ARYNews.tv | Urdu – Har Lamha Bakhabar

Tag: dr-sania-nashtar

  • احساس ایمرجنسی کیش پروگرام میں اہلیت ، رجسٹریشن کرانے والے افراد کیلیے اہم خبر

    احساس ایمرجنسی کیش پروگرام میں اہلیت ، رجسٹریشن کرانے والے افراد کیلیے اہم خبر

    اسلام آباد : معاون خصوصی ڈاکٹر ثانیہ نشتر کا کہنا ہے کہ وہ افراد جو 8171 پر امدادی رقم کیلئے اندراج کروا چکےہیں، وہ پورٹل پر شناختی کارڈ نمبر درج کر کے اہلیت معلوم کرسکتے ہیں۔

    تفصیلات کے مطابق احساس ایمرجنسی کیش پروگرام سے متعلق معاون خصوصی ڈاکٹر ثانیہ نشتر نے اپنے ویڈیو پیغام میں کہا ہے کہ عوام احساس پروگرام میں ویب پورٹل پراہلیت کی تصدیق کرسکتے ہیں، طریقہ کار جاننےکیلئےمعلوماتی ویڈیو جاری کر دی گئی ہے۔

    ڈاکٹر ثانیہ نشتر کا کہنا تھا کہ جو افراد 8171 پر امدادی رقم کیلئے اندراج کروا چکے ہیں، وہ ویب پورٹل پر شناختی کارڈ نمبر درج کر کے اہلیت معلوم کرسکتے ہیں۔

    یاد رہے معاون خصوصی ڈاکٹر ثانیہ نشتر نے پریس کانفرنس کرتے ہوئے کہا تھا کہ احساس ایمرجنسی کیش کا دائرہ بڑھایا جارہا ہے، پروگرام کو203ارب تک بڑھا رہے ہیں ، جس سے پاکستان کی آدھی آبادی پروگرام سے مستفید ہوسکے گی۔

    ڈاکٹر ثانیہ نشتر کا کہنا تھا کہ پروگرام کوعالمی سطح پربہت پذیرائی مل رہی ہے، سماجی بھلائی کا سب سےبڑا اور سب سے تیز پروگرام کیا، اس پروگرام میں وزیراعظم بھی ایک کیس ڈال اور نکال نہیں سکتے تھے۔

  • احساس ایمرجنسی کیش پروگرام ، ثانیہ نشتر نے پاکستانی عوام کو بڑی خوشخبری سنادی

    احساس ایمرجنسی کیش پروگرام ، ثانیہ نشتر نے پاکستانی عوام کو بڑی خوشخبری سنادی

    اسلام آباد : معاون خصوصی ڈاکٹر ثانیہ نشترنے کہا کہ احساس ایمرجنسی کیش پروگرام کو203 ارب تک بڑھایا جارہا ہے ، جس سے پاکستان کی آدھی آبادی پروگرام سے مستفید ہوسکے گی۔

    تفصیلات کے مطابق معاون خصوصی ڈاکٹر ثانیہ نشتر نے پریس کانفرنس کرتے ہوئے کہا احساس ایمرجنسی کیش کا دائرہ بڑھایاجارہاہے، پروگرام کو203ارب تک بڑھا رہے ہیں ، جس سے پاکستان کی آدھی آبادی پروگرام سے مستفید ہوسکے گی۔

    ڈاکٹر ثانیہ نشتر کا کہنا تھا کہ پروگرام کوعالمی سطح پربہت پذیرائی مل رہی ہے، سماجی بھلائی کا سب سےبڑا اور سب سے تیز پروگرام کیا، اس پروگرام میں وزیراعظم بھی ایک کیس ڈال اور نکال نہیں سکتے تھے۔

    معاون خصوصی نے کہا کہ میں نےویڈیوجاری کی تھی جس میں پروگرام سےمتعلق بتایاتھا، یہ پروگرام غیر سیاسی بنیاد پر آگے بڑھایا جارہا ہے ، جن لوگوں کے انگوٹھے کے نشانات مٹ گئے ہیں ان کیلئے طریقہ وضع کیاہے۔

