اسلام آباد : سینیٹر ڈاکٹر شہزاد وسیم کو سینیٹ میں نئے قائد ایوان مقرر کردیا گیا ، سینیٹ ڈاکٹرشہزاد وسیم کو وزیراعظم عمران خان نے نامزدکیاتھا۔
تفصیلات کے مطابق پاکستان تحریک انصاف نے سینیٹ میں قائدایوان تبدیل کرنے کا فیصلہ کیا ، اس حوالے سے وزیراعظم نےنئےقائدایوان کیلئےچیئرمین سینیٹ کوخط لکھا ، جس میں سینیٹرڈاکٹرشہزادوسیم کوسینیٹ میں قائدایوان نامزد کیا گیا۔
چیئرمین سینیٹ نےڈاکٹر شہزادکی بطورقائدایوان تقررکی منظوری دے دی، جس کے بعد سینیٹر ڈاکٹر شہزاد وسیم سینیٹ میں نئے قائد ایوان مقرر کردیا اور سینیٹ سیکرٹریٹ نے نئے قائد ایوان کی تقرری کا نوٹیفکیشن جاری کر دیا۔
خیال رہے اس سے قبل سینیٹ میں قائد ایوان شبلی فراز تھے ، جنہیں وفاقی وزیر برائے اطلاعات مقرر کیا گیا تھا۔
یاد رہے چیئرمین سینیٹ صادق سنجرانی کی زیرصدارت سینیٹ اجلاس آج ہوگا ،اجلاس میں اراکین پارلیمنٹ کی تنخواہوں اور مراعات سے متعلق بل پیش ہوگا،وزیرِاعظم کے مشیر برائے پارلیمانی امور بابر اعوان بل پیش کریں گے۔
