Tag: Dr Mohammad Faisal

  • بھارتی حملوں کا جواب دینے کے لیے کاؤنٹ ڈاؤن شروع، پاکستانی ہائی کمشنر کا اسکائی نیوز کو انٹرویو

    بھارتی حملوں کا جواب دینے کے لیے کاؤنٹ ڈاؤن شروع، پاکستانی ہائی کمشنر کا اسکائی نیوز کو انٹرویو

    اسلام آباد: پاکستانی ہائی کمشنر ڈاکٹر محمد فیصل نے خبردار کیا ہے کہ بھارتی حملوں کا جواب دینے کے لیے کاؤنٹ ڈاؤن شروع ہو گیا ہے۔

    تفصیلات کے مطابق برطانیہ میں تعینات پاکستانی ہائی کمشنر ڈاکٹر محمد فیصل نے اسکائی نیوز کو انٹرویو میں کہا پاکستان نے بارہا پہلگام واقعے کی عالمی سطح پر تحقیقات میں تعاون کی پیشکش کی، پاکستان کی پہلی ترجیح امن تھی، لیکن اب اس میں کوئی شک نہیں کہ بھارتی حملوں کا منہ توڑ جواب دیا جائے گا۔

    ڈاکٹر محمد فیصل نے کہا بھارتی حملوں کا جواب دینے کے لیے کاؤنٹ ڈاؤن شروع ہو گیا ہے، سیکیورٹی کونسل اور بہت سے ممالک نے بھارت سے کشیدگی میں کمی لانے کا کہا تھا لیکن بھارت نے سیکیورٹی کونسل سمیت کسی کی بات نہ سنی اور حملے کر دیے۔


    عہد کرتے ہیں شہیدوں کے خون کے ایک ایک قطرے کا حساب ضرور لیا جائیگا، وزیراعظم


    ہائی کمشنر نے کہا ہمارے ملک پر میزائل پھینکے جا رہے ہیں، معصوم لوگوں کو نشانہ بنایا جا رہا ہے، میزائل حملوں کی صورت میں بھارت سے کیسے تعاون کیا جا سکتا ہے؟ بھارت پہلگام واقعے کی عالمی سطح پر تحقیقات سے کیوں خوف زدہ ہے؟


    لاہور والٹن روڈ کے علاقے میں یکے بعد دیگرے 3 دھماکے


    واضح رہے کہ وزیر اعظم شہباز شریف نے قوم سے خطاب کرتے ہوئے کہا ہے کہ بھارت کو اپنی غلطی کا خمیازہ ضرور بھگتنا ہوگا، عہد کرتے ہیں شہیدوں کے خون کے ایک ایک قطرے کا حساب لیا جائے گا، گزشتہ رات بھارت نے فاش غلطی کی، شاہینوں نے ایسی کاری ضرب لگائی کہ دشمن بھول نہیں سکے گا، ایک گھنٹے کی جنگ میں دشمن کے طیاروں کے پرخچے اڑا دیے۔

  • حکومت اور میڈیا کے درمیان تعلق کو مضبوط بنانا ہوگا: ترجمان دفتر خارجہ

    حکومت اور میڈیا کے درمیان تعلق کو مضبوط بنانا ہوگا: ترجمان دفتر خارجہ

    اسلام آباد: ترجمان دفتر خارجہ ڈاکٹر محمد فیصل کا کہنا ہے کہ حکومت اور میڈیا کے درمیان تعلق کو مضبوط بنانا ہوگا، پاکستانی میڈیا کو مزید ذمہ داری کا مظاہرہ کرنا ہوگا۔

    تفصیلات کے مطابق ترجمان دفتر خارجہ ڈاکٹر محمد فیصل نے سیمینار سے خطاب کرتے ہوئے کہا کہ تیزی سے بدلتی دنیا میں سفارت کاری بھی بدل رہی ہے، معلومات کے تیز تبادلے کے باعث سفارت کاروں کو بھی آسانی ہوئی۔

