کراچی کے مقامی ہوٹل میں وفاقی وزیر منصوبہ بندی احسن اقبال نے فلم انڈسٹری اور ڈراما انڈسٹری کے نمائندوں کے ساتھ ایک اہم راؤنڈ ٹیبل ڈسکشن کا انعقاد کیا، جس کا مقصد پاکستان کی تخلیقی معیشت کو فروغ دینا تھا۔
ثقافت کسی بھی قوم کی پہچان اور ترقی کا آئینہ ہوتی ہے، اس سلسلے میں کراچی کے نجی ہوٹل میں شوبز انڈسٹری کو سپورٹ کرنے کے حوالے سے ایک راؤنڈ ٹیبل ڈسکشن رکھی کئی، کانفرنس میں ملک کے نامور فلم سازوں، ہدایت کاروں اور اداکاروں نے شرکت کی۔
پاکستانیوں کی محبت نے حیران کردیا، ایسا پیار کبھی کہیں نہیں ملا، اینگن التان
وفاقی وزیر احسن اقبال نے تخلیقی صنعت کو ملکی معیشت کا اہم جز قرار دیتے ہوئے کہا کہ فلم اور ڈراما نہ صرف تفریح کا ذریعہ ہیں بلکہ ملک کی پہچان کو مثبت انداز میں اجاگر کرنے کا طاقت ور ذریعہ بھی ہے۔
فلم اور ڈراما صرف تفریح ہی نہیں، بلکہ ایک مضبوط معاشرتی پیغام کا ذریعہ ہونے کے ساتھ ساتھ اس انڈسٹری کو نشوونما کرنے دیا جائے تو ملکی معیشت میں اہم کردار ادا کر سکتی ہے۔