Tag: Dr yasmeen rashid

گوجرانوالہ: وزیر صحت پنجاب ڈاکٹر یاسمین راشد کا کہنا ہے کہ مجھے فخر ہے کہ میرا رہنماعمران خان عورتوں کی عزت کرتا ہے، غیرت کے نام پر قتل گناہ کبیرہ ہے، خواتین کو تحفظ نہ دیا گیا تو پاکستان کبھی ترقی نہیں کرے گا۔

تفصیلات کے مطابق گوجرانوالہ میں وزیر صحت پنجاب ڈاکٹر یاسمین راشد نے بچی کی پیدائش سےمتعلق سیمینار پر خطاب کرتے ہوئے کہا میرے والدین نے میرےپیدا ہونے پر شکر اداکیا، میں نے نوازشریف کےخلاف الیکشن لڑا۔

وزیرصحت پنجاب کا کہنا تھا غیرت کے نام پر قتل گناہ کبیرہ ہے، غیرت کے نام پر قتل کے واقعات کاسن کردل روتا ہے، خواتین کو تحفظ نہ دیا گیا تو پاکستان کبھی ترقی نہیں کرے گا۔

ڈاکٹر یاسمین راشد نے کہا مجھے فخر ہے کہ میرا رہنماعمران خان عورتوں کی عزت کرتا ہے، اسپتالوں میں فرانزک اسپیشلسٹ فراہم کرنے کی حکمت عملی بنالی ہے۔

یاد رہے چند ماہ قبل صوبائی وزیر صحت ڈاکٹر یاسمین راشد کا کہنا تھا وزیراعظم عمران خان اپنا وعدہ ضرور پورا کریں گے کیونکہ ملکی خزانہ لوٹنے والوں کو این آر او نہیں ملے گا، کرپٹ مافیا کے خلاف جہاد جاری رہے گا۔

مزید پڑھیں : عمران خان ذاتی مفادات کے نہیں بلکہ ملک کےلیے وزیراعظم بنے ، یاسمین راشد

لاہور میں تقریب سے خطاب کرتے ہوئے وزیرصحت پنجاب کا کہنا تھا کہ عمران خان ذاتی مفادات کے نہیں بلکہ ملک کےلیے وزیراعظم بنے، قوم کو تھوڑا سا مشکل وقت برداشت کرنا ہوگا کیونکہ عمران خان کامیاب ہورہے ہیں۔

اُن کا کہنا تھا کہ تحریک انصاف عوام سے ہمیشہ سچ بولے گی اور غلط بیانی سے کام نہیں لے گی، ہم پر قومی خزانے سے ایک روپیہ بھی لینا حرام ہے، عوامی نمائندوں کو سیکیورٹی کی ضرورت نہیں اس لیے بغیر پروٹوکول ہی عوام میں موجود رہیں گے۔

صوبائی وزیر صحت نے کہا تھا ماضی کے حکمران قوم کو کھربوں ڈالر کے قرضے میں دھکیل کر چلے گئے، ہماری حکومت عوام کو اس مشکل سے نجات دلانے کے لیے نبرآزما ہے، عوام کو اپنی صفوں میں اتحاد برقرار رکھتے ہوئے تھوڑا سا مشکل وقت گزارنا ہوگا۔

لاہور : وزیر صحت پنجاب ڈاکٹر یاسمین راشد نے کہا ہے کہ نوازشریف کی رپورٹ ہیک کرنےکی کوشش کی گئی، گردوں سےمتعلق رپورٹ نارمل ہیں، کوئی خطرے کی بات نہیں۔

تفصیلات کے مطابق لاہور میں میڈیا سے گفتگو کرتے ہوئے وزیر صحت پنجاب ڈاکٹر یاسمین راشد نے کہا اس ملک میں جس کا کام کرنے کو دل نہیں کرتا، وہ سیاست کر رہا ہے، وائی ڈی اے نواز شریف کی بیماری پر سیاست کرنے والوں کی طرح سیاست کر رہی ہے۔

وزیر صحت کا کہنا تھا ڈاکٹرز اور فارماسسٹس سمیت محکمہ صحت میں جتنی بھی بھرتیاں ہوئیں، ہم نے آ کر کیں، ڈاکٹروں کی بھرتی کا کریڈٹ پچھلی حکومت کو  نہیں جاتا، ڈاکٹروں کی تنخواہوں میں اضافے کا نوٹس بے شک عدالت نے لیا تھا لیکن عملدرآمد ہم نے کروایا ہے۔

ڈاکٹر یاسمین راشد نے کہا کہ ایم ٹی آئی ایکٹ کسی لحاظ سے بھی ڈاکٹرز کیخلاف نہیں، پی ایم اے کے سنیئر ڈاکٹرز سے اس پر مشاورت ہو چکی ہے، اسپتالوں کو پرائیویٹائز کرنا ہوتا تو پی کے ایل آئی کو تحویل میں نہ لیتے، وائی ڈی اے اور تمام احتجاج کرنے والوں کو اس حکومت میں کام کرنا ہو گا۔

مزید پڑھیں : نوازشریف کو لندن بھیج دیں‌ تو زندگی کی کیا ضمانت ہے؟ یاسمین راشد

انھوں نے نوازشریف کی گردوں سےمتعلق میڈٰیکل رپورٹ درست قراردیتے ہوئے کہا کہ خطرے کی کوئی بات نہیں، ہم علاج کرانے کو تیارہیں مگر نوازشریف تیار  نہیں۔

صوبائی وزیرصحت کا کہنا تھا مریم نواز کے ٹوئٹ سے مریض کاذاتی نمبرعام ہوگیا، شوگر اگر کنٹرول نہ ہوتو اثرگردوں پر ہوتاہے، میں رپورٹ کوتشویشناک نہیں کہوں گی۔

یاسمین راشد نے کہا نوازشریف کوعلاج کےلیےہرسہولت دےرہےہیں، گردوں سےمتعلق نوازشریف کی رپورٹ نارمل ہیں، ان کی رپورٹ کو ہیک کرنےکی کوشش کی گئی ،مریض تویہ کہہ رہاہےکہ میں نےعلاج ہی نہیں کرانا، ہم نے علاج کی سہولتیں دینے سے کبھی انکار نہیں کیا۔