    ترجمان کا کہنا تھا کہ پاکستانی میڈیا کا کردار کافی اچھا رہا ہے، پاکستانی میڈیا نے بھارتی میڈیا کے برعکس حقائق پر مبنی رپورٹنگ کی۔ پاکستانی میڈیا نے بھارتی جھوٹ کے خلاف نیشنلسٹ طریقہ اپنایا۔

    انہوں نے کہا کہ حکومت اور میڈیا کے درمیان تعلق کو مضبوط بنانا ہوگا، پاکستانی میڈیا کو مزید ذمہ داری کا مظاہرہ کرنا ہوگا۔

    اس سے قبل ترجمان دفتر خارجہ نے کہا تھا کہ چاہتے ہیں بھارت سے پلوامہ حملے پر قابل عمل معلومات مل جائیں۔

    انہوں نے کہا تھا کہ بھارت کو کچھ نئے سوالات بھیجے ہیں، بھارت نے پہلے کے سوالات کا جواب بھی ابھی تک نہیں دیا۔

  • ہالینڈ میں تمام پاکستانی خیریت سے ہیں‘ ترجمان دفترخارجہ

    ہالینڈ میں تمام پاکستانی خیریت سے ہیں‘ ترجمان دفترخارجہ

    اسلام آباد : ترجمان دفترخارجہ ڈاکٹرمحمد فیصل کا کہنا ہے ہالینڈ میں تمام پاکستانی خیریت سے ہیں۔

    تفصیلات کے مطابق سماجی رابطے کی ویب سائٹ ٹویٹرپرترجمان دفترخارجہ ڈاکٹرمحمد فیصل نے کہا کہ ہالینڈ میں ہمارے سفیرکے مطابق تمام پاکستانی خیریت سے ہیں۔

    یاد رہے کہ گزشتہ روز ہالینڈ کے شہر اتریخت میں ترک نژاد شہری نے ٹرام میں سفر کرنے والے مسافروں پر فائرنگ کردی تھی جس کے نتیجے میں 3 افراد ہلاک اور متعدد زخمی ہوگئے تھے۔

    نیدر لینڈز: ترک شہری کی ٹرام میں فائرنگ سے 3 افراد ہلاک

    پولیس حکام کے مطابق فائرنگ کا واقعہ 10 بجکر 45 منٹ پر پیش آیا تھا جس کے بعد انسداد دہشت گردی پولیس نے جائے وقوعہ پر پہنچ کر ایک عمارت کو بھی اپنی تحویل میں لے لیا تھا۔

    میئر اتریخت نے فائرنگ کے واقعے میں 3 افراد کی ہلاکت کی تصدیق کرتے ہوئے بتایا تھا کہ حملے میں 9 افراد زخمی ہوئے۔

    ہالینڈ: ٹرام میں فائرنگ کرنے والا مشتبہ حملہ آور گرفتار

    بعدازاں اتریخت پولیس کا کہنا تھا کہ فائرنگ کے واقعے میں مشتبہ شخص کو گرفتار کرلیا گیا ہے۔

    واضح رہے کہ تین روز قبل جمعے کو نیوزی لینڈ کے شہر کرائسٹ چرچ میں ایک آسٹریلوی شہری نے دو مساجد پر فائرنگ کر کے پچاس مسلمانوں کو شہید کر دیا تھا، اس واقعے کی دنیا بھر میں شدید مذمت کی گئی۔

  • کشمیر میں کم ووٹرز ٹرن آؤٹ ثابت کرتا ہے لوگ بھارت سے تنگ ہیں: ترجمان دفتر خارجہ