    ان کا کہنا تھا کہ احساس ایمرجنسی کیش سے سندھ سب سے زیادہ مستفید ہورہا ہے ، آن لائن پورٹل کے ذریعے شہری اپنی درخواست کا نتیجہ دیکھ سکتے ہیں۔

    گذشتہ روز وزیراعظم کی معاون خصوصی ثانیہ نشتر نے کہا تھا کہ خصوصی احساس پروگرام کے تحت ملک بھر میں 153 ارب 55کروڑ سے زائد امدادی رقم تقسیم کی جاچکی ہے۔

    ثانیہ نشتر کا کہنا تھا کہ احساس ایمرجنسی کیش پروگرام میں سیاسی مداخلت اور اقربا پروری کا کوئی راستہ نہیں ہے، سماجی تحفظ کے اس پروگرام میں شفافیت ہماری اولین ترجیح ہے۔

  • احساس ایمرجنسی کیش: 149ارب 97 کروڑ روپے سے زائد کی امدادی رقم تقسیم

    احساس ایمرجنسی کیش: 149ارب 97 کروڑ روپے سے زائد کی امدادی رقم تقسیم

    اسلام آباد : حکومت نے احساس ایمرجنسی کیش کے تحت اب تک 149ارب 97کروڑ روپے سے زائد کی امدادی رقم محنت کش افراد میں تقسیم کردی۔

    تفصیلات کے مطابق احساس ایمرجنسی کیش سے متعلق معاون خصوصی ڈاکٹر ثانیہ نشتر نے سماجی رابطے کی ویب سائٹ ٹوئٹر پر اپنے پیغام میں کہا کہ ایک کروڑ 23 لاکھ 91 ہزار سے زائد محنت کش افراد میں 149ارب 97کروڑ روپے سے زائد کی امدادی رقم تقسیم کی جا چکی ہے۔

    یاد رہے گزشتہ ماہ کورونا لاک ڈاؤن میں مزدوروں، مستحقین اور ضرورت مندوں کے لیے شروع کیے گئے احساس ایمرجنسی کیش پروگرام کے تحت ایک کروڑ 20 لاکھ صارفین کی معاونت کا ہدف مکمل کر لیا گیا تھا۔

    آزاد جموں و کشمیر میں اب تک 2 ارب42 کروڑ سے زائد امدادی رقم 1 لاکھ 98 ہزار سے زائد افراد میں ،  بلوچستان میں6 لاکھ11 ہزار سے زائد افراد میں 7 ارب 43 کروڑ سےزائد جب کہ گلگت بلتستان میں86 ہزار سے زائد افراد میں 1 ارب 5 کروڑ سے زائد امدادی رقم تقسیم کی جاچکی ہے۔

    اسی طرح اسلام آباد میں63 ہزار سے زائد افراد میں76 کروڑ روپے سے زائد اور کےپی میں 21 لاکھ8 ہزار سے زائد افراد میں 25 ارب59 کروڑ سے زائد رقم تقسیم کی گئی۔

    پنجاب میں52 لاکھ75 ہزار سے زائد افراد میں63 ارب88 کروڑ سے زائد جب کہ سندھ میں36 لاکھ59 ہزار سے زائد افراد میں 44 ارب 13 کروڑ سےزائد تقسیم کی گئی۔

  • وزیراعظم کی احساس ایمرجنسی کیش پروگرام کا دائرہ ایک کروڑ60لاکھ افراد تک بڑھانے کی ہدایت

    وزیراعظم کی احساس ایمرجنسی کیش پروگرام کا دائرہ ایک کروڑ60لاکھ افراد تک بڑھانے کی ہدایت

    اسلام آباد : وزیراعظم کی معاون خصوصی ڈاکٹر ثانیہ نشتر کا کہنا ہے کہ ملکی تاریخ کاسب سےبڑااحساس ایمرجنسی کیش پروگرام جاری ہے،وزیراعظم نے پروگرام کا دائرہ ایک کروڑ60لاکھ افرادتک بڑھانے کی ہدایت کردی ہے۔

    تفصیلات کے مطابق نے پریس کانفرنس کرتے ہوئے کہا پاکستان کی تاریخ کاسب سےبڑاپروگرام احساس ایمرجنسی کیش ہے، پروگرام انتہائی مشکل حالات میں شروع کیا گیا۔

