Tag: Drawing

  • پیراگوائے نے حزب اللہ، حماس، القاعدہ اور داعش کو دہشت گرد تنظیمیں قرار دےدیا

    پیراگوائے نے حزب اللہ، حماس، القاعدہ اور داعش کو دہشت گرد تنظیمیں قرار دےدیا

    آسین:لاطینی امریکا کے ملک پیراگوائے نے القاعدہ، حزب اللہ، داعش اور حماس کو دہشت گرد تنظیموں کی فہرست میں شامل کر لیا۔

    تفصیلات کے مطابق وزیرداخلہ جاﺅن نے اس حوالے سے ایک پریس کانفرنس میں بتایا کہ حزب اللہ اور حماس کی جانب سے بین الاقوامی سطح پر کارروائیوں کا سلسلہ جاری ہے ، اس کا بڑا حصہ کرہ ارض کے مغرب میں ہے۔

    انہوں نے کہاکہ داعش اور القاعدہ تنظیمیں بھی اندرون و بیرون ملک سنگین نوعیت کے انفرادی اور اجتماعی خطرے کا باعث ہیں، اس موقع پر وزیر داخلہ کی جانب سے صحافیوں میں تقسیم کیے گئے بیان کے ساتھ ایک صدارتی فرمان کی 4 کاپیاں بھی شامل تھیں۔ اس فرمان پر پیراگوائے کے صدر نے دستخط کیے ۔

    بیان میں مزید کہا گیا کہ پیراگوائے دہشت گردی کے خلاف عالمی جنگ میں بھرپور طور پر تعاون کر رہا ہے۔ اس سلسلے میں وہ بین الاقوامی معاہدوں اور سمجھوتوں میں شامل ہے اور اقوام متحدہ میں بھی انسداد دہشت گردی کے تمام اقدامات کو سپورٹ کرتا ہے۔

    پیراگوائے کے (لبنانی نڑاد) صدر ماریو عبدو بینیٹز کی حکومت دہشت گردی کے انسداد کے سلسلے میں مزید مالی اقدامات کرے گی۔

    غیر ملکی میڈیا کا کہنا تھا کہ پیراگوائے کے سیکورٹی اور انٹیلی جنس اداروں کے پاس معلومات حزب اللہ کے سرحدی شہروں میں جرائم پیشہ تنظیموں کے ساتھ تعلقات کو واضح کرتی ہیں۔ اس میں برازیل اور ارجنٹائن کے ساتھ سرحدی تکون کی جانب اشارہ ہے۔ یہاں 10 ہزار سے زیادہ عرب رہتے ہیں جن میں زیادہ تر لبنانی ہیں۔

    پیراگوائے کے وزیر داخلہ کے مطابق یہاں حزب اللہ منشیات کی اسمگلنگ، مالکانہ حقوق کے سرقے اور منی لانڈرنگ میں شریک ہے۔

  • ٹائپ رائٹر سے منفرد فن پارے تیار کرنے والا بھارتی مصور

    ٹائپ رائٹر سے منفرد فن پارے تیار کرنے والا بھارتی مصور

     دنیا کے جانے مانے مصوروں نے اپنے اپنے انداز ا میں اپنے فن  کا مظاہرہ کیا، لیکن ایک بھارتی شہری ایسا بھی ہے جو فن پاروں کی تخلیق کے لیے برش، پینسل یا پینٹ کا نہیں، بلکہ پرانے زمانے میں استعمال ہونے والے ٹائپ رائٹر کا استعمال کرتا ہے۔

    غیر ملکی خبر رساں ادارے کے مطابق ممبئی کے رہائشی 72 سالہ چندرا کانت بھیدی ٹائپ رائٹر سے اداکاروں، مذہبی رہنماؤں، سیاسی شخصیات، کھلاڑیوں اور کارٹونوں کے ایسے فن پارے تیار کرتے ہیں کہ دیکھنے والا حیران رہ جائے۔

    بھارتی شہری چندرا کانت بھیدی نے گذشتہ 50 برس کے دوران اپنے انوکھے فن کا مظاہرہ کرتے ہوئے ٹائپ رائٹر کی مدد سے 150 سے زائد تصویریں بناچکے ہیں۔

    منفرد فن پارے تیار کرنے والے چندرا کانت نے غیر ملکی نیوز ایجنسی کو بتایا کہ ’میں اب تک اندرا گاندھی، چارلی چیپلن، جواہر لعل نہرو سمیت کئی شخصیات کے فن پارے تیار کرچکا ہوں، مصوری میرا شوق اور مشلغہ ہے۔‘

    غیر ملکی میڈیا کے مطابق چندرا کانت اب تک اپنے منفرد فن پاروں کی  12 ایگزیبیشنز کا انعقاد کرچکے ہیں۔

    چندرا کانت کا کہنا ہے کہ میں بچپن میں آرٹ اسکول میں داخلہ لینا چاہتا تھا لیکن میرے والدین اخراجات برداشت نہیں کرسکتے تھے، لہٰذا مجھے اسٹینوگرافی کی تربیت دلوائی گئی، پھر میں نے اسی تربیت کو اپنے فن کے اظہار کا ذریعہ بنا لیا۔

  • تصویر میں چھپا جہاز تلاش کریں

    تصویر میں چھپا جہاز تلاش کریں

    کراچی: سماجی رابطوں کی ویب سائٹس پر کچھ ایسی تصاویر کا سلسلہ جاری ہے جن میں کوئی نہ کوئی خاصیت چھپی ہوتی ہے اور صارفین کو اس تصویر کی خصوصیت جاننے کا موقع بھی دیا جاتا ہے۔

    گزشتہ دنوں انٹرنیٹ پر وائرل ہونے والی ایک تصویر نے صارفین کو چکرا کے رکھ دیا، بظاہر عام سی نظر آنے والی اس تصویر میں ایک جہاز چھپایا گیا ہے جسے تلاش کرنے میں بہت کم لوگ کامیاب ہوئے۔

    اس تصویر میں گلابی اور سرخ رنگ کی اسٹار فش بنائی گئی ہیں جبکہ لوگوں کو چکرانے کے لیے اس میں گھاس بھی بنائی گئی ہے تاہم اس تصویر میں جہاز بناکر اُسے بہت خوبی سے چھپایا گیا ہے۔

    اس تصویر میں آرٹسٹ نے چھپے جہاز کو تلاش کرنے کا چیلنج دیا ہے، اگر آپ بھی تصویر میں چھپی چیز تلاش کرنے لگیں گے تو گھنٹوں اسکرین پر موجود تصویر کو گھورتے رہیں گے مگر جہاز ڈھونڈنے میں ناکام نظر آئیں گے، اب تک اس تصویر میں چھپے جہاز کو ایک محتاط اندازے کے مطابق صرف 10 فیصد افراد ہی کامیاب نظر آئے۔

    یہ تصویر پزل ٹریول بیگ کی جانب سے تیار کی گئی جس سے متعلق کہا گیا ہے کہ ’’یہ تصویر اُن لوگوں کے لیے تیار کی گئی ہے جنہیں اپنی صلاحیتوں پر اعتماد ہے اور وہ اپنے آپ کو بہت ذہین سمجھتے ہیں‘‘۔

    تصویر کو تلاش کرنے کے لیے آپ کے پاس 20 سیکنڈ کا وقت ہے۔

    11

     دیکھیں:  کیا آپ اس تصویر میں موجود خوبی تلاش کرسکتے ہیں؟

    یہ بھی دیکھیں: اس تصویر میں ایک اورجانور چھپا ہے‘ کیا آپ ڈھونڈ سکتے ہیں؟