    کشمیر میں کم ووٹرز ٹرن آؤٹ ثابت کرتا ہے لوگ بھارت سے تنگ ہیں: ترجمان دفتر خارجہ

    اسلام آباد: ترجمان دفتر خارجہ ڈاکٹر فیصل کا کہنا ہے کہ مقبوضہ کشمیر میں کم ووٹر ٹرن آؤٹ ثابت کرتا ہے لوگ بھارت سے تنگ ہیں، اقوام متحدہ کی انسانی حقوق کونسل نے کشمیر میں مظالم کی تصدیق کی ہے۔

    تفصیلات کے مطابق ترجمان دفتر خارجہ ڈاکٹر فیصل نے مسئلہ کشمیر سے متعلق تقریب سے خطاب کرتے ہوئے کہا کہ برطانوی پارلیمنٹ نے بھی مقبوضہ کشمیر میں انسانی حقوق کی خلاف ورزیوں کی تصدیق کی۔ رپورٹس میں بھارتی مظالم کا تفصیل سے ذکر ہے۔

    ترجمان کا کہنا تھا کہ اقوام متحدہ کی انسانی حقوق کونسل نے کشمیر میں مظالم کی تصدیق کی، کشمیری اپنے خون سے تاریخ لکھ رہے ہیں۔

    ڈاکٹر فیصل نے کہا کہ مقبوضہ کشمیر میں کم ووٹر ٹرن آؤٹ ثابت کرتا ہے لوگ بھارت سے تنگ ہیں، ایسا صرف اس طرح ممکن ہے کہ کسی ملک کے لوگ خود احتجاج کے لیے باہر نکلیں۔

    خیال رہے کہ مقبوضہ کشمیر میں گزشتہ کئی روز سے بھارتی فوج کی بربریت جاری ہے جس سے کئی کشمیری شہید ہوچکے ہیں۔

    اس سے قبل دفتر خارجہ نے کہا تھا کہ کشمیر میں بھارتی مظالم حد سے تجاوز کر گئے ہیں، بھارتی مظالم کو اقوام متحدہ بھی نظر انداز نہیں کرسکتا۔

    ترجمان نے کہا تھا کہ جنوبی ایشیا میں امن کے راستے کشمیر سے ہو کر جاتے ہیں، بھارت نے بنگلور میں ایمنسٹی انٹرنیشنل کا دفتر بند کردیا، ایمنسٹی انٹرنیشنل نے مقبوضہ کشمیر پر رپورٹ جاری کرنا تھی۔

    ڈاکٹر فیصل کے مطابق اقوام متحدہ کے انسانی حقوق کمیشن نے بھارتی مظالم پر رپورٹ جاری کی تھی، عملی طور پر کشمیریوں سے وعدے پورے کریں گے، بھارت نے کشمیر میں ظلم و بربریت کی انتہا کردی ہے۔

  • عراق میں پھنسے زائرین کا مسئلہ حل ہوگیا‘ ترجمان دفتر خارجہ

    عراق میں پھنسے زائرین کا مسئلہ حل ہوگیا‘ ترجمان دفتر خارجہ

    اسلام آباد : ترجمان دفترخارجہ ڈاکٹرمحمد فیصل کا کہنا ہے کہ پاکستانی سفارت خانے کی کوششوں سے عراق میں پھنسے زائرین کا مسئلہ حل ہوگیا۔

    تفصیلات کے مطابق پاکستانی سفارت خانے کی کوششوں کے باعث بغداد ایئرپورٹ پر کئی روز سے محصور زائرین کو واپس وطن بھیج دیا گیا۔

    ترجمان دفتر خارجہ نے سماجی رابطے کی ویب سائٹ ٹویٹر پر اپنے پیغام میں بتایا کہ عراق میں پاکستانی سفارت خانہ تمام زائرین کو وطن بھیجنے میں کامیاب ہوگیا۔

    ڈاکٹرمحمد فیصل نے زائرین کو وطن آنے پر خوش آمدید کہتے ہوئے کہا کہ ٹور آپریٹر کے خلاف انکوائری کا آغاز کردیا گیا ہے جس کی وجہ سے زائرین کو مشکلات کا سامنا کرنا پڑا۔