    ڈاکٹر ثانیہ نشتر کا کہنا تھا کہ ملکی تاریخ کاسب سےبڑااحساس ایمرجنسی کیش پروگرام جاری ہے، پروگرام کے چوتھے مرحلے کا آغاز ہوچکا ہے ، پروگرام ایک کروڑ20لاکھ کے لیے تھا، وزیراعظم نے پروگرام کا دائرہ ایک کروڑ60لاکھ افرادتک بڑھانے کی ہدایت کی ہے۔

    معاون خصوصی نے کہا کہ بڑاپروگرام تھااس کےلیےملک بھر میں رقم دینا بہت مشکل تھا اور رقم کی فراہمی،بائیومیٹرک تصدیق آسان نہیں تھی، لوگوں کے پاس فون پرکریڈٹ نہیں ہوتا تھا ، ہم نے آگاہی کے لیے رضا کاروں کو متحرک کیا۔

    ان کا کہنا تھا کہ رقم کی تقسیم کے لیے کمیشن پر ٹیکس کو معاف کرایاگیا، اتنے مشکل حالات میں قواعدکےتحت پروگرام چلایاگیا، ہم نےکٹوتی کرنے والے کے خلاف فوری ایکشن لیا اور انگوٹھوں کے نشانات خراب ہونے پر فوری طریقہ کار نکالا گیا۔

    ڈاکٹر ثانیہ نشتر نے مزید کہا پروگرام میں متعدداداروں کی مدد حاصل رہی، پروگرام کو مکمل طورپر غیر سیاسی بنیاد پر چلایاگیا، وزیراعظم نےپروگرام میں ہمیشہ شفافیت کی ہدایت کی۔

    معاون خصوصی کا کہنا تھا کہ پروگرام میں ساتھ دینےپرمیڈیاکی بہت شکرگزارہوں، پروگرام پوری حکومت کی نیک نیتی کاعکاس ہے۔

  • خلیجی ممالک سے بیروزگار ہوکر آنے والے پاکستانیوں کیلئے بڑی خبر

    خلیجی ممالک سے بیروزگار ہوکر آنے والے پاکستانیوں کیلئے بڑی خبر

    اسلام آباد : وزیراعظم کی معاون خصوصی ڈاکٹرثانیہ نشتر کا کہنا ہے کہ خلیجی ممالک سے بیروزگارہوکر آنے والے پاکستانیوں کو احساس پروگرام میں شامل کرنے پرغور کررہے ہیں، حتمی فیصلہ وفاقی کابینہ کرے گی۔

    تفصیلات کے مطابق وزیراعظم کی معاون خصوصی اوراحساس کیش پروگرام کی سربراہ ثانیہ نشتر نے برطانوی نشریاتی ادارے سے گفتگو کرتے ہوئے کہا خلیجی ممالک سے لوگ نوکریاں ختم ہونے پر واپس آئے ، بیروزگارہوکر آنے والے پاکستانیوں کواحساس پروگرام میں شامل کرنے پرغور کررہے ہیں۔

    ڈاکٹرثانیہ نشترکا کہنا تھا کہ اس بارے میں حتمی فیصلہ وفاقی کابینہ کرے گی، لوگ سمجھتے ہیں بے نظیرانکم سپورٹ کا نام تبدیل کرکے احساس پروگرام رکھا گیا۔ایسا نہیں ہے، بی آئی ایس پی ایک حکومتی ادارہ ہے۔

    معاون خصوصی نے کہا کہ موجودہ پروگرام3حصوں میں تقسیم ہے جوعید کے بعدختم ہوجائے گا، نچلے طبقے کی مالی امداد کا عمل چلتا رہے گا، احساس پروگرام ایک حکمت عملی کے تحت کام کررہا ہے۔

    یاد رہے معاون خصوصی زلفی بخاری نے متحدہ عرب امارات میں بیروزگار پاکستانیوں کو مفت وطن واپس لانے اور کامیاب جوان پروگرام کے تحت روزگار دینے کا اعلان کیا تھا۔

    خیال رہے وزیراعظم کے معاون خصوصی معیدیوسف کا کہنا ہے کہ خلیجی ممالک میں ہزاروں افراد کے بے روزگار ہونے کی اطلاع درست ہے، ہماری کوشش ہے ہر ہفتے 6سے 7ہزار پاکستانیوں کو واپس لایا جائے۔

