کے کارکن کے جاں بحق ہونے کی مذمت کی۔

     

  • فاروق ستار نے پریس کانفرنس کا ڈرامہ میئرالیکشن کیلیے رچایا، ایاز لطیف پلیجو

    فاروق ستار نے پریس کانفرنس کا ڈرامہ میئرالیکشن کیلیے رچایا، ایاز لطیف پلیجو

    کراچی : عوامی تحریک کے سربراہ ایاز لطیف پیلجو نے کہا ہے کہ ایم کیو ایم نے پریس کانفرنس کا ڈرامہ صرف میئر الیکشن کیلیے رچایا ہے۔

    یہ بات انہوں نے اے آر وائی نیوز سے خصوصی گفتگو کرتے ہوئے کہی، ایاز لطیف پیلجو کا کہنا تھا کہ بغاوت کے مقدمے تک میئرز الیکشنز ملتوی کیے جائیں۔

    ان کا کہنا تھا کہ فاروق ستار کی پریس کانفرنس محض ڈرامہ ہے، میئرز کے الیکشن کیلئے امیدوار ایم کیوایم کے قائد نے ہی نامزد کیے تھے۔

    واضح رہے کہ آج شام ہونے والی ایم کیو ایم کی پریس کانفرنس میں ڈاکٹر فاروق ستار کا کہنا تھا کہ کراچی اور حیدر آباد کے میئرز ایم کیو ایم کے ہوں گے۔

    کراچی سمیت سندھ بھر میں میئر، ڈپٹی میئر اور ضلع کونسل کے چیئرمین کے انتخابات کل ہوں گے۔ میئر اورڈپٹی میئرز کے الیکشن سے ایک دن پہلے ایم کیو ایم بُری طرح پھنستی ہوئی نظر آئی لیکن ڈاکٹر فاروق ستار نے معاملات سنبھال لیے۔

    ڈاکٹرفاروق ستار نے پوری پریس کانفرنس کی اور آخر میں اہم بات بھی کہہ گئے کہ کراچی اور حیدر آباد کا میئر تو اپنا ہی ہوگا، یاد رہے کہ سندھ میں میئر،ڈپٹی میئرچیئرمین اورڈپٹی چیئرمین کے الیکشن کل چوبیس اگست کو ہورہے ہیں

     

  • فاروق ستار،عامر لیاقت اورخواجہ اظہار نے اے آروائی دفترکا دورہ کیا

    فاروق ستار،عامر لیاقت اورخواجہ اظہار نے اے آروائی دفترکا دورہ کیا

    کراچی : متحدہ قومی موومنٹ کے رہنماؤں ڈاکٹر فاروق ستار، ڈاکٹر عامر لیاقت حسین اور خواجہ اظہار الحسن سمیت ودیگر نے مدینہ سٹی مال صدر میں واقع اے آر وائی نیوز کے دفتر کا دورہ کیا۔

    اس موقع پر انہوں نے دفتر کے ان مقامات کا جائزہ لیا جہاں گزشتہ روز مسلح افراد نے توڑ پھوڑ کی تھی۔ تمام رہنماؤں نے اس واقعے پر اپنے شدید غم و غصے کا اظہار کرتے ہوئے واقعے کی پر زورالفاظ میں مذمت کی۔

    ان کا کہنا تھا کہ جو بھی ہوا ایسا ہرگز نہیں ہونا چاہئیے تھا۔ انہوں نے مطالبہ کیا کہ اس افسوسناک واقعے میں ملوث افراد کو قانون کے مطابق قرار واقعی سزا دی جائے۔ ایسے لوگوں کا ایم کیو ایم سے کوئی تعلق نہیں۔

     

  • ڈاکٹرفاروق ستارنے صحافیوں کے ساتھ پاکستان زندہ باد کے نعرے لگائے

    ڈاکٹرفاروق ستارنے صحافیوں کے ساتھ پاکستان زندہ باد کے نعرے لگائے

    کراچی : متحدہ قومی موومنٹ کے مرکزی رہنما ڈاکٹر فاروق ستارکی پریس کانفرنس میں صحافیوں نے پاکستان زندہ باد کے نعرے بلند کردیئے۔ صحافیوں کی جانب سے ڈاکٹر فاروق ستارسے بھی یہ نعرہ لگانے کا مطالبہ کیا گیا۔

    تفصیلات کے مطابق گزشتہ روز جس جگہ فاروق ستار کی پارٹی نے پاکستان مخالف نعرے لگائے اور آج انہیں وہاں دیکھ کر صحافیوں نے پاکستان زندہ باد کے نعرے بلند کردیئے۔

    کراچی پریس کلب کے باہر صحافیوں کے احتجاج نے ڈاکٹر فاروق ستار کو بھی پاکستان زندہ باد کا نعرہ لگانے پر مجبور کیا اوروہ پاکستان کے پرچم کا بینر پکڑ ے صحافیوں کے احتجاج میں شامل ہوگئے۔

    میڈیا پر حملے اور پاکستان مخالف بیانات پر ڈاکٹر فاروق ستار کو پریس کلب کے اندر بھی احتجاج کا سامنا کرنا پڑا۔ ایک صحافی رہنما نے پاکستان زندہ باد کے نعرے لگائے اور پریس کانفرنس کا بائیکاٹ کردیا۔

    دوسری جانب جب تک ڈاکٹر فاروق ستار نے پاکستان مخالف بیان سے لا تعلقی ظاہر نہ کی انہیں صحافیوں کی جانب سے تند و تیز تبصروں کا سامنا رہا۔

     

  • فاروق ستاراوراظہارالحسن رہا، کنورنوید جلیل اورقمرمنصورتحویل میں

    فاروق ستاراوراظہارالحسن رہا، کنورنوید جلیل اورقمرمنصورتحویل میں

    کراچی: ایم کیو ایم کے ڈپٹی کنوینر فاروق ستار اور سندھ اسمبلی میں ایم کیو ایم کے پارلیمانی لیڈر خواجہ اظہار الحسن کو رینجرز نے رہا کردیا جب کہ ایم کیو ایم کے ڈپٹی کنوینر شاہد پاشا، کنویر نوید جمیل اور قمر منصور کو اپنی تحویل میں کرلیا۔

    اطلاعات کے مطابق ان رہنمائوں سے بھوک ہڑتالی کیمپ میں بیٹھے افراد اور میڈیا ہاؤسز پر حملہ کرنے والے افراد سے متعلق معلومات حاصل کی گئیں تھیں۔

    واضح رہے کہ ان دونوں رہنماؤں کو رینجرز حکام نے کراچی پریس کلب پر پریس کانفرنس سے قبل پوچھ گچھ کیلئے اپنی حراست میں لیا تھا۔

    مزید پڑھیں : فاروق ستار سمیت متحدہ کے چار رہنما زیر حراست

    تازہ ترین اطلاعات کے مطابق ایم کیو ایم کے رہنما قمر منصور،وسیم احمد، کنور نوید جمیل اور ایم کیو ایم کے ڈپٹی کنوینر شاہد پاشا کو بھی رینجرز نے حراست میں لے لیا۔