    ترجمان دفتر خارجہ نے عراق میں پاکستانی سفیرساجد بلال اور ان کی ٹیم کو خراج تحسین پیش کیا۔

    بغداد ایئر پورٹ پر پھنسے 120 پاکستانیوں کی حکومت سے امداد کی اپیل

    یاد رہے کہ دو روز قبل بغداد ایئر پورٹ پر پھنسے 120 پاکستانیوں نے وطن واپسی کے لیے حکومت سے امداد کی اپیل کی تھی، مذکورہ افراد کو ٹریول ایجنٹ نے وقت پرپاسپورٹ فراہم نہیں کیے تھے۔

  • پاک چین تعلقات نئی بلندیوں کوچھو رہے ہیں‘ ترجمان دفترخارجہ

    پاک چین تعلقات نئی بلندیوں کوچھو رہے ہیں‘ ترجمان دفترخارجہ

    اسلام آباد : ترجمان دفترِخارجہ ڈاکٹرمحمد فیصل کا کہنا ہے کہ پاک چین دوستی سمندرسے بھی گہری ہے۔

    تفصیلات کے مطابق سماجی رابطے کی ویب سائٹ ٹویٹرپردفترخارجہ کے ترجمان ڈاکٹرمحمد فیصل نے اپنے پیغام میں کہا ہے کہ پاک چین تعلقات نئی بلندیوں کو چھورہے ہیں۔

    ترجمان دفترخارجہ نے اپنے پیغام میں مزید کہا کہ پاک چین دوستی سمندر سے بھی گہری ہے۔

    پاکستان اور چین کے درمیان 15معاہدوں ‌‌‌ اور یادداشتوں پر دستخط

    دوسری جانب پاکستان اورچین کے درمیان وفود کی سطح پر ہونے والے مذاکرات میں دوطرفہ تعاون کے پندرہ معاہدوں اور مفاہمت کی یادداشتوں پر دستخط کردیے گئے۔

    پاکستان اورچین کے درمیان جن معاہدوں پر دستخط کیے گئے ان میں زراعت، تکنیکی اوراقتصادی شعبوں میں تعاون، اسلام آباد اور بیجنگ پولیس کے درمیان تعاون ، ہائرایجوکیشن کمیشن پاکستان اور چین کی سائنس اکیڈمی اور چین کی اکیڈمی آف سائنسز اور پاکستان میٹرولوجیکل ڈیپارٹمنٹ کے درمیان معاہدے شامل ہیں۔

    بیجنگ: وزیراعظم عمران خان کی چینی ہم منصب سے ملاقات

    واضح رہے کہ وزیراعظم عمران خان آج صبح گریٹ ہال پہنچے تو چینی وزیراعظم لی کی چیانگ اور ان کی کابینہ کے اراکین نے ان کا شاندار استقبال کیا۔

    تقریب میں دونوں ممالک کےقومی ترانوں کی دھنیں بجائی گئیں، وزیراعظم پاکستان کے اعزازمیں گارڈ آف آنربھی پیش کیا گیا۔

  • وزیراعظم نےبھارتی ہم منصب کومثبت اندازمیں جواب دیا ‘ ترجمان دفترخارجہ

    وزیراعظم نےبھارتی ہم منصب کومثبت اندازمیں جواب دیا ‘ ترجمان دفترخارجہ

    اسلام آباد : ترجمان دفترخارجہ ڈاکٹرمحمد فیصل کا کہنا ہے کہ وزیراعظم عمران خان نے بھارتی ہم منصب کومثبت اندازمیں جواب دیا، آئیے بات کریں اورتمام مسائل حل کریں۔

    تفصیلات کے مطابق سماجی رابطے کی ویب سائٹ ٹویٹر پرترجمان دفتر خارجہ نے اپنے پیغام میں کہا کہ وزیراعظم نے بھارتی ہم منصب کو مثبت انداز میں جواب دیا۔