  • احساس ایمرجنسی کیش پروگرام میں رجسٹریشن کروانے والوں کیلئے5 اہم اعلانات

    احساس ایمرجنسی کیش پروگرام میں رجسٹریشن کروانے والوں کیلئے5 اہم اعلانات

    اسلام آباد : وزیراعظم کے معاون خصوصی ڈاکٹر ثانیہ نشتر نے عوام کیلئے احساس ایمرجنسی کیش  پروگرام کے تحت 5 اہم اعلانات کردیے اور گزارش کی کہ پیغامات کوعوامی مفادمیں زیادہ سےزیادہ نشر کریں۔

    تفصیلات کے مطابق وزیراعظم کے معاون خصوصی ڈاکٹر ثانیہ نشتر نے سماجی رابطے کی ویب سائٹ ٹوئٹر پر اپنے پیغام میں کہا کہ احساس ایمرجنسی کیش کیلئے5اعلانات عوام کیلئےاہم ہیں، میڈیاسےالتماس ہےپیغامات کوعوامی مفادمیں زیادہ سےزیادہ نشر کریں۔

    معاون خصوصی ثانیہ نشترنے اپنے ٹوئٹ کےذریعے پیغامات بھی شیئر کردیئے۔

    گذشتہ روز وزیراعظم کی معاون خصوصی ڈاکٹرثانیہ نشتر نے کہا تھا کہ احساس پروگرام کےتحت پہلی کیٹگری میں 80 فیصدکام مکمل کرلیا گیا ہے اور دوسری کیٹگری میں کام شروع ہوچکا ہے جبکہ تیسری کیٹگری پر کام جلد شروع ہوجائے گا۔

    ڈاکٹرثانیہ نشتر کا کہنا تھا کہ احساس پروگرام کےتحت ملک بھر کےمستحقین میں رقوم کی تقسیم جاری ہے، گزشتہ چودہ روزکےدوران 50 لاکھ 75 ہزارخاندانوں میں ایمرجنسی کیش تقسیم کیا گیا اور 80 لاکھ سے زائد لوگ اس وجہ سے مسترد ہوئے کیونکہ ایک خاندان سے چار سے چھ لوگوں نے رابطہ کیا تھا جبکہ 12ہزارسرکاری ملازمین کومسترد کیا گیا۔

    خیال رہے وزیراعظم نے لاک ڈاؤن کے دوران مستحق افراد کو بارہ ہزار روپے فی خاندان دینے کااعلان کرتے ہوئے کہا تھا کہ مستحقین میں ایک سو چوالیس ارب روپے کی رقم تقسیم کی جائے گی۔

    عمران خان کی حکومت کے احساس ایمرجنسی کیش پروگرام کو عالمی میڈیا میں بھی پذیرائی ملی تھی اور امریکی نشریاتی ادارے نے اس حوالے سے رپورٹ بھی شائع کی تھی۔

  • احساس پروگرام ، ‌‌غریب عوام کیلیے بڑی خبر

    احساس پروگرام ، ‌‌غریب عوام کیلیے بڑی خبر

    اسلام آباد : وزیراعظم کی معاون خصوصی ڈاکٹرثانیہ نشتر کا کہنا ہے کہ احساس پروگرام کے تحت دوسری کیٹگری میں کام شروع ہوچکا ہے اور تیسری کیٹگری پر کام جلد شروع کردیا جائے گا۔

    تفصیلات کے مطابق وزیراعظم کی معاون خصوصی ڈاکٹرثانیہ نشتر نے کہا کہ احساس پروگرام کےتحت پہلی کیٹگری میں 80 فیصدکام مکمل کرلیا گیا ہے اور دوسری کیٹگری میں کام شروع ہوچکا ہے جبکہ تیسری کیٹگری پر کام جلد شروع ہوجائے گا۔

    ڈاکٹرثانیہ نشتر کا کہنا تھا کہ احساس پروگرام کےتحت ملک بھر کےمستحقین میں رقوم کی تقسیم جاری ہے، گزشتہ چودہ روزکےدوران 50 لاکھ 75 ہزارخاندانوں میں ایمرجنسی کیش تقسیم کیا گیا اور 80 لاکھ سے زائد لوگ اس وجہ سے مسترد ہوئے کیونکہ ایک خاندان سے چار سے چھ لوگوں نے رابطہ کیا تھا جبکہ 12ہزارسرکاری ملازمین کومسترد کیا گیا۔

