Tag: dr rizwan death

پاکستان تحریک انصاف کے رہنما شہباز گل نے ڈاکٹر رضوان کی موت پر ردعمل ظاہر کرتے ہوئے کہا ہے کہ یہ کوئی نئی بات نہیں، قتل اسی طرح کیا جاتا ہے۔

پی ٹی آئی رہنما ڈاکٹر شہباز گل نے سماجی رابطوں کی ویب سائٹ ٹوئٹر پر اپنے ٹوئٹ میں ڈاکٹر رضوان کا نام لیے بغیر ان کی اچانک موت پر اپنے ردعمل کا اظہار کیا ہے۔

ڈاکٹر شہباز گل نے اپنے ٹوئٹ میں لکھا ہے کہ یہ کوئی نئی بات نہیں قتل اسی طرح سے کیا جاتا ہے، لوگوں اس ملک میں میری خبر کار ایکسیڈنٹ کی آنی تھی جیسےانکی ہارٹ اٹیک کی آئی۔

انہوں نے اپنے ایک اور ٹوئٹ میں اسی حوالے سے مزید لکھا کہ پہلے اسی طرح سے نیب کے افسر کو قتل کیا گیا بعد میں خودکشی قرار دیا گیا، آیان علی کے واقعے میں گرفتار کرنیوالا بھی قتل، اور کتنے قتل کرنے ہیں اس مافیا نے۔

پہلے اسی طرح سے نیب کے آفیسر کو قتل کیا گیا بعد میں خود کشی قرار۔ آیان علی کے واقعہ میں گرفتار کرنیوالا بھی قتل۔اور کتنے قتل کرنے ہیں اس مافیہ نے۔یہ امپورٹڈ رجیم لوگوں کو دن دیہاڑ قتل کر رہی،منصوبہ بندی کرکے اسے حادثہ قرار دلوا رہی ہے-عوام کو سب دیکھ رہی کہ قاتل مسلط ہو گئے ہیں https://t.co/CObdrLkMtO

— Dr. Shahbaz GiLL (@SHABAZGIL) May 9, 2022

شہباز گل کا یہ بھی کہنا تھا کہ یہ امپورٹڈ رجیم لوگوں کو دن دیہاڑے قتل کررہی ہے منصوبہ بندی کرکے اسے حادثہ قرار دلوا رہی ہے عوام سب دیکھ رہی ہے کہ قاتل مسلط ہوگئے ہیں۔

شہباز گل نے اپنے ٹوئٹ میں مزید کہا کہ سب کچھ اتنا اچھا مینج کیا جاتا ہے جیسے کہ واقعی کوئی اتفاقی حادثہ ہو، ملک میں ایک ساتھ اتنے اتفاقی حادثے نہیں قتل ہورہے ہیں۔

واضح رہے کہ ایف آئی اے کے سابق ڈائریکٹر ڈاکٹر رضوان آج صبح اچانک دل کا دورہ پڑنے کے باعث انتقال کرگئے۔

شہباز حکومت نے آتے ہی ڈاکٹر رضوان کو ان کے عہدے سے ہٹا دیا تھا، ڈاکٹررضوان نے بطور ڈائریکٹرایف آئی اے شہبازشریف اوران کی فیملی کے منی لانڈرنگ کیسز میں تفتیش کی جبکہ شوگر اسکینڈل سمیت کئی کیسوں کی بھی تحقیقات کی تھیں۔