    ڈاکٹرمحمد فیصل نے کہا کہ بھارت کی جانب سے باضابطہ جواب کے منتظر ہیں۔

    خیال رہے کہ وزیراعظم عمران خان نے بھارتی ہم منصب نریندر مودی کو خط لکھا ہے جس میں مذاکرات کا سلسلہ بحال کرنے پرزور دیا گیا ہے۔

    وزیراعظم عمران خان نے خط میں مزید کہا ہے کہ تنازع کشمیراور دہشت گردی سمیت تمام مسائل بات چیت سے حل کرنا ہوں گے۔

    وزیراعظم عمران خان کا بھارتی ہم منصب کوخط‘ بھارتی میڈیا کا دعویٰ

    یاد رہے کہ وزیراعظم عمران خان نے 25 جولائی کو ہونے والے عام انتخابات میں کامیابی کے بعد تقریر میں کہا تھا کہ تعلقات معمول پرلانے کے لیے اگر بھارت ایک قدم آگے بڑھے گا تو پاکستان 2 قدم بڑھائے گا۔

  • بھارتی اخبار نے کلبھوشن کے جاسوس ہونے کا اعتراف کرلیا ہے،ترجمان دفترخارجہ

    بھارتی اخبار نے کلبھوشن کے جاسوس ہونے کا اعتراف کرلیا ہے،ترجمان دفترخارجہ

    اسلام آباد : بھارتی دہشت گرد کلبھوشن سے متعلق بھارتی اخبار کے اعتراف کے بعد دفترخارجہ دفترخارجہ کے ترجمان ڈاکٹرفیصل نے کہا ہے کہ سچ افسانے سے کہیں زیادہ عجیب نکلا، بھارتی اخبار نے کلبھوشن کے جاسوس ہونے کا اعتراف کرلیا ہے۔

    تفصیلات کے مطابق ترجمان دفترخارجہ ڈاکٹرفیصل نے سماجی رابطے کی ویب سائٹ ٹوئٹر پر بھارتی دہشت گرد کلبھوشن سے متعلق بھارتی اخبار کے اعتراف پر درعمل کا اظہار کرتے ہوئے کہا کہ سچ افسانے سے کہیں زیادہ عجیب نکلا۔

    ڈاکٹر فیصل نے ٹوئٹ میں کہا بھارتی اخبار نے کلبھوشن کے جاسوس ہونے کا اعتراف کرلیا ہے ، بھارتی حکومت نے اخبار سے خبر غائب کرادی۔

    ترجمان دفترخارجہ کا کہنا تھا صحافی چندن نندے خبر لگانے کے بعد سے لاپتہ ہے، چندن نندے کا اہلخانہ اوردوستوں سے کوئی رابطہ نہیں، چندن نندے کوآخری بارخان مارکیٹ دہلی میں دیکھا گیا۔

    بھارتی اخبار نے بھارتی دہشت گرد کلبھوشن سے متعلق اندرونی کہانی بیان کی تھی، جس میں اعتراف کیا گیا تھا کہ کلبھوشن را کا ایجنٹ اور جاسوس کے طور پر کام کرتا رہا، کلبھوشن کو تعینات کرنے پر را کے 2افسران کو تحفظات تھے۔


    مزید پڑھیں : کلبھوشن اناڑی حرکتوں کی وجہ سے پکڑا گیا،بھارتی اخبار کا انکشاف


    اخبار کا کہنا تھا کہ راکے دوافسرکلبھوشن کے پاکستان میں کام کے مخالف تھے، راکے سابق سربراہان کا کہنا تھا کلبھوشن کی تعیناتی میں بنیادی اصول نظراندازکئےگئے۔

    بھارتی اخبار نے انکشاف کیا کہ کلبھوشن پاکستان میں جاسوسی کی اہلیت نہیں رکھتا تھا، یہی وجہ ہے کہ اپنی اناڑی حرکتوں کی وجہ سے پکڑا گیا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