    یاد رہے وزیراعظم عمران خان نے احساس راشن پورٹل کا باقاعدہ اجراکیا تھا، احساس راشن پورٹل مستحقین تک پہنچنے،راشن تقسیم میں کردار ادا کرے گا۔

    معاون خصوصی ڈاکٹر ثانیہ نشتر نے احساس راشن پورٹل سے متعلق وزیراعظم عمران خان کوبریفنگ کے دوران بتایا تھا کہ راشن پورٹل مخیر حضرات، فلاحی اداروں اور غیرسرکاری تنظیموں کو مستحق افراد تک پہنچنے میں معاون ثابت ہوگا۔

    ثانیہ نشتر کا کہنا تھا راشن پورٹل احساس پالیسی فریم ورک کے اصولوں کو مدنظر رکھ کر تشکیل دیا گیا یے، پورٹل کے تحت یقینی بنایا جا سکے گا نظام یا مستفید افراد کی معلومات کا غلط استعمال نہ ہو۔

    خیال رہے وزیراعظم نے لاک ڈاؤن کے دوران مستحق افراد کو بارہ ہزار روپے فی خاندان دینے کااعلان کرتے ہوئے کہا تھا کہ مستحقین میں ایک سو چوالیس ارب روپے کی رقم تقسیم کی جائے گی۔

    عمران خان کی حکومت کے احساس ایمرجنسی کیش پروگرام کو عالمی میڈیا میں بھی پذیرائی ملی تھی اور امریکی نشریاتی ادارے نے اس حوالے سے رپورٹ بھی شائع کی تھی۔

  • احساس ایمرجنسی کیش پروگرام ، ڈاکٹر ثانیہ نشتر نے مستحق افراد کو بڑی خوشخبری سنادی

    احساس ایمرجنسی کیش پروگرام ، ڈاکٹر ثانیہ نشتر نے مستحق افراد کو بڑی خوشخبری سنادی

    اسلام آباد : وزیراعظم کی معاون خصوصی ڈاکٹر ثانیہ نشتر کا کہنا ہے کہ احساس پروگرام میں ایک دن میں 49.2ارب روپے بینکوں کو منتقل کر دئیے ،  مستحق افراد میں رقم کی تقسیم کےلئے ہفتہ اور اتوار کو بھی بینک کھلیں گے۔

    تفصیلات کے مطابق ملکی تاریخ کے سب سے بڑے ریلیف پیکج کا آغاز ہوگیا، احساس پروگرام کی سربراہ ڈاکٹر ثانیہ نشتر نے اے آر وائی سے گفتگو کرتے ہوئے کہا کہ ایک دن میں49.2ارب روپےبینکوں کومنتقل کردئیے اور آج صبح صرف ڈیڑھ گھنٹے میں 25ہزار افراد نے رقم نکلوائی۔

    ڈاکٹر ثانیہ نشتر کا کہنا تھا کہ  ملک بھر میں 17ہزار کیش تقسیم کاؤنٹرز قائم کر دئیے ہیں ، وزیراعظم نے رقم کی تقسیم کے لئے ڈھائی ہفتے کا وقت دیا ہے ، ڈھائی ہفتے میں ساری رقم بینکوں کےحوالے کر دیں گے ،رقم کی تقسیم کے لئے ہفتہ اور اتوار کو بھی بینک کھلیں گے۔

    انھوں نے کہا کہ روزانہ لاکھوں پیغامات مستحق افراد تک پہنچائے جا رہے ہیں بہت بڑا پروگرام ہے چینلجز اور مسائل کا بھی سامنا ہے جن کے پاس میسج آیا وہ لائنز میں لگ رہے ہیں۔

    معاون خصوصی کا کہنا تھا کہ  1871 پر پیغام بھیجنے پر 3طرح کے پیغام موصول ہوں گے ، آپ اس میسج کا انتظار کریں جس میں رقم دینےکی تاریخ دی گئی ہو۔

    ڈاکٹر ثانیہ نشتر نے کہا کہ پروگرام کی شفافیت کے لئے اسے مکمل غیر سیاسی رکھا گیا ہے، وزیراعظم نے زور دے کر کہا کہ پروگرام سیاسی نہیں ہونا چاہیے  اور  ہدایت دی گئی ہے کہ سماجی تحفظ کے پروگرام غیر سیاسی ہوں گے، پروگرام کی تشہیر میں کسی سیاسی رہنماء کی تصویر نہیں لگائی گئی

    گذشتہ روز احساس ایمرجنسی کیش پروگرام کےتحت مستحقین کیلئے ادائیگیوں کاآغاز کیا گیا تھا ، پروگرام کےتحت ایک کروڑ 20 لاکھ خاندانوں کو ماہانہ بارہ ہزار روپے دیئے جا رہے ہیں، پروگرام میں ملک بھرکےمستحقین میں 144 ارب روپےتقسیم کئےجائیں گے۔

    معاون خصوصی ثانیہ نشتر کا کہنا تھا کہ ادائیگی مراکزپرکورونا سےبچاؤ کیلئے خاص اقدامات کئے ہیں، کڑےوقت میں امداد ملنے پرشہری بھی حکومت کےشکرگزار ہیں، مختلف شہروں میں سترہ ہزار پوائنٹس بنائے گئے ہیں۔

    خیال رہے وزیراعظم عمران خان نے کہا تھا کہ ضرورت مندوں میں نقدرقوم کی منتقلی حکومت کابڑاکارنامہ ہے، پاکستان کی تاریخ میں کسی حکومت نے اتنی بڑی رقم کی تقسیم کاآغازنہیں کیا۔

  • 50 ہزار اسکالر شپس کن طالبات کو دی جائیں گی؟ اعلان ہوگیا

    50 ہزار اسکالر شپس کن طالبات کو دی جائیں گی؟ اعلان ہوگیا

    اسلام آباد : وزیراعظم کے معاون خصوصی ڈاکٹر ثانیہ نشتر کا کہنا ہے کہ احساس پروگرام تاریخ کاسب سے بڑا انڈرگریجویٹ اسکالر شپ پروگرام ہوگا ، پروگرام تمام سرکاری یونیورسٹیز میں مستحق طلبا کیلئے ہے، اسکالر شپس کیلئے اگلے سال کا پروگرام جون میں شروع ہوگا۔

    تفصیلات کے مطابق وزیراعظم کے معاون خصوصی ڈاکٹر ثانیہ نشتر نے پریس کانفرنس کرتے ہوئے کہا 4نومبرکواحساس گریجویٹ اسکالرشپس کا انعقاد ہوا تھا، 4 سال کے لئے 50ہزار اسکالر شپس دی جائیں گی، اسکالرشپس 50فیصد خواتین ،2 فیصد خصوصی افراد کیلئے ہے۔

    ڈاکٹر ثانیہ نشتر کا کہنا تھا کہ اسکالرشپ کیلئے 45ہزار سے کم آمدن خاندان ، میرٹ کو بھی دیکھا جاتا ہے ، ایک لاکھ 32ہزار192 درخواستیں ہمارے پاس اسکالر شپس کے لیے آئیں، 41 ہزار سے زائد درخواستیں خواتین کی تھیں۔

    معاون خصوصی نے کہا کہ کچھ طلبا کو وزیراعظم عمران خان آج اپنے ہاتھ سے اسکالرشپس دیں گے، احساس پروگرام ملکی تاریخ پہلا بڑاانڈر گریجویٹ اسکالرشپ پروگرام ہوگا، پروگرام کو چاروں صوبوں،گلگت بلتستان، آزاد کشمیر تک پھیلا دیا ہے۔

    مزید پڑھیں : وزیر اعظم ملکی تاریخ کے سب سے بڑے اسکالرشپ پروگرام کا آج آغاز کریں گے

    ان کا کہنا تھا کہ یہ پروگرام تمام سرکاری جامعات میں مستحق طلبا کیلئے ہے ، اسکالر شپس کیلئے اگلے سال کا پروگرام جون میں شروع ہوگا، اسکالرشپس پہلے سے طے شدہ فارمولے کے تحت یونیورسٹیز میں دی جائیں گی۔

    ڈاکٹر ثانیہ نشتر نے مزید کہا کہ اسکالرشپس کی پالیسی کامعاملہ اسٹیرئنگ کمیٹی دیکھتی ہے ، پرائیوٹ سیکٹر کیلئے اس سال اسکالر شپس نہیں کھولی جائیں گی، پرائیوٹ سیکٹر کیلئے اسکالرشپس کامعاملہ اسٹیرنگ کمیٹی میں دیکھاجائے گا۔

    خیال رہے احساس انڈرگریجویٹ اسکالرشپس پروگرام کے تحت اعلیٰ تعلیم کیلئے ہر سال50 ہزار طلبہ کواسکالر شپس دیئے جائیں گے جبکہ 50 فیصد کوٹہ طالبات کا ہوگا اور 2 فیصد اسکالر شپس خصوصی معذور طلبہ کو دی جائیں گی، اسکالرشپ کا دارومدار مستقبل میں طلبا کی تعلیمی کارکردگی پر ہوگا۔

  • بڑھتی آبادی قومی مسئلہ اورخطرہ بن کر ابھر رہا ہے ، ڈاکٹرثانیہ نشتر

    بڑھتی آبادی قومی مسئلہ اورخطرہ بن کر ابھر رہا ہے ، ڈاکٹرثانیہ نشتر

    اسلام آباد : معاون خصوصی ڈاکٹرثانیہ نشتر نے کہا بڑھتی آبادی سے قومی مسئلہ اورخطرہ بن کر ابھر رہا ہے، حکومت تنہا تمام مسائل سے نبردآزما نہیں ہوسکتی، قوم کو آبادی سے متعلق نظریات میں تبدیلی لانا ہوگی۔

    تفصیلات کے مطابق معاون خصوصی ڈاکٹرثانیہ نشتر نے تقریب سےخطاب کرتے ہوئے کہا ملکی آبادی میں گزشتہ30سال میں دگنا سے زائد اضافہ ہوا، دنیاکےدیگرممالک میں آبادی60 سال میں دگناہوتی ہے، بڑھتی آبادی قومی مسئلہ اورخطرہ بن کر ابھر رہا ہے۔

    ڈاکٹرثانیہ نشتر کا کہنا تھا آبادی میں تیزی سےاضافہ قابل تشویش اورقومی مسئلہ ہے، آبادی پر قابو پانے کےلیےصوبائی سطح پر اقدامات کی ضرورت ہے ، حکومت بنیادی سہولتوں کی فراہمی پرکام کررہی ہے۔

    معاون خصوصی نے کہا مؤثر اور سنجیدہ اقدامات سے ملکی مسائل حل کیے جاسکتے ہیں، آبادی میں اضافے سے صحت وتعلیم کی سہولتوں کا فقدان ہے اور عوام کو سہولتوں کی فراہمی کیلئے نجی وسرکاری شراکت داری ناگزیر ہے۔

    ان کا مزید کہنا تھا حکومت تنہاتمام مسائل سے نبردآزما نہیں ہوسکتی، قوم کو آبادی سے متعلق نظریات میں تبدیلی لانا ہوگی۔

    خیال رہے دنیا بھر میں آبادی کا دن منایاجارہاہے، ماہرین کے مطابق ایشیا سب سے زیادہ تیزی سے بڑھنے والی آبادی کا مرکز ہے اور دنیا کی زیادہ آبادی اسی خطے میں آباد ہے۔

    اس وقت دنیا کی آبادی پونے آٹھ ارب کے قریب ہے، آبادی میں اضافہ کی شرح یہی رہی تو بائیسویں صدی میں دنیا میں سانس لینے والے انسانوں کی تعداد ممکنہ طور پر گیارہ ارب سے تجاوز کر چکی ہوگی۔

    آبادی کا دن منانے کا مقصدآبادی اور وسائل میں توازن کی اہمیت کو اُجاگر کرنا اور اس کے ساتھ عالمی سطح پر بڑھتی ہوئی آبادی اور کم ہوتے وسائل کی وجہ سے سامنے آنے والی مشکلات اور چیلنجز سے نمٹنے کیلئے لوگوں میں شعور اور آگاہی پیدا کرناہے۔